02.12.2020

02.12.2020 मॊंजॖहोर (मार्ग/ मगर) गटॖ पछॖ (कृष्ण पक्ष) द्वय (द्विती) ब्वदवार (बुद्धवार) श्री सप्तर्षि सम्वत 5096, राश मिथुन (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-138)

शॆयि ॴसॖस शॆय छस

लल बो पानय पानस छस

नीरिथ गछ़न तीलिथ यिवन

मीलिथ पानॖ दयी छस

         अर्थात

"लक्ष्य मेरे साथ है" ऐसा मेरा विश्वास था और अब भी मेरा लक्ष्य है कि मैं स्वयं ही हूं। स्वयं जाती हूं और उससे मिलकर आती हूं क्योंकि स्वयं उस प्रभु से मिली हुई हूं।

भावार्थ:- प्रभु के साथ लय होने से तो स्वयं प्रभु ही हो गई हूं अर्थात मैं षडगुण संपन्न हूं।

----------------------------------------

शिव के छ: अंग हैं - 1. सर्वज्ञता 2. तृप्ति 3. अनादिबोध 4. स्वत्रंता 5. नित्यमलुप्तशक्ति 6. अनन्त शक्ति

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

           ********

1. दाग़ (Stigma/Stain/Mark/Blemish)

2. दाग़ अच़ुन (To have a spot)

3. दाग़ थवुन (To keep a mark)

4. दाग़ द्युन (To create/To brand/To stigmatize)

5. दाग़ रोज़ुन (To remain scar)

            मुहावरॖ

1. मु: शाहस पतॖ छि गऻबथ

    अ: पतॖकनि छि प्रथ कऻन्सि

          गऻबथ यिवान करनॖ

2. मु: शालस लॊट ज़्यूठ पानस

          वुरुन वॊलुन

    अ: प्रथ कऻन्सि छु पनुन पनुन

          चीज़ पनॖनि आसऻयशि

          बापथ तॖ ब्यॆयिस क्याह

3. मु: शाला बॊड कुस? दॊपनख

          यॆलि युस आव

    अ: यस बऺड जाया अथि आयि

          तस वॊनुख बॊड

       (शुर्य पनॖन्य ह्यॆछनऻव्यूख)

**************************

पंचान्ग:- स्वामी ग्रट् बब या स्वामी ग्रटॖ मॊत, यिति छु ओसमुत बडि पायुक अख संत कऺशीरि मंज़ पनॖनि वखतॖ। ॳम्यसुन्द असली नाव छु ओसमुत प्रसाद जुव कौल। कऺशीरि मंज़ शुपियनुक रोज़न वोल यि दपान छु रूदमुत अख मस्तानॖ संत। यि संत ति छु रूदमुत वारियाहन जायन मिसालन शुपियनॖ, अछॖवलॖ, क्वपॖवारि तॖ श्रीनगरॖ। श्रीनगरॖ ति छु रूदमुत यि संत वारियाहन जायन, मसलन बानॖ मऺहल्लॖ, कनि कऺदलॖ, सॊथि तॖ फतॆह कऺदलॖ। दपान प्रसाद जुव यॆलि अछवलॖ ओस रूज़िथ, यि ओस बन्योमुत तन्हा पसंद। आम लूकन निशि ब्यॊन अलग थलग ओस रोज़ान। अति ओस ग्रटॖ युस पानि सॗत्य चलान ओसमुत ओस, प्रसाद जुव छु रूदमुत अथ्य ग्रटॖबलस प्यठ ल्वकचारस तॖ ॳती छु ॳमिस नाव प्यॊमुत ग्रटॖ बब। ॳम्य ह्यॊछ परुन संस्कृत तॖ फ़ारसी तॖ सॗत्य सॗत्य ओस धर्मग्रन्थुक अध्ययन करान रोज़ान। वनॖनवऻल्य छि वनान ज़ि स्वामी ग्रटॖ बब ओस स्यठाह साधना करान रोज़ान तॖ मीज्य ॳमिस सिद्धी ॴखरस तॖ बन्यव अख महान स़ंत। दपान स्वामी ग्रटॖ बबॖन्य चमत्कार छि वुछमॖत्य ॳम्यसॖन्द्यव शिश्यव तॖ ॳम्यसॖन्द्यव भख्तव तॖ ॳमिस पतॖ पतॖ रूद्य पकान ॳम्यसॖन्द्य सीवाकार ति यॊत यॊत यि गछ़ान ओस। पॊशाक ग्रटॖ बबुन छु रूदमुत अख फ्यरन। स्वामी ग्रटॖ बबस छि रूज़मॖच़ सॗत्य दपान अख कांगॖर तॖ ब्यॆयि चिल्लिम हर हमेशॖ। स्वामी ग्रटॖ बब सपुद निर्वान दपान सन्नॖ 1962 ईस्वी मंज़। यीत्य ति संत वुन्युखताम पऻदॖ सपॖद्य कऺशीरि मंज़़ ब्यॊन ब्यॊन जायन तिम छि सऻरी रूद्यमॖत्य लाजवाब तॖ बेमिसाल।यि ॴस स्वामी ग्रटॖ बबॖन्य जीवनी। संतन हॖन्ज़ कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

 कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)