03.01.2019

03.01.2019, पॊह (पौष) गटॖ पछॖ (कृष्ण पक्ष) त्रुवाह (त्रयोदशी), ब्रसवार (वीरवार/ ब्रहस्पतवार),श्री सप्तर्षि सम्वत 5094,राश वृश्चिक (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: योरॖ मॊन्य ओरॖ कऺन्य
    अ: लोलस बेज़ती
2. मु: यॊत ताम दम तॊत ताम ग़म
    अ: यॊत ताम इन्सान ज़िन्दॖ छु
          तॊत ताम छि तस परेशऻनी
3. मु: य्यॊस गाव द्वद दी तसॖन्ज़
         लथ छि च़ालॖन्य
    अ: यस निश कॆंह फ़ऻयदॖ वाति
          तऺम्यसुन्द शरारत ति छु
          च़ालुन प्यवान
4. मु; यॊत ताम पॊज़ पज़ि तॊत
         ताम आलम दज़ि
    अ: पज़र ननॖ नस मंज़ छु च़ेर
         लगान
5. मु: यॊत ताम छ़ॊट नॆन्दॖर करि
       तॊत ताम ज़्यूठ जाय छ़ान्डि
**************************
1. लाकम.......Reins/Bridle
2. लाछ.........Lac
3. लान्ज़.......A long stick
4. लावॖ........Lava
5. लाय........Pop corn
6. लावल्द..... Having no
             issue/Heir less
7. लायक़......Able/Capable
           Competent/Worthy
           Suitable/Qualified
8. लागुन.....To apply/To
           imitate/To place/
           To attach/To join/
           To engage/To stick
9. लारुन...To run/To follow
           To give chase/To
            hunt/To pursue
10. लारि लार....In hurry/
            Quickly/Swiftly
**************************
         गीता ज्ञान  :अध्याय-9 :
परम दाम स्वामी तॖ रछन वोल
सारिनी हुन्द जान तॖ नाकारॖ वुछन वोल
शरनागतन हुन्द निवास स्थान
वॊन भगवानन गीता ज्ञान
**************************
पानस ताम छु नॖ किहीं इन्सानस।
अख क़दम ति ह्यॆकिनॖ कऺडिथ पानॖ इन्सान। कऺमिस्तान सॖन्दिस
इशारस प्यठ छु यि इन्सान पकान रोज़ान। क्वस्ताम शक्ति छि य्यॊस इन्सानस नच़नावान छि यथ संसारस मंज़ योर ज़न्मस यिथ।लीखित ललाटस मंज़ छुय यूतुय
मेलान त्यूतुय इन्सानस। कस कोताह स्वख द्वख बूगुन छुय ख़बर ॳकिस भगवानस। ॳज़्युक गीता जी मंज़ुक श्वलूकुक माने छु यी ज़ि ईश्वर वनान यानि भगवान कृष्ण वनान अर्ज़नस ज़ि बॖ छुस सोरुय। पतॖ ब्रौंठॖ, हॆरि ब्वनॖ, अंदर न्यबर, प्रथ जायि प्रथ इन्सानस मंज़। यूत ज़ऻनिथ ति छु असि मॊह, लूभ, क्रूध, अहम्, काम।
न ह्यॊन कॆंह यॆति न द्युन कॆंह यॆति मगर तोति रोज़ान जखान, सॊम्बरान, सारान पतव नॖ किहीं लारान। मगर ज़िन्दॖ पनुन पान थवनॖ बापथ रोज़ान अख ॳकिस मारान तॖ क्याहताम रोज़ान छ़ारान तॖ प्रारान हलम दऻरिथ।
**************************
"ध्यान मूलं गुरोर्मूर्ति: पूजामूलं गुरो:  पदम्। ज्ञान मूलं गुरोर्वाक्यं मोक्षमूलं गुरो: कृपा"
यि मंत्र ति रूज़िव परान...गुरु स्तुति
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)