22.11.2020

22.11.2020 कार्तिक (कतक) ज़ूनॖ पछॖ (शुक्ल पक्ष) ॴठम (अष्टमी) आथवार (रविवार/ ऐतवार) श्री सप्तर्षि सम्वत 5096, राश कुम्भ (चलान)ऋतु हेमन्त (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

       (पराग पुस्तक- 128)

मऻरिथ पांछ़ बूथ तिम फल हंड्य

च़ीतन दानॖ वखुर ख्यथ

तवय ज़ानख परमॖ पद च़ंड्य

हिशी खॊश खोवुर कोह ति ना ख्यथ

               अर्थात

उन पांच भूतों को मारो जो मोटे भेडूं की तरह हैं। जो मनुष्य की चेतन शक्ति रूपी दाने की नहारी खाकर मोटे ताज़े हो गए हैं। इन्हें मार कर ही तुम परम पद को पा सकते हो। फिर ये दायें जाए या बायें तो कोई अंतर नहीं पडता।

भावार्थ:- काम, क्रोध, लोभ, मोह तथा अहंकार मनुष्य की चेतन शक्ति का उत्कृष्ट उपयोग करते हैं और दिनोंदिन इनका क्षेत्र बढता ही जाता है। इनको मार कर अर्थात नियंत्रण में रखकर मनुष्य को परम पद मिल सकता है। फिर इनके कहीं दायें कहीं बायें या उलटा सीधा जाने यहां तक कि इनके भोगने से कोई अंतर नहीं पडता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              *********

1. हालस (For the time being)

2. हबसि दुवाम (Life imprisonment/confinement in a place)

3. हतुल इमकान (To the best of one's ability)

4. हतमी (Definite/Categorical/Sure/Certain/Final)

5. हताकि (Until /To the extent of/Till/So that)

              मुहावरॖ

1. मु: छ़ऺल्य न तॖ बऺल्य, प्यॆठ न तॖ

         तऺल्य

    अ: कुनि न तॖ कुनि तऺरीकॖ कॆंह

         हऻसिल करुन

2. मु: छ़लस तल छु हॊस ति बंद

    अ: छ़ॊम्बि सॗत्य ह्यॆकि कांह 

         बॊड ताकत ति वश गऺछ़िथ

3. मु: च़म तॖ नम वऺसिथ 

         ऱवख्सथ

    अ: मॆहनत मश्कत कऺरिथ ति नॖ

         कॆंह हऻसिल युन

       (शुर्य पनॖन्य ह्यॆछनऻव्यूख)

**************************

पंचान्ग:- कशीरि मंज़ ब्याख अख थदि पायुक संत ओसमुत छु स्वामी स्वनॖ काक। स्वनॖ बोय, स्वनॖ बब या स्वनॖ मॊत नावॖ सॗत्य ति छु ओसमुत यि संत ज़ानॖनॖ आमुत। सन्नॖ 1879 ईस्वी मंज़ दपान आमुत ओस ज़न्मस स्वामी स्वनॖ काक श्रीनगरॖ खरयार मऺहल्लस मंज़। स्वामी स्वनॖ काक दपान ग्वडॖ ग्वडॖ ओस पनॖनिस मऻलिस पूज़ायि पाठस मंज़ मदद करान ति क्याज़ि ॳम्यसुन्द मोल ओसमुत छु अख ब्रह्मुन तॖ ओस क्वल ब्रह्मुन कॆंच़न यॆज़मनन। अमि अलावॖ दपान यि स्वनॖ काक ओस नऺज़दीकॖय अकिस शुमशान घाठस मंज़ गऺछ़िथ व्वपासना करान तॖ कॆंच़ॖ कऻल्य पतय दपान मीज्य स्वनॖ काकस सिद्धी। यि सिद्धी मेलनॖ सॗत्य दपान ह्यॆत्य स्वनॖ काकन कॆंह करॖशमॖ करॖन्य।स्वनॖ काक दपान ओस फ़ेरान वति वति, कोचॖ कोचॖ तॖ वानॖ वानॖ। वनान छि ज़ि स्वनॖ काकुन स्वभाव ओस व्यॊख्तॖय बन्योमुत। कुनि कुनि सातन ओस यि अजीब मच़र करान, लूकन खोच़नावान, वॊहवॊह करान तॖ अमिस ॴस्य शुर्य टावस ति तुलान। ज़ऻहिर छु ज़ि यिछ़ॖ हरकच़व मूजब ॴस्य ॳमिस स्वनॖ मॊत ति वनान मगर सिद्धी हऻसिल करनॖ सॗत्य ओस यि स्वनॖ काक अंदॖर्य अंदॖर्य पनॖनि अंतरात्मायि शक्ति दऺस्य परमात्माहस सॗत्य मीलिथ गोमुत। दपान यि शख़स ओस नज़रि यिवान दुकानदारन निश तमोक च्यवान या सिग्रेट च्यवान। वति पकवॖन्य लूकन मंगान रोज़ान सिग्रैट तॖ च्यवान रोज़ान ओस शोदन हॖन्द्य पऻठ्य। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)