08.12.2012

08.12.2019, मॊन्जहोर (मार्ग) ज़ूनॖ पछॖ (शुक्ल पक्ष) काह(देवादेव) (एकादशी) आथवार (रविवार/एतवार) श्री सप्तर्षी सम्वत 5095, राश मेष (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: ग्वडॖ यड अदॖ थर
    अ: यॆलि यॆड बतॖ या गुज़ारॖ
         आसि तॆली छु इन्सान
       जिस्मॖ वलन बापथ पोशाक
       छ़ान्डान
2. मु: ग्वडनिच लानथ तॖ दॊयिम
         न्यामथ छि बराबर
    अ: यी करुन ति ग्वडॖ करुन छु
         बॆहतर
3. मु: ग्वडॖन्युक सोदा गछ़ि नॖ
         त्रावुन
    अ: यि ग्वडॖ बनि सु छु हमेशि
         जान आसान
4. मु: गॊबुर छा लॊबुर ज़ि गुपुन
         गूरिस निशि अनि
    अ: न्यॆचुव छु स्यठाह म्वलुल
       आसान/पनुन शुर छु न्यामथ
5. मु: गूर्य वॊहवॖ छु नॖ गुपुन मरान
    अ: पनॖनिसॖन्दि नाकारॖ यछ़नॖ
          सॗत्य छु नॖ परवाय आसान
**************************
1. बावॖसान.... Respectfully/
                     Obediently
2. बावॖरॊस....Without res-
                  pect/Dishonour
3. बाव.....Honour/Respect
               Love/Price
4. बानॖ-कुठ....Store room
5. बानॖवोल....Utensil seller
               One who sells
               utensils
6. बांकॖ.... Beautiful/Smart
                Young boy
7. बांड-जॆशॖन....Folk song/
              Drama/Entertain-
              ment of bands
8. बांडॖ पऻथॖर....A perform-
              ance by bands
9. बांड.....Dance perfor-
              mers/Actor/
              Acrobat
10. बान्दव.....Relations/
             Friend/Brother
**************************
         गीता ज्ञान  :अध्याय 18
युस मनुश ध्यानॖ यूगॖ सॗत्य मन प्राण, न यॆन्द्रियन हॖन्ज़ क्रयायि दारन करान स्व वर्ती यानि दारना
सातविक ज़ान।
वॊन भगवानन गीता ज्ञान
**************************
शाकाहारी या मांसाहारी द्वनवय कॖस्मॖक्य लूख छि यथ सम्सारस मंज़ ज़िन्दॖ रूज़िथ। सऻरी छि पनॖनि पनॖनि आयि तॖ त्रायि पकान। सऻनिस पनॖनिस समाजस मंज़ वुछ म्यॆ ज़ि युस नॖ राथ ताम नाटव रॊस कथॖय ओस करान सु बन्याव रातोराथ श्वद्ध तॖ शाकाहारी यानि वैशनव तॖ युस नॖ ज़ांह ज़ाने न्यॆन्यन कुन वुछुन ति सु छु अज़ ठूल क्वकुर कश कऺड्य कऺड्य ख्यवान तॖ पकान। राथ आव म्यॆ कऺमिस ताम बऻयसुन्द आडियो यथ मंज़ सु वनान छु ज़ि ब्रसवार छि ब्रहस्पथवार तॖ यि छु ग्वर सुन्द द्वह तॖ यि साईं बाबा कति आव यॆम्युक ज़िक्र म्यॆ छु कॊरमुत पनॖनि कथबाति मंज़। ॳमिस म्यऻनिस बऻयिस छि म्यऻन्य अख व्यनती ज़ि यि सवालॖ तुजेयो शंकराचार्याहन ति कॆंह वख ब्रौंठ मगर सु करनोव छ़ॊपॖ साईं भक्तव यि वऺनिथ ज़ि विश्वास छु बॊड चीज़। युस यॆमिस प्यठ विश्वास थवि तॖ नवि तॖ फॊलि तऺमिस सॖन्दि बापथ छु सुय भगवान। अदॖ व्वंय सु गोपीनाथ जी छु या साईं नाथ छु। ॳस्य कऻशिर्य बटॖ आयि सऺदियव प्यठॖ कऺशीरि मंज़ न्यॆनि ख्यवान तॖ दपान ॴस्य यॊत ताम नॖ पऺछ़िस लऺछ़िस मांज़ बतॖ यी ख्यावनॖ तॊत ताम छु नॖ यॆज़मनस तसलॗह यिवान। यॊत ताम नॖ च़क्रीश्वर च़ॊट बॊम्वारि या बटॖवारि खारिहे या ज़ीठ्यऻर तऺहर तॖ च़र्वन खारिहे, तऺमिस ओस बासान ज़ि धर्म व्यतरावनस मंज़ छि क्याहताम कऺमी। दपान ॴस्य भऻरव छि बऺली मंगान, गर दीवता या यक्ष छु गाडन या न्यन्यन लोर। यिम सऻरी व्यच़ार बदल्यॆयि यनॖ ॳस्य लऺग्य योर। कऺम्य बदलऻव्य क्याज़ि बदलऻव्य कऺमिस प्रॖछ़िथ बदलऻव्य तॗ बदलऻविथ क्याह नॊव असि प्रोव कुस करि अथ प्यठ ग़ोर। यिमनॖय कथन ज़ानॖनस प्यठॖ पज़ि द्युन असि ज़ोर।
**************************
"दऺमी डींठॖम नद वहवनी
दऺमी ड्यूंठुम सुम न तॖ तार
दऺमी डींठिम थऺर फ्वलवॖनी
दऺमी ड्यूंठुम गुल न तॖ खार"
          ********
अर्थात:- अपने जन्मों के बारे में जानकारी देते यह वाक्य कहा गया है। एक समय पर मैं ने देखी एक नदी कम पानी वाली फिर उस नदी को गरजते हुए पाया।
एक बार मैं ने देखी फूलों की एक झाडी खिली हुई थी कभी मैं ने देखी कि इस में न पुष्प ही थे न कांटे ही।
    पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)