06.12.2020

06.12.2020,मॊंजॖहोर (मार्ग/ मगर) गटॖ पछॖ (कृष्ण पक्ष) शॆयम (षष्ठी) आथवार (रविवार/ऐतवार),श्री सप्तर्षि सम्वत 5096 राश सिंह (दुहचि 2.45 बजि प्यठॖ)ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

       (पराग पुस्तक-142) 

क्याह बॊडुख मूह भवॖ सॊदरॖ दारे

स्वथ लूहरिथ प्ययिय तमॖ पऻन्ख

यमॖबठ करिन्यय कऻल्य छोरॖ दारे

कवॖ ज़न कासिय मरनॖन्य शेंख

             अर्थात

हे मनुष्य! तुम संसार रूपी सागर(धन तथा पुत्र आदि) के मोह रूपी लहरों में क्यों डूबा है। समय आने पर निर्बल होकर तेरी आंखों में गहरा अन्धकार छा जायेगा फिर समय पर यमदूत तेरी छोलदारी अर्थात शरीर का बुरा हाल करेंगे। यह मोह तेरे मृत्यु की शंका कैसे मिटा सकता है। (क्योंकि अपने आपको पहचानने से ही मृत्यु का डर नहीं रहता अपनी पहचान मोह का त्याग करने से प्राप्त होती है)

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. दांदुर (Vegetable seller/

Green grocer)

2. दानि कुल (Paddy plant)

3. दानिवल (Coriander)

4. दाव (Thread/A fiber/A very thin and twisted string of cloth/A trick in gambling/Opportunity/Turn)

5. दावुक (Dryness/Drought/Want of rain/Dryness of weather)

              मुहावरॖ

1. मु: शुर्य ब्वछि हून क्वछि

    अ: शुर मुर नॖ आसनि किन्य

         कऻन्सि हॖन्दिस शुरिस 

         लॊलॖमतॖ लाय करॖन्य

2. मु: श्राकि तॖ माज़स छा वाठ

    अ: अख ॳकिस दूश्मन,या,

          पानॖवुन्य दुशमनुत

3. मु:  शुर्य किहे छिय मऻच़ॖक्रॗल

          त्रॆ हऻनॖ, दॖरकाकिनि किहे

          छिय ददॖर हिश कूर

    अ: ब्यॆयिसुन्द शुर छु मंदल 

          व्यॊठ बासान

        (पनॖन्य शुर्य ह्यॆछॖनऻव्यूख)

**************************

पंचान्ग:- अथ मंज़ छु नॖ कांह शक ज़ि कऺशीरि मंज़ यीत्य ति संत रूद्यमॖत्य छि तिमव छि पनॖनि मायायि सॗत्य, पनॖनि हऻसिल करिमच़ॖ सिद्धि सॗत्य, पनॖनि दैव शक्ति सॗत्य कम कम चमत्कार कऺर्यमॖत्य यिम वुछिथ छु इन्सान दंग रोज़ान। यिमव संतव छि सिद्धी प्राप्त कऺरमॖच़ कठोर तपस्या कऺर्य कऺर्य, कठिन साधना कऺर्य कऺर्य तॖ वऻत्यमॖत्य छि थऺदिस पायदानस ताम। असि ति छि रूज़मॖच़ यिमन प्यठ यछ़ तॖ पछ़ तॖ आयि द्वह द्वह कड़ान यिहॖन्दि ॴशिर्वादॖ सॗत्य। हालांकि पऺत्यम्यव त्रॖहव दॊयत्रॖहव वऺरियव प्यठॖ याने कऺशीरि न्यबर यिनॖ पतॖ छु बासान सान्यन संस्कारन मंज़ छु आमुत स्यठाह बदलाव। असि त्रऻव पनॖन्य माजि ज़्यव वनॖन्य पनॖन्यन गरन मंज़ पनॖन्यन शुर्यन कट्यन सॗत्यन। असि ह्यॊत पनॖन्यन शुर्यन हुन्द खान्दर करुन पर-ज़ऻच़न मंज़। असि द्युत पनुन वंश बऺडरावनस थख शुर्य ज़्यादॖ पऻदॖ न करन म्वखॖ। ॳस्य बटेयि ल्वकट्यन ल्वकट्यन गरन मंज़ जायि तंगी किन्य। ॳस्य गऺयि दूर गछ़ान पनॖन्यन अंगन ॴश्यनावन निशि। माय महोब्बतस आयि स्यठाह कमी। कऻशिर्य ज़बऻन्य मंज़ लेखुन परुन मऺशरोव असि तॖ अमि मूजूब छि नॖ ॳस्य ह्यकान पनुन अदब रऺछ़रऻविथ या बऺडरऻविथ। हालांकि ब्यॆयन ज़ब्यान्यन मंज़ आयि केंह किताबॖ लेखनॖ मगर पनॖनि माजि ज़्यॆवि मंज़ लेखुन परुन छु स्यठाह कम या न आसनस बराबर। ॳस्य छिनॖ पूरॖ पऻठ्य पनॖन्यन शुर्यन धार्मिक तऻलीम दिथ ह्यकान। यिमन चीज़न हॖन्ज़ रूज़ असि स्यठाह व्यछ़य। अम्युक नतीजि द्राव यि ज़ि ॳस्य दूरेयि पानय अख ॳकिस निशि। टी वी, मोबाइलन बदलोव सोन आच़ार व्यच़ार। तमि मऺज़ीद आव सऻनिस ख्यनस च्यनस, व्वथनस बॆहनस, नच़नस फेरनस, खान्दरन व्वछ़बन मंज़ यिनस गछ़नस यंज़ व्यॊखतुय बदलाव कोरोनावयरस महामऻरी आसनॖ किन्य। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)