04.11.2020

04.11.2020 कार्तिक (कतक) गटॖ पछॖ (कृष्ण पक्ष) च़ोरम (चतुर्थ) ब्वदवार (बुद्धवार) श्री सप्तर्षि सम्वत 5096, राश मिथुन (दुहचि 3.42 बजि प्यठॖ) ऋतु हरुद (शरद) (चलान)...अज़ छि संकट च़ोरम (संकट निवार्ण चतुर्थी) ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक-110)

च़्यथ नॊनुय च़ऺन्द्रमॖ नॊनुय

ज़लमय ड्यूंठुम नवम नॊवुय

यनॖ प्यठॖ ललि म्यॆ तन मन नऻवॖय

तनॖ लल बॊह नवम नऺवॖय छस

             अर्थात

मेरा चित तथा चित का स्वामी चंद्रमा दोनों निर्मल हैं। जल की भांति सदा नवीनता देखी। जब से मैं ने तन मन दोनों को निर्मल बनाया तब से मैं लल निर्मल अर्थात नित्य शुद्ध हूं।

भावार्थ:- गुरु धारण करके साधक पूर्ण प्रयत्न से मन की वासनाओं को क्षीण करता है। तन को धो कर तथा मन को शुद्ध आहार देकर निर्मल करता है। ऐसा करके अभ्यासी जब प्राणायाम से एकाग्र चित होकर ध्यान मगन होता है तो उसे पहले बिंदु रूप चंद्रमा दिखाई देता है जो आरम्भ में छोटा तथा कुछ मैला दिखता है। तत्पश्चात इसका उज्वल रूप स्पष्ट होता है।इस के उपरान्त ध्यान करते ही नया अर्थात निर्मल चंद्रमा दिखाई देता है जिस से अपने अंदर-बाहर शुद्धता आती है और आनन्द प्रस्फुटिथ होता हे। यह अभ्यास प्रक्रिया का एक स्तर है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. चारॖ (Feed for cattle/Fodder/ A Way out/Remedy/Help/Resource)

2.  चारॖ करुन (To find a way out)

3. चारुन (To tighten/Fasten/Pester/Compress)

4. चार सौ बीस (Cheat/An accused person/A criminal/A sinner/Culprit)

5. चाश (Viscous state of syrup/Freshly prepared syrup taste)

             मुहावरॖ

1. मु: दानस प्यॆवतन पानस

         ख्यॆयतन

    अ: रुत कांछुन, या, पानॖ

         ॴस्यतन बजाह

2. मु: दान ब्यॊन तॖ पानॖ ब्यॊन

    अ: युस ब्यॊन द्राव तस छॆ नॖ

         गरॖ बऻच़न हॖन्ज़ फिकिर

         आसान, या, समुत छु

         ॳकिस जायि ख्यनॖ सॗत्य

         रोज़ान

3. मु: दानॖ मीरन ख्यॆयि कम जानॖ

         मीर

    अ: लंगर चलावन वऻल्य छि 

         ॴखरस न्वकसान तुलान

      (पनॖन्य शुर्य ह्यॆछॖनऻव्यूख)

**************************

पंचान्ग:- अज़ छि संकट च़ोरम। यि फाकॖ छि ॳस्य कऻशिर्य बट्टॖ दरान वारियाह कालॖ प्यठॖ। सानि जंत्री मंज़ याने ओंकार नाथॖनि जंत्री मंज़ छु हऻविथ ॳज़्यकि द्वह करवा चोथ व्रत ति। यॊत ताम म्यॆ ख़याल छु ज़ि करवा चोथ फाकॖ छु नॖ कऻशिर्य रसमस या रिवाजस मंज़ या सऻनिस धर्मस मंज़। मगर दरान छि यि फाकॖ सानि ज़नानॖ ति देखा देखी मंज़। हालांकि दपान छि ज़ि युस महत्व करवा  चोथ फ़ाकस छु युस पर ज़ऻच़ मंज़  लुख दराव छि, सुय महत्व छु कऻशिर बटस चन्दन षॆष्टी फ़ाकस मंज़ ति मगर असि छु बासान ब्यॆयिसुन्द शुर्य मन्दल-व्यॊठ। सानि ज़नानॖ छे नॖ चन्दन षॆष्टी तीच़ अहमियत दिवान यीच़ तिम करवा चोथ दॊहस दिवान छि। म्यॆ छु नॖ यिति फिकिरी तरान ज़ि कऻशिर्य पंचान्गस मंज़ कयाज़ि छु आमुत करवा चोथ शब्द छापनॖ ति क्याज़ि यि छुयी नॖ सानि धर्मुक हिस्सॖ।  बकाया पंचान्गन मंज़ यॆलि नॖ कऻशिर बऺड्य द्वह याने गाडॖ बतॖ, ख्यॆच़ि मावस बेतरी  छि यिवान छापनॖ, कऻशिर्य पंचान्गस मंज़ क्याज़ि छि पर-ज़ऻच़ हॖन्द्य बऺड्य द्वह यिवान हावन या छापनॖ। सानि ज़नानॖ कयाज़ि छि यि फाकॖ थवान? यिथय पऻठ्य छि ब्यॆयि ति कॆंह बऺड्य द्वह यिम नॖ असि वरतावानॖय छि मगर ॳकिस ब्यॆयिस कुन वुछ्य वुछ्य छि ॳस्य ति ॳछ वऺटिथ तिम द्वह पानॖनावान। ॳस्य छि सऺही नकॖलची। मऺशरोव पनुन पान असि बट्टव, क्वत वऻत्य कति प्यठॖ। हे कऻशिर्य बट्टा, च़ॖ कति ज़ाख तॖ च़ॖ कॊत आख। कथ छि जऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)