17.11.2020

17.11.2020 कार्तिक (कतक) ज़ूनॖ पछॖ (शुक्ल पक्ष) त्रय (तृतीय) बॊम्वार (मंगलवार) श्री सप्तर्षि सम्वत 5096, राश धनु (दुहचि 12.20 बजि प्यठॖ) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक-123)

परुन पोलुम अपॊरुय पॊरुम

केसर वनॖ वोलुम रऺटिथ शाल

परस प्रॖनुम तॖ पानस पोलुम

अदॖ गोम मोलूम तॖ ज़ीनिम हाल

             अर्थात

मैं ने जो पढा उसका मनन किया, जो पढने में नहीं आ सकता अर्थात सूक्षम ज्ञान भी पढ लिया। मन रूपी शेर को जंगल (विचारों में से निकाल कर) से गीदड की तरह पकड कर लाया अर्थात काबू कर लिया। औरों को समझाया किंतु पहले उस का स्वयं पालन किया। तब जाके जाना कि मैं ने मैदान को जीत लिया अर्थात लक्ष्य को पा लिया

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *******

1. हाल गछ़ुन (To have one's

condition aggravated/Go from bad to worse

2. हालथ (Position/State of affairs/Details/Particulars/Conditions)

3. हाले हयाथ (Alive/Existence/In life time)

4. हऻज़िर (Ready/Willing/Present in attendance)

5. हऻज़िर बाश (Regular in attendance/Ready witted)

                मुहावरॖ

1. मु: छ़ावल्या प्वलावहा दॊपनस

         म्यानन नाटन

    अ: ब्यॆयि सॖन्दि ख़ूनस मशकॖ

         करनि

2. मु: च़ऺटिथ ह्यन्दॖव्यन्दॖ तॖ प्रॖछ़िथ

         सौदा

    अ: सौदा गछ़ि वुछिथ तॖ 

         चुकऻविथ करुन

3. मु: च़ॖ दफ ब्यॆनि बॖ दपय बायि

         पनॖन्य कथ छय पनॖनि 

         जायि

    अ: पानॖवॖन्य बऻज्य वठ, या,

          ब्यॆयिस नॖ बास द्युन

       (पनॖन्य शुर्य ह्यॆछॖनऻव्यूख)

**************************

पंचान्ग:- परमानंद ओस बन्योमुत अख नामावार शऻयिर तॖ सॗती अख परि पूर्ण संत। संस्कृत ज़बऻन्य मंज़ लीख्यमॖत्य कॆंह भजन या लीलायि या कॆंह अध्यात्मिक बऻथ आयि तिमनॖय समॖज यिमन संस्कृतुक ज्ञान ओस। ॳम्यसॖन्ज़ काम्यव मंज़ दपान छि स्यठाह मशहूर रचना सुदामा चरित रूज़मॖच़। परमानंद सॖन्दिस अदबस प्यठ छि वारिहाव अदीबव पनुन योगदान द्युतमुत ब्यॊन ब्यॊन तरीकॖ। मास्टर ज़िन्दॖ कौलन दपान छि परमानंद सॖन्द्यन कॆंच़न लीलायन अंग्रीज़स मंज़ तरजमॖ कॊरमुत।  जे एल कौल, श्री तोशखऻनी सऻब, एम एल साकी सऻब तॖ एकादम्मी आफ आर्ट कल्चर तॖ लैंगवेजिज़ तरफॖ ति छि आमॖच़ स्यठाह गऺहरऻयी सान कऻम करनॖ तॖ यि करनॖ सॗत्य छु अज़ ताम परमानंदुन नाव ज़िन्दॖ तॖ छु सारिनी हॖन्ज़ि ज़्यॆवि प्यठ। परमानंद सुन्द दॆहान्त दपान सपुद सनॖ 1879 ईस्वी मंज़। अम्यसुन्द पुशतऻनी जायदाद छु वुनि ति मटनस मंज़ दपान मूजूद। वनॖनॖ छु यिवान ज़ि परमानंदुन अख मुरीद ओसमुत छु अख शख़स यस नाव ओस सालेह गनय तॖ दपान तऺम्य ॴस परमानंदस पनॖनि जायदादॖ मंज़ अक्वुह कनाल ज़मीन दान कऺरमॖच़। त्यूतुय योत नॖ बल्कि दपान गनय सऻबन ओस मटि ह्यॊतॖमुत ज़ि सु करि परमानंद सॖन्दि मरनॖ पतॖ परवऺरिश ता उम्रॖ परमानंद सॖन्दिस अयालस। यि ति छु यिवान मानॖनॖ ज़ि गनय सऻबन छु निबोवमुत पनुन फ़र्ज़ पूरॖ ईमानदऻरी तॖ वॊफादऻरी सान। यि छि अख लाजवाब मिसाल य्यॊस अख सबक़ छु असि दिवान ज़ि ईमानदऻरी तॖ रॖत्यन कर्मण हुन्द मुवाज़ॖ छु मेलान ज़रुर ॴखरतस। यि ॴस परमानंद सॖन्ज़  जीवन गाथा। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)