25.11.2020

25.11.2020 कार्तिक (कतक) ज़ूनॖ पछॖ (शुक्ल पक्ष) काह (एकादशी) ब्वदवार (बुद्धवार) श्री सप्तर्षि सम्वत 5096, राश मीन (चलान) ऋतु हेमन्त (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

         (पराग पुस्तक-131)

यिह यिह करॖम कॊरुम सुह अरचुन

यि रसनि व्यच़ोरुम तिय मन्थॖर

यिहोय लोगमो दिहस परचुन

सुय यिह परमॖ शिवुन तन्थॖर

             अर्थात

मेरे सारे कर्म शिव की अर्चना हैं। मेरे मुख से निकली वाणी ही शिव मंत्र है। यही बात अपने देह के लिए भी व्यवहार या प्रयोग में लाई। यही परम शिव का तंत्र है। अर्थात जो कुछ भी मेरे शरीर मन  आदि द्वारा कर्म हो रहे हैं उनके कर्ता स्वयं शिव ही हैं। यहां तक कि मेरा शरीर भी वही शिव ही है। मैं तो केवल निमित मात्र हूं।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

               *********

1. ख़ारिश (Itch/Scrabble)

2. ख़ास (Special/Good/Fair/Indifferent/Quite)

3. ख़ास आम (General public/The high and low/In general/People/Belonging to all strata of society)

4. ख़ास ख़ास (Special/Special persons/Particular)

5. ख़ासॖ बरदार (A servant who runs before the king's horse/Arms carrier)

              मुहावरॖ

1. मु: सानि ज़ूरि ति दॊद च़ोंग

    अ: यॆमिच नॖ व्वमेद आसि ती 

          बनुन

2. मु: सथ बुथ्य चंदस मंज़

    अ: बहु रूपी, या, यॆत्यन युथ

         चलि तत्यन त्युथ चलावुन

3. मु: सतय गज़ आसमान

    अ: कऻफी मुसीबथ पऻदॖ गछ़ुन

          या, छ़ॊट नज़र

        (शुर्य पनॖन्य ह्यॆछनऻव्यूख)

**************************

पंचान्ग:- कऺशीरि मंज़ॖय अख ब्याख रहस्यमय-साधक संत छु ओसमुत यस असली नाव ओस महेश्वर नाथ। ज़ामुत सन्नॖ 1917-हस ईस्वी मंज़ श्रीनगरॖ, शीलॖपोरॖ बडगऻमि। ल्वकॖचारॖ पानॖ प्यठय रूदमुत छु यि शख्स दपान भगवान नावस मंज़ लीन। तम्युक ख़ास वजह ओसमुत छु ज़ि दपान यि ओस पनॖनिस मऻलिस, पंडित नाथ जीयस सॗत्य अक्सर गछ़ान रोज़ान टिक्करॖ किस संतस, स्वामी नन्द लाल जीयुन आश्रम तॖ गछ़नॖ गछ़नॖ सॗत्य दपान गनेयि ॳमिस ज़बर्दस्त कल भगवानस सॗत्य म्युल करनॖच तॖ ह्यॆच़ ॳम्य साधना करॖन्य तॖ वारॖ वारॖ ह्यॊतुन सोरुय सम्सारुक व्यवहार मऺशरावुन। दपान महेश्वर नाथ ओस आश्रमस मंज़ आमॖत्य भक्तन बोज़नावान रोज़ान प्रक्रॖच़क्य कॆंह रहस्य तॖ तिम ॴस्य हऻरान गछ़ान ॳम्यसुन्द यि व्याख्यान बूज़िथ। ॳमिस दपान ओस ज़न अंदरी वुज़ान रोज़ान यि  भगवत ज्ञान। यि वुछिथ दपान गव स्वामी नन्द लाल जी ति हऻरान तॖ मन गोस स्यठाह ख्वश ॳम्यसॖन्ज़ दिलचस्पी वुछिथ तॖ द्युतुन ॳमिस नाव कलन्दर। अति प्यठॖ दपान आव महेश्वर नाथ परज़ॖनावनॖ कलन्दर नावॖ सॗत्य। दपान सऻरॖय ज़िन्दगी गुज़ऻर ॳम्य साधनायि मंज़ तॖ स्यॆद्धी प्राप्त करनस मंज़। यि बन्यव केंच़स कालस मंज़ॖय थदि पायुक संत। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)