31.10.2020

31.10.2020, ॴशिद (आश्विन/ॳसूज) ज़ूनॖ पछॖ (शुक्ल पक्ष) पुनिम (पूर्णिमा) बटॖवार (शनिवार/शनिश्चरवार) श्री सप्तर्षि सम्वत 5096, राश मेष (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

         महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

        (पराग पुस्तक- 106)

कॆंह छिय न्यॆन्दरि हऺती व्यदी

केंच़न व्यद्यन न्यॆन्दॖर प्ययिय

कॆंह छिय स्नान कऺरिथ अपूती

कॆंह छि गेह बज़िथ ति अक्रयी

             अर्थात

कई लोग ऐसे हैं जो नींद में हैं किन्तु जागरूक हैं। कई मनुष्य जागरूक लगते हैं किन्तु वह सो रहे होते हैं। कुछ स्नान करके भी अपवित्र ही रहते हैं। और कुछ गृहस्थी होकर भी अकर्ता हैं।

भावार्थ :- बाहर से किसी की जो क्रिया दिखाई देती है वह हाव भाव भी हो सकता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *********

1. जऻगीर (Free grant given by Government as a reward for some services/Land/Estate/Etc.

2. जऻहिल (Arrogant/Illiterate/Foolish/Uncultured/Rude/Brutal)

3. जऻयिज़ (Appropriate/Permissible/Lawful/Legal/Right/Proper/Justified/Genuine/Suitable)

4. जऻली (Untruth/Illusion/Falsehood/Forgery)

5. जऻनी (Fast/Very close/Dear/Intimate)

            मुहावरॖ

1. मु: हऻल गछ़ॖन्य छि पऻल 

         गछ़ॖन्य

    अ: आदत गछ़ुन छु नाकारॖ

2. मु: ख़ाम तमाह तॖ अपज़्योर

    अ: लालची छु बद-नियथ

         आसान

3. मु: खान बड़ा खान बड़ा मंज़

         बागॖ च़्वचि ॳडा

    अ: यॆलि कऻन्सि नाव थॊद

         आसि अमा पॊज़ ख़र्च 

         करि म्वखसरॖ

      (पनॖन्यन शुर्यन ह्यॆछनऻविव)

**************************

पंचान्ग:- कऻशिर्य बट्टॖ छि वुनि ति यिहऻय अख व्वमेद थऺविथ ज़ि अज़ नय तॖ पगाह छु असि वापस कऺशीरि गछ़ुन। व्वमेद थवॖन्य गऺयि जान। व्वमेदॖय छि ज़ि अक्त्रॖह वऺरी द्रायि असि कऺशीरि न्यबर यी सोंचान सोंचान ज़ि असि छु वापस गछ़ुन मगर गछ़ुन कॊत छु यि छॆ नॖ पताह कऻन्सि ति। पनॖन्यन पनॖन्यन जायन माने यिमव जायव प्यठॖ च़ऺलिथ आयि तिमन जायन ताम ब्यॆयि वापस वातुन छु नॖ मुम्किन। कमि बुथि गछ़व, कॖमन निश गछ़व, क्याह करनि गछ़व, फऻसलॖ छु पनॖनिस मनस सॗत्य करनय। फऻसलॖ करि ति कुस? ज़िठ्य ज़िठ्य वऻत्य अपोर यिमन कऺशीरि हुन्द च़ुक ओस यिमव पनॖन्य वऻन्स तथ कऺशीरि मंज़ सासॖ बऺद्य ख्वाब वुछान वुछान कऺडमॖच़ ॴस। यिम बालॖ यपारि ज़ायि 1990-तॖ प्यठॖ तॖ पलेयि बडेयि यपऻर्यकिस माहोलस मंज़, तिमन छु नॖ कांह सरोकार कऺशीरि सॗत्य। तिमन छु नॖ कांह भविष्य ति नज़रि तल वापस कऺशीरि गऺछ़िथ। व्वंय रूद्य ॳस्य, असि छु पकुन पनॖन्यन शुर्यन पतॖ पतॖ। यॊत तिम लगन तपऻर्य छि सऻन्य वथ ति। सॗती आव यिमन अक्त्रॖहन वऺरियन मंज़ कऺशीरि मंज़ सियऻसी बदलाव ज़बर्दस्त। अनुच्छेद 370 तॖ 35A संविधानॖ निशि हटऻविथ बदलेयि कऺशीरि हॖन्ज़ तस्वीर ॳल्यफॖ प्यठॖ येयस ताम। ततिक्यन मुसलमानन गऺयि ज़्यादॖ बेकरऻरी, ज़्यादॖ बड्योख ज़िद्द बटॖ सुन्द। ॳन्दॖर्य ॳन्दॖर्य आसन तिम हतॖबऺद्य तॖ सासॖबऺद्य मनसूबॖ बनावान ज़ि किथॖ पऻठ्य ह्यन बदलॖ अमि सियऻसी बदलावुक। तिम क्याह करन कयाह नॖ करन, ज़ानि तिहॖन्ज़ गोरॖ गर्दन, पॆहनॖ यी बट्टॖ ब्यॆयि गरि गरि। ब्यॆयि छस बोज़नि ल्यकॖ थ्वकॖ, तानॖ, वानॖ तॖ कडनस पऺन्द्य कऺशीरि मंज़ रोज़ुन। मगर व्वमैद छि थवॖन्य गरॖ वापस गछ़नॖच। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"  

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)