26.11.2020

26.11.2020 कार्तिक (कतक) ज़ूनॖ पछॖ (शुक्ल पक्ष) बाह (द्वादशी) ब्रसवार (वीरवार/ बृहस्पतिवार/गुरुवार) श्री सप्तर्षि सम्वत 5096, राश मेष (रऻच़ हॖन्ज़ॖ 9.19 बजि प्यठॖ) ऋतु हेमन्त (चलान) द्रठॖपऻन्च़ुक (पंचक) म्वक्लि अज़...चूंकि बऻश(द्वादशी) छि ज़ॖ गछ़ान, ॳज़्युक वॊहरवोद यी पगाह याने दॊयिमि बऻश (द्वादशी)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

       (पराग पुस्तक-132)

रावनॖ मंज़ॖ रावुन रोवुम

रऻविथ अथि आयस भवसरय

असन गिन्दन सहज़ॖय प्रोवुम

दपनय कॊरुम पानस सरय

           अर्थात

मैं आध्यात्मिक पहेलियां सुनते पढते भूल भुलैयों में खो गई थी। गुरु से शब्द लेते ही उसी शब्द में गहरी खो गई। इसी खो जाने में मेरा वह (प्रारम्भिक) खोना समाप्त हो गया तथा मैं बडी आसानी से सहज अर्थात परमात्मा को पाने में सफल हुई।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            ******

1. ख़ाक (Dust/Earth/Ruin/

Territory)

2. ख़ऻतिर दऻरी (Reception/Hospitality/Entertainment/Regard)

3. खऻतिरदऻरी करॖन्य (To extend hearty welcome/To entertain)

4. खऻराथ (Charity)

5. खऻरऻती (Charitable/Free)

             मुहावरॖ

1. मु: स्वरुफ पकान हॊल हॊल

         वाजि निश वऻतिथ स्यॊद

   अ: पनॖनिस पवस ख़बरदार

          आसुन

2. मु: श्रॊग श्वद् तॖ पनाहदार

    अ: यथ कम कॖसमथ ॴसिथ 

          ति जान दार नेरि, या,

          बागनय आस्यस

3. मु: श्रॊगॖय गव द्रॊग तॖ द्रॊगुय 

         गव श्रॊग

    अ: वऺसिथ चीज़स छु नॖ दार

         नेरान

           (शुर्य पनॖन्य ह्यॆछनऻव्यूख)

**************************

पंचान्ग :- महेश्वर नाथ याने क़लंदर सुन्द मोल मऻज्य ओस यछ़ान ज़ि यि गॊछ़ गृहस्ती बनुन तॖ पनुन गृहस्थ सम्भालुन मगर क़लंदरन कॊर इन्कार अथ तिहॖन्दिस सोंचस तॖ अथ मशवरस तॖ द्राव पनॖनि गरि प्यठॖ तॖ वोत आश्रम तॖ ब्यूठ तती। दपान सन्नॖ 1970 प्यठॖ कॊर क़लंदरन पनॖनि ज़िन्दगी हुन्द दॊयिम पडाव शुरु सु गव ज़ि यि संत रूद फ़ेरान मुख्तिलिफ जायन। दपान यि स्वामी क़लंदर ओस थवान अख जोलनॖ नऻल्य तॖ ओस वति वति नच़ान रोज़ान। अथ जोलनस मंज़ दपान ओस आसान अख चिल्लिम, चरॖस, सिग्रेट, डायरी तॖ ब्यॆयि अख टारच याने बैटरी। नच़नॖ फेरनॖकिस दोरस मंज़ सपॖज़ ॳमिस मुलाकात स्वामी ग्रट्टॖ बबस तॖ ब्यॆयि स्वामी हऺरी कृष्ण सऻबस सॗत्य। दपान स्वामी हरी कृष्ण जियस सॗत्य रूद स्वामी क़लंदर नच़ान फेरान जायि जायि तॖ स्वामि हऺरी कृष्णन वुछ्य व्यॊक्तॖय दैव शक्तीया क़लंदरस मंज़ तॖ बास्योस यि संत बडॖ थदि पायुक। ॳम्य द्युत क़लंदरस ख़ताब तॖ वॊनॖनस च़ॖ गोख व्वंय बादशाह। अमि द्वह प्यठॖ आव महेश्वर नाथ ज़ानॖनॖ स्वामी बादशाह क़लंदर। ॳम्यसॖन्द्यव शिष्यव बनोव ॳम्यसॖन्दि बापथ आश्रम ज्यॆमि पनडोका कालोनी मंज़। अथ आश्रमस मंज़ ओस रोज़ान बादशाह क़लंदर वंदॖक्यन केंच़न ऱयतन मगर 1990-तॖ पतॖ रूद लगातार अथ्य आश्रमस मंज़। ॳमिस संतस सपुद देहान्त सन्नॖ 1997 ईस्वी मंज़। आश्रमॖकिस अहातस मंज़ॖय दपान बनोव ॳम्यसॖन्द्यव भख्तव ॳम्यसॖन्दि निर्वान गछ़नॖ पतॖय अख शिव मंदर यॆति नित्य पाठ पूज़ा भजन कीर्तन यिवान छु करनॖ तॖ सॗतीय छि हवन बेतरी ति करान रोज़ान। यि ॴस स्वामी बादशाह क़लंदर सऻबॖन्य जीवनी। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)