24.11.2020

24.11.2020 कार्तिक (कतक) ज़ूनॖ पछॖ (शुक्ल पक्ष) दऺहम (दशमी) बॊम्वार (मंगलवार) श्री सप्तर्षि सम्वत 5096, राश मीन (दुहचि 8.51 बजि प्यठॖ) ऋतु हेमन्त (चलान), द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक- 130)

यथ सरस सर्य फॊल ना व्यच़ी

तथ सरि सकॖल्य पोन्य च्यन

मृग स्रगाल गंढ्य ज़लॖ हऺस्य

ज़्यन न ज़्यन तॖ तॊतॖय प्यन

             अर्थात

जिस सरोवर को चावल का छोटा दाना 'कनकी' भी कुछ न माने या जो सर कनकी से भी छोटा है, (अर्थात बिंदु जितना बड़ा है)। उसी में मृग, गीदड, गेन्डे, दऺर्यायी घोडे, हाथी जैसे विशाल शरीरधारी जीव जन्म लेकर इसमें रहकर इसी का पानी पीते हें और फिर मर कर इसी में समा जाते हैं।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              ********

1. ख़ातून (Lady)

2. खऻदिम (Servant/Maid)

3. ख़ार (Thorn/Blacksmith)

4. खऻरिज (Expelled/Dismissed/Excluded/Struck off)

5. ख़ारॖ (Great desire/Strong longing)

               मुहावरॖ

1. मु: सासन स्वन पिटारस

         च़ऻन्गिस नॖ तील रातस

    अ: रॊपियि मचि बऺर्य बऺर्य 

          अमापॊज़ च़ऻन्गिस नॖ 

          तील, या, महा कॊन्जूस

2. मु: सऻरी करान पान्यो पान्यो

         जुमल्यव नॖ कांह

    अ: प्रथ कऻन्सि पनॖनी फिफिर

         तॖ कौमुच नॖ कऻन्सी दग़

3. मु: साद लऻगिथ सूदखार

    अ: अन्दॖर्य अख तॖ न्यबॖर 

         ब्याख, या, पऻपी ॴसिथ

         साद लागुन

   (पनॖन्य शुर्य ह्यॆछॖनऻव्यूख)

**************************

पंचान्ग:- संतन मंज़ॖ अख संत छु ओसमुत पंडित आफ़ताब जु भास्कर कऺशीरि मंज़ युस सन्नॖ 1883 ईस्वी मंज़ ज़ामुत ओस कॊपॖवारि किस ॳकिस गामस मंज़ यथ नाव छु ओसमुत कारिहामा।  ल्वकॖचारॖ पानॖ प्यठय  ॳमिस दपान ॴस्यमॖत्य छि संत बनॖनॖक्य आसार ति क्याज़ि दपान यि ओस हमेशि अलगॖय अलगॖय व्वथान ब्यॆहान, सम्सारकि व्वयवॖहारॖ निशि दूर दूरॖय रोज़ान, साधनाय मंज़ यछ़ पछ़ थवान तॖ योगाभ्यास करान रोज़ान। आफ़ताब जु दपान बन्यऻव शिष्य पंडित गोविन्द जी तलाशी सऻबुन युस श्रीनगरॖ चींक्राल मऺहल्लॖ रोज़ान ओस। ॳम्य ग्वरन हऻव ॳमिस साधनायि तॖ योगाभ्यासॖच वथ। हालांकि आफ़ताब जु ओस अध्यात्मिक भावस मंज़ रोज़ान द्वह तॖ राथ मगर दपान ओस बऺडिस अयालस मंज़ रूज़िथ पनॖनिस गरस मंज़ बाकय बऻच़न मंज़ रऺलिथ मीलिथ आसान मगर ॳम्यसुन्द अंतरात्मा ओस दपान  परमात्माहस सॗत्य जुडिथ रोज़ान।यॊदवय ॳमिस संतस नाव ओसमुत ओस आफताब जु मगर लकब ओस आमुत दिनॖ ॳमिस भास्कर याने सिरयि युस गटि मंज़ॖ गाश अनान छु। यि ओसमुत छु दपान व्वपासना करान रूदमुत भगवान राम जियिन्य तॖ भगवान कृष्णॖन। पंडित आफ़ताब जियन छि लीख्यमॖत्य कॆंह धार्मिक बऻथ, भगवान राम तॖ कृष्णॖ सॖन्ज़ॖ लीलायि तॖ भजन। सन्नॖ 1961 ईस्वी मंज़ सपुद आफ़ताब जु निर्वाण। ॳम्यसॖन्ज़ लीछमॖच़ अख किताब छि भास्कर प्रकाश। ग्वडॖ ओसमुत छु लेखान उर्दू ज़बऻन्य मंज़ कऻशुर याने नस्तालीकस मंज़ दपान मगर पतॖ छु आमुत यि देवनागरी ज़बऻन्य मंज़ कऻशुर लेखान। भास्कर प्रकाश किताब छि आमॖच़ छापनॖ रॗन्यवार्युक रोज़नवोल पंडित हरी कृष्ण कौल सऻबॖन्य दऺस्य 1959 ईस्वी मंज़।श्री हरी कृष्ण कौल जी ॴस्यमॖत्य छि आफ़ताब जियिन शिष्य ति। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)