03.07.2019

03.07.2019 हारॖ (आषाढ) ज़ूनॖ पछॖ (शुक्ल पक्ष) ऒक्दॊह (प्रथमा) ब्वदवार (बुधवार), श्री सप्तर्षी सम्वत 5095, राश कर्कट (रऻच़ हॖन्ज़ि 11.8 बजि प्यठॖ) ऋतु ग्रीष्म (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: पौंसस निश छु पौंसॖ वातान
    अ: पौंसॖ वऻलिस निश छु पौंसॖ
         वातान
2. मु: पांच़ऻलिस रोज़ि नॖ दॊहय
         वाव
    अ: मुसीबथ छु नॖ अकि डन्जि
         रोज़ान
3. मु: पान्यो पान्यो
    अ: ख्वद-गर्ज़ी
4. मु: पानस पॖर-पॖर लूकन
         तबाबथ
    अ: पानॖ नाकारॖ कामि कऺरिथ
         लूकन रॖच़ॖ कामि करनॖच
         नसीह्यथ करॖन्य/पानस कुन
         नॖ वुछुन
5. मु: पानसॖय ख्यॆयतन असि मतॖ
         दीतन
    अ: रॖच़र कांछुन/शुर अगर
       बजाह आसि च़म छि शिहिज
**************************
1. पाबन्द.....Bound/Commi-
             tted/Habituated/
            Restrained/Detain-
            ed/Imprisoned/
          Checked/Controlled
2. पाफ़....Sin/Crime/Guilt/
             Wickedness/
             Villain
3. पाठशाला....School/Semi
                       nary
4. पाख़ानॖ.....Latrine/Lava-
                    tory/Stools
5. पाद.....Foot/Root of a
               tree/Foot of a
               mountain
6. पादन प्यॊन.... Obeisance/
               To touch the feet
               of a person
7. पादि प्रणाम....Obeisance
             made by touching
            the feet
8. पादर सॖह ....Lion
9. पादाश.... Punishment/
                     Retaliation
10. पास..Side/Permission
               Pass
**************************
      गीता ज्ञान - अध्याय 13
 आकाश यिथकऺन्य सऻर्यसॖय व्यऻपिथ आसान, सूक्षम आसनॖ सबॖ बेलगाव रोज़ान
दिहि मंज़ ॴसिथ आत्मा छु नॖ
लिप्त सपदान
वॊन भगवान गीता ज्ञान
**************************
क्याह करि इन्सान। नारस दीया नरि। पनॖनिस बट्टॖ समाजस मंज़ छु म्यॆ नज़रि यिवान ज़ि ॳस्य छि वारॖ वारॖ छ़ॊकान तेदादस मंज़। कति तिम पांछ़ शॆ ॴठ नव शुर्य अज़ यिमन अख ज़ॖय तिमन ति खुर्य फ़ीस-वीस बऺर्य-बऺर्य पेरैंट बरहम। राथ ओसुस ॳकिस जायि गोमुत कऻन्सि ॳकिस म्यॆथरस निश तॖ नन्योम ज़ि तिम छि पानॖ च़ोर बऻय तॖ त्रॆ ब्यॆनि।भगवान दीनख स्वख सान बॆहनॖ। मगर तिमन पानस छु बस अख अख शुर तॖ सु ति अख लार तॖ अख दार। दऺछिन्य खॊवॖर्य यॆलि म्यॆ नज़र प्यवान छि तॖ वुछनस तल छु यिवान ज़ि कॆंह सऻन्य लऺडकॖ या लऺडकी छि वऻत्यमॖत्य या वाच़मच़ॖ दॊयत्रॖह या च़्वयत्रॖह वुहॖर्य तॖ वुनि छि खान्दरॖ रॊस। तिम कर करन खान्दर पानस, कर ज़्यन तिमन शुर्य तॖ कर तॖ कति करन तिम गरॖ।अख बॊड सवालॖ। वख यी ज़ि ॳस्य यिमव नॖ अथीय कुनि अगर असि यिहऻय रफ़तार रोज़ि पनॖन्यन शुर्यन हॖन्ज़ खान्दरॖ बापथ तॖ खान्दरॖ पतॖ शुर्य आसनॖ बापथ।
**************************
"ज्ञानं ज्ञेयं ज्ञान प्रसारं ज्ञानेन्द्रं,
ज्ञानाकारं ज्ञान प्रबोधं ज्ञानतत्वम्।
एकं नित्यं विश्वाराध्यं हृदिवेशं,
वन्दे गुरुदेवं शैवयतीन्द्रं भगवन्तम्।।"
पऺरिव यि मंत्र ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)