23.11.2020

23.11.2020 कार्तिक (कतक) ज़ूनॖ पछॖ (शुक्ल पक्ष) नवम (नवमी) च़ऺन्दॖरवार (सोमवार) श्री सप्तर्षि सम्वत 5096 राश कुम्भ (चलान) ऋतु हेमन्त (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी।  दुर्गा क्षमा शिवा धात्री स्वहा स्वधा नमोस्तुते

**************************

                लल वाक्

         (पराग पुस्तक-129)

म्यथ्या कपट असथ त्रोवुम

मनस कॊरुम सुय व्वपदीश

ज़नस अंदर कीवल ज़ोनुम

अनस ख्यनस कुस छुम दीश

              अर्थात

मैं ने मिथ्या कपट और असत्य छोड दिया और मन को ऐसा ही करने का उपदेश दिया। हर जन में उसी परमेश्वर को देखा फिर (व्रत के दिन) अन्न खाने में क्यों घृणा है।  अर्थात ललेश्वरी उस स्तर पर पहुंच चुकी थी जिस को पाने के लिए व्रत को धारण किया जाता है।

भावार्थ:- पूर्णता को प्राप्त कर व्रतों के दिन खाना खाने में कोई दोष नहीं है। व्रत तो मन को दृढ तथा पवित्र बनाने और झूठ कपट छल आदि से छुटकारा पाने के लिए धारण किया जाता है। ललेश्वरी ने छल आदि को त्याग दिया था। इस कारण व्रत के दिन अन्न खाने में उन्हें कोई दोष नहीं था। 

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. ख्वाब/स्वपन (Dream/Delusion/Vision/Fantasy)

2. ख्वाब वुछुन (To have a dream/Dream a dream)

3. ख्वाबो ख़याल (Delusion/Vision/Fantasy)

4. ख्वाब गछ़ुन (Not to be visible/Not to be seen)

5. खऻतिमॖ (End/ Finish/Conclusion)

                   मुहावरॖ

1. मु: सऻलाब छु ऒन

    अ: सऻलाबस मंज़ छु प्रथ 

         कांह चीज़ यीरॖ गछ़ान

2. मु: सऻरी न्याय छि सऺहल तॖ 

         लानि न्याय छु महल

    अ: सऻरी न्याय छि सऺहल

         अमापॊज़ कॖसमतुक न्याय

         अंज़रावुन छु सख़

3. मु: सासन डास वथरुन नॖ 

         वगुव

    अ: बॆ-वतीरॖ खर्चावुन

        (शुर्य पनॖन्य ह्यॆछनऻव्यूख)

**************************

पंचान्ग :- स्वनॖ काक दपान छुनॖ रूदमुत कुनि ॳकिस जायि मुस्तकॖल पऻठ्य। शुरुअस मंज़ ओस स्वनॖ काक पनॖनि पुशतऻनी जायि कॆंच़न वऺरियन रूज़िथ याने 1928 ईस्वी ताम। अमि पतॖ दपान स्वनॖ काक वोत ॴल्य कऺदल तॖ रूद तति च़्वदहऻन वऺरियन पंडित श्रीधर जु धर सॖन्दि गरि। तति त्रोवुन सोरुय पनुन सामान यि कॆंछ़ा ओसुस तॖ वोत ब्यॆयिस ॳकिस भक्तस निश यस नाव ओस श्याम लाल। रुहऻनियतुक थज़र ओस स्वनॖ काकन प्रोवमुत यूत ज़ि दपान ॳम्य ॴस्य पनॖनि निर्वान सप्दनॖच भविष्यवऻणी कॆंह कालॖ ब्रोंठय कऺरमॖच़। वनन वऻल्य छि वनान ज़ि निर्वान सपदॖनॖ ब्रोंह ओस ॳम्य मंगनोवत ज़ामुत द्वद ख़ोस तॖ यिहऻय भोवुन व्यतस्तायि मंज़ महाकऻली मन्दरस याने खानका कुन बुथ कऺरिथ। अमि पतॖ दपान मंगनोवुन डूंगॖ तॖ वोत पनॖन्यन भक्तन सॗत्य पॊखरीबल हवन सामग्री ह्यथ। तॊत वऻतिथ दपान स्वनॖ काकन वॊन सारिनी ज़ि माजि छुनस बॖ याद कॊरमुत तॖ यी वनॖनॖ पतॖ दपान मिलनऻव यि हवन सामग्री तऺम्य तऺत्य पॊखरीबलॖ नागस मंज़। पॊखरीबलॖ प्यठॖ आव वापस खरॖयार तॖ वती दपान कऺडिन्य पनॖन्य सऻरी पलव गद्दाधर मंदरस निश वऻतिथ तॖ पद्मासन करान करान गव समाधि मंज़ सन्नॖ 1942 ईस्वी मंज़।  ॳम्यसॖन्द्यव भखतव दपान न्यू ॳम्यसुन्द शव खरॖयार दर्शनॖ बापथ। दपान स्वामी स्वनॖ काकनि यछ़ाय मूजूब आव ॳम्यसुन्द दाह संस्कार करनॖ तऺथ्य जायि यॆमि शुमशानुक नाव ओस ॳम्य ग्वडय भक्तन वॊनमुत हालांकि पानॖ दपान ॴस नॖ ॳम्य स्व जाय ज़ांह ति वुछमॖच़ यॆति ॳमिस अन्तिम संस्कार आव करनॖ। यि ॴस स्वामी स्वनॖ काकॖन्य जीवनी। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)