02.11.2020

02.11.2020, कार्तिक (कतक) गटॖ पछॖ (कृष्ण पक्ष) द्वय (द्विती) च़ऺन्दॖरवार (सोमवार) सप्तर्षि सम्वत 5096, राश वृष (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-108)

च़्यतॖ त्वरुग गगनॖ ब्रमॖवोन

निमीशि अकि छ़ंडि यूज़नॖ लछ़

च़ीतनॖ वगि ब्वदि रऺटिथ ज़ोन

प्राण अपान संदऻरिथ पखॖच

           अर्थात

चित रूपी घोडा आकाश में भ्रमण   करने वाला है। एक पलक में लाखों योजन तय करता है। प्राण अपान, अर्थात श्वासोश्वास रूपी पंखों को दृढ बनाकर चेतन एवं जागरूक बुद्धि रूपी लगाम से काबू करना (मैं ने) जान लिया। अर्थात इस को काबू करना चाहिए।

भावार्थ :- प्राणायाम से मन को नियंत्रण में रखने पर बल दिया है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. चऻब्य (Key)

2. चापलूस (Sycophant)

3. चापलूसी (Flattery/Sycophancy)

4. चाचॖ (Uncle/Younger brother of father)

5. चारबंद (Limb/Joint)

               मुहावरॖ

1. मु: दऺह गज़ ह्यॊर क्याह दऺह 

         गज़ ब्वन क्याह

    अ: हिशी कथा बोज़ॖन्य

2. मु: दऺह गज़ सऺन्य क्याह दऺह

         गज़ व्वगॖन्य क्याह

    अ: यॆलि नॖ ज़्यादॖ या कमॖ 

          सॗत्य कांह फरॖख प्यॆयि

 3. मु: दऺह चंदस दऺह वंदस दऺह

          शांदस

     अ: यॆलि नॖ कथ साफ़ पऻठ्य

          वनॖनॖ यी

       (पनॖन्य शुर्य ह्यॆछॖनऻव्यूख)

**************************

पंचान्ग:- तरवुन छु करनोव हख दिथ छु वनन, कांह मा सऻ तऺरिव अपोर। यि बऻथ प्यव म्यॆ याद राथ यॆलि म्यान्यन कनन गव अख आडियो यथ मंज़ क्वसताम बहन जी बूज़ॖम ज़ारॖ पारॖ करान पनॖन्यन समाजक्यन कऻशिर्य बट्टन ज़ि कऺशीरि वापस तरनॖ बापथ कऺर्यतव हां। आडियोहस मंज़ छि स्व वनान ज़ि इकॖवटॖ सऺम्यतव, कुनी कथ कऺर्यतव तॖ बालॖ अपोर तऺर्यतव। मास्टर ज़िन्दॖ कौलन ल्यूखमुत बऻथ छु संसार निश म्वख्ति प्रावनॖ बापथ मगर यि बऻथ छु अज़कल म्यॆ बासान सानि बापथ त्युथुय मतलब थवान ताकि असि मैलि म्वख्ती यॆलि ॳस्य वापस कऺशीरि गछ़व पनॖन्यन पंनॖन्यन गरन मंज़ यिम ॳस्य त्रऻविथ आयि अज़ त्रॖह अक्त्रॖह वऺरी ब्रोंठ खोफ़ज़द गऺछ़िथ। म्यॆ तॊर नॖ फिकिरी ज़ि आडियो बनावनुक ज़रूरथ क्याज़ि प्यव म्यानि बहन जी। रुकऻविथ कुस छु असि बटन वापस गछ़नॖ निशि? मगर गछ़न कॊत, बॆहन कति, कमन मंज़, क्याज़ि बॆहन, क्याह सूंचिथ बॆहन, कम बऻच़ ह्यथ बॆहन?कुस भविष्य ह्यथ बेहन? यिम शुर्य व्यलायथ कुन क़दम कऺडिथ छि तिम फेरना पॊत तॖ कऺशीरि गछ़न ब्यॆयि तिमन ल्यकन थ्वकन बोज़नॖ बापथ यिम बूज़्य बूज़्य तिहिन्द्य ज़िठ्य अथन फ्वख दिवान बऺचिथ द्रायि तति प्यठॖ, यिहन्द्यन मकानन लूठ कॊरुख, यिम जायि ज़ऻलिथ छ़ॖन्यख, यिहिन्द्य शुर्य क़तॖल आयि करनॖ। तिम मुसलमान बदलॆयि कति, तिम मुसलमान म्वकलेयि कति। वख गव नीरिथ कति कोर। हना कऺरिव ग़ोर, तॊह्य कमन छिवॖ करान ज़ोर, वऺलिव सऺमिव तॖ तऺरिव अपोर। वुनि हम्यव नॖ तति शोर। आतंक छु वनि तिमन लोर। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)