02.01.2019

02.01.2019, पॊह (पौष) गटॖ पछॖ (कृष्ण पक्ष), बाह (द्वादशी), ब्वदवार (बुधवार), श्री सप्तर्षि सम्वत 5094, राश वृश्चिक (चलान), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: यि हकीमस दीज़ि ति दीज़ि
         ब्यमारस
    अ: यलाजॖ ख्वतॖ छु परिहेज़
          बॆहतर
2. मु: यिवॖन्य दौलत प्यवुन शीन
        च़लवॖन्य दौलत गलवुन शीन
    अ: दौलत छि यिवान वारॖ वारॖ
          तॖ च़लान यकदम
3. मु: पऻज़ारस थफ
    अ: च़लनस तयार
4. मु: यज़तस ख़लल गछ़ुन
    अ: यज़तस ददार वातुन
5. मु: योर कुन ल्यॆज तूर्यकुन रॆह
    अ: वाव वुछिथ नाव त्रावॖन्य/
         ख्वदगर्ज़ी/मतलऺबी
**************************
1. लाल किताब...... Reposi-
           tory of answer to
           every question
2. लालटीन..... Lantern
3. लालॖच....... Greed/Temp-
                       tation
4. लालॖच द्युन....To tempt/To
                         allure
5. लालॖच गछ़ुन....To desire/
            To be greedy/To
            get tempted
6. लाल रॊख...Rosy cheeked
7. लालज़ार....Bed of roses/
                     Bed of tulip
8. लाम..........Armed force/
                      Army
9. लाम लगॖन्य...To line up
10. लान........Lawn
**************************
        गीता ज्ञान  : अध्याय-9 :
सारिय ज़गतुक छुस विधाता
कर्मॖफल दिनॖ वोल माता पिता
पवित्र ओंकार तॖ वीद म्यॆ ज़ान
वॊन भगवानन गीता ज्ञान
**************************
नवि वऺर्युक ग्वडन्युक द्वह ति द्राव अख ॳकिस मुबारकबाद दिवान,ॴही मंगान, रुत कांछान,
असान तॖ गिंदान। कोताह तेज़ छु यि वख पकान फिकिरी छु न तरान। वुछान वुछान गव नीरिथ सनॖ ज़ॖ सास तॖ अर्दाह। कऻत्याह द्रायि असि ब्रौंठ, कऻत्याह रूद्य असि पथ, कऻत्याह छि असि सॗत्य यि ज़ानि दय। कऻत्याहव त्रोव यि संसार, कऻत्याह आयि ज़न्मस।यी
 छु ज़िन्दगी हुन्द अख चलवुन च़क्रॖ। यि संसार कोताह बोड छु तॖ इन्सान अख मऻच़क्रॗरा अथ मंज़ व्वथान बॆहान दवान दौरान असान द्रॊकान तॖ नेरान छ़ॊर तॖ छॊन। कीवल कॆंह पनॖनि कामि कऺरिथ, कॆंह जान कॆंह नाकारॖ। याद प्यवान द्वनवय वख्तॖ वख्तॖ तिमन यारन दोस्तन अंगन ॴशनावन यिमन सॗत्य यि इन्सान पनॖन वऻन्स कऺडिथ नेरान छु तॖ फ़ेरान नॖ वापस। दपान छि इन्सान छु कऺच़ताम लछ यून्यियन फीरिथ यिवान ब्यॆयि इन्सान ज़न्मस।मगर कुस कऺमिस कति तॖ कथ जायि मेलान यि वुछ नॖ कऻन्सि। इस्लिये छु बॆहतर ज़ि ॳस्य ति नेरव यॆलि तॆलि जान कामि कऺर्यथॖय। जान कथॖ कऺर्यथॖय। अख ॳकिस सॗत्य सऺमिथॖय। ॳकसीय रज़ि लऺम्यथॖय
**************************
"नमामि सद् गुरुं शान्तं प्रत्यक्षं शिव
रूपिणम्, शिरसा योगपीठस्थं धर्मकामार्थ सिद्दये"
पऺरिव यि मंत्र दॊहय....गुरु स्तुति
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव).