01.01.2020

01.01.2020, पॊह (पौष) ज़ूनॖ पछ (शुक्लॖ पक्ष) शॆयम (षष्ठी) ब्वदवार (बुधवार),श्री सप्तर्षी सम्वत 5095, राश मीन (रऻच़ हॖन्ज़ॖ 9.37 बजि प्यठॖ), ऋतु हेमन्त (चलान), द्रठॖपऻन्च़ुक (पंचक) (चलान)...अज़ छि कुमार शॆयम ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
त्वहि सारिनी ईस्वी सनुक नॊव वऺरी मुबारक। ह्रॊच़ तॖ फ्रूच़ न्यॆरुन।
ॳज़्यकि प्यठॖ दिमॖ बॖति पनॖनिस सबकस फ्युर ह्यु। गीता ज्ञानॖ प्यठॖ करव शुरु।
**************************
         गीता ज्ञान  :अध्याय 18
सु कर्मॖ यूगी म्यॆ परायन सपदिथ, ब्यॆयि सऻरी कर्म हमेशि कऺरिथ,म्यानि ध्यायि छु म्यऻन्य परम पद प्रावान।
वॊन भगवानन गीता ज्ञान
**************************
           ललॖ वाक्             
"यिहु यिह करम करॖ प्यतरुन पानस
अरज़ुन बरज़ुन ब्यॆयिस क्युत
अनति लागि रुस पुशरुन स्वात्मस
अदॖ यूर्य गछ़ॖ तॖ तूर्य छुम ह्यॊत"
         ************
अर्थात:- अपना कर्म फल मुझे स्वयं ही भुगतना है। लोगों का काम केवल बातें बनाना है। कर्म में लिप्त हुए बिना ही ईश्वर अर्पण करके (अकर्तृत्व भाव से) कर्म करना है तो फिर जिधर भी जाऊं उधर मेरा हित है।
    पऺरिव यि लल वाख ति
**************************
         नुंदॖ रॆशिन्य श्रुक्य   
अवल ॳलिफ़ कुनुय ॳल्लाह
अवल पतॖ ॴखॖर ज़वाल नॖ तस
ब्यॆयि गव मुहमम्द रसूल ॳल्लाह
क़यामॖच़ शफात करि उम्मतस
          **********
अर्थात:- यिथॖ अछरन मंज़ ग्वडन्युक अछुर छु ॳलिफ़ तिथॖ छु ज़गतुक पालनवोल दय ति कुनुय, युस नाशि रुस छु। बे अछुर गव ख्वदाय सुन्द रसूल हज़रत मुहमम्द यसन्दि दऺस्य क़यामच़ द्वह  ज़गतस शफ़ा सपदि।
**************************
*प्रेप्युन*: यि छि नॖ परान नित्य कर्म पूज़ाय मंज़। यि छि परान कॆंच़न बड्यन व्वत्सव प्यठॖय योत। प्रेप्युन छु द्वन शब्दव सॗत्य बन्योमुत। पर+अर्पण=प्रेप्युन यानि दॊयिम्यन द्युन। कऻशर बटॖ छि बनावान ख्यनॖ सामग्री य्वस तिम बऻगरावान छि होर योर। यि सामग्री छि बनान बड्यन दॊहन प्यठ, वॊहरवऻदिस प्यठ वगैरा।यि ख्यनॖ सामग्री छि आसान तऺहर, खिर (क्षीर), तॖ तहरि मंज़ रलावान ग्यव, नून तॖ ल्यॆदॖर। पूर्य ति छि बनावान। प्रेप्युन छॆ नॖ पूज़ा बऺल्कि  आवाहन दीवी देवतताहन ज़ि तिम दिन पनुन ॴशिर्वाद तॖ ग्रहन करन यि सोन बनोवमुत नवीद या प्रसाद। अथ प्रेप्युनिस मंज़ छि ॳस्य याद करान गणेश जियस, विष्णु, शिव, दुर्गा, कुमार, सिरियस,भैरव नाथस, त तिमन दीवी देवताहन सॗत्य जुडिथ बाकय ल्वकॖट्य म्वकॖट्य देवगण, तॖ तिमन निवेदन करान ज़ि सऻन्य मॆहनथ रथि खारनस मंज़ असि सहायतस रोज़ुन। अमि बनावमॖत्य प्रसादॖ मंज़ॖ छि रच़िहेना तऺहर ब्यॊन कडान यथ वनान छि च़ॊट तॖ ब्यॆयि छि बनावान पांछ़ या सथ म्यॆचि यथ नाव छु क्षेत्रपाल या देवी भोग। प्रेप्युन पऺरिथ छि च़ॊट तॖ क्षेत्रपाल त्रावान न्यबर जानावारन, क्यॆम्यन क्रॗलन हॖन्दि नावॖ तॖ तमि पतॖ छि यि प्रसाद पानस ख्यवान तॖ ॳहलस तॖ मऺहलस बऻगरावान। प्रेप्युन करनॖ विज़ि छि गरिक सऻरी बऻच़ नऺवीद थालस थफ करान तॖ ध्यानपूर्वक दीवी दीवताहन न्यमंत्रण दिवान।प्रेप्युन यथ व्वत्सवस प्यठ करुन आसि, तमि व्वत्सवुक नाव ह्यनस सॗत्य सॗत्य छि परान तिथि, वार, पक्ष वगैरा तॖ ह्यवान आज्ञा ख्यनॖ ब्रौठ। प्रेप्युन छु सानि जंत्री मंज़ हऻविथ। म्यऻन्य व्यनती म्यान्यन ब्यॆन्यन तॖ बायन छि ज़ि पनॖन्य शुर्य ह्यॆछिनऻव्यूख प्रेप्युन परुन। त्वहि सारिनी दय रुत करुन
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

31.12.2019

31.12.2019, पॊह (पौष) ज़ूनॖ पछ (शुक्लॖ पक्ष) पऻन्च़म (देवादेव) (पन्चमी) बॊम्वार (मंगलवार),श्री सप्तर्षी सम्वत 5095, राश कुम्ब (चलान), ऋतु हेमन्त (चलान), द्रठपऻन्च़ुक (पंचक)(चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: मोतस तॖ कबरि छु हिसाब
    अ: हिसाब छु प्रथ कामि तॖ
         चीज़स
2. मु: मॊदुर दानॖ च़्वकि नॖ च़ॊक
         दानॖ मॊदरि नॖ
    अ: ख़स्लथ छॆ नॖ हरगिज़
         बदलान
3. मु: मॊंगॖ खार ख्यथ ति फ़ाकय
    अ: यस नॖ यड यी/ना शुकुर
          गुज़ार
4. मु: म्वय ति यॆती म्वयखानॖ ति
         यॆती
    अ: प्रथ कांह चीज़ मॊय्यसर
         आसुन
5. मु: मॊत च़ाव पॊत दारि क्वलय
         ह्यथ अटॖबारि
    अ: रनि हुन्द मारॖमोत छु
        इन्सानस क्वफ़ेल करॖनावान
**************************
1. बचुन....To be saved/To
          escape/To recover/
          To remain behind/
          To be felt over/To
          survive/To avoid
2. पचुन....To digest
3. बचावुन...To save/To pro
            tect/To defend/To
            escape/To rescue/
            To secure/To pre-
            serve/To guard
4. बचथ....Saving/Surplus/
         Gain/Profit/Residue/
         Remainder
5. बचॖ.....Child/Children
6. बचॖ नगमॖ....Male dance
7. बऺचरावुन....To save/To
               lay by/To be pro-
               tected
8. बचगान....Small baby/
                    Kids
9. बिचोर.....Helpless/Poor
                     Unfortunate/
                     Miserable
10. बचॖदऻन्य..Womb/Uterus
**************************
          गीता ज्ञान  :अध्याय 18
प्राभक्ती सॗत्य म्यॆ ब्रह्मस ज़ऻनिथ,
बॖ यि छुस युथ छुस यि तत्व मऻनिथ, अमी तत्वॖ ज्ञानॖ म्यॆ मंज़ लय सपदान।
वॊन भगवानन गीता ज्ञान
**************************
अज़ छु अकत्रॖह दिसम्बर ज़ॖ सास कुनवुह यानि यॆमि वऺरियुक पऺतिम द्वह। पगाह अच़व ॳस्य वारॖ कारॖ नऺविस वऺरियस मंज़। पगहॖच कथ करव पगहॗय मगर अज़ वुछव ॳस्य असि क्याह लॊब तॖ असि क्याह रोव यथ वऺरियस मंज़। प्यॆठ्य प्यॆठ्य यॊदवय वुछव तॖ म्यान्यन कॆंच़न बायन वॊथ मऻल्यसुन्द सायि, कॆंच़न हॖन्ज़ मऻज्य वऻच़ स्वर्गस। वारियाह गऺयि बायन निशि छ़्यनॖ तॖ कॆंहन रऻव ब्यॆनि। यथ वऺरियस मंज़ अगर वुछव तॖ बासान छु ज़ि मरन वाल्यन हॖन्ज़ रफ़तार रूज़ तेज़। नेरान अकि फिरि फ़ेरान नॖ वापस, फेरान मगर तमिकुय कॆंह कालस। नम गछ़ान ॳछ यॆलि फ्युर लगान ख़यालस।दमफुट्य गछ़ान लगान ब्यॆयि तऺथ्य जंजालस। व्वंय त्रावव नज़र दॊयिमिस तरफस कुन तॖ वुछव असि लॊब क्याह। कॆंह म्यऻन्य बऻय आयि पनॖन्य माहर्यॆन ह्यथ तॖ कॆंह म्यऻनि ब्यॆनि आयि पनॖन्यन माहराज़न ह्यथ। मगर यिमन खान्दरन मंज़ वुछव यॊदवय तॖ वारियाह खान्दर गऺयि ज़ऻच़ न्यबर। वख छु बदलान मगर
बदलॖन्य गछ़ि नॖ पनॖन्य सभ्यता, बदलॖन्य गछ़न नॖ पनॖन्य संस्कार। ति करनॖ सॗत्य छु असि पनॖनिस समाजस ज़ख वातान। नऺविस वऺरियस मंज़ ह्यकन सऻन्य शुर्य यिमन कथन प्यठ सोंच विचार कऺरिथ। नवज़ात शुर्यन हॖन्ज़ ग्रन्द छि वारियाह कम रूज़मॖच़ यथ वऺरियस मंज़। वारियाह शुर्य वऻत्य व्यलायथ मऻलिस माजि यॆति भगवानस हवालॖ कऺरिथ। वारियाह सऻन्य शुर्य गऺयि परनस ल्यॆखनस मंज़ बजाह।यि छि मुबारॖकॖच कथ। भगवानस मंगव यॆति ब्रौंठकुन ॳस्य ज़ि असि जान जान काम्यन मंज़ काम्याबी मेलॖन्य। नाकारॖ काम्यन निशि दूर थावुन। बजाह रूज़िव युस यॆतिनस छुवॖ। नोव वऺरी नीर्यनवॖ ह्रॊच़ तॖ फ्रूच़।
************************** 
              लल वाक्           
"राजस बऻज यॆम्य करतल त्यऻज्य
स्वर्गस बऻज छुय तफ तय दान
सहज़स बऻज यॆम्य ग्वर कथ पऻज्य
पापॖ प्वन्य बऻज छुय पनुनुय पान"
           ***********
अर्थात:- तलवार का त्यागी राज्य का भागीदार है। तप दान करने वाला स्वर्ग का साझी है और गुरु वाक्य का पालन करने वाला ही शिव का साथी है और पाप पुन्य का साझी अपना आप ही है।
     पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव

30.12.2019

30.12.2019, पॊह पौष ज़ूनॖ पछ (शुक्लॖ पक्ष) च़ोरम (देवादेव) (चतुर्थी) च़ऺन्दॖरवार (सोमवार) श्री सप्तर्षी सम्वत 5095, राश कुम्भ (दुहचि 9.34 बजि प्यठॖ) ऋतु हेमन्त (चलान), ॳज़्यकि प्यठॖ लगि  द्रठॖपऻन्च़ुक (पंचक) ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: मॊंगॖ डलुक वॊछ़
    अ: च़्वपऻर्य ख्वशहऻली तॖ शऻही
         आसॖन्य
2. मु: मॊत गव सु युस कोहि तूरस
         खसि
    अ: बॊड गव सु युस बजर हावि
3. मु: म्यॊंड म्यॊंड ख्यवान तॖ
         फ़ाकय
    अ: ब्वछरुक इज़हार/बे तसला
4. मु: म्यॆच़ गऺछ़्यतन या मीच़
    अ: दग नॖ ह्यॆन्य/बे-दर्दी हुन्द
         इज़हार
5. मु: म्योन ॴसिथ च्योन गव
         मंगनॖ विज़ि अशुद गव
    अ: जबॖर कऺरिथ कऻन्सि हुन्द
         हक़ ख्यॊन
**************************
1. बऺठ..... Brick kiln
2. बॊठ....Dried cow-dung/
               Bank of a river
3. कॊठ....Knee
4. मॊठ..... Forgotten
5. ठॊठ.....Pillar of a bridge
6. बठॖ......Bend in vessel
7. बऺठ्य..Owen/A fire place
8. बटॖ पऻठ्य....In the Hindu
                      manner
9. बऺटवॖ.....Money bag/
               Purse/Wallet/
               A small pot for
               preparing meals
10. बुटिन्य.....Ladakhi
                     woman
**************************
           गीता ज्ञान   :अध्याय 18
सारिनी ज़ीवन समान ज़ानान, न
कुन्युक ग़म न यछ़ा थावान, सु प्राभक्ती छु प्राप्त सपदान
वॊन भगवानन गीता ज्ञान
**************************
म्यॆ छु ल्यूखमुत अख मज़ऻहया बऻथ "त्यॆलि तॖ व्वंय" यथ बऻतस मंज़ शुर छु पनॖनिस बुड्यबबस दपान ज़ि च़ॖ बदलाव पनॖन्य व्यच़ार ति क्याज़ि यि छु चलान नॊव दोर। दपान छुस पनॖन्यन ख़यालन द्यूय व्वंय च़ॖ फ्युर, कुस कडान अज़कल त्वमॖलस छु स्युर।
रऺडीमेड च़ऻरिथ मेलान ब्यॆयि कनॖ कम, दम करु दम दमॖकाका दम।ब्यॆयि छुस ब्रौंहकुन वनान ज़ि कति तिम पांछ़ शॆ ॴठ नव शुर्य, अज़ यिमन अख ज़ॖय तिमन ति खुर्य, फ़ीस-वीस बऺर्य बऺर्य पेरैंट बरहम, दम करु दम दमॖकाका दम। बुडिबब छु सोंचान ज़ि तऺम्यसॖन्दिस ल्वकॖचारॖस मंज़ किथॖ पऻठ्य आसिहे तऺम्यसुन्द मोल-मऻज्य श्यॆन श्यॆन, ॴठन ॴठन शुर्यन रछान, परॖनावान ल्यॆखनावान, ख्यावान-च्यावान, खान्दर-व्वछ़ब करान तॖ वखतस क्याह लॊग फ्युर त्युथ ज़ि अज़ छु नॖ कांह यछ़ान अख या दॊयव शुर्यव ह्यॊर खसनुय। अज़ छु नॖ पऻदल कांह ज़ॖ क़दम यछ़ान पकुनुय। अज़कल छु नॖ शुर त्रॖहिय वुह्यिर कम खान्दरॖय यछ़ान करुनुय। अज़ छु नॖ शुर पर-ज़ऻच़ मंज़ खान्दर करनस ति मंदछान। बुड्यबब छु सोंचान ज़ि तऺम्यसॖन्द्यव पूर्वजव आसॖ कऺशीरि मंज़ त्रॆ त्रॆ च़ोर च़ोर पोर मकान बऺड्य बऺड्य रवख हिय तॖ हवादार बनऻवमॖत्य तॖ अज़कल छि त्रऻहरान अख ल्वकुट-म्वकुट फ्लैट ह्यनस ति। युथ क्याह व्वलग्वतुन ख्यव ज़मानन ज़ि अज़कल छु कऻशुर बटॖ पनॖन्य माजि-ज़्यवि मंज़ कथ करनस ताम मंदछान। सासॖबद्यव वऺरियव प्यठॖ चलान आमॖच़ यि ज़बान छि अज़कल छ़ॊकॖन ह्यवान। बुडिबब छु छ़ऻन्ड दिवान किताबन ज़ि कुनि जायि न्यॆरिना अमि बदलावुक न्याल। तऺम्यसुन्द वनुन छु ज़ि यि बदलाव छु नॖ नोव कॆंह बऺल्कि यि छि परम्परा चलवुन्य आमॖच़। बदलाव छु असि सॗत्य सॗत्य पतॖ वथ चलान रूदमुत। हां अख बदलाव छु ज़रूर आमुत सु गव यि ज़ि त्यॆलि ॴस्य सॗत्य सॗत्य पनॖनि सभ्यतायि, पनॖन्यन संस्कारन तॖ धर्मस थफ कऺरिथ पकान युस अज़कल छु नॖ तिथॖ पऻठ्य नज़र यिवान। अज़कल छु मायायि ज़ोर रॊटॖमुत, प्रोन ख्यनस च्यनस मऻल रॊटॖमुत तॖ पनुन पॊतकाल परज़नावुन मॊठॖमुत तॖ पनॖनिस बऺड्यबबसुन्द ल्वकचार बोज़ुन मॊठॖमुत।
**************************
              लल वाख               
"राज़हमस ॴसिथ सपदुख कॊलॖय
कुसताम च़ॊलुय क्याहताम ह्यथ
ग्रटॖ गोव बंद तय ग्रटन ह्यॊत गॊलुय
ग्रटॖवोल च़ॊलुय फल फॊल ह्यथ"
            *********
अर्थात:- किसी को संबोधित करते हुए लल कहती है कि तुम कर्म रूपी अनाज, गुरु रूपी ग्राटी के पास पिसने के लिए लाया था किंतु तू राज़हंस आत्मा होकर हकला गया और कुछ बोल न सका क्योंकि तेरे अंदर का यह राजहंस भाव खो गया है। इस कारण चक्की बंद हो गई और तेरा कर्म फल पिसे बिना चक्की में फंस कर रह गया। ग्राटी अर्थात गुरु रूपी भगवान तेरा कर्म फल लेकर तेरे भुगताने के लिए साथ ले गया है। अर्थात अब पथ प्रदर्शक को पाना कठिन है।
     पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

29.12.2019

29.12.2019, पॊह (पौष) ज़ूनॖ पछ (शुक्लॖ पक्ष) त्रय(देवादेव) (तृतीय) आथवार (रविवार/ एतवार) श्री सप्तर्षी सम्वत 5095,राश मकर (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: म्यॆच़ हय तुलख स्वन
         गऺछ़्यनय
    अ: दय कऺर्यनय हमेशॖ रुत
2. मु: म्योन ॴसिथ च्योन गव
    अ: हमहऺस्ती हावॖन्य
3. मु: म्यूठ गामस क्रूठ पानस
  अ: सख्ती पानस वऻतिथ ब्यॆयिस
        आराम द्युन
4. मु: म्यॆतरो शॊतॖर मूद म्यॆतरस
         ति छु मरुन
    अ: मौत छु अटल/प्रथ कऻन्सि
         छु पतॖ ब्रौंह मरुन
5. मु: मीठ प्वंद तॖ ज़ीठ वुम्बर
  अ: रॖच़रिक्य अलामथ/जऻनियर
       आसनुक ॴशीर्वाद
**************************
1. बुडॖ......Old man
2. डुडॖ......Uninvited guest
3. बुजर....Old age
4. बजर....Greatness
5. खजर....Width
6. बजाय....Instead
7. बजऻयी.... Prosperity/
                   Greatness
8. बजुन......Ringing
9. बजावुन...To play a musi-
             cal instrument/ To
             ring a bell
10. बजि.....Big ones
**************************
          गीता ज्ञान  :अध्याय 18
मन वऻनी शरीर वश थावुन, काम क्रूद, लूब त्रावुन, राग दॖय त्रऻविथ वऻराग प्रावुन
वॊन भगवानन गीता ज्ञान
**************************
साईं बाबा सॖन्दिस नावस प्यठ आव ऊतरॖ शतवुह तॖ सतोवुह दिसम्बर ज़ॖ सास कुनवुह यानि शॊकुरवार तॖ बटवारि द्वह वार्षिक हवन करनॖ फ्लॊरेन्स क्लब, स्यक्टर 56, ग्वरुग्रामस मंज़। पूर्ण आहूती आयि दिनॖ सतोवुहमि दिसम्बर तॖ बटॖवारि द्वह। यि हवन छि करनावान साईं भक्त पूर्णिमा रैना जी तॖ ॳमिस सॗत्य छि आसान ॳम्यसॖन्द़य हम-ख़याल तॖ भक्तावार बऻय-ब्यॆनि यिम पूरॖ भक्ति-भावॖ सान अथ कामि अंद वातॖनावान छि। ॳथ्य सिलसिलस मंज़ आव शॊकुरवारि द्वह  शामस भजन कीर्तन करनॖ युस रऻत्य रातस रूद चलवुन तॖ बोज़न वाल्यन हुन्द मन गव प्रसन्न। साईं बाबा यॆमिस प्यठ लूकन यछ़ तॖ पछ़ छि, छा ह्यॊन्द किनॖ मुस्लमान, अथ प्यठ वखनय करनवऻल्य छि लऺगिथ पनॖनि कामि मगर ॳमिस मंज़ भगवान सुन्द स्वरूप ड्यॆंशनस मंज़ छि ॳम्यसॖन्द्य भक्त तन मन तॖ धन सान सीवा करान तॖ विश्वास छुख ज़ि साईं बाबा छु राम या कृष्ण अवतार। विश्वास छु भक्तन ज़ि साईं बाबा छु भवॖसरस तारॖ तारनवोल। विश्वास छु बॊड चीज़।
**************************
            लल वाक्               
"लज़ कासिय शीत न्यवारिय
त्रन ज़ल करि आहार
यि कऺम्य व्वपदीश कॊरुय हूटॖ बटा
अच़ीतन वटस सच़ीतन द्युन आहार"
          ***************
अर्थात:- "राज़ॖ"कठ अर्थात पत्थर की मूर्ति के सामने भेडू का बलिदान देने वालों को फटकारते
और अहिंसा मार्ग पर ज़ोर देते हुए ललेश्वरी कहती है कि अपने को भट्ट कहने वाले अग्निहोत्री पंडित,यह भेड तो केवल घास खाता है, तेरे बदन को ऊन से ढांप कर लज्जा की रक्षा करता तथा सर्दी से बचाता है।ऐसा उपदेश तुझे किस ने किया कि इस  सजीव को मार कर बेजान पत्थर को मांस खिला दें, यह खेद की बात है।
    परिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

28.12.2019

28.12.2019, पॊह (पौष) ज़ूनॖ पछ (शुक्लॖ पक्ष) द्वय (देवादेव) (द्विती) बटॖवार (शनिवार/ शनिश्चरवार) श्री सप्तर्षी सम्वत 5095, राश मकर (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: मर्ज़ गलि हकीम वानॖ
         आदत कति गलि
    अ: मर्ज़स छु यलाज मगर
         आदतस छु नॖ
2. मु: मरगन नच़ुन तॖ मन नॖ मरुन
    अ: दऺहन दिशायन नीरिथ ति
         मनॖच यछ़ा नॖ च़लॖन्य
3. मु: मरुन हय तॖ मारुन क्याह
    अ: पथ ब्रौंह नॖ सोंचुन
4. मु: मऺरिथ मरतबॖ हुरुन
    अ: इन्सान सुन्द बजर मरनॖ
         पतॖ नॊन न्यॆरुन
5. मु: मर्च़ॖ मच्यन नाबद कनि
         डखॖ
   अ: ड्यकॖ बजरॖच निशऻनी/
        स्यठाह आसुन बासुन
**************************
1. बटॖ....Kashmiri Pandit
2. बट्टन्य.....Kashmiri Pandit
                 woman
3. बटनि तोन.....Role of
             Kashmiri Pandit
            woman
4. बटऻय.... Distribution/
            Division of crop
          between cultivator
          and landlord
5. चटऻय.....Mat
6. बिठ.......Crowd
7. बऺटॖवॖ......Purse/Wallet/
                 Bag
8. बटुन..... Button
9. काज.....Button-hole
10. कऺमीज़....Shirt
**************************
        गीता ज्ञान :अध्याय 18
सॊम तॖ सातविक बूज़न करन वऻल्य, एकान्त शुद्ध जायि रोज़न
वऻल्य, अंत:कर्ण तॖ ब्वद शुद्ध थावान।
वॊन भगवानन गीता  ज्ञान
**************************
विश्वास आसि यॆमिस अटल, तमिस छु प्रथ कांह चीज़ प्राप्त सपदान सऺहल तॖ सऺहऺज भावस मंज़। कशीरि मंज़ ॴस्य ॳस्य पानॖवुन्य विश्वासस प्यठॖय द्वह द्वह कडान मगर तथ कऺशीरि मंज़ लऺज्य नॖ असि पानस पताह ज़ि दॊयिम दॊर गव असि सॗत्य विश्वास घात करान तॖ असि सॗत्य दगाह करान। तिमन गॊल ज़मीर तॖ लऻजिख सऻन्य ज़िन्दगी दावस। असि प्यव च़लुन तति प्यठॖ तिहन्द्यव नापाक ईरादॖव मूजूब। तिमव कॊर नॖ सऻनिस विश्वासस क़दॖर। तिमव मचोव गदॖर अज़ त्रॖह वऺरी ब्रौंठ कऺशीरि मंज़ तॖ वुन्युखताम छि नॖ आमॖत्य होशि तिम बटॖ यिमन सोरुय ज़मीन जायदाद त्रावुन प्यव तऺती तॖ पनुन ज़ुव, पनुन यज़थ तॖ पनुन आबरू बचावनॖ बापथ च़लुन प्यव कीवल ततिकिस मुसलमान सॖन्दि विश्वासघातॖ करनॗ मूजूब। विश्वासस ख़लल गछ़नॖ मूजूब छु निज़ाम तहस नहस सपदान मगर विश्वास आसि दॊर अगर पानस निश त्यॆलि छु मुम्किन कनि मंज़ॖ भगवान वुछुन। त्यॆलि छु मुम्किन ज़ि पनॖन्य भक्ति भावॖ सॗत्य गोपी नाथ जियस मंज़ या साईं बाबाहस मंज़ भगवान स्वरूप वुछुन तॖ पनॖनि अटल विश्वासॖ दऺस्य भवॖसरस अपोर तरुन। विश्वास गछ़ि अटल आसुन होरॖ ति तॖ योरॖ ति।
*************************
       लल वाक्
व्वथ रॆन्या अरचुन सखर
अथि अल पल वखुर ह्यथ
यॊद वनय ज़ानख परम पद अक्षर
हिशिय खॊश खोवुर क्यथ ख्यथ"
          ***********
अर्थात:- ललेश्वरी संबोधित करते हुए कहती है कि उठ ऋणिया पूरी तयारी के साथ। पूजा के लिए अर्थात प्रभू से मिलने हेतु प्रस्तुत हो जा। मैं तो कहती हूं कि यदि परमपद अक्षर अर्थात ओंकार को जानोगे तो तूझे किसी प्रकार की क्षति नहीं होगी अत: लाभ ही होगा। फिर दाऐं बाऐं, टेडे चलें या सीधे, कोई क्षति नहीं होती है।
      पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

27.12.2019

27.12.2019, पॊह (पौष) ज़ूनॖ पछ (शुक्लॖ पक्ष) ऒक्दॊह (देवादेव) (प्रथम) शॊकुरवार (शुक्रवार/जुम्मा)श्री सप्तर्षी सम्वत 5095, राश मकर (रऻच़ हॖन्ज़ॖ 11.44 बजि प्यठॖ) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: मऺछ कयाह ज़ानि पोंपुर्य
         गथ
    अ: ल्वकट्यन कयाह छि ब्यॆयि
         सॖन्दि बजरॖच पताह
2. मु: मॊदुर म्यक्राज़
    अ: पनुन लऻगिथ न्वकसान
         वातॖनावुन
3. मु: मरच़ॖ पीपिन्य हिश नच़ुन
    अ: ॳक्सी जायि नॖ बिहुन
4. मु: मरॖहऻ गरि कुस थवन
    अ: कुन्यरुक एहसास
5. मु: मऺरिथ दऻर खॖन्ज़ॖन्य
    अ: न्वख्तॖचीनी करॖन्य/बद
         लिहाज़ लागुन
**************************
1. न्यॆचुव....Son
2. कूर.......Daughter
3. ज़्युर.....Grandson
4. ज़िर......Grand daughter
5. मऻज्य....Mother
6. वोरॖ मऻज्य....Step mother
7. मोल......Father
8. वोरॖ मोल....Step father
9. ब्यॆमॖ.........Brother in law
10. ज़ामतुर.....Son in law
**************************
          गीता ज्ञान  :अध्याय 18
ज्ञान यूगॖच य्वस स्थिति आसान, यॆमि स्यॆदी मनुश ब्रह्मस प्रावान,हे अर्ज़न बोज़ वनय छ़ॊच़रॖ सान
वॊन भगवानन गीता ज्ञान
**************************
विश्वास छु बॊड चीज़। विश्वासस प्यठ छु सम्सार पकान। कुस कऺमिस प्यठ कोताह विश्वास करान छु या कोताह विश्वास करुन पज़ि यि वनुन छु स्यठाह मुश्किल मगर अथ मंज़ संशय छु नॖ कांह ज़ि विश्वास छु वाठ दिवान द्वन दिलन। शुरिस माजि प्यठ विश्वास, माजि शुरिस प्यठ। ब्यॆनि बऻयिस प्यठ या बऻयिस ब्यॆनि प्यठ। रॗनिस ज़नानि प्यठ या ज़नानि रॗनिस प्यठ, यारस यारस प्यठ। ग्वरस भक्तस प्यठ या भक्तस ग्वरस प्यठ। यि विश्वास छु नॖ अकि अंदॖ आसान बऺल्कि दु-तरफानॖ। यॆत्यन विश्वास डॊल ज़ानुन गछ़ि तऺमिस अन्तरात्मा गॊल। मनुशस छु विश्वास ज़ि कनि मंज़ छु भगवान, कॆंच़न छु विश्वास ज़ि भगवान छु नॖ कुनीय। कॆंच़न छु पीरस फ्कीरस प्यठ विश्वास कॆंच़न छु नॖ मन्दरन मंज़ ति विश्वास। शंकराचार्यस बास्यव ज़ि साईं छु नॖ कॖन्हॗय मगर ज़ानि सु भक्त यॆमिस साईयस मंज़ क्याहताम नज़र आव तॖ तऺमिस प्यठ द्युतुन ज़ुव तॖ जान। वनुन छु म्यॆ ज़ि ग्वडॖ च़ॖ पनुन पान परज़ॖनाव। तथ्य अन्दर छु बिहित भगवान। तथ दि कांह ति नाव, कांह ति स्वरूप, कांह ति रऺग। यि छु सोरुय च्यऻनिस विश्वासस प्यठ। विश्वास गछ़ि करुन तॖ तथ प्यठ पज़ि दरुन।
**************************
            लल वाक्
" कुस हा मालि लूसुय नॖ पकान पकान
कुस हा मालि लूसुय नॖ व्वल्गान सुमीर
कुस हा मालि लूसुय नॖ मरान तॖ ज़्यवान
कुस हा मालि लूसुय नॖ करान न्यंद्या
            ************
अर्थात:- कौन है जो चलते चलते थक हार न गया।कौन है जो सुमेरु पर्वत को लांघते लांघते अस्त न हुआ।कौन है जो ज़न्म मरन के फेरों से नहीं हारा और कौन है जो निंद्या करते बाज़ न आया?
       पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

26.12.2019

26.12.2019, पॊह (पौष) गटॖ पछॖ (कृष्ण पक्ष) मावस(देवादेव)(अमावस्या) ब्रसवार (वीरवार/ ब्रहस्पथवार),श्री सप्तर्षी सम्वत 5095, राश धनु (चलान), ऋतु हेमन्त (चलान)...अज़ छु सिरियि ग्रुहुन ति (सुबहॖचि 8.00 बजि प्यठॖ दुहॖचि 1.36 बजि ताम)
***************"**********
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1.मु: मुजि ख्यथ सर्द गछ़ुन
   अ: कुनि कामि मंज़ नाकाम
        सपदुन/तसला गछ़ुन
2. मु: मुजिरिथ म्वकुल
    अ: कुनुय ज़ॊन आसुन/
         परेश्यऻनी बगऻर आसुन
3. मु: मूजि प्यॆठ्य मिलवन
    अ: म्वल कम करुन/बऻज़्
         तारॖन्य
4. मु: मऺत्य आबॖय मऺत्य आब
    अ: अफ़रा तफ़री/बद-
         इन्तिज़ऻमी
5. मु: मऺतिस ज़ीर बतस कुन
    अ: ख्वदग़र्ज़ी हुन्द इज़हार
**************************
1. बतख....Duck
2. कॊकुर....Cock
3. कॊकॖर....Hen
4.  हून.......Dog
5. हून्य......Bitch
6. गगुर.....Rat
7. काव.....Crow
8. च़ऺर....... Sparrow
9. तोतॖ......Parrot
10. गऻन्ठ... Eagle
**************************
           गीता ज्ञान  :अध्याय 18
युस मनुश बेलगाव छु आसान, यॆम्य अंत:कर्न ज़ीन्यमॖत्य आसन
सांख यूगॖ निश कर्मॖ स्यॆदी प्रावान
वॊन भगवानन गीता ज्ञान
*************************
कश्मीरी सभा दिल्लि वाल्यव मनोव राथ डेडिकेशन डे यानि समर्पण दिवस। यि प्रोग्राम आव मनावनॖ लोक कला मंच, 20 लोधी इन्डसट्रियल एरिया, लोधी रोड, नई दिल्ली मंज़ राथ सुबहॖचि दहि बजि प्यठॖ शामन श्यन बजन ताम। वारियाहन मुद्दाहन प्यठ चलेयि कथ बाथ तॖ ब्यॆयि ओस कल्चरल प्रोग्राम यथ मंज़ ह्यॆन्ज़्यॆ वनॖवुन, ग्यवुन, मुशऻयरॖ, स्किट ड्रामा वगैरा वगैरा आव करनॖ तॖ पतॖ आयि यनाम कॆंच़न नामावार हस्तियन दिनॖ यिमव पनॖनि समाजि बापथ कॆंह रॖच़ कामि करिमच़ॖ छि। ख्यनॖ च्यनॖच व्यवस्था ति ॴस आमॖच़ करनॖ जान पऻठ्यन। सुशमा बठ जी तॖ कुल्दीप जियन ओस मंच संबोल्मुत जान पऻठ्य। अल्बतॖ अंदस प्यठ बास्यव ज़ि ॳन्द्रिम व्यवसथा केएसडी-यिच मंज़ ॴस क्याहताम कमी यनाम बऻगरावनस मंज़ रूज़मॖच़। अड्यन हॖन्द्य नाव आयि ह्यनॖ तॖ शाल तॖ ट्राफी आयि नॖ दिनॖ तिक्याज़ि ग़्रॆन्दिफ्युर बूज़ुम ओसुख गोमुत। कुसताम नाखान्दॗ सदस्य ओसुख थोवमुत यस नॖ पूरॖ हिसाब तॊग करुन ज़ि कस छु यनामॖ द्युन तॖ कस छु नॖ। पऺतिमि गरि वऺछ़ यिथय खलबली हिश यनामॖ बऻगरावनस मंज़ तॖ बास्यव ज़ि तजरुबॖच कमी ॴसॖख रूज़मॖच कुनि न तॖ कुनि जायि। मंच-चालकन वॊन साफ़ पऻठ्यन वाज़्यॆह कऺरिथ ज़ि समय छु कम तॖ भाषण गछ़ि नॖ च़ोरव पाच़व मिनटन ज़्यादॖ दिनॖ युन मगर तऻजिब तॖ हऻरऻनी छि ज़ि केएसडी की पनॖनी सदस्यन, डाक्टर एल एन धर सऻबन त्रऻवॖय नॖ माईक पंदाहि वुहिमि ब्रौंठ तॖ तम्यसॖन्दिस प्रवचनस ओस नॖ हॊट कुनि तॖ नॖ लॊट। आडिटोरियमस मंज़ बिहिथ लूख गऺयि तंग तम्यसुन्द भाषण बूज़िथ तिक्याज़ि पत्यम्यव त्रॖहव वऺरियव प्यठॖ वोत तिमन ती बोज़ान यि तऺम्य वॊन।ल्वकच्यव कोर्यव दॊयव ति वऺन्य पनॖन्य व्यच़ार बडॖ जान पऻठ्य। डाक्टर धर सऻबन द्युत पनुन भाषण अंग्रीज़स मंज़ तॖ गऺयस मंज़ॖ मंज़ॖ गॖठॖ-गोजि ति वनान वनान। म्यऻन्य ज़ऻती राय छि ज़ि डाक्टर सऻबस पज़ि कऻशिर्य ज़बऻन्य मंज़ पनॖन्य कथ वातनावनॖच कूशिश करॖन्य तॖ स्व ति छ़ॊटॖरऻविथ। ताहम प्रोग्राम रूद नफ़ीस अल्बतॖ यिम दूरि दुरि प्यठॖ ॴस्य आमॖत्य प्रोग्राम्स मंज़ शिरकत करनॖ बापथ तिमन रूद यि मलालॖ ज़ि तिहन्ज़ि हॊसला अफ्ज़ायि मंज़ रूज़ क्याहताम कऺमी संस्थायि हॖन्ज़ि कमज़ोर व्यवस्थायि मूजूब।
त्वहि सारिनी छुवॖ रातचि ख्यॆच़िमावसि हुन्द मुबारक।
*************************
         लल वाक्
"अथॖ मबा त्रावुन खर बा
लूकॖ हॖन्ज़ कॊंगॖ वऻर ख्यॆयी
तति कुस बा दारिय थर बा
यॆति नऺनिस करतल प्यॆयि"
       **********
अर्थात:- अपने मन रूपी गधे को
ढील मत दो। वह किसी दूसरे की
केसर की क्यारी को चट कर जाएगा अर्थात अवांछिथ कर्म कराएगा। हानी तो गधा करेगा और दण्ड तो तुझे ही मिलेगा। तेरे बिना दण्ड को भोगने के लिए स्वयं को कौन प्रस्तुत करेगा। जहां बचाने वाला कोई भी नहीं होगा।
    पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

25.12.2019

25.12.2019, पॊह (पौष) गटॖ पछॖ (कृष्ण पक्ष) च़्वदह (देवादेव) (चतुर्दशी) ब्वदवार (बुधवार) श्री सप्तर्षी सम्वत 5095, राश धनु (दुहचि 4.40 बजि प्यठॖ), ऋतु हेमन्त (चलान)...अज़ छि ख्यॆच़िमावस (यक्षामावसी) ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: मतॖनस मशकॖ
    अ: ज़्यादॖ मच़र करुन
2. मु: मऺत्यसुन्द दॊप छु बलायन
         थॊप
    अ: गाटलि सॖन्ज़ कथ छि
         मुश्किलन हल
3. मु: मालॖ फ़ितिनॖ या औलाद
         फ़ितिनॖ
    अ: फ़सादन हुन्द ग्वड छु माल
         या औलाद आसान
4. मु: माम थवि यज़थ तॖ गाम ति
         थवि यज़थ
    अ: यॆलि पनॖन्य यज़थ थवन
         त्यॆली थवि ब्याख ति
5. मु: मान या नॖ मान बॖ छुसय
         मॆहमान
    अ: पनुन पान ज़ोरॖ मंज़ च़ानुन
         ज़ोरॖ ज़ंग लदॖन्य
**************************
1. बतॖ मॊठ.....Hand full of
                     cooked rice
2. म्वठ........Hand full
3. व्वठ........To jump
4. छ़्वठ...... Dirt/Filth
5. बतॖ ल्यॆज.... Rice full pot
6. बुत....Idol/Image/Statue
7. राथ.....Night/Yesterday
8. बुतराथ.... Land/Earth/
             In which people
             live
9. बुथ......Face/Visage/
                Facade/Mask
10. बुथि युन...To face/To
             speak rudely/
             Encounter/On
             front
""""""""'"""""""""""""""""""""""""''"""""""""
          गीता ज्ञान  :अध्याय 18
दूशी ॴसिथ ति स्वकर्म न त्यागॖन्य, सऻरी कर्म छि कुनि दूशॖ
किन्य, यिथ पऻठ्य दॖह ॳगनस सॗत्य सॗत्य आसान
वॊन भगवानन गीता ज्ञान
**************************
अज़ छि ख्यॆच़ि मावस। स्यठाह प्रऻन्य रीथ य्वस ॳस्य कऻशिर्य बटॖ आयि वुन्युखताम निबावान। सान्यन शुर्यन पज़ि यि ज़ानुन ज़ि यॆमि ख्यॆच़ि मावसि हुन्द ज़िकॖर्य छु आमुत नीलमत पुराणस मंज़ ति यानि त्र्यॆमि-च़ूर्यमि सदी मंज़ यॆमुक मतलब साफ़ साफ़ छु यि ज़ि तमि ब्रौंठॖ प्यठॖ छु यि व्वत्सव आमॖत्य ॳस्य मनावान। दपान छि ज़ि यि छु कुबेर सॖन्दिस नावस प्यठ यिवान मनावनॖ। कुबेर दपान ओसमुत छु सारिनॖय दीवी दीवताहन हुन्द ख़ज़ानुक रऻछदर तमि मूजूब छु ॳमिस ज़्यादॖ क़दॖर यिवान करनॖ। वनॖनॖ छु यिवान ज़ि यि यछ्य या य‌क्ष्य छु फ़ेरान गरॖ गरॖ कलस प्यठ टूप्य लऻगिथ तॖ ख्यवान बनऻवमॖच़ ख्यच़र तॖ दिवान पनुन ॴशिर्वाद। मगर दपान यॆमिस ॳम्यसॖन्ज़ यि कलॖच टूप्य मेलि सु छु गछ़ान मालामाल। स्व टूप्य हऻसिल करनॖ बापथ दपान कॆंह शुर्य कॆंच़न गरन मंज़ कऺशीरि मंज़ ॴस्य रऻत्य रातस प्रारान रोज़ान ज़ि यछ यी तॖ निमव ॳम्यसॖन्ज़ टूप्य। वनॖनॖ छु यिवान ज़ि कर ताम छु वाकऺई युथ हऻदिसॖ सपद्योमुत तॖ तनॖ प्यठय छि यछस बेतऻबी सान ज़ागि रोज़ान। काजवठ छु शिवलिंग स्वरूप यिवान मानॖनॖ यथ पूज़ा यिवान छि करनॖ तॖ पतॖ थवान ख्यच़रि प्लेटस सॗत्य खड़ा। कॆंह छि थवान यि काजवठ पनॖनिस किचनस मंज़ दानस प्यठ या कॆंह छि थवान ख्यच़रि प्लेटस सॗती। ॳम्य दॊहन क्याज़ि छि ख्यच़ॗर बनावान अथ पऺत्यकिन्य ति छि कांह कथ। तथ कुन वुचछव पगाह ओस हय प्रारब्द। कुबेर टूठ्यनवॖ सारिनी म्यॆ सान।
**************************
            लल वाक्
"हा मनशि क्याज़ि छुख वुठन
स्यकि लवर
अमि रटि हमालि पकिय नॖ नाव
ल्यूखुय यि नारऻन्य कर्मॖनि रॖखि
ति मालि ह्यकिय नॖ फिरिथ कांह"
            ''''''''''''''''''''''''''''''''''''''
अर्थात:- अरे मनुश तुम क्यों बटता है रेत से रस्सी। इस को पकड कर तेरी जीवन नाव चलाई नहीं जा सकती। तेरी कर्म रेखा में जो नारायण जी ने लिखा है उसे कोई भी बदल नहीं सकता।
   पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

24.12.2019

24.12.2019, पॊह (पौष) गटॖ पछॖ (कृष्ण पक्ष) त्रुवाह (देवादेव) (त्रयोदशी) बॊम्वार (मंगलवार) श्री सप्तर्षी सम्वत 5095, राश वृश्चिक (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: माजि हुन्द बोय कोरि हुन्द
         माम
    अ: कांह कथ सऺही अंदाज़स
         मंज़ फिकिरी तारॖन्य
2. मु: माजि नय बतॖ मंगव स्व ति
         दी नॖ पानय
    अ: कूशिश करनॖ बगऻर छॆ नॖ
         कांह कथ या कऻम बनान
3. मु: माजि मासि तॖ कोरि कुस
         कासि
    अ: कांह ख़ानदऻनी कमज़ूरी या
         ॴब
4. मु: माजि हुन्द दोद
    अ: अस्लियथ ज़ानॖन्य
5. मु: माजि ल्यख ब्यॆनि ल्यख
         क्वलियि नॖ ल्यख
    अ: ज़नान सारिवॖय ख्वतॖ टऻठ
         आसॖन्य
**************************
1. बतंग.....Tease/Harass/
                 Fed up
2. पतंग.....Kite
3. बतॖ बजर....One who is
             famous in serving
             food to others
4. बतॖ कामन.... Scarcity of
                        food
5. बतॖ कुल...One who earns
                    food
6. बतॖ खन गछ़ॖन्य.......To be
                    very hungry
7. बतॖ ख्यावुन.....To serve
          food/To feed/Give
          food for charity/To
          give feast
8. बतॖ गर्दन दिन्य....To invite
          someone for per-
          Sonal favour/To
          serve food for one's
          own interest
9. बतॖ गाश...A good period
          has a plenty of food
10. बतॖ वावस लगुन....Have a
          great need for food/
          To lie in need of
          food/Do undue for
          want of food
**************************
         गीता ज्ञान  :अध्याय 18
 जान परदर्मॖ निशि गछ़ि दर्म पनुन
ग्वनव रॊस ति ॴसिथ स्रेष्ठ मानुन
स्वबावॖकि दर्मॖ नॖ पाफ प्रावान
वॊन भगवानन गीता ज्ञान
**************************
गाडॖ बतॖ व्वत्सव म्वकल्यव तॖ व्वंय छि त्रफ-त्रफॖ यक्षामावसॖच यानि ख्यॆच़ि मावसॖ हॖन्ज़। यि द्वह छु पगाह यानि पॖन्च़ॖह दिसम्बर ज़ॖ सास कुनवुह तॖ ब्वदॖवारि द्वह। यॆमि लटि ति छु तिथियस शायद कॆंह पथ-ब्रौंठ गोमुत। सऻन्य बरादर छि व्हाटसापस प्यठ या अख ॳकिस मोबाएलस प्यठ प्रॖछ़ान ज़ि सऺही तिथि छा ब्वदवार किनॖ ब्रसवार। ओंकार नाथॖनि जंत्री छि हावान ख्यॆच़िमावस ब्वदॖवारि द्वह, तॖ सऺही ति छु ती म्यॆ बासान। कर गछ़न असि यिम मुगाल्तॖ दूर दय ज़ानान। ख्यॆच़ि मावसि ति ओस कऺशीरि मंज़ पनुनुय मज़ॖ। शीनॖ गटॖ कारस मंज़ ॴस्य यि ख्यच़र आम तौर पऻठ्य कऻनीय प्यठ या ब्रऻर्यकऻनी प्यठ थवान आर्यन प्यठ। म्यॆ छु याद प्यवान ज़ि अथ सॗत्य ॴस्य थवान काजिवठ, पां गिलासॖ तॖ च़ॊंग दज़वुन। ख्यच़ॖर थवनॖ ग्वडॖ ॴस्य तलॖ लिवान तॖ अदॖ ॴस्य थवान आरि तॖ आर्यन प्यठ बाकय चीज़। म्यॆ छु बूज़मुत ज़ि कुनि कुनि गरस मंज़ ॴस्य शुर्य ज़ाग्यि रोज़ान यि वुछनॖ बापथ ज़ि यक्ष देवता कर बऻग्य यी तॖ ख्यच़ॖर ख्यॆयि। कथ छि जऻरी। त्वहि सारिनी यऻरी।
**************************
          लल वाक्
"शिव शिव करनॖ हमसॖ गथ स्वरिथ
रूज़िथ व्यवहऻर्य द्यन क्योह राथ
लागि रॊस अद्वय युस मन कऺरिथ
तस न्यथ प्रसन्न सुर ग्वर नाथ"
          ************
अर्थात:- शिव ही मेरा रूप है, ऐसा मान कर दिन रात व्यवहार में रहते हुए द्वैत भाव को त्याग कर अलिप्त हो कर कार्य जो करेगा, ऐसे व्यवहारी मनुष्य पर परमेश्वर सदा प्रसन्न रहते हैं।
      पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

23.12.2019

23.12.2019 पॊह (पौष) गटॖ पछॖ (कृष्ण पक्ष) बाह (देवादेव) (द्वादशी) च़ऺन्दॖरवार (सोमवार)
श्री सप्तर्षी सम्वत 5095, राश वृश्चिंक (दुहचि 11.52 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: माजि कऺर दन्दॖ तुज,शुर्यव
         ख्यव गासॖ ब्वद
  अ: बेसोच नक़ल करुन ज़िठ्यन
2. मु: मऻज्य ति बडेयि तॖ थऻज्य
         ति बडॆयि
    अ: नफ़र बडनॖ सॗत्य छि अख-
          राजात ति बडान
3. मु: माहराज़ॖ सॖन्द्य ति द्वह तारॖ
         माहर्येनि हॖन्द्य ति द्वह तारॖ
    अ: प्रथ कऻन्सि पनॖन्य द्वह/
         सारिनी पनॖन्य पनॖन्य विज़
4. मु: मऻज्य माम हय आव प्वत्रॖ
         म्यॆ गव बोय
    अ: कुनि कथि हॖन्ज़ जान ज़ान
         आसॖन्य
5. मु: मऻलिस राज तॖ मॊहताज
         बऻयिस राज तॖ मॊहताज
         रॗनिस राज तॖ शेरि ताज
    अ: ख्वदग़र्ज़ी हॖन्दिस आलमस
         मंज़ रिशतन हुन्द इज़ॖहार
**************************
1. बऻच़.....Person/s
2. बतॖ बऻच़....Food for one
                    person
3. बतॖ बऻगरुन...To distribute
           food/To serve food
4. बऻगरुन.....To distribute/
                    To serve
5. बॊड......Big
6. बतॖ बॊड....One who has
           enough to eat/Rich
         man/Well to do per-
          son
7. बतॖ बोग.....Handful of
             food(cooked rice)
8. बतॖ शेरुन....To serve food
9. शेरुन.....To repair/To set
                  right
10. छ़्यॆनॖरावुन...To cut/To
                         tear off
**************************
          गीता ज्ञान :अध्याय 18
यिम ध्यान सऻरी ज़ीव कऺर्य उत्पन्न
यिहॖन्दि सॗत्य सोरुय ज़गत व्याप्त
आसान, स्वबावॖ कि धर्मॖ नॖ पाफ त्रावान
वॊन भगवानन गीता ज्ञान
**************************
यॆलि यॆलि कांह व्वतसव असि यिवान छु ॳस्य छि मनावान दफ अमापॊज़ सु मज़ॖ छु नॖ यिवान मनावनस मंज़ युस असि पनॖनि कऺशीरि मंज़ रूज़िथ यिवान ओस। खुलॖ डुलॖ जायाह, बऺड्य-बऺड्य आन्गन, ग्रज़वॖन्य यारबल, फलदार बाग़, रलवुन-मेलवुन हक़-हमसायि तॖ व्वत्सव मनावनुक वलॖवलॖ तॖ जोश। यॆति न सु ह्यस तॖ न सु होश। कऺशीर छि कऺशीरॖय। तथ कुस शहर करि मुक़ाबलॖ? प्रथ कोचस मंज़ मन्दर, प्रथ मऺहल्लस मंज़ बऺड्य बऺड्य दीवी-द्वार, गामन मंज़ आरॖ तॖ ल्वकचि-म्वकचि पां ज्वयि, शहरन मंज़ जटॖ जोश, यपऻर्य अन्दॖ छु नॖ सु बोल-बोश। नरि ज़ंगॖ वाहरऻविथ ॴस्य बाह-त्रख शॊंगान तॖ खार वॊथान। कुनि कॖसमॖच ॴस नॖ बासान कमी मगर योर यिथ बास्यव असि ज़ि क्याहताम रोव असि, कमिताम चीज़ॖच छि कऺमी। ॳछन मंज़ छि सपदान पऻदॖ नमी यॆलि यॆलि यि पॊतकाल असि याद यिवान छु, सोन मन तॖ प्राण कुस ताम ख़याल असि तोरकुन निवान छु। गाह सु गाडॖ-बतॖ आसि या ख्यॆच़ि मावस आसि। शीनुक दम-खम यॊताम नॖ आसि, यिम व्वत्सव छि बासान ॳडी ज़न। नव्यन नव्यन शुर्यन तरि नॖ फिकिरि यिमन कथन हुन्द म्वल यॊताम नॖ यिम पानॖ वुछान सु यारबल तॖ स्व शूबिदार वसवॖन्य क्वल। यि सूंचिथ छॆ नॖ असि यिवान न्यॆन्दरि ज़्वल। दय सॖन्ज़ दयगऺच़ नमस्कार।
**************************
"शिशरस वथ कुस रटे
कुस ब्वके रटे वाव
युस पांछ़ यॆन्द्रय च़्यॆलिथ च़टे
सुय रटे गटे रव"
        ************
अर्थात:- झाडे को आने से कौन रोक सकता है? वायु को मुट्ठी में कौन बंद कर सकता है? यह दोनों काम अति कठिन हैं। जो पांच इन्द्रयों को नियंत्रण में रखने वाला है, वह ही प्रकाश रूपी स्वात्म को पा सकता है।
  पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

22.12.2019

22.12.2019, पॊह (पौष) गटॖ पछॖ (कृष्ण पक्ष) काह (देवादेव) (एकादशी) आथवार (रविवार/ एतवार) श्री सप्तर्षी सम्वत 5095 राश तुला (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: मऻज्य च़ॖ थव कांगॖर फुकिथ
       बॖ यिमय व्वस्तस द्वह ठुकिथ
   अ: कामि च़ूर सॖन्ज़ अलामथ/
      कामि बदलॖ ज़ड नखॖ वालॖन
2. मु: मऻज्य कऺरिन शुर शुर, शुर
         मॖ कऺरिन मऻज्य मऻज्य
    अ: मऻज्य रावॖन्य छु स्यठाह
         बॊड मुसीबथ
3. मु: माल गव तॖ न्याल गव
    अ: कुनि चीज़कि म्वकॖलनॖ 
          सॗत्य तम्युक वॊजूदुय
          म्वकॖलुन
4. मु: महारऻनी माजि पऺत्यकिन्य
         पितुर बॊय
    अ: दुशमन नऺज़दीक ज़ानुन
5. मु: मासतॖर गऻव हुन्द प्वफतुर
         लॊट
    अ: हंगॖ तॖ मंगॖ ॴश्यनऻवी
         हावॖन्य
**************************
1. बतॖ बतॖ...Cry for food/
              Despond for food
2. पतॖ.....Afterwards/Leaf
3. गतॖ.....Card-board
4. लतॖ.....Kicks
5. नतॖ......Otherwise/Ins-
                tead of
6. हतॖ......Take it
7. मतॖ......Do not
8. कथॖ.....Talks
9. बतॖ बरऻच़दर...One who
                       eats a lot
10. बतॖ बानॖ....Food plate
**************************
       गीता ज्ञान  :अध्याय 18
पनॖनि पनॖनि स्वबावॖ यिम कर्म करान, भगवत प्राप्ती रूप स्यॆदी प्रावान, बोज़ सु स्यॆदी किथॖ पऻठ्य
प्रावान
वॊन भगवानन गीता ज्ञान
**************************
गाडॖ बतॖ यॆति तॖ गाडॖ बतॖ कऺशीरि मंज़ मनावनस बासान ज़मीन आसमानॖच फर्ख। पॊह मासस मंज़ यॆलि गाडॖ बतुक द्वह ओस आसान कशीरि मंज़, सुबहऻय आसॖ गाडॖ वाजिनि हब्बॖ कदलॖ या ॳमरा कऺदलॖ ताज़ॖ ताज़ॖ गाडॖ ह्यथ यिवान तॖ ॳस्य ति ॴस्य तिमन अलनॖ तॖ वलनॖ यिवान। बासान ओस बटन छु अज़ कुसताम बॊड द्वह। गरन मंज़ आसॖ ज़नानॖ लगान गाडॖ पऺठरावॖनि ति क्याज़ि तिमन दॊहन ओस नॖ ॳज़्यक पऻठ्य ज़ि गाडॖ वऻल्य या गाडॖ वाजिनि दिहऻन गाडॖ साफ़ कऺर्य कऺर्य। ल्वकच्यन गाडन हॖन्ज़ मंग ॴस ज़्यादॖ आसान। अख नीजी ल्वकॖट गाड ॴस यिवान थवनॖ गरॖ-दीवॖताहस बापथ प्लेट्स प्यठ ट्यॊकाह व्यॊकाह कऺरिथ तॖ ॴस्य पूज़ा कऺरिथ श्रूच़-श्राच़ि पऻठ्य आंगनस मंज़ थवान या ब्रऻर्यकऻनीय प्यठ थवान। पां गिलासॖ अकि तरफॖ थवान। हालांकि ख्यॆच़ि मावसि द्वह ॴस यक्षस काजॖवठ ति थवान मगर गाडॖ बतुक द्वह नॖ। सुबहस न्यॆन्दरि वऺतिथ ॴस्य वुछान ज़ि गरॖ देवताहन छा कॆंह ख्यॊमुत ति किनॖ न। यॆति छॆ नॖ जाय प्लेटॖ थवनस सॊम्ब मेलान। नवि पुयि छु नॖ पताह ति ज़ि यि गाडॖ बतॖ छु क्याह, क्याज़ि, कर वगैरा वगैरा। गाडन ति छु म्वल खॊतमुत व्यॊखतुय तॖ म्यॆ छु नॖ बासान नीजी गाड आसि अज़कल थवान कांह। यॊदवय कांह आसि थवान ति स्व गऺयि तऺम्यसॖन्ज़ बऺडीमी। यॆति न तिम गाडॖ वाजिनि ति, न शीनॖय नज़रि यिवान तॖ न स्व गाडॖ मुशॖकॖय। अड्यव छु यि द्वह मऺशरोवमुतुय यॊत यिथ। रामॖ लगय च्यानि लीलाये।
**************************
"शील तॖ मान छुय पोन्य क्रॆंजे
म्वछि यॆम्य रॊट मालि यॊद वाव
हॊस्त युस मस्तवालॖ गन्डे
तिय यस तगि तय सुह अदॖ निहाल"
          ************
अर्थात:- शील और मान टिकाव नहीं होते हैं। मन की क्रिया होने के कारण यह टोकरी में पानी भरने के समान है। अर्थात अस्थाई है। मन को काबू करने वाले ने मानो वायु को मुठी में बंद किया हो और हाथी को एक बाल से बांध लिया हो। जो ऐसा करने में समर्थ है वही निहाल अर्थात पूर्णतय: संतुष्ट हो गया"
     पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

21.12.2019

21.12.2019 पॊह (पौष) गटॖ पछॖ (कृष्ण पक्ष) दऺहम (देवादेव) (दशमी) बटॖवार (शनिवार/शनिश्चरवार)श्री सप्तर्षी सम्वत 5095, राश तुला (दुहॖचि 8.27 बजि प्यठॖ)ऋतु हेमन्त (चलान)...ॳज़्यकि प्यठॖ गव शुरु चिल्लॖय क्लान् (युस रोज़ि 40 द्वह)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: माल वुछिथ ज़काथ
    अ: बुथ वुछिथ बोग
2. मु: माल मस्त हाल मस्त
    अ: यस यड बऺरिथ आसि सु
         क्याह ज़ानि ब्यॆयि सॖन्ज़
         ब्वछि
3. मु: माजि ख्वतॖ कूर बऺड
    अ: मस्लुक व्यॊखच़ार आसुन/
         ताज़ॖ मसलॖ छि व्यॖख्ती
         आसान
4. मु: माजि हुन्द नॖ माल्युन शुर्यन
         हुन्द मातामाल
    अ: ज़ोरॖ लदनि ज़ंगॖ/पानियार
         ज़ोरॖ हावुन
5. मु: मऻज्य वॊहवान छुम नॖ कांह
         पॊत्रॖ वति प्यठ ब्यॆह
    अ: हंगॖ मंगॖ न्यायन मंज़ पान
         त्रावुन/ज़ोरॖ लडऻय मऺल्य
         ह्यॆन्य
**************************
1. बऺत्य.....Wicks
2. बतॖ....Food/Cooked rice
3. च़ॊट...Bread
4. छ़्यॊट...Impure
5. श्रूच़......Pure/Fresh
6. छ़ॊट.....Short
7. ज़्यूठ....Long/Lengthy
8. बतस तल ब्वद...One who
         doesn't think beyond
9. तल..Under/Fry/Beneath
10. प्यठ...On something/
                Upon
**************************
         गीता ज्ञान  :अध्याय 18
ज़मीनदऻरी, गऻव पालॖन्य, पॊज़ कारॖबार, यि छु वेशि सॖन्दि स्वबावुक व्यवहार, सीवा बाव चंडाल सुन्द कर्म ज़ान
वॊन भगवानन गीता ज्ञान
**************************
असुना आव म्यॆ याम अख सालॖ कार्ड वुछुम तॖ पॊरुम ज़ि ॳकिस कऻशिर्य कोरि छु लानि आमुत अख लऺडकॖ युस बिहारुक बसकीन छु। खान्दर छु कार्डॖ मुतऻबिक करुन ब्यॆयिस शहरस मंज़।कूर छि पऺरमॖच़ ल्यीछमॖच़ अनान ज़्येनान, जान स्वन्दर, जान गरॖच मगर आव दिल पनॖनि ज़ऻच़ न्यबर लऺडकस प्यठ। कर्मॖ लीखाये कर नमस्कार। यॆलि ॳस्य कऺशीरि ॴस्य वखतॖ अकि व्वपर ज़ऻच़ सॗत्य सम्बन्द गन्डनॖच रफ़तार ॴस नॖ यीच़। बस योर कुन लऺग्यथॖय होव कर्मॖलीखाय नॊवुय रंग तॖ म्यूल असि पर ज़ऻच़ हुन्द संग। छ़ॊकान छि वारॖ वारॖ ॳस्य ग्रॆन्दि मंज़। दय ज़ानि कॊत ताम रोज़ि यि सिल्सिलॖ जऻरी। व्वंय छु यि वनुन ति मुश्किल ज़ि अथ बदलावस मंज़ ज़िम्मवार कुस छु, शुर-कॊट किनॖ तिमन हुन्द मोल-मऻज्य ति क्याज़ि ख्वश छि बासान द्वनवय दऺर्य ज़न। ॳन्दॖर्य-ॳन्दॖर्य कऺमिस क्याह व्यच़ार छि व्वथान सु ज़ानि सुय मगर असि क्याह छु बोज़नॖ यिवान यि ह्यकव ॳसीय वऺनिथ।कूशिश छि तोति करॖन्य म्यॆ बासान ज़ि च़ेनॖवुन्य दिन्य पनॖनिस समाजस ज़ि यिमव हर्कतव सॗत्य छु वातान सख़ ज़ख असि प्रथ रंगॖ। माजि-ज़्यव न वनॖनॖ सॗत्य छु दबाव सऻनिस अदबस तॖ ज़ऻच़ न्यबर खान्दर करनॖ सॗत्य छु असर सऻनिस कल्चरस, सानि सभ्यतायि, सान्यन संस्कारन तॖ यिम चीज़ म्वकलान म्वकलान ह्यॆच़ॖन्य सऻन्य प्रज़नथ तॖ पऻर्यज़ान रावॖन्य। सान्यन पऺर्यमॖत्य लीख्यमॖत्यन बडवुन्य शुर्यन पज़ि पानय यिमन चीज़न सनुन तॖ पज़्यख ज़ानुन ज़ि असि ॴखॖर गछ़ुन कोर कुन छु। दय दीन असि सारिनॖय तार। नमस्कार।
**************************
"सहज़स शम तॖ दम नो गछ़ि
यछ़ि नो प्रावख म्वखती द्वार
सलिलस लवन ज़न मीलिथ गछ़ि
तोति छुय द्वरलब सहज़ व्यच़ार"
        **************
अर्थात:- केवल शम तथा दम से ईश्वर नहीं मिलता तथा केवल इच्छा करने से ही मुक्ति नहीं मिलती। इन में कोई यदि पानी में नमक की तरह भी घुल जाए तो भी सहज विचार दुर्लभ है।
    पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

20.12.2019

20.12.2019, पॊह (पौष) गटॖ पछॖ (कृष्ण पक्ष) नवम (नवमी) शॊकुरवार (शुक्रवार/जुम्मा) श्री सप्तर्षी सम्वत 5095,राश कन्या (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: मरॖ हऻ गरि कुस थवन
    अ: फुर्सथ नॖ आसॖन्य/इन्सानस
         छु शुर्यन बऻच़न हॖन्द्य किन्य
         तीच़ ज़िम्मॖवऻरी कलस प्यठ
        आसान ज़ि मरनॖकिस दमस
        ताम ति छस नॖ तिमन हॖन्ज़
        फिकिर त्रावान
2. मु: मऻर्यमंद्यन ब्रऻर्य ज़ागि
    अ: खानॖमाल्यन छि आसान
          हथ बलायि पतॖ
3. मु: मान मऻन्य छि गऻमॖच़ राज-
         दऺहऻनी फ़ना
    अ: मान मऻन्य सॗत्य वुजारॖ
          गछ़ुन
4. मु: मालि मुफुत दिलॖ बेरहम
    अ: ब्यॆयि सॖन्दि चीज़ुक बेरहमी
         सान इस्तिमाल करुन/
         नाजऻयिज़ तऺरीकव हऻसिल
         कऺरमॖच़ दौलत बेदर्दी सान
         वर्तावॖन्य
5. मु: मऻज्य करान कूर कूर, कूर
         करान रऻन्य रऻन्य
   अ: ख्वदग़र्ज़ी हुन्द इज़हार/
        बे-माय आसुन
**************************
1. बब.....Father/Breast
2. बबॖ तोन.... Father's role
3. बबॖ ट्यॊंड...Nipple of the
                     breast
4. बबॖ वाय.... Disease relat-
                     to breast
5. बबॖ दग......One whose
                     father is dead
6. बबॖ लानॖ....From the side
                    of the father
7. बब दिन्य ..To breast feed
                     a baby
8. बबॖर...Having fragrance/
            It's seeds are used
            in drinking water
9. बतासॖ....Puffed sugar/
                 Sweet candy
10. बऺतिल....Profession of
                   a cook
**************************
         गीता ज्ञान  :अध्याय 18
शूरवीर तीज़वान चालाक आसुन
जंगॖ मंज़ न च़लुन ब्यॆयि दान द्युन खुदी सबॖर क्षेत्रॖय सॖन्द्य कर्म ज़ान
वॊन भगवानन गीता ज्ञान
**************************
कुन छु नॖ कुनि लगान। व्वंय छु बासान। ॳकिस गरस वुछ्यम  कोरि ज़ॖ तॖ द्वनवऺनी खान्दर कॊरमुत तॖ द्वनवय व्यलायतस मंज़ पनुन पनुन गरॖ बसऻविथ बिहिथ। च़म छि शिहिज माजि मऻलिस ज़ि कोरि द्वनवय छि बजाह मगर व्यछ़य अगर छि तॖ स्व छि मऻलिस माजि गरस मंज़ सीवादारन हॖन्ज़। गरस मंज़ छु अकि अंदॖ मोल बिहित तॖ ब्यॆयि अंदॖ मऻज्य तॖ मंज़ बागॖ टी वी चलान। द्वनवय बऻच़ छ़्वपॖ दम कऺरिथ ख़बरॖ बोज़ान तॖ पतॖ ख़बरन प्यठ पानॖवुन्य तबसरॖ करान रोज़ान। गरॖ छि अज़कल छ्यॆन्य तॖ छ़ऺर्य नज़रि गछ़ान। न क्रखॖय न चिखॖय। माजि छुन  कमर ति रॊटमुत मगर मजबूरी छस, पानस नय वाति ति रॗनिस छुस वातुन।ख्यावुन च्यावुन। रॗनिस छु नॖ ज़नान कुन्य ज़ऺन्य त्रावनस वार तॖ न छु ज़नानी वार कुनु ज़ॊन रून त्रावनस। म्वकलॆयि तिम द्वह यॆलि गरॖ ॴस्य बऻच़व सॗत्य बॊरुत आसान। अख ॳकिस ॴस्य पलज़ान रोज़ान। शुर्यन हॖन्ज़व क्रकॖनादॖव सॗत्यन ॴस्य  गरॖ ग्रज़ान। अज़ कल छि नॖ शुरीय नज़रि गछ़ान। ॳकिस गरस मंज़ ओस अख शुर डाक्टर बन्यॊमुत मगर बिहिथ ओस व्यलातस मंज़। मोल गव ब्यमार तॖ प्यव दऻखॖल करुन शफाखानस मंज़। मोल छ़ान्डान न्यॆचविस युस व्यलात लोगमुत छु।  यॆति छु मोल प्रारान न्यॆचुव यी तॖ यलाज करि मगर ति अंद्यव नॖ कॆंह। मऻल्य वऺट ॳछ तॖ डाक्टर लऺडकॖ प्रारान ज़ि बॖ वातहऻ इन्डिया जल जल तॖ वुछहऻ मऻलिस सुन्द बुथ। तिति गव नॖ मुम्किन। शक़ छु नॖ ज़ि शुर्य गऺयि बजाह पनॖनि पनॖनि जायि मगर माय तॖ छ़ाय गऺयि दूरान। ॴस छु बन्द। वनव कऺमिस।  पनुन न्यॆच़ुव डाक्टर ॴसिथ ति छु नॖ ह्यकान वऻतिथ पनॖनिस मऻलिस माजि। यिथी कॖसॖ छि ग्रॆन्दि रॊस मगर वयलायथ छु ॴखॖर व्यलायथ। छि च़ालॖन्य पनॖन्य दऻद्य पानय, वखतुक छु यी फसानय। ब्यॆनि बऻय बन्द  तॖ बांधव छि व्वंय बस अख बहानय। मगर कॊरुम म्यॆ त्राहि त्राहे, बॊरुत गर छ़ॊर याम नज़र आम। मऺशिथ गोम ग़म म्यॆ पनुनुय, ग़म च्योन याम नज़र आम।
**************************
"शिव छुय ज़ऻव्युल ज़ाल वाहरऻविथ
क्रंज़न मंज़ छुय तरिथ क्यथ
ज़िन्दॖ नय वुछहऻन अदॖ कति मऺरिथ
पानॖ मंज़ॖ पान कड व्यच़ऻरिथ क्यथ
        ***************
अर्थात:- शिव बारीक ताना बाना बन कर फैला हुआ है और हाड मांस के बने शरीरों में विद्यमान है।अपने जीते जी ही उस को देखो। मर कर कहां देखोगे जब यह शरीर ही नहीं रहेगा। शिव सब में ओत प्रोत है। अपने इसी हड्डियों के पंजरे में जीते जी उसे विचार कर अपने आपको ढूंढ कर पा लो। इस शरीर बिना इसका पाना असम्भव है।
 पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

19.12.2019

19.12.2019 पॊह (पौष) गटॖ पछॖ (कृष्ण पक्ष) ॴठम (अष्टमी) ब्रसवार (वीरवार/ब्रहस्पथवार/ गुरुवार), श्री सप्तर्षी सम्वत 5095, राश कन्या (सुबहॖचि 5.38 बजि प्यठॖ) ऋतु हेमन्त चलान....अज़ छि महाकऻली
ति वॊहरवोद
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: माजि बतॖ
    अ: स्वख तॖ सावय/रॖच़र/
         जानियर
2. मु: माजि नॖ लचक तॖ सेतारस
         गिलाफ़
    अ: ग़रीबी मंज़ ॳमीरी हॖन्ज़
         तॆह हावॖन्य
3. मु: मऻज़ि गुल्य ह्यथ प्रारॖन्य
    अ: परेशऻनी हॖन्दिस आलमस
         मंज़ बे-सबरी सान प्रारुन/
         कूर बाल्येग सपदॖन्य
4. मु: मऻज्य गऺयि ओल मोल गव
         च़्रोल
    अ: मऻल्यसॖन्दि ख्वतॖ छु माजि
         हुन्दुय थज़र तॖ बजर मानॖनॖ
         आमुत
5. मु: मऻज्य गऺयि स्वनॖसॖन्ज़ यॆट
         रऺन्य गऺयि ब्वकॖवऺट
    अ: ख्वदग़र्ज़ी हुन्द हद/
         लोलस अन्दर तफ़ावत
**************************
1. बॖ......I
2. च़ॖ.....You
3. हु......He
4. तिम...They
5. यिम....These
6. यिमॖ....I will come
7. दिम....Give me
8. दिमॖ....I will give
9. नि......Take
10. निमॖ....I will take
**************************
         गीता ज्ञान  :अध्याय 18
दॊयम्यन हॖन्द्य अपराद क्षमा करान, वीद शास्त्र परान तॖ परॖनावान, यिम ब्रह्मनॖ सॖन्द्य स्वबावॖक्य कर्म ज़ान।
वॊन भगवानन गीता ज्ञान
**************************
अमि नवि न्वशि ह्यॊत ग्वडॖ प्यठय यि पनुन रून पनॖनि माजि निशि ब्यॊन करुन। अमि न्वशि ह्यॊत पनॖनि दॖरकाकिनी सॗत्य ब्यॆन्यर थवुन तॖ ज़िठिस द्रॖयिस सॗत्य ज़िख ज़िख करुन। पऺरमॖच़ लीछ्यमॖच़ यि न्वश वऻच़ तलाक़ किस हदस ताम कॆंच़न ऱयतन मंज़ॖय। गऺर्य गरॖ गव परेशान मगर यि न्वश आयि नॖ बाज़ पनॖन्यव क्वकर्मव निशि। द्वह अकि दॊपुन पनॖनिस रॗनिस ज़ि शोठि यी नॖ यथ गरस मंज़ वार। अमि वऺट्य पनॖन्य पलव तॖ च़ऺज्य माल्युन तॖ फीर नॖ वापस। रून गव द्वन तॖ च़्वन मंज़ ज़ि करे तॖ करि क्याह। ज़नानि हुन्द प्यार अकि तरफ़ॖ तॖ गर्युक लोल तॖ माय ब्यॆयि तरफ़ॖ। ॴखॖर रूद यि माजि सॗत्य तॖ कॊरुन पनॖन्यन होवर्यन सॗत्य अदऻलतस मंज़ तलाक़ क्यन काग़ज़न प्यठ दस्तॖख़त तॖ ॳल्लाह ॳल्लाह ज़ि खऻर सल्लाह। बूगुन प्योस वारियाह कॆंह। ज़नान ॴसॖस वनान ज़ि च़ॖ छुख माजि कुन ज़्यादॖ तॖ म्यॆ कुन कम। दपान ॴसॖस ज़ि तनख्वाह छुख अनान तॖ म्यॆ छुख नॖ हावानॖय तॖ स्यॊदुय छुख माजि हॖन्दिस हलमस मंज़ यि ऒनमुत पौंसॖ टूंक त्रावान। ॳमिस बयकाकॖनि सॗत्य कयाज़ि छुख यूत मेछर थवान। यिथी यिथी कॖसॖ गऺयि बडान, ट्यॆछर गव बडान, दूर्यर गव बडान। नोबत वऻच़ ज़ि गरस मंज़ वॊथ तनाव मगर यि लडकॖ रूद डटिथ तॖ माजि हुन्द यज़थ थोवुन बरक़रार। पतॖ कॊर ॳम्य दॊयिम खान्दर तॖ बोज़ान ओसुस ज़ि स्व न्वश छि ख्वश वऻरिव गरस मंज़ वुन्युखताम। सार द्राव म्यानि कथि हुन्द यि ज़ि ज़नानि हुन्द गंदॖ ख़याल छु ॳलॖरावान अयाल तॖ अनान छु बुन्युल हॆरि प्यठॖ ब्वन ताम। रामॖ लगय च्यानि लीलाये।
**************************
"आयस ति स्यॊदुय गछ़ॖ ति स्यॊदुय
स्यदिस हॊल म्यॆ कर्यम क्याह
बॖ तस ॴसॖस आगरय व्यॊदॖय
व्यदिस तॖ व्यन्दिस कर्यम क्याह"
           *************
अर्थात:- मैं संसार में सीधे आई तथा सीधे ही चली जाऊंगी। संसार का टेढापन मेरा क्या बिगाडेगा। क्योंकि मैं पहले से ही प्रभू को जानती हूं व उसकी भक्त हूं।यह ज्ञान रखनेवाली का संसार कुछ नहीं बिगाड सकता।
   पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव

18.12.2019

18.12.2019, पॊह (पौष) गटॖ पछॖ (कृष्ण पक्ष) सतम (सप्तमी) ब्वदवार (बुधवार) श्री सप्तर्षी सम्वत 5095, राश सिंह (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: मऻन्ज़ लऻगिथ ति अथॖ
         छ्यॆनी
   अ: बद-कॖस्मती छॆ नॖ तदबीरव
         सॗत्य ख़तम गछ़ान
2. मु: ल्यख छा थ्वख ज़ि लऻरिथ
         गछ़ि
  अ: ल्यॆकि क्या खोच़ुन/बदकामि
        छॆ नॖ वज़नदार आसान
3. मु: माडि माज़स वातल वाज़ॖ
    अ: मऺकरिस चीज़स छि मऺकरी
        वरतावन वऻल्य/यथ नॖ कुनि
         रऺन्ग्य स्यज़र आसि
4. मु: ल्यॆकी तुलुन तॖ ल्यॆकी
         बॆहनावुन
    अ: कऻन्सि प्रथ विज़ि बेज़ती
         करॖन्य
5. मु: माडि माज़ म्यॆठिनॖ खानॖ-
         माजर पठि नॖ
    अ: ख़स्लथ छॆ नॖ बदलान/
         नाकारॖ मालस नाकारॖ
         वरतावन वोल
**************************
1. बऻवी...Something tends
               to happen/Which
             cannot be avoided
             Unavoidable
2. बऻगी....One who revolts/
             Rebel/Mutineer
3. बागि बोग....Share/Due
                      share
4. बऻय बरादरी..Brotherhood
5. बऻय बंदॖ...Relatives/Kith
                   and kin
6. नान्य....... Grandmother
7. मातामाल.... Maternal
8. माम.......Maternal uncle
9. माहर्यॆन्य....Bride
10. माहराज़ॖ....Bridegroom
**************************
        गीता ज्ञान  :अध्याय 18
ब्रह्मनन क्षॆत्रयन विशन तॖ शूदरन
कर्म यिहॖन्द्य स्वबावॖ सॗत्य उत्पन
ग्वनव मूजूब गऻमॖत्य मुकरर ज़ान
वॊन भगवानन गीता ज्ञान
**************************
रुत सात वुछिथ कॊर अमि माजि द्वयमिस यानि ल्वकॖटिस न्यॆचॖविस ति खान्दर आन बान तॖ शानॖ सान। योदवय ॳमिस कोरि यानि नवि न्वशि सऻरी ग्वन मेलान ॴस्य लऺडकॖ सॖन्द्यन ग्वनन सॗत्य अख ग्वन ओस नॖ मेलान। अथ ग्वनस ओस रूदमुत कुस ताम ग्वनॖ दूष, यथ नॖ कांह पूश। न मन्ज़िमयोर, नॖ ट्यॆकिन्य मिलावन वोल, न मऻज्य तॖ न ॳमिस कोरि हुन्द मोल। यि कूर ॴस शऺरीफ़ गरॖच रऺज़ील कूर। मनस मंज़ ईर्शा तॖ बुथिस प्यठ नूर। जान जान स्वभावव निशि स्यठाह दूर। यि नन्यव वारॖ वारॖ रॗनिस तॖ हशि यॆलि अमि न्वशि पनॖन्य पर ह्यॆत्य मऺच़रावॖन्य, बऻच़ ह्यॆतिन गऺन्ज़रावॖन्य, तल्खॖक्य तीर ह्यॆतिन चलावॖन्य। यॆमि हशि यि न्वश अनेयि कमि लोलॖ तॖ मायि सान तमीय न्वशि ह्यॊत करुन अथ लऺसिथ बसिथ गरस फुन्य फान।
न्वश ॴस पऺरमॖच़ ल्यीछमॖच़ मगर संस्कार ॴसिस रूद्यमॖत्य कथ ताम कूनस मंज़ मालिन दऺरिस मंज़ युस नॖ बोज़नॖ आव कऻन्सि ॳकिस ति। ऒत ताम ओस यि गरॖ गरॖ ह्यु बासान मगर ॳमिस न्वशि हॖन्द्य तेवर प्यॆयि वुल्टॖ तॖ गर्युक माहोल ह्यॊतुन संजीदॖ बनुन। माय महोब्बतस ह्यॆच़ॖन्य दरार प्यॆन्य। बानॖ ह्यॆतिन व्यॆगुर्य गछ़ॖन्य। मेछरस मंज़ ह्यॊतुन टेछर अच़ुन तॖ बास्यव ज़ि ब्रांदॖ कऺन्य छॆ नॖ स्यॆज़ बीठमॖच़। य्वस यि कथ आस बॖ वनान पऺतिम्यव द्वयव त्रॆयव दॊहव प्यठॖ अमि कथि हुन्द अंद छ़ान्डव पगाह। तॊत ताम सूंचिव तॊह्य ति ज़ि यॆमि कथि हुन्द अंद क्याह गछ़ि आसुन।
**************************
"ग्रटॖ छु फेरान ज़ेरे ज़ेरे
ओहकुय ज़ाने ग्रटॖकुय छ़ल
ग्रटॖ यॆलि फेरि ज़ऻव्युल न्येरे
गॊ वाति पानय ग्रटॖबल"
       ***********
अर्थात:- चक्की धीरे धीरे घूमती है
जिसे चलाने की तकनीक ग्राठी ही जानता है। जब चक्की चलेगी तो महीन आटा निकलेगा और गेहूं स्वंय ही चक्की पर पीसने के लिए
पहुंचेगा।
        पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

17.12.2019

17.12.2019, पॊह (पौष) गटॖ पछॖ (कृष्ण पक्ष) शॆयम (षष्ठी) बॊम्वार (मंगलवार) श्री सप्तर्षी सम्वत 5095, राश सिंह (चलान), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: ल्यॆजि ति च़ूरॖय तॖ गजि ति
         च़ूरॖय
    अ: यॆलि सऻरी बे-ईमान आसन
2. मु: लूकॖ हॖन्ज़ गाव मनसावॖन्य
    अ: ब्यॆयिसुन्द ख़रॖच कऺरिथ
         पनुन थज़्ज़र थ्यकॖनावुन
3.मु: लीखित गव ज़ि हॊखित गव
    अ: यि तऺहरीरस मंज़ आव तथ
         नॖ पतॖ क़लम च़ानुन
4. मु: ल्यॊल वुकुर तॖ दॊल त्रकुर
    अ: प्रथ कुनि तऺरीकॖ बे-रबॖद
         आसुन मगर टेंठ नॖ त्रावॖन्य
5. मु: ल्यॆजि नॖ वय परगनस साल
    अ: बोज़ शोज़ नॖ आसुन अपुज़
          बजर हावुन
**************************
1. बऻन....Neck (of cloth)
2. ज़ऻन.... Basket
3. दऻन...... Pomegranate
4. लऻन.....Line/Que
5. बऻल.....Bull
6. बऻगरुन....To distribute
7. बऻग.......Bag
8. बऻग्य.....In time/ In the
          morning/evening/
          Share/Portion
9. बऻयिस....Cause/Reason/
           Means/To brother
10. बऻतिन.....Covered/
            Secret/Hidden/
            Inside/Internal/
            Intensive
**************************
          गीता ज्ञान  :अध्याय 18
पृथ्वी स्वर्गस मंज़ ति देवताहन,
यिमव आलावॖ ति कांह रछ़ नॖ आसान, प्रकृच़ हॖन्द्य त्रॆ ग्वन यॆति नॖ आसान
वॊन भगवानन गीता ज्ञान
**************************
यीच़ मेहनत माजि कऺर ज़िठिस न्यॆचॖविस कूर छ़ान्डनॖ बापथ तीच़ॖय मॆहनत कऺर अमि माजि ल्वकटिस न्यॆचॖविस ति कूर छ़ान्डनॖ बापथ यि दऺपज़ि ति तमि ख्वतॖ ज़ॖ कदम ज़्यादय कऺडिन यि सूंचिथ ज़ि दोयिम न्वश गऺछ़ प्यॆन्य ज़ॖ ग्वन ज़्यादय ह्यथ। मंज़िमयऻर्य ॳन्य अख ट्यॆकिन्याह, माजि मिलावनऻव यि तॖ नन्योस ज़ि कोरि हॖन्द्य ग्वन छि सऺही पऻठ्य मेलान ॳम्यसॖन्दिस न्यॆचवि सॖन्द्यन ग्वनन सॗत्य। ख्वश गऺयि, कथ बाथ चलेयि, कथ आयि गऺन्डॖनॖ तॖ ॴखर गव ॳमिस ल्वकटिस न्यॆचविस ति खांदर। खान्दर आव करनॖ स्यॊद सादॖ पऻठिन मगर शानदार पऻठ्य ति क्याज़ि व्वंय ओस गरुक हिसाब किताब ति स्मबल्यॊमुत। बऺडिस न्यॆचॖविस ज़ायि कॊर्यहऻन तॖ ख्वशॖय गऺयि ज़ि लक्ष्मी आयि पानॖ अथ गरस मंज़। सऻरी गरिक्य बऻच़ ॴस्य लॊलॖमतॖ लाय करान ॳमिस नव-ज़ऻच़ शुरिस।  नाव ति कॊरुख ॳमिस कोरिहेनि लक्ष्मी यि सूंचिथ ज़ि ॳमिस कोरि हॖन्दि ज़न्मस  यिनॖ सॗत्य मेलि स्वख तॖ सम्पदा तॖ दाद्यन दवा तॖ क्वदर्युख शफा ।अज़ दिमव यॆतिनसॖय थख। कथि मंज़ॖ छि कथा रोज़ान न्यॆरान तॖ नऺव्य नऺव्य वकानॖ छि नज़रि यिवान।  गरॖ वंदयो गरॖ साज़ो बरॖ न्यॆरय नॖ ज़ांह। कथ छि परॖन लायख, कथ पूरॖ परनॖ रॊस नीर्यज़्यव नॖ कांह।
**************************
"ट्यॊठ मॊदुर तय म्यूठ ज़हर
यस यूत छुनुख जतन बाव
यॆम्य यथ कऺर्य कल तॖ कहर
 सु तथ शहर वऻतिथ प्योव।"
         *********
अर्थात:- मनुश जिस वस्तु को पसंद करता है वही उसको अच्छी लगती है चाहे वह मीठा कडवा या मीठा ज़हर ही क्यों न हो। अर्थात जिस को जिस बात की जितनी लगन होती है वह उसी परिमान या मात्रा में उस स्थान पर पहुंच जाता है। तथा मनुश संसार में उलझेगा या अध्यात्म को पाने का प्रयत्न करेगा वह उसकी रुचि तथा लगन पर निर्भर है।
     पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

16.12.2019

16.12.2019, पॊह (पौष) गटॖ पछॖ (कृष्ण पक्ष) पऻन्च़म (पन्चमी) च़ऺन्दॖरवार (सोमवार) श्री सप्तर्षी सम्वत 5095, राश सिंह (रऻच़ हॖन्ज़ॖ 2.46 बजि प्यठॖ),ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: लॊट नय आसि लछ़ुल
         गन्डनस
    अ: अपुज़ इल्ज़ाम लागुन/
         हांछ़ खारॖन्य
2. मु: लॊति खॊतॖ लॊत गव ननॖ-
         वोरुय
    अ: यॆमिस ख्वाशियात कम
         आसन सु छु सुखी आसान
3. मु: लोरि कुटनस दसतारॖ
         गन्डुन
    अ: कऻन्सि नाकऻब्यलस यज़थ
          बखशुन
4. मु: ल्वकुट नय आसि तॖ बॊड
         किथॖ बनि
   अ: दां फऺल्यसॖय छु ह्यॊल बनान
5. मु:  लूरान सऻरी लदान नॖ कांह
    अ: दकॖ दकॖ द्युन अथॖ न शेह-
          लावुन
**************************
1. पऻजामॖ........ Trouser
2. पतलून........ Pant
3. मोज़ॖ............Socks
4. बूठ.....…... Shoes
5. फीतॖ ......... Laces
6. पऻलिश..... Polish
7. फर......... फर
8. टर...........Lie
9. कर..........Do
10. करुन..... To do
**************************
        गीता ज्ञान  :अध्याय 18
युस स्वख यऺन्द्रय विशय मेलान, बूगनॖ विज़ि अमृत पतॖ ज़हर आसान, सु स्वख छु तामस वनॖनॖ यिवान।
वॊन भगवानन गीता ज्ञान
**************************
माजि कऺर्य मंज़िमयऻरिस निश लटॖ पौंज़ तॖ ॴखरस म्यूलुस गरा अख पानस मनस मुवऻफिक तॖ ॳनिन तमि गरॖच कूर पनॖनिस बऺडिस न्यॆचिविस सॖन्दि बापथ। दपान स्व न्वश द्रायि साक्षात दीवी रूप ति क्याज़ि तमि कऺर हशि माजि पनॖनि माजि हॖन्द्य पऻठ्य सीवा। ल्वकटिस द्रॖयिस पनुन बोय ज़ऻनिथ कॊरुन तस लॊलॖमतॖ लाय तॖ पनॖनिस बऻच़स यानि पनॖनिस रॗनिस ॴस परमेश्वर ज़ऻनिथ तऺम्य सॖन्ज़ सीवा करान। दपान गरॖच ब्रान्दॖ कऺन्य छि आसान न्वश। यॊदवय यि ब्रांदॖकऺन्य स्यॆज़ बीठ नॖ, सोरुय गरॖ छु गछ़ान छलॖ छांगॖर्य। मऻज्य ॴस भगवानस शुकुरगुज़ार ज़ि यि न्वश प्यॆयि ॳमिस गाव मऻज्य हिश। संस्कऻरी तॖ मॊदुर स्वभाव वाज्यन न्वश। गरॖच नाव गऺयि पकान तॖ वऻर्य वऻच़ द्वॊयिमिस न्यॆचिविस खान्दरॖच। अमि ब्रौंह कुन कॖसॖ बोज़नावोवॖ ब्रौंह कुन। मऻज्य दीवी कऺर्यनवॖ रुत विज़ि विज़ि।
**************************
"कऻली सथ क्वल गछ़न पातऻली
अकऻली ज़ल माल वर्षन प्यन
मामस टऻक्य तय मसकिय प्यालय
ब्रह्मन तॖ चऻली इकवटॖ ख्यन"
           ************
अर्थात:-कालक्रम से ऐसी कुस्थिति होगी कि (दुष्कर्मों के कारण) सप्तकुल रसातल को जाएंगे। तब असमय वृष्टि हुआ करेगी। (तब) ब्रह्मन और चांडाल (कुकर्मी) एक साथ
मांस-मदिरा का खान-पान करेंगे"
         पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

15.12.2019

15.12.2019, पॊह (पौष) गटॖ पछॖ (कृष्ण पक्ष) च़ोरम (चतुर्थी)
आथवार (रविवार/एतवार),श्री सप्तर्षी सम्वत 5095, राश कर्कट (चलान), ऋतु हेमन्त (चलान)...
अज़ छि संकट च़ॊरम (संकट निवार्ण चतुर्थी) ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: लन्जि पम्पोष
   अ: ल्वक्टि् माहोलॖ न्यबर नीरिथ
         स्यठाह थज़र प्रावुन
2. मु: लॊग न तॖ जॊग आव पॊत
         फीरिथ
    अ: कुनि चीज़स या कामि हुन्द
         पूरॖ करनुक वादॖ कऺरिथ ना-
         काम गछ़ुन
3. मु: लूटस तॖ जोशस बऻज्यवठ
    अ: नाकारॖ छु नाकारस सॗत्य
          रलान/बुरॖ काम्यन मंज़
          हिसॖदऻरी
4. मु: लूकॖ मॊत गव अनिगॊट
    अ: आवाज़ि ख़लक़ गव
          नक़ारि ख्वदा/जमगठस
          छु नॖ कांह जवाब
5. मु: लूकॖ हुन्द कऺतिथ न्यथॖनॊन
         पान
    अ: मॆहनतस नॖ फल
**************************
1. गुर....Horse
2. बऻर गुर.....A horse used
                    to carry load
3. खर......Donkey/Ass
4. बऻर खर....A donkey used
                    to carry load
5. बऻथ......Song
6. बऻट्य.....A big plate
7. बऻच़.....Members in a
                family
8. बऻज़्य.... Deceive
9. बऻदियानॖ..Aniseed/Sweet
                   fennel
10. बऻदी.....Indigestive
**************************
        गीता ज्ञान  :अध्याय 18
युस स्वख ग्वडॖ ज़हर बासान, मगर अमृत अम्युक अन्जाम आसान, यि परम स्वख प्रावान
सातविक ज़ान
वॊन भगवानन गीता  ज्ञान
**************************
समय गव पकान पनॖनि रफतारि मंज़ तॖ यि मऻज्य ॴस ज़िन्दॖ रोज़नुक संज़ करान पनॖन्यन द्वन मोसूय शुर्यॆन मंज़। किरायि मकानॖ निशि पनुन पान म्वकलावनॖ मूजूब कुन अमि माजि पनुन स्वन-गऺहनॖ तॖ सूंचुन सेरॖ वावॖ ख्वतॖ छु डेरॖ वाव स्यठाह ज़रूरी। करताम ओस मऻल्यकन ज्येमिस मंज़ॖय अख ज़मीन च़कुल मऺल्य ह्यॊतॖमुत तॖ सोंचान आसिहे ज़ि यॆलि यिम शुर्य अथ लायक़ गछ़न तॖ खारन लबॖ च़ोर पानय मगर ॳमिस ति कति ॴस पताह ज़ि मोत छु इन्सान  सॖन्दिस पऺदिस तल आसान, पतहॗ छु नॖ थवान कर छु निवान वुफ कऺडिथ। माजि ह्यॊत मकानॖ बनावनॖच आय त्राय रटॖन्य तॖ द्युतुन कॖन ॴखरस। नरि हॖन्ज़ि जायि ज़ंग तॖ ज़ंगि हॖन्ज़ि जायि नॖर लऻगिथ कॊर अमि माजि मकानॖ खड़ा तॖ रुत साथा वुछिथ कॊरुन गृह प्रवेश। वॊश्य त्रोवुन ज़ि अज़ गॊछ़ व्वॊमॖ जी ज़िन्दॖ आसुन तॖ वुछिहे पनुन गरॖ कथ छि वनान। द्वह द्वह खॊत शुर्यन ति। युस मोसूम शुर ओस सु ह्यॊतुन बाल्यॆग गछ़ुन तॖ युस बॊड शुर ओस सु ह्यॊतुन खान्दरस लायक़ बनुन। यिम द्वनवय शुर्य ॴस्य होरॖ योरॖ यिथ ॳमिस माजि अलनॖ तॖ वलनॖ यिवान। माजि हॖन्दिस फऺरिस तल बिहिथ पनॖन्यन स्वपॖनन साकार बनावनॖच तदबीर छ़ान्डान रोज़ान। पनॖन्यन ज़खमन ठानॖ दिथ नवि सुबहॖच आशाय हॖन्ज़ ज़ॖच़ॖ मेलनॖ बापथ बे-सबरी सान गऺर गऺर कडान। शुर्य ॴस्य माजि असुवुन बुथ ह्यथ वुछुन यछ़ान तॖ मऻज्य ॴस्य पनुन पगाह यिमन द्वन लालन मंज़ वुछान रोज़ान तॖ यिमन ॴस आज़र-बाज़र सोज़नॖ ब्रौंठ ग्वडॖ च़ॖनि ट्यॊक करान तॖ अदॖ आज्ञा दिवान नेरनॖच तॖ ॴशिर्वाद तॖ ॴही सुबॖ शाम करान रोज़ान। अमि ब्रौंहकुन वुछव पगाह। मऻज्य दीवी कऺर्यनवॖ रुत। तुहॖन्ज़ ॴही रूज़िन म्यॆति सॗत्य।
**************************
"च़ालुन छु वुज़मलॖह तॖ त्रटय
च़ालुन छु मन्द्यन्यन गटॖकार
च़ालुन छु पान पनुन कडुन ग्रटय
ह्यतॖ मालि संतोष वाति पानय"
         *********
अर्थात:- ललेश्वरी कहती हैं कि अध्यात्म को पाने के लिए कडक तथा बिजिलियां तथा दोपहर को
गहन अंधकार सहन करने पडते हैं। ऐसा समझो कि चक्की के दोनों पाटों के बीच में पिसे जाने की पीडा को सहना है। जब संतोष तथा सहनशीलता प्राप्त होगी तो संतोष रखो कि लक्ष्य स्वयं ही पास आ पहुंचेगा।
    पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

14.12.2019

14.12.2019, पॊह (पौष) गटॖ पछॖ (कृष्ण पक्ष) द्वय (देवादेव) (द्विती) बटॖवार (शनिवार/ शनिश्चरवार), श्री सप्तर्षी सम्वत 5095, राश कर्कट (रऻच़ हॖन्ज़ॖ 11.16 बजि प्यठॖ), ऋतु हेमन्त, चूंकि पगाह छि त्रय रावान, त्रॆयि हुन्द वॊहरवोद यी ॳज़्य यानि द्वयि द्वह।
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: लूस्यमॖत्य पज़न नॖ लोसॖ-
         नावॖन्य
    अ: मुश्किलन मंज़ आमॖत्यन
         हॖन्द्य मुसीबथ गछ़न नॖ
         बडावॖन्य
2. मु: लशकरि पथ तॖ पछाडॖ
         ब्रौंठ
    अ: मुक़ाबलॖ करनस मंज़ सारि
         वॖय खॊतॖ पथ तॖ च़लन वा-
         ल्यन ब्रौंह/बुज़ दिल आसुन
3. मु: लशकरि शिकस
    अ: ॴनि शिकस लद
4. मु: लुकॖ बुज़्य जॆशनॖ
    अ: कांह कऻम बेमक्सद गछ़ॖन्य
5. मु: लिखे मैं पढे ख़ुदा
   अ: तथ तऺहरीरस मुत्लक यिवान
        वनॖनॖ युस नॖ लेखन वऻलिस
        ति परुन तगि
**************************
1. जदॖ बुड्यबब......Great
                      grand father
2. बुड्यबब.....Grand father
3. मोल...........Father
4. प्यॆतॖर.........Uncle
5. मऻज्य.........Mother
6. ज़्युठ बोय....Elder brother
7. सारिवॖय ज़्युठ बोय....
                     Eldest brother
8. ब्यॆनि.........Sister
9. ज़िठ ब्यॆनि...Elder sister
10. ल्वकुट/कूंस बोय...Young-
                            er brother
**************************
         गीता ज्ञान :अध्याय 18
हे अर्ज़न स्वख त्रॆयि प्रकऻर्य आसान, युस स्वखस मंज़ मनुश
करि दर्म द्यान, सीवा बावॖ द्वखन
नष्ट करान
वॊन भगवानन गीता ज्ञान
**************************
इन्सान क्वत क्वत वाति। कथ कथ दी वाठ। अकि कॊह छु खसान तॖ ब्यॆयि कॊह छु वसान फ़सान मंज़ कनि छु मोल मऻज्य। युथुय गोम गरा अख नज़रि। ख्यवान-च्यवान ॴस्य जान पऻठ्य। रून तॖ ज़नान तॖ तिमन ज़ॖ न्यॆचिव हऻनॖ ल्वकॖट्य तॖ स्वन्दर। मऻलिस फ्युर द्यमाग़ तॖ लऺजिस शराबॖच लत। यिछ़ लत ज़ि शराबन नी तऺम्यसॖन्ज़ जवऻनी। शुर्य ज़ॖ तॖ ज़नान त्रऻविन भगवानस हवालॖ ॳकिस किरायि मकानस मंज़। असमजस मंज़ गऺयि यि मऻज्य ल्वकॖट्य ज़ॖ शुर्य ह्यथ। अख ओस दऺहमि तॖ ब्याख ओस ॷठिमि परान। असुवुन गिन्दवुन गरॖ गव लुतिछिति। आमदनी हुन्द ज़रियऻय गव ख़तम। यि मऻज्य प्यॆयि सोंचस ज़ि किथॖ पऻठ्य पकनावि गरॖ ब्रौंह कुन। सुजाव आयस दऺछिन्य ति खॊवॖर्य ति ब्यॊन ब्यॊन। कशीरि प्यठॖ ॴस्य 1990-तॖ किस तनावॖ ब्रौंठॖय ज़्यॊम आमॖत्य तॖ ज्यॆमिस मंज़ॖय ॴस मऻल्यकस शराबॖच क्वसंगत लार्येमॖच़। यॆति यि मऻलिख नोकरी ओस करान तिमव द्युतहऻस सहारॖ तॖ कॆंच़न ऱयतन प्रारनॖ पतॖ दिच़ॖख ॳम्यसॖन्दिस ज़िठिस न्यॆचविस मऻल्यसॖन्ज़ि जायि नोकरी। न्यॆचविसॖन्द्य सऻरी स्वपन गऺयि सूरस तल तॖ प्यव तस ल्कचि वऻन्सि मंज़ॖय गर्युक ब्रख। दय सॖन्ज़ि दयगऺच़ छु नमस्कार। तऺम्यसॖन्ज़ लीला छि अपर्मपार।अमि ब्रौंहकुन क्याह सपुद ज़ानव ब्रौंहकुन।
**************************
"संसारॖ नऻम्य तऻव तऺच़ॖय
मूढन किछ़ॖय तावनॖ आय
ज्ञान-मुद्रा छय यूग्यन किछ़ॖय
सु यूगॖ कलि किन्य परज़नॖ आय"
           **********
अर्थात:- संसार नाम का तपा हुआ तवा मूढूं के लिए तपाया
हुआ है। ज्ञान-मुद्रा योग्यों के
लिए है और वह (ज्ञान मुद्रा) योगकला द्वारा पहचानी जाती है"
     पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

13.12.2019

13.12.2019, पॊह (पौष) गटॖ पछॖ (कृष्ण पक्ष) ऒक्दॊह(देवादेव) (प्रथम), शॊकुरवार (शुक्रवार/जुम्मा),श्री सप्तर्षी सम्वत 5095, राश मिथुन (चलान),ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख अर्थ सहित
**************************
1. मु: लरि तल नॖ गासॖ न्यॆबरॖ
         वनॖनॖ फरि
    अ: छ़र्यन मच्यन ठसॖय योत/
         छ़ऺरी ह्वॊख्य दम दिन्य
2. मु: लडऻय मऺल्य ह्यॆन्य
  अ: हंगॖ तॖ मंगॖ तनाज़न मंज़ पान
       आवरावुन/लडायगॊर आसुन
3. मु: लऺड्य लऺड्य ह्यॊन
    अ: ताकॖत्कि ज़ोरॖ कॆंह हऻसिल
         करुन
4. मु: लछ़ॖज्य लगॖन्य
    अ: बॆ-वख मरुन
5. मु: लछ़ि गछ़ुन
    अ: बेयज़थ गछ़ुन/यज़थ नॖ
         रोज़ुन
**************************
1. बर/दरवाज़ॖ....Door
2. दऻर.........Window/Beard
3. डीड्य......Big gate
4. हेर.......... Stairs
5. हेरॖ पऻयव.....Steps
6. लब.........Wall
7. तालव....... Ceiling
8. छत..........Roof
9. डब....Veranda(wooden)
10. कुठ........Room
**************************
         गीता ज्ञान  :अध्याय 18
हे अर्ज़न बुदी तॖ व्रती ज़ान, ग्वनव
किन्य ति त्र्यॆयि प्रकऻर्य आसान, पूरॖ पऻठ्य अलग अलग वनय थव ध्यान।
वॊन भगवानन गीता ज्ञान
**************************
अख कऻशिर कूर वुछिम छि आमॖच़ बागॖन्य ॳकिस पंज्यऻब्य लऺडकस। खान्दरस प्यठ छु कोरि दपान ओस ड्यॆजिहोर पनॖन्यन कनन लगोवमुत। वऻरिव वऻतिथ यिम ति तऺमिस आयि मुबारकस तिमव वुछ ॳमिस कनन मंज़ ड्यॆजिहोर लऻगिथ तॖ गऺयि हऻरान ज़ि ॳमिस छु क्याह यि। ॳमि कोरि वॊन तिमन ज़ि बॖ छस कऻशिर्य कूर तॖ यि ड्यॆजिहोर छु असि मंज़ सुहागॖच निशऻनी यानि मंगल सूत्र। तिमन खॊत नॖ ॳमिस कोरि हुन्द वनुन टारि कॆंह तॖ दॊपहस ज़ि चूंकि च़ॖ आयख सऻनिस गरस मंज़, च़्ये प्यॆयि ती करुन य्वस सऻनिस पंज्यऻब गरस मंज़ रसमो-रिवाज छु। द्वनवय दऺर्य छि पनॖनि पनॖनि जायि सऺही मगर फ़ऻसलॖ करि कुस। तनाव छु गोमुत दपान शुरु अथ गरस मंज़ ड्यॆजिहऻरिस प्यठ। कूर दपान ज़ि खांदरॖ ब्रौंठ छु तमि लऺडकस यि साफ़ पऻठ्य वॊनुमुत ज़ि स्व यी वऻरिव गरॖ ड्यॆजिहोर लगऻविथ। ॳशॖक छु ऒन। लऺडकन मोन कोरि हुन्द वनुन मगर लऺडकॖवाल्यव ह्यॊत अथ कथि सनुन। बोज़नस तल आव ज़ि कोरि छु नॖ पनॖनि खांदरॖ पतॖ अख ति प्रूग वऻरिव ऒनॖमुत तॖ न छु अमि पानस सॗत्य खांदरस प्यठ ॳन्यमॖत्य ट्रंक वऻरिव बऻच़न ब्रौंहकनि मॖच़ॖरऻव्यमॖत्य ति वुन्युखताम। लऺडकॖ आमुत छु दु-तरफानॖ अज़ाबस मंज़। यपऻर्य ज़नानि हुन्द प्यार तॖ हूपऻर्य गरिक्यन हुन्द बार। कर्मॖ लीखाये कर नमस्कार। ब्रौंहकुन वुछव कस सॖन्ज़ मऻज्य स्वन तोलि तॖ कस सॖन्ज़ मऻज्य ऱवफ तॊलि।
तथ गरस मंज़ छि चलान ब्यॊन ब्यॊन बोलि।
**************************
"संसारस मंज़बाग कथ शायि रोज़य
वेज़ि परम शिव शम्भू अघूर।
ल्वलि मंज़बाग बोय ललॖनावन,
जिगरस मंज़बाग करस गूरॖ-गूर"
         ************
अर्थात:- संसार के मध्य मैं यहां किस तरह रहूं । (यहां तो) परमशिव अघोर शम्भू ही रहेगा। मैं उसी को अपनी गोद में ले कर हिला-डुला लूंगी और अपने हृदय के झूले में उसे झूले झुलाऊंगी।
    पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

12.12.2019

12.12.2019, मॊन्जहोर (मार्ग) ज़ूनॖ पछॖ (शुक्ल पक्ष) पुनिम(देवादेव) (पूर्णिमा) ब्रसवार (वीरवार/ब्रहस्पथवार/गुरुवार),श्री सप्तर्षी सम्वत 5095, राश मिथुन (शामन 6.22 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख अर्थ सहित
**************************
1. मु: लर्यन बऻच़ तॖ बऻच़न बतॖ
    अ: लरि गऺयि त्यॆलि यॆलि बऻच़
         आसनस तॖ बऻच़न गछ़ि बतॖ
         आसुन
2. मु: लरि तल नॖ वगुव ति रोज़ुन
    अ: स्यठाह गुर्बत प्यॆन्य
3. मु: लाख लाख निन्य तॖ बाख
         बाख दिन्य
    अ: नी नी ति बारव दिन्य/
         ॴसिथ बऺसिथ ति नाशुक-
         री करॖन्य
4. मु: लऻव ब्वद गऺयि सऻव ब्वद
    अ: ल्वकचि वुम्बरि मंज़ गाटॖ-
         जार/ल्वकटिस छु जल्द
         फिकॖरि तरान
5. मु: लरि लब रटॖन्य
    अ: कऻन्सि नखॖ गछ़ुन/दोस्ती
          मंज़ ब्यॆयिहऻन नखॖ युन
**************************
1. प्रभात....Dawn
2. सुब.......Morning
3. दुपऺहर....Noon
4. शाम...... Evening
5. राथ......Night/Yesterday
6. पगाह....., Tomorrow
7. कऻल्यक्यथ....Day after
                         tomorrow
8. कालॖ ........ Yesterday
9. ऊतरॖ.........Day before
                     yesterday
10. हफ़तॖ......Week
**************************
         गीता ज्ञान  :अध्याय 18
युस कर्ता मुडॖ मूर्ख नादान, ब्यॆयन हुन्द रोज़गार नष्ट करान दॖयवुन
आलुछ़ लद सु तामसी ज़ान।
वॊन भगवानन गीता ज्ञान
**************************
म्यॆ छु बासान ज़ि वख्तस सॗत्य सॗत्य छि सान्यन शुर्यन धर्मॖच/कर्मॖच ज़ऻन्यकऻरी ह्यॆच़ॖमॖच़ कम गछ़ॖन्य। यि कऺमी छॆ नॖ केवल सानि ज़ऻच़ मंज़ शुर्यॆन योतुय बऺल्कि बाकय ज़ऻच़ हॖन्द्यन शुर्यॆन ति छि अमिच कऺमी वुछनस तल यिवान। सुय वजह छु ज़ि अज़कलॖक्य सऻरी नवजवान लऺडकॖ किहो कोरि छि हवहऻस मंज़ वुडान पनॖन्यन संस्कारन लतॖक्रम कऺरिथ पकान तॖ करान रोज़ान बद कार तॖ बूगान छि ब्यॊन ब्यॊन रऺगव द्वख विज़ि विज़ि। परुन ल्यॆखुन छु पॊज़ मगर पनॖनि संस्कृति रऻछ़ करॖन्य ति छि तीच़ॖय ज़रूरी यानि पनॖन्यन संस्कारन प्यठ पकनॖ सॗत्य छि मेलान आसऻयिश, मनॖच खुशि तॖ तनाव निशि म्वक्ति। यि छु सान्यव बुज़र्गव परखोवमुत तॖ थऺवमॖच़ यि परम्परा जऻरी। असि ति छु फ़र्ज़ यि परम्परा ब्रौंहकुन पकनावॖन्य बेशक़ नवि अंदाज़ॖ तॖ नवि तऺरीकॖ सॗत्य। पौंस छु अथुक मल। यि छु नॖ हमेशॖ बापथ रोज़वुन मगर संस्कार छि रोज़वॖन्य तॖ रोज़ान इन्सानस वतॖ-हावक। पोंसॖ छु मायाज़ाल तॖ मन छु चंचल। मायाज़ालॖ मंज़ॖ नीरिथ तॖ मन डन्जि थऺविथ छु असि क़दम क़दम कडुन तॖ स्वख तॖ शऻन्ती प्राप्त करॖन्य। शुर्यन धर्मॖच तॖ कर्मॖच ज़ऻन्यकऻरी दिन्य तॖ  तिमन प्यठ  विश्वास थवुन पज़ि असि तॖ सान्यन शुर्यन पज़ि पनॖन्य मऺर्यादा ज़िन्दॖ थावॖन्य। पनॖनि वंशुक नाव शूबरावुन तॖ नाकारॖ काम्यन निशि दूर रूज़िथ पनुन नाव रथि खारुन।
**************************
"साहिब छु बिहिथ पानय वानस
सऻरी मंगान कॆंछ़ाह दि
रॊट नो कऻन्सि हुन्द रऻछ नो वानस
यि च़्यॆ गछ़िय ति पानय नि"
          *********
अर्थात:- साहिब (ईश्वर) स्वयं दुकान लगाए बैठे हैं। सभी कुछ न कुछ देने (उन से लेने) की याचना करते हैं। (यहां) किसी की रोक टोक नहीं। दुकान का कोई प्रहरी नहीं, जो तुझे चाहिये, स्वयं ही ले जा"
      पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.12.2019

11.12.2019, मॊन्जहोर (मार्ग) ज़ूनॖ पछॖ (शुक्ल पक्ष) च़्वदह (देवादेव) (चतुर्दशी) ब्वदवार (बुधवार), श्री सप्तार्षि सम्वत 5095, राश वृष (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: लाम लगॖन्य
    अ: लऻन लगॖन्य/अख ॳकिस
         पतॖ कुनि जायि दवुन प्यॊन
2. मु: लाफ़ गऺछ़्यनम म्वाफ़
    अ: पनॖनि ताक़तुक बे-जा
         इस्तिमाल करनुक एहसास
         गछ़ुन
3. मु: लऻर्य किन्य लोहूर
    अ: ज़्येछर द्युन/वथ तॖ कथ
          ज़्येठॖरावॖन्य
4. मु: लऻर ख्यवान पानस डाकर
         त्रावान ब्यॆयिस
    अ: हंगॖ तॖ मंगॖच थज़र हावुन/
         मग़रूरियत हावॖन्य
5. मु: लाल शिनऻयसी ज़ानि
         लालुक क़दॖर
    अ: क़दॖर दानॖय ज़ानि मालॖच
          या कामि हॖन्ज़ क़दॖर
**************************
1. त्रकुर.... Hard
2. नर्म.....Soft
3. गर्म.....Hot
4. शर्म......Shy
5. धर्म...... Religion
6. कर्म.......work
7. दम.......Silence
8. ग़म.......Worry/Sadness
9. वन......Forest/Reveal
10.पन.....Thread
**************************
       गीता ज्ञान  :अध्याय 18
हे अर्ज़न स्वख त्रॆयि प्रकऻर्य आसान, युस स्वखस मंज़ मनुश करि धर्म ध्यान, सीवा बावॖ द्वखन नष्ट करान
वॊन भगवानन गीता ज्ञान
**************************
ॳक्य बरादरन दपान सूज़ आमुत माहराज़ वापस यि वऺनिथ ज़ि च़ॖ आख पनॖन्य बरात ह्यथ लगनॖ सात नीरिथ तॖ दॊपनस च़ॖ यीज़ि नॊव सात वुछिथ म्यऻन्य कूर पानस सॗत्य निनि। हालांकि दपान यॆन्यवोल यानि बरऻच़ सॗत्य आमॖत्य बरऻत्य ख्यॆविख च्यऻविख बडॖ मान सम्मानॖ सान। मगर लऺगॖन यॆच़ि बजि आमुत ओस वनॖनॖ आमुत तमि समयुक क़दॖर न ज़ऻनिथ आव माहराज़ स्व लऺगनुक सातॖ नीरिथ। दपान कोरि मऻलिस गऺयि शिग तॖ सूंचुन कूर गछ़्यम वारॖ रोज़ॖन्य वऻरिव गरस मंज़। सूंचुन अगर बॖ लऺगनॖकिस सातस प्यठ ह्यकॖ नॖ कन्या दान कऺरिथ ख़बर छा कॆंह वुल्टॖ मा गछ़ि। अवॖ मूजूब सूज़ुन माहराज़ॖ वापस तॖ दॊपनस म्यऻन्य कूर छि च्यऻनी मगर यि कडन सातस प्यठ माल्यनि गरि प्यठॖ।अख विश्वास मानव यि।  दॊयिमि तरफ़ॖ गव ॳकिस माहराज़स स्यठाह च़ेर बरात ह्यथ होवुर वातॖनस। दपान कोरि रोव ताब तॖ तमि कॊर बेतऻबी मंज़  पनॖनिसॖय मऺहल्लस मंज़ कऺमिस ताम लऺडकस सॗत्य खांदर यि सुंचिथ ज़ि शायद मा यी नॖ असली माहराज़ॖ तऺमिस निनॖ बापथ। मगर दपान सु माहराज़ॖ ओस कथ ताम जामस मंज़ कथ तान्य जायि फस्योमुत वॊकॖ पऻठ्य तॖ ह्यॊक नॖ वखतस प्यठ वऻतिथ। अखबारॖच खबर पऺरॖम यि कॆंह द्वह ब्रौंठॖय। यि ख़बर ॴस्य सानि ज़ऻच़ न्यबर कुनि ब्यॆयि ज़ऻच़ मुतलक़। यि गव अंद-विश्वास या वनव अख वऺहमॖ मनस मंज़ आसुन। मगर वुछव यॊदवय हालात बदलनस छॆ नॖ तऻर लगान अज़कल। तवय वॊन म्यॆ ज़ि असि छि पनॖन्य रऻछ पानॖ करॖन्य प्रथ तरफ़ॖ। ॳज़्युक आसामुक तनाव वुछिथ छु म्यॆ बासान ज़ि यिनॖवोल वख मा आसि सख़। असि पज़ि पनॖनि माजि ज़्येवि ति बराबर रऻछ करॖन्य युथ नॖ पतॖ पछतावुन प्यॆयि यॆलि हालातन व्वलॖगॊतुन लगि ब्यॆयि।
**************************
"दोद क्या ज़ानि यस नो बने
ग़मॖक्य जामॖ हा वऺलिथ तने
गरॖ गरॖ फीरॖस प्यॆयम कने
ड्यूंठुम नॖ कांह ति पनॖनि कने"
        *************
अर्थात:- जिस पर बन न आई हो, वह दर्द क्या जाने। ग़म (वेदना) का बाना तन पर धारण करके मैं घर घर भटकी और हर जगह मुझ पर पत्थर बरसे। किसी को भी मैं ने अपनी तरफ़ या अपनी तरह का नहीं पाया"
     पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

10.12.2019

10.12.2019, मॊन्जहोर (मार्ग) ज़ूनॖ पछॖ (शुक्ल पक्ष) त्रुवाह (देवादेव) (त्रयोदशी) बॊम्वार (मंगलवार), श्री सप्तर्षी सम्वत 5095, राश वृष(दुहचि 1.17 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख अर्थ सहित
**************************
1. मु: ग्वलाब तॗर
    अ: सोंतॖ कालॖच तॗर/मोमूली
         सर्दी
2. मु: ग्वसऻन्य गऺडवॖ
    अ: बेछवुन
3. मु: ग्वसऻन्य तॊमुल
  अ: वारियाह कॖसमॖ ख्यनॖ चीज़न
        हुन्द रलॖ
4. मु: ग्वलाब ऱवय
    अ: ग्वलऻब्य बुथ/माशोक़/
         ख्वश युवुन
5. मु: ग्वनॖ ख्वतॖ ग्वनॖ दूष
    अ: नीकी करान करान वुल्टॖ
          गछ़ुन
**************************
1. कांगॖर.....Fire-pot
2. कंगन्य....A small comb
                  used by ladies
3. लॊंगुन.....A measuring
            pot made of wood
4. नॊट......Earthen pitcher
5. टोक.....Earthen lid
6. तौलिया....Towel
7. टूप्य......Cap
8. साफ़ॖ.....Turban
9. पुलॖहोर....Sleeper made
                   of dry-grass
10. जऺजीर्य....Hukka
**************************
      गीता ज्ञान  :अध्याय 18
यि दारना शक्ती मूर्ख इन्सान न्यॆन्दॖर आलुछ़ द्वख तॖ भय प्रावान स्व दारना शक्ती तामस ज़ान
वॊन भगवानन गीता ज्ञान
**************************
ज़मानॖ बदल्योमुत छु यूत ज़ि इन्सान छु कुनि सातॖ हऺच़्य च़ापान कॆंह कॆंह चीज़ वुछिथ। दंदस तल ज़्यव छ़ॖनान कॆंह कॆंह वऻर्यदात बूज़िथ तॖ कुनि सातॖ आसमानॖ प्यवान कॆंह कॆंह चीज़ वडींशिथ।च़ूंठ छु च़ूंठिस वुछिथ रंग रटान दपान छि। सऻनिस समाजस मंज़ यि कॆंछ़ा बदलाव आमुत छु या यिवान रोज़ान छु अम्युक असर छु ब्यॆयिस समाजस प्यठ ति प्यवान या दॊयिमि समाज्युक असर छु सऻनिस समाजस प्यठ ति प्यवान। ॴखॖर इन्सानॖय छि होरॖ ति तॖ योरॖ ति। अगर द्रॊजर छु तॖ यि छु सारिनॖय हॖन्दि बापथ। गन्डॖ किलो दपान वोत ज़ॖ हथ रॊपियि ताम।यिनॖ ज़ांह सूंचमुतुय ओस। कॊर्यॆन सॗत्य बेहुर्मती कऺरिथ पतॖ तिमन ज़ालुन कऻच़ाह दहशतॖच कथ छि। ॳस्य ति छि कोरिवऻल्य, माजिवऻल्य ब्यॆनिवऻल। ख़ोच़ुन छु लगान यिथ्य वऻर्यदात बूज़्य बूज़्य। सान्यन शुर्यन हॖन्ज़ हिफ़ाज़त कुस करि किथॖ पऻठ्य गछ़ि समज छु नॖ यिवान इन्सानस। युस मरान सु ति इन्सान, युस मारान सु ति इन्सान। यॆमिस यिवान आर सु ति इन्सान युस लागान बे-आर सु ति इन्सान।सऻन्य अख कूर यॆम्य आरस प्यठ क़तरऻव सु ति ओस इन्सान तॖ यॆम्य कऻन्सि कऻन्सि हुन्द यज़थ तॖ आबरू बच्योव सु ति ओस इन्सान। म्यानि वनॖनुक मुद्दा छु ज़ि बदलवॖन्यन हालातन कुन वुछिथ पज़ि असि पनॖन्य रऻछ पानय करॖन्य, पनुन अन्तरात्मा साफ़ शफ़ाफ़ थवुन, देखा-दीखी निशि दूर रोज़ुन तॖ पनॖनिस धर्मस प्यठ पऺकिथ पनॖन्यन संस्कारन पानय रऻछ करॖन्य त्यॆली रोज़ि दय ति असि सहायतस तॖ दी असि ति स्यॆदि बुथि तार। नमस्कार।
**************************
"स्वयि कुल नो द्वदॖ सॗत्य सऺग्यज़ि
सर्पिनि ठूलन दीज़ि नो फाह
स्यॆकि शाठस फल नो वऺविज़ि
रावरिज़ि नॖ कॊम-याजन तील"
         *************
अर्थात:-बिछू घास को दूध से सींचना नहीं, सर्पिनि के अण्डों को कभी न सेंकना। बालू के पुलिन पर बीज न बोना, भूसी की नान खताई पर तेल बर्बाद न करना"
      पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

09.12.2019

09.12.2019,मॊन्जहोर (मार्ग) ज़ूनॖ पछॖ (शुक्ल पक्ष) बाह (देवादेव) (द्वादशी) च़ऺन्दॖरवार (सोमवार) श्री सप्तर्षी सम्वत 5095,राश मेष (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात तॖ सॗत्य छु अख लल वाख ति अर्थ सहित
**************************
1. मु: गूर्य हखुर
    अ: चोर/बेवक़ूफ़/नादान
2. मु: गोलि लायक़
    अ: बे-आर
3. मु: गोंछ़ि मथुन सॊम्ब
    अ: स्यठाह कम
4. मु: गोंछ़ बुड दम
    अ: यावॖ यठ
5. मु: गोंछ़ि ॴस पतॖ खोस
    अ: प्रथ कांह चीज़ छु पनॖनि
         अनॖवारि सपदान
**************************
1. बऻब्य टूप्य....A kind of cap
2. बावजूद.....In spite of
3. बावरॖ......Mad/Insane/De
                ranged/Foolish
4. बावज़ॖ........ Niece
5. बाह.......Twelve/Steam
6. बावुन.....To offer/To put
                in water(Flowers
                etc. of Pooja)/To
             express/To reveal
7. बावथ.....To express
8. बाव खसुन....To become
              expensive/To be
              in more demand
9. बाव करुन....To fix a price
10. बाववॊट..... Bracelet
**************************
        गीता ज्ञान  :अध्याय 18
युस मनुश फलॖच यछ़ा थऺविथ धर्म कामस लॊग रूज़िथ,स्व दारना
शक्ती राजस ज़ान
वॊन भगवानन गीता ज्ञान
**************************
पनॖन्यन शुर्यन प्यठ छि नज़र थवॖन्य ज़रूरी। विश्वास छु प्रथ मऻलिस माजि पनॖनिस शुरिस प्यठ अथ मंज़ कांह शक़ छु नॖ मगर अज़ कलॖक हालाथ वुछिथ छु इन्सान त्रऻहरान। बऺहमि जमऻच़ ताम छु ॳज़्युक शुर पनॖनिस मऻलिस माजि हॖन्दिस यि दऺप्यज़ि ति फऺरिस तल आसान तॖ ॳमि पतॖ छि लाकम ह्यवान ड्यॆज्य गछ़ॖन्य। ख़ास कर यॆलि शुर गरॖ न्यबर नीरिथ कुनि ट्रेनिंग-वेनिंगि मंज़ रोज़ान छु सु छु पनुन पान बाल्येग ज़ऻनिथ आज़ाद ख़यालन मंज़ ह्यवान ग्वतॖ ग्वथ करॖन्य। पनॖनि ज़िन्दगी हॖन्द्य फ़ऻसलॖ पानॖ ह्यवान करॖन्य। अथ बदलाव यिनस छु नॖ हरजॖ कांह योत ताम गरॖच आन बान तॖ शान म्वछि मंज़ रोज़ि। अगर यि सोंचुन दरकिनार कऺरिथ लडकॖ या लड़की कांह त्युथ फऻसल पानय करि यॆमि सॗत्य तऺम्यसॖन्दिस खानदानस कुनि कॖस्मुक ज़ख वाति, सु रोज़ि वॖम्बरि पछतावान। हालांकि जवऻनी हॖन्दिस हवहऻस मंज़ तर्यस नॖ यकदम फिकिरी मगर द्वह द्वह गछ़्यस खसान, तॖ तनाव गछ़्यस बडान। यिमव बलायव निशि दूर रोज़नॖ बापथ छु फ़र्ज़ बनान मऻलिस माजि दूर ताम यिमन कथन हुन्द व्यच़ार कऺरिथ पनॖनिस शुरिस लाकम थवॖन्य चऻरिथ तॖ फ़र्ज़ समजिथ पज़ि असि पनॖन्यन शुर्यन पनॖन्यन संस्कारन हॖन्ज़ ज़ऻन्यकऻरी ति दिन्य। तिहॖन्दिस परनस सॗत्य सॗत्य छु म्यॆ बासान यि विषय ति छु ज़ानुन ज़रूरी। यॆति मोल मऻज्य छ़ान्डान कोरि हॖन्दि बापथ तान, कूर आयि पनुन वर पानय छ़ऻन्डिथ सु ति पनॖनि ज़ऻच़ न्यबर तॖ कॊरुन पेश पनॖनिस मऻलिस माजि ब्रौंहकनि। हयबुड्गॖ ह्यु मोल मऻज्य गव हऻरान तॖ बे-ज़बान। कोरि लोग रऺडकॖ ज़ि तऺमिस गछ़ि यिहऻय लऺडकॖ। ॳमिस क्युथ गरॖबार,प्रुछ़ मऻल्य माजि पनॖनि कोरि, जवाब म्यूलुख ज़ि म्यॆ छु बस ॳम्यसॖय सॗत्य आमुत वार तॖ व्यसॖतार ॳम्यसॖन्दिस खान्दानस सॗत्य म्यॆ कारॖ बार।  मऻल्य माजि ह्यॊकनॖ करिथ नकार। कर्मॖ लीखाये नमस्कार।
**************************
"ऒमुय आद्य तय ऒमुय सॊरुम
ऒमुय ठहरुम पनुन पान
अन्यथ त्रऻविथ न्यथॖय बोसुम
तवय प्रोवुम परमस्थान"
       **********
अर्थात:- ओम् ही आद्य है इसलिए
ओम् का ही स्मरण किया।ओम् को अपना आप ही मान लिया। अनित्य को छोडकर नित्य अर्थात ईश्वर का ही आभास हो गया। इसी कारण ओम् की उपासना से  मैं ने परम स्थान पा लिया
      पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)