05.12.2020

05.12.2020 मॊंजॖहोर (मार्ग/ मगर) गटॖ पछॖ (कृष्ण पक्ष) पऻन्च़म (पऺचमी) बटॖवार (शनिवार/शनिश्चरवार), श्री सप्तर्षि सम्वत 5096, राश कर्कट (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

   महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

          (पराग पुस्तक-141)

च़ामर छ़त्र रथ सिंहासन 

हलाद नऻट्यरस तुलॖ प्रेंख

क्या मानिथ यॆति सिथिर आसुन

कवॖ ज़न कासिय मरनॖन शेंख

           अर्थात

चामर, छत्र, रथ (आज के जहाज़, कार आदि), सिंहासन (ऊंची पदवी) आहलाद, मनोरंजन जैसे नाच नगमा, नाटक का रस लेना (आज का सिनेमा, फिल्म आदि) रेशमी पलंग रखना आदि ऐश्वर्य के सारे सामान को तू ने कैसे मान लिया कि यह यहां पर स्थिर रहेंगे। इनसे मरने की शंका (डर) तो नहीं हटेगी।

भावार्थ:- ऐश्वर्य के भौतिक सामान अस्थाई है। इन से मरने का डर समाप्त नहीं होता है। न ही परमात्मा का साक्षात्कार होता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. दाना (Intelligent/Wise/Learned)

2. दानि (Paddy)

3. दांद (Bull)

4. दांदॖ हॊर (Yoke of oxen)

5. दांद वायिन्य (To plough)

               मुहावरॖ

1. मु: शुर्य छॊर कॊठिस शुर

         मारोना किनॖ कॊठ च़टहोन

    अ: मसलॖ हल करनॖ खऻतरॖ 

         गछ़ि नॖ शिठॖ लागुन 

         समजोतॖ करुन

2. मु: शुर्यवोल ख्यॆया हिर्यवोल

         पनुन

    अ: ज़िम्मदार शखॖस छु हमेशॖ

        परह्यॊत आसन

3. मु: श्रॊंग तॖ ब्रंग

    अ: शऻल्य तारख हावॖन्य, या,

          फंद वनॖन्य

       (शुर्य पनॖन्य ह्यॆछनऻव्यूख)

**************************

पंचान्ग:-  स्वामी जीवन शाह सॖन्द्यन कऺरॖशम छि रूद्यमॗत्र्य बेहिसाब। दपान सन्नॖ 1783 ईस्वी मंज़ ओसमुत छु पठान राज कऺशीरि मंज़ तॖ गवर्नर छु ओसमुत अख पठान यस नाव छु ओसमुत आज़ाद खान। दपान ॳम्यसॖन्दिस शासनकालस मंज़ नी केंच़व पठान सिपाहऻव रॗन्यवारि मीशा मऺहल्लॖ मंज़ॖ अख बटॖ कूर गरि प्यठॖ अगवा कऺरिथ। तऺम्यसॖन्द्य गरिक्य आयि द्हशतस मंज़ फूरॖख नॖ आवाज़ तिमन सिपाहऻन ख़लाफ़। तिम दपान आयि लारान  सऻरी जीवन शाह सऻबस निश पनॖन्य फर्याद ह्यथ। जीवन शाह सऻबन दपान बूज़ तिहॖन्ज़ यि फऺर्याद तॖ वॊनुन फ़ारसी  ज़बऻन्य मंज़ अख शार यॆमुक मतलब ओसमुत छु ज़ि अगर यि हर्कत छॆ नॖ भगवान सॖन्दि रज़ामन्दी सॗत्य आमॖच़ करनॖ, बॖ याने जीवन शाह छुस ह्वॊकुम दिवान ज़ि यथ नावि मंज़ तिम सिपाह छि सवार यि कऻशिर बटॖ कूर ह्यथ, स्व नाव गछ़ि क्वलि मंज़ फटुन्य तॖ कूर गछ़ि फटनॖ निशि बचॖन्य। वनॖनॖ छु यिवान ज़ि ती सपुद। सिपाह फऺट्य पऻनिस मंज़ तॖ यि बटॖ कूर लऺज्य बॊठ तॖ वऻच़ पनुन गरॖ कुनि कॖस्मुक दामानस दाग़ लगनॖ रॊस। यि ओस जीवन शाह सुन्द सिद्धि हुन्द कमाल। यिथय पऻठ्य छि कऺशीरि मंज़ आमॖत्य ऋश्य मुनि, साधु संत, पीर फकीर, ज्ञऻनी प्वरुष पनॖनि पनॖनि आध्यात्मिक ताकतॖ मूजूब विज़ि विज़ि चमत्कार हावान तॖ पनॖन्यन भखतन हुन्द रुत कांछान। मगर अज़कलक्यन संतन मंज़ छॆ नॖ नज़रि यिवान यिछ़ॖ करामऻच़। बापू आशा राम छु अख मिसाल। कऺशीरि मंज़ दपान संतन हॖन्ज़ छाप छि रूज़मॖच़ ज़ंबर्दस्त श्रीनगरॖ शहरस मंज़ तॖ कऺशीरि ॳन्द्य पऺख्य गामन मंज़। 1990-तॖ पतॖ गव कऻशिर्य बटन गाम शहर कुनुय। बालॖ यपोर यिथ छु नॖ व्वंय पय पताह लगान ज़ि कुस कमि अलाकुक छु। यि छु ननान तॆलि यॆलि यिमन कथन कांह सनान छु। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)