08.11.2020

08.11.2020, कार्तिक (कतक) गटॖ पछॖ (कृष्ण पक्ष) सतम (देवादेव) (सप्तमी) (देवादेव) आथवार (रविवार/ऐतवार) श्री सप्तर्षि सम्वत 5096, राश कर्कट (चलान) ऋतु हरुद (शरद) (चलान)...चूंकि ॴठम छि पगाह रावान, ॴठम हुन्द वॊहरवोद यी ॳज़्य याने सतम द्वह

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

       (पराग पुस्तक-114)

तॗरि सलिल खॊतॖ तोय तॗरे

हिमि त्र्यह गऺयि ब्यन अब्यन विमर्शा

चैतन्य रव बाति सब समे

शिवमय च़राच़र जग पश्या

          अर्थात

वाष्प, पानी ठंड बढने से बर्फ बनती है तथा सूर्य की गर्मी से फिर एक रूप हो जाते हैं। यदि ये तीनों भिन्न प्रगट होते हैं किंतु वास्तव में यह सारे पानी के ही रूप हैं और विमर्षी पुरुष पानी की हर हालत को एक ही मानता है। इसी प्रकार चेतना रूपी सूर्य चमकने अर्थात ज्ञान उदय होने से सारा जगत सम एवं शिवमय ही दिखाई देता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *********

1. चावुन (To milk cow/Give to drink)

2. चऻन्ठ्य गंड (To hold one's tongue/Keep mum/To shut mouth)

3. चऻन्ठ्य हॊल (A twisted mouth person)

4. चपटी (Flat/Flattened /Compressed)

5. चपरास (Badge)

                   मुहावरॖ

1. मु: दुबॖ कलॖ हीर

    अ: तस शखसस वनान यस नॖ

         सऺहल सऺहल फिकिरि तरि

2. मु: दि थफ तॖ नि दस्तार

    अ: बे-बोज, या, यथ नॖ पुरसानॖ 

         आसि

3. मु: दतन बतॖ तॖ गॊन्यन फाकॖ

    अ: वुल्टॖ हालथ, या, फसॖल

        बऺनिथ छु बतॖ वॊफूर आसान

        मगर तमि ब्रोंठ पाहन यॆलि

        फसॖल तयार छु आसान,

        तमि विज़ि छु द्राग आसान

          (पनॖन्य शुर्य ह्यॆछॖनऻव्यूख)

**************************

प़चान्ग:- ओंकार नाथ जियिन जंत्री मुतलक छि कथ चलान। यॊदवय ॳस्य वुछव, असि मंज़ छॆ नॖ वारिहान बायन ब्यॆन्यन जंत्री तगान वुछनी। मतलब तिथि, वार, ऱयथ, वऺरी, नक्षत्र, अंग्रीज़ तऻरीख, राश, रावुन, लबुन, ग्रुहुन, प्रेप्युन तॖ मुहूर्त त्रऻविथ छु नॖ बाकय चीज़न हॖन्द छु नॖ ज्ञान युस जंत्री मंज़ हऻविथ छु। यूतुय प़चान्ग छु असि कऻफी बासान मगर जंत्री मंज़ छि ब्यॆयि ति वारियाह चीज़ हऻविथ यॆमॖच नॖ असि स्वद्ध-ब्वद्धय छि। न छु ह्यॆछनावन वोल कांह तॖ न छु ह्यॆछनुख ज़रूरथ असि बासान। जंत्री मंज़ यिम नित्य विधि हॖन्द्य पाठ या मंत्र हऻविथ छि तिम छि नॖ बदलान तॖ तिम छि वैसे ही प्रथ गरस मंज़ ब्यॊन ब्यॊन पाठॖ पुस्तकव दऺस्य मूजूद। प्रथ वऺरियि तिमय पाठ तिमय मंत्र जंत्री दऺस्य वातनावनुक छु नॖ कांह मक्सदॖय। ॳस्य छि खामॖखा डॊड-हथ रॊपियि खर्चऻविथ 420-हन सफन हॖन्ज़ जंत्री मऺल्य ह्यवान य्यॊस असि सिरिफ 55-60 सफन हॖन्ज़ पंचान्ग मऺल्य ह्यथ कऻम ह्यॆकि दिथ। यिम सानि जंत्री छि पॊतसस कबऻडिस यिवान कॖनॖनॖ तॖ सोन यि धार्मिक फल्सफॖ छु मेलान कूडस मंंज़़। अथ कथि प्यठ ह्यकव ॳस्य ग़ोर कऺरिथ।  कथ छि जऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)