05.11.2020

05.11.2020,कार्तिक (कतक) गटॖ पछॖ (कृष्ण पक्ष) पऻन्च़म (पऺचमी) ब्रसवार (वीरवार/ बृहस्पतिवार/गुरुवार) श्री सप्तर्षि सम्वत 5096, राश मिथुन (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते।।

**************************

              लल वाक्

         (पराग पुस्तक-111)

छ़ांडान लूछॖस पऻनी पानस

छ़्यपिथ ज्ञानस वोतुम नॖ कोंछ

लय कऺरमस तॖ वऻच़ॖस अलथानस

बऺर्य बऺर्य बानॖ तॖ चवान नॖ कोंछ़

             अर्थात

मैं ने देखा सू‌क्षम ज्ञान अर्थात आनन्द के पास पहुंचने का प्रयत्न कोई नहीं करता है। मैं उस आनन्द अमृत को पाने के लिए लीन हो गई और देखा कि वहां अमृत के बर्तन भरे पडे हैं किंतु पीने वाला कोई नहीं है। अर्थात प्रभु को पाने की लल्क वाले साधक अति अल्प हैं

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *******

1. चाक चोबंद (Clever/Nimble/Stout/Healthy/In good health)

2. चाल (Giant/Carriage/Movement/Trick/Method)

3. चालाख (Clever/Cunning)

4. चालचलन (Character/Conduct/Behaviour/Manner)

5. चोंच (Mouth)

                मुहावरॖ

1. मु: दांदन ख्यॆयि पतॖज पनॖन्य

         ख्यॆयन मंदॖज

    अ: स्व हर्कत करॖन्य यॆमि सॗत्य

         नानसॖय तक्लीफ वाति

2. मु: दऺह छि दोस्त तॖ दऺह छि

         दुश्मन

    अ: प्रथ मामलस ख़बरदार

         रोज़ुन,या, सऻरी छि नॖ 

         हमदर्द आसान,या,प्रथ

         कऻन्सि छि दोस्त ति

         आसान तॖ दुश्मन ति

         आसान

3. मु: दऺह दर दऺन्य या हज़ार दर

         ॴखरत

    अ: ॳकिस खऻरातस छु सासॖ

          बॊद मुवाज़ॖ मेलान

        (पनॖन्य शुर्य ह्यॆछॖनऻव्यूख)

**************************

पंचान्ग:- असि कऻशिर्य बट्टन छि अज़कल ज़ॖ जंत्री याने पंचान्ग मॊह्यया। अख छि पंंडित ओंकार नाथॖ जियिन्य तॖ ब्याख छि पंडित पुनीत जियिन। यिमवॖ दॊयव जंत्रीयव मुतऻबिक छि ॳस्य कऻशिर बट्टॖ पनॖन्य रसमो रिवाज निबावान, माने, मुहूर्त, तिथि, वार, द्वह, ऱयथ वगैराह। अड्यन निश छि ओंकार नाथ जियिन्य जंत्री तॖ अड्यन निश छि पुनीत जीयिन्य जंत्री। द्वनवय ज्योतिष छि पनॖनि पनॖनि आयि सानि बापथ प्रथ वऺरियि पंचान्ग तयार कऺरिथ असि ताम वातॖनावान। असि पज़ि युहुन्द शुकुर्गुज़ार रोज़ुन ज़ि यिम द्वश्यवय ज्योतिष छि पनॖनि समाजि बापथ अख बऺड कऻम करान। ॳस्य छि पनुन वॊहरवोद ह्यकान अमी जंत्री प्यठॖ वुछिथ। यॊदवय यि जंत्री आसि नॖ असि ब्रोंहकनि, असि तरिनॖ फिकिरी ज़ि कुस द्वह कमि द्वह छु प्यवान या यिवान। सानि वॊहरवाद्युक तिथि छु बदलान रोज़ान ति क्याज़ि कऻशिर्य पंचान्गॖ हिसाबॖ छु कांह द्वह रावान तॖ कांह द्वह हर्रान रोज़ान। अमि रावनॖ तॖ लबनॖ मूजूब छु असि पनुन वॊहरवाद्युक तिथि याद थवुन मुश्किल गछ़ान। यिथय पऻठ्य छि बकाया दॊहन हुन्द तिथि वार बेतरी ज़बऻन्य याद थवुन बडॖ मुश्किल या नामुम्किन। यि दऺप्यज़ि ति यि जंत्री आसॖन्य कऻशिर्य बट्टॖ सॖन्दि बापथ छि स्यठाह लऻज़िमी। यि चर्चा छि जऻरी 

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(kashursabak.blogspot.com ति वुछिव)