03.11.2020

03.11.2020, कार्तिक (कतक) गटॖ पछॖ (कृष्ण पक्ष) त्रय (तृतीय)बॊम्वार (मंगलवार), श्री सप्तर्षि सम्वत 5096, राश वृष (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

        महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

        (पराग पुस्तक-109)

च़्यतॖ त्वरुग वगि ह्यथ रॊटुम

च़्यलिथ मिलविथ दशि नऻड्य वाव

तवय शशकल व्यगलिथ वऺछॖम

शुन्यस शुन्या मीलिथ गव

              अर्थात

चित रूपी घोडे को दसों नाडियों समेत कस कर मैं ने थाम लिया।उसी से ब्रह्मांड से टपकता अमृत पान करके शुन्य अर्थात परमात्मा के साथ विलीन हो गई।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. चारपाय (Cot/Bed)

2. चार चॆशिम (Untrust worthy/Faithless/Treacherous)

3. चार खानॖ (Checkered (cloth) check)

4. चार दीवऻरी (Enclosure/Boundry wall/The four surrounding walls of a piece of house

5. चार मग़ॖज़ (Various fruit seeds used together for medicinal purposes)

                मुहावरॖ

1. मु: दऺह चंदस दऺह वंदस दऺह

         शांदस

    अ: यॆलि नॖ कथ साफ़ पऻठ्य

          वनॖनॖ यी, या, प्रथ कुनि 

          चीज़ुक बराबर खयाल

          रोज़ुन

2. मु: दऺह बऻच़ काह ज़ऻच़

    अ: मिज़ाज़ ब्यॊन ब्यॊन,या,

         यॆलि नॖ सारिनी बऻच़न कुनी

         राय आसि

3. मु: दारो कऺम्यू फाटवुख, 

         दॊपनस पनॖनी पऺन्य

    अ: यॆलि पनॖनुय न्वकसान

         वातॖनावि

       (पनॖन्य शुर्य ह्यॆछॖनऻव्यूख)

**************************

पंचान्ग:-  ॳस्य कऻशिर बट्टॖ छि सोंचान ज़ि यॊदवय वापस तरुन प्यॆयि कऺशीरि तॖ तति कुस कून रटव रोज़नॖ बापथ। पनुन कशमीर संस्था छि यछ़ान ज़ि व्यथि हुन्द अख तरफ़ रोज़ि मुफीद सानि बापथ, संपूर्ण कश्मीर संगठन संस्था छि दपान ज़ि सऻरी कऺशीर गछ़ि मैलॖन्य असि रोज़नॖ बापथ। सरकार छु आमादॖ असि दऺहन ज़िलन मंज़ बसावनॖ बापथ तॖ कॆंह ब्यॆयि संस्थायि छि दपान ज़ि न यि तॖ न हु। तिम दपान असि छु वापस गछ़ुन पनॖन्यन शर्तन प्यठ। शर्त छि क्याह अथ प्यठ छि न अख राय बनान। ॳड्य बट्टॖ छि दपान ॳस्य ह्यकव नॖ तिमन कऻतिलन मंज़ ब्यॆयि बऺसिथ ख़ास तोर पऻठ्य तिम यिमन ज़ख वोतमुत छु अज़ त्रॖह अक्त्रॖह वऺरी ब्रोंठ, ॳड्य बट्टॖ छि दपान ज़ि तति छु वुनि ति शोर शॊराबॖ, यॊत ताम नॖ यि ख़तम गछ़ि तॊत ताम छु नॖ वापस गछ़नुक सवालॖय। कॆंह छि दपान ज़ि ग्वडॖ गछ़ि तिमन सज़ा यिनॖ दिनॖ यिमव तति सऻन्य जिगर-खऻन्ठ्य गोल्यव सॗत्य गऻल्य, लॆतर्यव सॗत्य क़तरऻव्य तॖ वुनि ति छि तिम आज़ाद रूज़िथ तॖ सरकार छु ॴस त्रॊपरिथ। म्वखतसर पऻठ्य छु म्यॆ वनॖनुक यि मतलब ज़ि असि छि वाकऺय काहन गाव रऻवमॖच़। छ़ान्डॖनि द्रायि सऻरी वुन्युखताम मीज्य नॖ कऻन्सी। कूशिश छि सऻरी पनॖनि पनॖनि जायि करान तॖ पनॖनि पनॖनि आयि करान। अड्यन छि यि कूशिश ख्वश करान तॖ अड्यन छि यि कूशिश सख़ खरान। महामऻरी मंज़ ब्याख महामऻरी। दय कऺरिन्य पनॖन्य यऻरी। कथ छि जऻरी। 

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)