29.11.2020

29.11.2020 कार्तिक कतक) ज़ूनॖ पछॖ (शुक्ल पक्ष) च़्वदह (देवादेव) (चतुर्दशी) (देवादेव) आथवार (रविवार/ऐतवार), श्री सप्तर्षि सम्वत 5096, राश वृष (दुहॖचि 10 बजे प्यठॖ) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-135)

संसारस आयस तपसे

ब्वद्ध प्रकाशॖ लॊबुम सहज़

मर्यम नॖ कोंह मरॖ नॖ कऻन्से

मरॖ नेछ़ तॖ लसॖ नेछ़

          अर्थात

मैं संसार में तपस्या के लिए आई और बुद्धि प्रकाश से सहज अर्थात स्वात्म को पा लिया। अब न मरूं किसी के लिए और न मरूं किसी की। फिर मरूं तो वाह जियूं तो अच्छा।

भावार्थ:- स्वात्म अवस्था में मरने जीने की अवस्था से परे का अनुभव प्राप्त करना ही अभीष्ट हे।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              ********

1. ख़ाकॖ (Sketch/Outline/Layout/Diagram)

2. ख़ाकिस्तर (Destroyed/Ruined/Spoiled)

3. ख़ाक रोब (Sweeper)

4. ख़ाकसार (Lowly/Humble)

5. ख़ाकस प्यॊन (Die/Be ruined/Be reduced/To become very poor)

              मुहावरॖ

1. मु: सऺर्य प्यॆठ सऺहलाब

    अ: बे-अन्दाज़ॖ ज़्यादती

2. मु: सॖच़न दपान पंन दावि

         सऻरी छि गऻमॖत्य अकी

         नावि

    अ: सऻरी ॳक्यसॖय गन्डस मंज़

         वलनॖ आमॖत्य, या, सारिनी

         अकुय मुसीबथ

3. मु: सलि हॖन्द्य गुल्यमीठ

    अ: हॊछी हमदर्दी, या, छ्यॆनी

         नालॖमॖत्य

           (शुर्य पनॖन्य ह्यॆछनऻव्यूख)

**************************

पंचान्ग:-  स्वामी ज़नॖ काकन दपान दिच़ पनॖनिस शिष्यस, गोपी नाथ जियस, ग्वरॖ गीता परनॖ बापथ तॖ दपान गोपी नाथ जी गव द्वह पतॖ द्वह सनान गीता सारस मंज़ तॖ सॗती ह्यॆच़ॖन करॖन्य पंचान्गा व्वपासना याने पांच़न दीवी-दीवताहन हॖन्ज़ व्वपासना तॖ  माजि शारिका हॖन्ज़ निर्ग्वन व्वपासना तॖ रूद ज़बर्दस्त साधना करान पनॖन्य चेतन शक्ति बऺडरावनॖ बापथ। दपान गोपी नाथ जी ओस हमेशॖ पानस सॗत्य थवान चिल्लिम। बालावस्था प्यठय ओस यि तमोक च्यवान तॖ यि आदत रूद ॳमिस स्यठा कालस तॖ तमोक च्यनस मीज्य ॳमिस स्वामी ज़नॖ काकॖ तुफची सॖन्ज़ संगत ति। चिल्लमि अलावॖ ओस दपान गोपी नाथ जी ओस थवान तीलॖ च़ॊंग युस यि थवान ओस पनॖनि साधनायि वखतॖ तॖ यि च़ोंग दपान थॊव करीबन सतन वऺरियन पानस सॗत्य तॖ ब्यॆयि ओस यि ज़ालान दून्य पानस ब्रोंह कनि यि ज़ऻनिथ ज़ि दून्य छि ॳकिस सऻथी सॖन्दिस रूपस मंज़। दून्य ओस यि ज़ालान रोज़ान यथ कुनि यात्रायि ति गछ़िहे। यात्रायि अलाव छु दपान फ्यूरमुत गोपी नाथ जी कऺशीरि मंज़ वारियाहन धर्मस्थलन तॖ मंदरन। कऺशीरि मंज़ दपान गोपी नाथ जी छु रूदमुत पनॖन्यन भख्त्यन हॖन्दि गरन मंज़ द्वह वादन। मसलन बानॖमऺहलॖ, शालॖयारॖ, राज्योर कऺदलॖ, स्यॆकि डाफर, सफाकऺदलॖ, रंगॖटेंगॖ, डलहसनयारॖ, ऋश्य मऺहल्लॖ तॖ चन्दपोरि (हब्बॖकऺदलॖ)। धर्मॖस्थल यिमन गोपी नाथ जी फ्येरान रूदमुत छु अक्सर छि मिसालन हारी पर्वत (पर्बथ), पॊखरीबल, ज़ीठ्यऻर, क्षीर भवऻनी (तुलमुत), व्यच़ारनाग, ज़्वाला जी, भद्रकऻली, गुप्त गंगा, अमरनाथ वगैरा। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)