01.12.2020

01.12.2020, मॊंजॖहोर (मार्ग/मगर) गटॖ पछॖ (कृष्ण पक्ष) ऒक्दॊह (देवादेव) (प्रथमा) (देवादेव) बॊम्वार (मंगलवार), श्री सप्तर्षि सम्वत 5096, राश मिथुन (रऻच़ हॖन्ज़ॖ 9.36 बजि प्यठॖ),ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

       (पराग पुस्तक-137)

क्वल तय म्वल कथ क्युत छुय

तॊत क्युत छुय शांत स्वभाव

क्रेयि हुन्द आगुर वति क्युत छुय

अंतहि क्युत छुय ग्वर सुन्द नाव

               अर्थात

कुल और धन किस लिए चाहिए है तुम्हें। वहां के लिए तो शांत स्वभाय ही चाहिए। क्रिया का जो स्रोत अर्थात प्रभु है वही पथ में काम आता है और अंत में तो गुरु का नाम आता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. दाद द्युन (To praise/To appreciate)

2. दाद बिदाद दिन्य (Complaint/Grievance/Cry for justice/Seek redress/Raise hue and cry)

3. दार (Flow/A current of water/Shower/Continuous flow/Lasting of cloth)

4.  दारव (A roof support)

5. दारुन (To owe)

                 मुहावरॖ

1. मु: शामॖ च़ॊतुर तॖ मन्दिनि 

         बॆहवाल

    अ: दॊहलि कऻम न करनवोल

          तॖ रातस चालऻकी, या, 

          कामि च़ूर

2. मु: शऻल्य तारख हावॖन्य

    अ: अपुज़ दऺलील बोज़नऻविथ 

          दोखॖ द्युन, या, अपॖज़

          व्वमेद पऻदॖ करॖन्य, या,

          नूनॖ गुर्य तॖ तेलॖ तलाव

          हावॖन्य

3. मु: शालॖ सॖन्ज़ टुन्ग

    अ: यथ मंज़ सऻरी पनॖन्य 

         आवाज़ रलावान छि

        (शुर्य पनॖन्य ह्यॆछनऻव्यूख)

**************************

पंचान्ग : संतन हॖन्ज़ कमी छे नॖ रूज़मॖच़ कऺशीरि मंज़ पत्यम्यव सासॖ बऺद्य वऺरियव प्यठॖ। अख ॳक्यसॖन्दि ख्वतॖ खऺसिथ चमत्कऻरी, भगवत लीलायि हावनस मंज़, माया या दैव शक्ति थवनस मंज़, दूर दृष्टि आसनस मंज़, भविष्यवऻणी करनस मंज़, वगैरा वगैरा। तिहन्दी ॴशिर्वादॖ सॗत्य तॖ धर्मस मंज़ पनॖन्य आस्था थवनस मंज़ आयि ॳस्य कऻशिर बट्टॖ पनॖन्य संस्कृति तॖ सभ्यता रऺछ़रावान मगर पत्यम्यव केंच़व वऺरियव प्यठॖ छु म्यॆ बासान आमुत असि मंज़ वारियाह बदलाव। ॳस्य छिन ह्यतिमॖत्य दूर गछ़ान पनॖनि परम्परायि निश, पनॖन्यन ज़िठ्यन हॖन्द्यन नक्श क़दमन प्यठ पकनस मंज़, पनॖन्य माजि ज़्यव रऺछ़रावनस मंज़, पनॖनि संस्कृति निश तॖ तवय छि भूगान तम्युक फल। नऺव्य संत छि नॖ नज़र यिवान, प्रऻन्यन संतन हॖन्द्यन प्रवचनन प्यठ छि नॖ पज़ि मनॖ अमल करान। अस्य छि च़ुवतिस प्यठ बासान लाचार तॖ यिवान नॖ कुनि व्यस्तार। खऻर दय छु सोन ति। ॳस्य करव कूशिश रोवमुत चीज़ वापस लबनॖच। असि मंज़ छु ओसमुत थदि पायुक ब्याख अख संत यॆमिस वनान आमॖत्य छि ग्रटॖ बब या ग्रटॖ मॊत। ॳम्यसन्ज़ कथ करव पगाह। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)