30.10.2020

30.10.2020, ॴशिद (आश्विन/ॳसूज), ज़ूनॖ पछॖ (शुक्ल पक्ष) च़्वदह (चतुर्दशी) शॊकुरवार (शुक्रवार/जुम्मा) श्री सप्तर्षि सम्वत 5096,राश मेष (दुहचि 2.56 बजि प्यठॖ),ऋतु हरुद (शरद)(चलान), द्रठॖपऻन्च़ुक (पंचक) (समाप्त)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-105)

ज़़ल हो मालि लूसुय नॖ पकन पकन

सिर्यि लूसुय नॖ व्वलगन समीरु

च़ंद्रमॖ लूसुय नॖ मरन तॖ ज़्यवन

मनुश लूसुय नॖ करन न्यंद्या

             अर्थात

निंदकों के बारे में व्यंगपूर्ण उत्तर देते हुए ललेश्वरी कहती है कि पानी चलते हुए, सूर्य समीरु को लांघते हुए तथा चन्द्रमा घटते बढते थके नहीं। इसी प्रकार मनुष्य निंद्या करते हुए कभी नहीं थका।

भावार्थ :- निंद्या करना पाप है। ललेश्वरी ने समझाया है कि निंदक दूसरे की निंदा करने में अनादि काल से आनंद लेता रहा है जो मनुष्य को निमन्न स्तर का बना देता है। सार यह है कि निंदा करने की लत को छोडना शुभ फलदायक होता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. जानॖ मीर (More precious than life)

2. जानबाज़ (Intrepid/Daring/Courageous)

3. जानदार (Animate/Having life/Active/Vigorous)

4. जानिसार (Devoted/One who sacrifices life/Dedicated)

5. जानवर (Animal/Living creature/A beast)

                मुहावरॖ

1. मु: हरकत कर बरकत करी

    अ: दय करि तऺस्य बरकत युस

         पानॖ कॆंह करि

2. मु: ह्वॊकमि हऻकिम छु मरगि 

         मुफाजात

    अ: हऻक्यमि सॖन्दिस ह्वॊकुमस

         छि प्यवान तऻमील करॖन्य

3. मु: हऻक्यमस तॖ हकीमस निश 

         रछतम ख्वदायो

    अ: द्वश्यवऺनी निश ह्यॆकिनि 

         फऻयदॖ वऻतिथ

            (पनॖन्य शुर्य ह्यॆछॖनऻव्यूख)

**************************

पंचान्ग:- कऻशिर्य ज़बऻन्य मंज़ अख मुहावरॖ छु ज़ि त्रॖह गव सॖह, च़तजी गव पतजी तॖ शैठ गव ब्रेठ। ज़ानि दय यि मुहावरॖ कऺम्य छु वॊनॖमुत तॖ कॗति कालॖ प्यठॖ आमुत छु वरतावनॖ मगर अज़कल बास्यव म्यॆ यि मुहावरॖ बे-माने ह्यु ति ज़न गव ज़ि म्यऻनि हिसाबॖ ओस त्रॖह वुहुर सॖह यिवान मानॖनॖ अमि बापथ ज़ि तऺमिस नफ़रस ॴस्य आसान त्रॖह वुहरिस ताम कम अज़ कम च़ोर पांछ़ शुर्य ज़ामॖत्य, च़तजी गऺयो पतजी ति क्याज़ि अथ वऻन्सि मंज़ ओस सु ह्यवान गर गृहस्ती करॖन्य तॖ शेठ वुहुर वातान वातान ॴस्य ॳम्यसॖन्द्य शुर्य कऺट्य आसान बडेमॖत्य, दफ्तऺर्य हिसाबॖ ति ओस यि नफ़र आसान थोकमुत कऻम कऺर्य कऺर्य तॖ ॴसिस रिटायर करान। गरिक्य ति ॴसिस दपान ज़ि च़ॖ ब्यॆह व्वंय लबिकुन ति क्याज़ि च़ॖ छुख ब्रेठ्येमुत तॖ च़्यॆ छय नॖ व्वंय अकॖल ति। दिच़ेयेस जऺजीराह ब्रोंहकनि तॖ ओस उर्य हारि तोतस सॗत्य आसान। मगर यॊदवय अथ मुहावरस अज़कलकिस माहोलस मंज़ मतलब कडव अथ छु  नॖ वाठॖय लगान कुनि अंदस। माने ज़ि त्रॖह पांच़त्रॖह वुहुर लऺडकॖ या लऺडकी छु वुनि अनहूरॖय। शुर्य तंदल आसनॖच छु नॖ सवालॖय। ख्वदा नखास्ता यॆलि खान्दर करान छु, शुर्य ज़्यॆवरावनुक छु नॖ ख़यालॖय रोज़ान। पऻंसॖ ज़्यॆनॖनॖच होड छि लगान यीच़ ज़ि पंच़ाहि ह्यॊर ह्यॊर वऻतिथ छु गर गृहस्ती हुन्द व्यच़ार यिवान। जऺजीर व्यजीर गऺयी व्वंय मऺशथॖय। शीतॖ वुहुर छु अज़ ति आज़र बाज़र यिवान गछ़ान। सुबहुक सऻर करान तॖ वर्ज़िश करान रोज़ान। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)