06.11.2020

06.11.2020, कार्तिक (कतक) गटॖ पछॖ (कृष्ण पक्ष) शॆयम (षष्ठी) शॊकुरवार (शुक्रवार/जुम्मा) श्री सप्तर्षि सम्वत 5096, राश कर्कट (रऻच़ हॖन्ज़ॖ 1.47  बजि प्यठॖ),ऋतु हरुद (शरद) (चलान)...चूंकि शॆयम छि ज़ॖ गछ़ान, ॳज़्युक वॊहरवोद यी पगाह याने सऺतिमि नवम्बर 2020

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-112)

त्रॆयि न्यंगि सरा सरॖय सरस

अकि न्यंगि सरस अरशस जाय

हरम्वख कवसरॖ अख सुम सरस

सति न्यंगि सरस शिन्याकार

              अर्थात

इस वाक् में लल अपने अनेक जन्मों का स्मरण करके कहती है, मुझे याद है कि मैं ने तीन बार सतीसर को सरों में प्रथम श्रेणी में देखा। एक बार इसका पानी आकाश से बातें करता था। जिस के ऊपर हरमुख से कौंसरनाग तक एक ही पुल देखा और सात बार इस सर को शून्य आकार अर्थात बिना पानी के देखा।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. चाव (Interest/Keenness/Eagerness/Longing/Desire)

2. चावुन (To cause to drink/Give a drink)

3. चाह (Ditch/Well/Pit)

4. चाहत (Want/Need/Fondness/Love)

5. चाय दऻन्य (Tea pot/Tea kettle)

                मुहावरॖ

1. मु: दऻर गोंछ़ि रॊस

    अ: नाबाल्येग

2. मु: दबस प्यठ द्रुस

    अ: मुसीबथस प्यठॖ मुसीबथ

         युन

3. मु: दब छु नॖ कऻन्सि हुन्द बब

         ज़ि पास गछ़्यस

    अ: मुसीबथ ह्यॆकि कऻन्सि ति

         यिथ

          (पनॖन्य शुर्य ह्यॆछॖनऻव्यूख)

**************************

पंचान्ग:- कऺशीरि मंज़ ॴस वख अकि ज़ॖ पंचान्ग याने ज़ॖ जंत्री आसान, अख ॴस आसान पंडित प्रेम नाथ शास्त्री सऻबॖन्य तॖ दॊयिम ॴस आसान ब्रह्मण मंडली वाल्यन हॖन्ज़।चूंकि प्रेम नाथ शास्त्री जी दपान ओस पठिथ ज्योतिष तॖ यिथय पऻठ्य दपान ॴस्य थदि पायिक्य ब्रह्मण आसान ब्रह्मण महा मंडली मंज़।वख गव पकान तॖ अख दौर आव ज़ि ब्रह्मन महामंडली छ़ॊकेयि वारॖ वारॖ तॖ तति रूद नॖ कांह पठित ब्रह्मण। यपऻर्य आव डाक्टर मनमोहन जी बारसस यॆम जंत्री ह्यच़ि बनावनि। ब्रह्मण महामंडली गऺयि गऻबॖय। रोज़ॖ ब्यॆयि तिमय ज़ॖ जंत्री सानि बापथ मगर यिमन द्वन छॆ नॖ पानवुन्य कुनी कथ। मंज़ॖ मंज़ॖ छि यिमन द्वन जंत्रियन पानवुन्य पंचान्गस मंज़ फरॖख यिवान तिथियस मंज़ या वारि मंज़ या कांह बॊड द्वह हावनस मंज़ यॆमि म्वखॖ ॳस्य छि दु च़्यॆतिस मंज़ गऺछ़िथ परेशान गछ़ान तॖ छि नॖ ह्यकान फऻसलॖ कऺरिथ ज़ि ठीख कुस छु। मजबूरी मंज़ छि ॳस्य तऺथ्य पऺचान्गस प्यठ विश्वास करान, युस पंचान्ग या जंत्री सऻनिस गरस मंज़ आसान छि या यॊदवय कांह फुठ कड़ान छु ज़ि ठीख कुस ह्यु छु तॆलि छि पनॖन्य नाव तूर्य कुन त्रावान भगवान सुन्द नाव ह्यथ। अमि बगऻर असि कॆंह चारॖ छु नॖ रोज़ान। कथ छि जऻरी। मऻज्य दीवी करॖन्य असि सारिनी यऻरी।दूर गछ़ॖन्य महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)