03.12.2020

03.12.2020, मॊंजॖहोर (मार्ग/ मगर) गटॖ पछॖ (कृष्ण पक्ष) त्रय (तृतीय) ब्रसवार (वीरवार/ बृहस्पतिवार/गुरुवार),श्री सप्तर्षि सम्वत 5096, राश मिथुन (चलान) ऋतु हेमन्त (चलान)...अज़ छि संकट च़ोरम (संकट निवार्ण चतुर्थी) ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक-139)

अभ्यऻस्य सविकास लयि व्वथू

गगनस सगुन म्यूल समि च़्रटा

शून्य गॊल तॖ अनामय मॊतू

युहय व्वपदीश छुय बटा

          अर्थात

अरे पंडित साधक! अभ्यास द्वारा अपना विकास पाने हेतु लीन होने का प्रयत्न कर। सगुन रूप को गगन या शून्य अर्थात निर्गुण से  मिलाकर फिर शून्य का भी विचार त्याग। तब अनाम ही शेष रहेगा। वही तेरा अद्धैत रूप अर्थात परम शिव का स्वरूप है। यही तेरे लिथे उपदेश या रास्ता है। इसी को अपना कर चल

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

          ***********

1. दार्यल (A bearded person)

2. दालचीन (Cinnamon)

3. दाल(Split grain)

4. दालान (Balcony /Varandah/Lobby)

5. दाम (Small quantity for

drinking)

                मुहावरॖ

1. मु; शालॖ ह्यंग, च़रि द्वद तॖ महि

           ॳडिज

    अ: नामुम्किन तॖ नायाब चीज़

2. मु: शतायु तॖ गतायु

    अ: आसुन बासुन बऺनिथ छ़ोह

          युन पॏंसन

3. मु: शुप्य कानि वछस ज़र्यि 

         नऻल्य

    अ: युस नॖ यथ लायक़ आसि 

          सु ति छ़ारान

        (शुर्य पनॖन्य ह्यॆछनऻव्यूख)

**************************

पंचान्ग:- कऺशीरि मंज़ छि ग्रॆन्दि रॊस संत पऻदॖ सपदेमॖत्य तॖ विज़ि विज़ि आमॖत्य लूकन हुन्द कल्यान यछ़ान। ॳथ्य श्रंखलायि मंज़ ओस अख संत नाव ओसुस जीवन शाह। अर्दॖहऻमि सऺदी मंज़ रूदमुत यि संत छु ओसमुत दपान स्यठाह थदि पायुक। कऺशीरि श्रीनगरॖ शहरस मंज़ रॗन्यवारि अलाकॖ किस मूत्य-यारॖ मऺहल्लस मंज़ ओसमुत छु ॳम्य ज़न्म दपान दोरमुत राजकाक पंडितनि गरि। ॳमिस ॴस्य वनान जीवन सऻब ति। दपान ॳम्यसॖन्ज़ मऻज्य ॴस न्यति क्षीर भवऻनी तुलमुल गछ़ान रोज़ान तॖ तति माजि रऻज्ञन्यायि पनॖनि बापथ संतान मंगान रोज़ान ति क्याज़ि स्व दपान ॴस संतान रॊस। ॳमिस माजि हॖन्ज़ प्रार्थना, आराधना गऺयि सफल तॖ कामला गऺयस पूरॖ तॖ माजि रऻज्ञन्यायि हॖन्ज़ि वरदानॖ सॗत्य ज़ायि ॳमिस माजि अकि बदलॖ ज़ॖ संतान। ॳकिस थॊवुन नाव हरी तॖ ब्यॆयिस थॊवुन नाव जीवन। यि दॊयिम लऺडकॖ याने जीवन बन्याव दपान बऺडिथ अख बॊड बारॖ तॖ नामावार संत। दपान जीवन जीयन कऺर तती नऺज़दीकी ॳकिस स्कूलस मंज़ पनॖन्य तऻलीम हऻसिल तॖ ह्यॊछुन फ़ारसी ति परुन। दपान जीवन जी ओस फ़ारसी ज़बऻन्य हुन्द ज़्यादय इस्तिमाल करान तॖ पनॖन्य पेशनगोयि या भविष्यवऻणी या काह कलामॖ ओस अक्सर फारसी ज़बऻन्य मंज़ॖय वनान रोज़ान। ल्वकचारस मंज़ॖय दपान कॊरुख जीवन सऻबस खान्दर तमि वख्तॖचि प्रथायि मूजूब मगर दपान कॆंच़ॖकऻल्य पतय गव जीवन सऻब गरि नीरिथ तॖ तऺथ्य मऺहलस मंज़ॖय ब्यूठ ब्यॆयिस कुनि मकान मंज़ कुनुय ज़ॊन ॳकिस कुठिस मंज़ पनॖन्य सादना करनि। अथ कुठिस मंज़ ओस अख हच्युव तख्तॖपोश तॖ ब्यॆयि नॖ कॆंह यथ प्यठ बिहिथ जीवन सऻबन कऺर पनॖन्य सादना। हऻरऻनी हॖन्ज़ कथ छि यि ज़ि दपान जीवन सऻबन छु शेठन वऺरियन कॊरमुत काग आसन। काग आसन माने दपान यि छु रूदमुत काव सुन्द ह्यु आकार बनऻविथ तॖ करान रूदमुत तथ्य मुद्रायि मंज़ शेठन वऺरियन। सासॖबऺद्य तॖ लछॖबऺद्य लूख प्रथ ज़ऻच़ हॖन्द्य दपान जीवन शाह सऻबॖन्य मुरीद ॴस्य बन्यॆमॖत्य या ॳम्यसॖन्द्य भखॖत्य बन्यॆमॖत्य। ॳमिस मंज़ दपान लूकन ॴस रूज़मॖच़ ज़बर्दस्त यछ़ तॖ पछ़। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)