07.12.2019

07.12.2019, मॊन्जहोर (मार्ग) ज़ूनॖ पछॖ (शुक्ल पक्ष) काह (एकादशी) बटॖवार (शनिवार/ शनिश्चरवार) श्री सप्तर्षी सम्वत 5095, राश मेष (रऻच़ हॖन्ज़ॖ 1.27 बजि प्यठॖ),ऋतु हेमन्त (चलान), द्रठॖपऻन्च़ुक (पंचक) गछ़ि अज़ समाप्त,चूंकि काह छि ज़ॖ गछ़ान ॳज़्युक वॊहरवोद यी पगाह...
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: गुह्य रयॊन्ज़
    अ: सु शख़स युस बऺल्य बऺल्य
         आसि वॊथ्य वॊथ्य गछ़ान/
         लॊत शख़स
2. मु: ग्यव ख्यनय छ्यनॖ गर्दन
         म्वटान
  अ: कांह कऻम कऺरिथ छु तम्युक
     नतीजि न्यॆरनस वख लगान
3. मु: ग्यॆलि ग्येलि छि कांह ग्यल
         स्यॆज़ गछ़ान
    अ: लगातार कूशिश करनॖ
         सॗत्य छु स्यज़र गछ़ान
4. मु: ग्यवस तॖ कनॖहऻपिनि रॖश
    अ: पानॖवॖन्य सख़ वऻर आसॖन्य
5. मु: ग्यवॖहऻ तॖ ग्यव ख्यव ब्रार्यॆव
    अ: बहाना बऻज़ी कऺरिथ कामि
         च़ूर बनुन
**************************
1. बाम्बॖर प्यॆन्य....To be in
                          hurry
2. बानॖ...Utensils/Fortune
              Destiny
3. बानॖ ठासॖन्य....To show
                          anger
4. बानॖ बठ....Utensils
5. बान......Sun/Arrow
6. बामन....New leaves of
                 tree
7. बामल युन....To gain/To
                    get profit/To
                    obtain
8. बाल्यॆग.....Adult/Matured
                   Major
9. बालॖ थॊंग....Mountain top
              Peak of the moun
              tain
10. बालॖ दामन.... Bottom of
              the mountain/Hill
**************************
         गीता ज्ञान :अध्याय 18
यॊसॖ अकॖल अधर्मस धर्म मानान यिथय पऻठ्य सऻरी चीज़ उलटॖ बासान स्व अकॖल पूरॖ पऻठ्य तामस ज़ान
वॊन भगवानन गीता ज्ञान
**************************
च़ऺन्दॖरवार छि दपान छु आसान शिव जियुन द्वह, बॊम्वार दपान छु आसान महावीर सुन्द द्वह, ब्वदवार छु बस ख्यनुक च्यनुक दॊहा ति क्याज़ि अमि पगाह छि ब्रसवार यिवान तॖ यि द्वह छु साईं बाबा सुन्द द्वह यिवान मानॖनॖ। शॊकुरवार गव सन्तोशी मां सुन्द द्वह,  त बटॖवार दपान आसान छु  शनिश्चर सऻबुन द्वह, ॴखरस गऺयि आथवार तॖ यि द्वह छु आसान सिर्यि भगवान सुन्द दपान। ॳस्य कऻशिर्य बटॖ छि पूज़ान प्रथ कऻन्सि भगवानस युस बुथि यिवान छु। ॳथ्य सॗत्य सॗत्य छि यिवान फ़ाकॖ दरनॖ। युस यथ दॊहस मानान छु सु छु तमि हिसाबॖ तथ दॊहस प्रारान ज़ि कर यी सु द्वह तॖ बॖ थवॖ फाकॖ। फाकॖक्य द्वह छॆ नॖ नाटॖ ख्यॆनि कॆंह। बॊम्वारि तॖ ब्रसवारि ति छॆ नॖ नाटॖ ख्यॆनि। ॴठम द्वह छि वैसे ही वैश्नव ख्यन ख्यवान लूख। यूत वनॖनॖ पतॖ छु म्यॆ वनुन ज़ि सऻनिज समाजस मंज़ कुस छु यिम फऻसलॖ करान तॖ कऺमिस सॗत्य बिहित कऺरिथ छि यिम फर्मान यिवान। असि छु नॖ थख ॳती योत, नवरात्रक्यन ग्वडनिक्यन च़्वन दॊहन ॴस्य कऺशीरि मंज़ नाटॖ ख्यवान यॊत यिथ कॊर नाटॖ ख्यॆनॖ बऺद ग्वडॖ प्यठय। नवम द्वह ॴस्य च़र्वन तऺहर खारानॖ ज़्यीठयऻर तॖ तऺहर शूशनोर ॴस्य खारान च़क्रीश्वर तॖ त्रावान गऻन्टन मगर सुति गव त्रावुन बंद। कऺम्य सॖन्दि हॊकॖमॖ, यि छॆ नॖ पतहॗय। यिम बाकय द्वह छि यानि पुनिम छि, मावस छि, काह छि, च़्वदाह छि, यिमन दॊहन ति छि ॳड्य नाटॖ ख्यवान ॳड्य छिनॖ तिक्याज़ि यि ज़ानि दय। फ़ाकस मंज़ क्याह क्याह छु ख्यॊन तॖ क्याह छु नॖ ख्यॊन यि ति छि पनॖनि पनॖनि रायि तॖ हिसाबॗ ॳस्य पकनावान। कथॖ छि वारियाह अमि कॖसमॖचि। वुछव ब्रौंहकुन कति क्याह छु।
**************************
"दऺमी ॴसॖस ल्वकॖट कूरा
दऺमी ॴसॖस जवाना पूर
दऺमी ॴसॖस फेरान थोरान
दऺमी सपनॖस दऺज़िथ सूर"
        ******
अर्थात:- कभी मैं बालिका थी, कभी व्यसक थी और फिर घूमने फिरने लगी,उसके बाद जल कर
राख हो गई अर्थात शरीर त्याग किया। संसार में आकर बचपन जवानी नहीं रहती और जीव को मृत्यु का ग्रास होना पडता है।
    पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)