18.11.2020

18.11.2020 कार्तिक (कतक) ज़ूनॖ पछॖ (शुक्ल पक्ष) च़ोरम (चतुर्थी) ब्वदवार (बुद्धवार) श्री सप्तर्षि सम्वत 5096, राश धनु (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-124)

बान गॊल तय प्रकाश आव ज़ूने

च़ंदॖर गॊल तय मॊतुय च़्यथ

च़्यथ गॊल तय कॆंहति ना कुने

गय भूर भवह सूर व्यसरज़ि क्यथ

           अर्थात

जब सूर्य अस्त होता है तो चंद्रमा उदय होता है। अर्थात नाभि (सूर्य देश से) ब्रह्मांड में जाकर चंद्रम देश में चंद्रमा का उदय होता है।फिर चंद्रमा भी अस्त होकर चित्त ही शेष रहता है। चित्त के लीन होने पर (परम शिव के सिवा) कुछ भी शेष नहीं रहता है। अर्थात पृथ्वी आकाश तथा ब्रह्मांड लीन हो जाते हैं।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              ********

1. हऻज़िर जवाब (Ready witted/Quick at repartee)

2. हऻज़िर करुन (To produce some one/Lay before/Summon/Make ready)

3. हऻज़िर गछ़ुन (To attend/To be present/Be at hand)

4. हाजथ (Need/Want/Necessary/Requirement)

5. हाजथमंद (Poor/Needy)

              मुहावरॖ

1. मु: च़ऺर छि फलि दादि हऻरान

    अ: ज़रूरथ छि प्रथ कऻन्सि

          ह्यिवी

2. मु: च़रि छु कऺन्ड्य थरि प्यठॖय

         राहत

    अ: पनॖनि जायि छु प्रथ कऻन्सि

         आराम

3. मु: च़ॊर कशनॖ यिवान रथॖय

    अ: ज़्यादॖ कऺशतॖ गऺरी करनॖ 

         सॗत्य छु न्वकसानॖय वातान

            (पनॖन्य शुर्य ह्यॆछॖनऻव्यूख)

**************************

पंचान्ग :- स्यदॖ बब या स्यदॖ मोल ति छु कऺशीरि मंज़ ओसमुत अख संत। ॳम्यसॖन्दिस मऻलिस ओस नाव व्यदॖ लाल भट तॖ ॳम्यसॖन्ज़ि माजि ओस नाव यॆम्बॖर्ज़ल। कऺशीरि मंज़ पटनॖ यूर्य ॳकिस गामस मंज़ यथ नाव ओस हऻन्ज़्ययोर,तऺत्य दपान स्यदॖ बबन ओस ज़न्म दोरमुत। टिक्कॖरॖ रोज़न वोल स्वामी नन्दॖ लाल जियुन शिष्य छु रूदमुत स्यदॖ बब। यि स्यद बब नाव ति दपान द्युतमुत ओस अमिस स्वामी नन्द लाल जी नॖय। स्यदॖ बब ओसमुत छु अख गृह्स्ती इन्सान मगर रूदमुत अलग यॆमि सम्सारकि लॊह लंगरॖ निशि। स्यदॖ बबनि आश्यनीय हुन्द नाव छु ओसमुत ग्वनवती तॖ दपान गर गृहस्ती ॴस स्वय चलावान तॖ गरिच सऻरी ज़िम्वऻरी ॴस ग्वनवती हॖन्द्यन शानन प्यठ। दपान स्यदॖ बब ओस आसान मशगूल पनॖनि साधनायि सॗत्य तॖ रोज़ान ओस पनॖनि अध्यात्मिकताय मंज़ लीन हर हमेशॖ। माजि रऻज्ञन्यायि हुन्द व्वपासक आसनॖ मूजूब दपान स्यदॖ बब ओस क्षीर भवऻनी याने तुल मुल नित्य गछ़ान रोज़ान पनॖन्यन भक्तन सॗत्य। वर्धन स्यदॖ बबुन दपान ओसमुत छु फ्यरन पोछ़ तॖ फॆकिस प्यठ सफेद च़ादरि पऺट या तौलिया। युस कांह ति ॳमिस निश यिवान ओस दर्शनॖ बापथ, ॴशिर्वाद किस रूपस मंज़ ओस दिवान रोज़ान यिनॖ वाल्यन नऺवीद। प्रथ यिनॖ वऻलिस ओस स्वागत करान रोज़ान। स्यद बब सपुद निर्वान सन्न 1985 ईस्वी मंज़। स्यदॖ बबॖनि नावॖ छु ज्यॆमि पलोडाहस मंज़ आश्रम आमुत बनावनॖ। ॳम्यसॖन्द्यन भक्तन छि स्यदॖ बबस मंज़ यछ़ तॖ पछ़। दय टूठिन असि ति सारिनी। दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)