01.07.2019

01.07.2019 हारॖ (आषाढ) गटॖ पछॖ (कृष्ण पक्ष) च़्वदह (चतुर्दशा) च़ऺन्दॖरवार (सोमवार) श्री सप्तर्षी सम्वत 5095, राश मिथुन (दुहचि 8.52 बजि प्यठॖ) ऋतु ग्रीष्म (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: अबक़ छानस सबक़ रूद
    अ: अडॖह्यॆछलिस छु वख्तॖ
         विज़ि सबक़ मशान
2. मु: अब ति टोठ तॖ बब ति
         टोठ
   अ: दॊयव मंज़ॖ नॖ कांह चीज़ नॖ
        त्रावनस नॖ तयार
3. मु: अबक़ छानस तबक़ यड
   अ: बेवॖकूफ़स छु ब्वछर आसान
        अडॖह्यॆछलिस छु ब्वछर
4. मु: अपुज़ छु तुलॖकतुर तॖ पॊज़
         छु आफ़ताब
    अ: अपुज़ छु नॖ दऺरिथ ह्यकान
         पऺज़िस निश
5. मु: आबुक आबस तॖ द्वदुक
         द्वदस
   अ: हलालुक छु वति लगान तॖ
        हरामुक छु ज़ायि गछ़ान
**************************
1. अस....Laugh
2. असुन...To laugh
3. असन खंगालॖ... Laughing/
           Side splitting laugh-
           ter
4. अशुद्ध....Impure/Dirty/
           Wrong/Unsound/
           Nasty/Improper/
           Incorrect
5. अशरफ....Rich man/
                   Noblest
6. अशुब...... Unfortunate/
           Inauspicious/Evil/
          Portentous
7. असूल.....Principle/Fun-
          damentals/Dogmas
          Manners/Causes
8. अतराफ़..... Directions/
          Side/Extremities/
          Suburbs/Environs/
9. अतलास....Silk dress
10. इज़हार.... Expression/
          Display/Expressing/
          Disclosers/Procla-
         mation/Examination
**************************
      गीता ज्ञान - अध्याय 13
युस ज़ीवन हॖन्द्य ब्यॊन बाव डीशिथ, ॳक्यसॖय ब्रह्मस मंज़ दऺरिथ व्यस्तार वुछिथ
तॆलि सु मनुश्य ब्रह्मस प्रावान
वॊन भगवानन गीता ज्ञान
**************************
च़ूरस गऺराह तॖ रऻछिस द्वहा। यि कऻशुर दऺपिथ यानि यि मुहावरॖ छु बिल्कुल पॊज़। कोताह ति कऺर्यतन कांह कुनि चीज़स रऻछ्य मगर यॆलि वोतॖमुत आस्यस पतहॗय छु नॖ लगान ज़ि सु किथॖपऻठ्य छु अथ मंज़ॖ नीरिथ च़लान। म्यॆ छु बासान अज़कल छु इन्सानस न्यसॖफ ज़ुव मोबाइलस मंज़। सारिनॖय रिश्तन हॖन्ज़ तार छि वऻटिथ ज़न अथ मोबाइलस सॗत्य। अगर यि मोबाइल रोव कुनि सातॖ तॖ मऻन्यतव ज़ि सऻरीय ॴश्यनाव ज़न रऻव्य ति क्याज़ि तिहिन्द्य फ़ोन नम्बर छि ॳथ्य मोबाइलस मंज़। ज़बऻन्य छु नॖ याद रोज़ान सोरुय। बॖ छुस यि पनुन तजरुबॖ वनान ति क्याज़ि म्यॆ रोव पनुन मोबाइल वुछान वुछान गाशॖ तारुख द्वह यानि त्रॊवुहमि जून आथवारि द्वह मावलंकर आडिटोर्यमस न्यबर कैन्टीनस निश तॖ वारियाह छ़ऻन्ड दिथ ति आव नॖ अथि कॆंह। बॖ गोस अथॖ छ़्यॊन ह्यु। खऻर...अख हफ़्तॖ लॊग म्यॆ नवि सरॖ संदरावनस वुनि ति आस नॖ ठऺठ्य। मोबाइल मॖ रऻविन्य कऻन्सि।
**************************
"नमस्ते नाथ भगवन शिवाय गुरुरूपिणे। विध्यावतारसंसिद्ध्यै स्वीकृतानेकविग्रह:।।"
पऺरिव यि मंत्र ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)