28.11.2020

28.11.2020 कार्तिक (कतक) ज़ूनॖ पछॖ (शुक्ल पक्ष) त्रुवाह (देवादेव) (त्रयोदशी) (देवादेव) बटॖवार (शनिवार/शनिश्चरवार) श्री सप्तर्षि सम्वत 5096, राश मेष (चलान) ऋतु हेमन्त (चलान)

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक- 134)

शिन्यहुक मऻदान कॊडुम पानस

म्यॆ ललि रूज़ॖम न ब्वद न होश

व्यज़ॖय सऻन्पनॖस पानय पानस

अदॖ कमि गिलि फॊल्य ललि पम्पोश

             अर्थात

मैं ने शून्य अवस्था को पार किया तो मुझे कोई होश न रहा। ललेश्वरी के शब्दों में कि मैं ने अपने आप को स्वयं जान लिया तो मेरे गिल फूलों के स्थान पर कमल खिल उठे।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            ********

1. ख़ाम (Unripe)

2. ख़ामख़ा (Without any reason/Surely/Positively/Intentionally)

3. ख़ामोश (Silent)

4. ख़ामोशी (Silence/Calmness)

5. खऻक्य (Clay colour)

             मुहावरॖ

1. मु: सिर गव फाश कथि द्राव

         वाश

    अ: कुनि मस्लुक हल कांह 

          राज़ नॊन नेरनॖ सॗत्य गछ़ुन

2. मु: सिर सान पीरॖ माहराज़ॖ 

         आव

    अ: ॴलिम तॖ कऻमिल इन्सान

          छिनॖ हाव बावस प्यठ

          यॆकीन करान

3. मु: श्रण्डॖ च़ुवान हर, यॊत ताम 

          नॖ अख मरान तॊत ताम छि

          नॖ पॊत ह्यवान

    अ: हिवी ताक़तवर इन्सान 

         हरगाह लडऻय करन तिम 

         छि नॖ आसऻनी सान पॊत

         ह्यवान

          (पनॖन्य शुर्य ह्यॆछॖनऻव्यूख)

**************************

पंचान्ग:- कऺशीरि मंज़ श्रीनगरॖ शहरॖ बानॖमऺहल्लॖ ओस ज़न्मस आमुत यि शखॖस सन्नॖ 1898 ईस्वी मंज़। ॳमिस ओस नाव आमुत दिनॖ गोपी नाथ। मऻलिस ॳम्यसॖन्दिस दपान नाव ओसमुत ओस नारायण जुव भान तॖ ॳम्यसॖन्ज़ि माजि हुन्द नाव छु ओसमुत हारॖमाल। दपान यॆलि गोपी नाथ ल्वकुट ओस, ॳम्यसॖन्दिस मऻलिस माजि छु प्योमुत पुशतैनी गरॖ त्रावुन किथताम पऻठ्य तॖ डेरॖ डगॖ ह्यथ छु ॳम्यसुन्द मोल मऻज्य रूदमुत यि शुर ह्यथ फेरान ब्यॊन ब्यॊन जायन। दपान गोपी नाथ जियिन मऻल्य छि वुछमॖच़ स्यठाह गुर्बत तॖ पऻसॖच तंगी। अवॖ म्वखॖ दपान गोपी नाथ ह्यॊक ॷठिमि जमऻच़ तामॖय पऺरिथ तॖ ह्यॆच़ॖन नोकरी करॖन्य। वनॖनॖ छु यिवान ज़ि गोपी नाथ बन्यव कम्पोज़र तॖ लॊग फ़तेह कऺदलॖ विश्वानाथ प्रेसस मंज़ कऻम करॖनि। दपान अमि कामि सॗत्य ओस नॖ मुतमऺयिन गोपी नाथ तॖ ॳम्य खूल वऻन्य वान स्यॆकिडाफरॖ तॖ तमि पतॖ वऻन्य यारॖ। दपान यी करान करान दिच़ गोपी नाथस पनॖन्य अंतरात्माहन क्याहताम दॖनन हिश तॖ ॳम्य त्रोव यि सोरुय कारोबार तॖ ह्यॆच़ॖन साधनाय मंज़ रूज़िथ अध्यात्मॖकॖच वथ छ़ारॖन्य। अति प्यठॖ दपान गव गोपी नाथ जियस रुहऻनियतुक सफ़र शुरु तॖ बदल्यव अम्यसुन्द रूप तॖ च़ाव संतन हॖन्ज़ि लऻनि मंज़। हालांकि दपान छि ज़ि गॊपी नाथ जियस ओस ल्वकॖचारॖ पानॖ प्यठय अध्यात्मकुक ज़्वन तॖ सु ज़ॆहनस मंज़ ॴसिथ दपान यि रूद अंदस ताम ब्रह्मचऻरी तॖ लॊग भगवास छ़ारनि बाकय संतन पतॖ पतॖ फिरिथ, पूजास्थलन गऺछ़िथ, तीर्थन हॖन्ज़ यात्रा कऺरिथ। पनॖनिस अथ रूहऻनी सफ़रस मंज़ सपॖज़ वारिहान थदि पायक्यन संतन सॗत्य गोपी नाथ जियस मुलाक़ात रू ब रू। दपान स्वामी ज़नॖ काकस सॗत्य ति म्यूल गोपी नाथ जी तॖ यि सपुद यूत मुतऻसिर तऺम्यसॖन्ज़ि साधनाय सॗत्य तॖ बनोवुन पनुन ग्वर। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)