18.10.2020

18.10.2020 ॴशिद (आश्विन/ असूज) ज़ूनॖ पछॖ (शुक्ल पक्ष) द्वय(देवादेव) द्विती (देवादेव) आथवार (रविवार/ऐतवार), श्री सप्तर्षि सम्वत 5096, राश वृश्चिक (रऻच़ हॖन्ज़ॖ 12.46 बजि प्यठॖ), ऋतु हरुद (शरद) (चलान)....नवरात्र चलान (दुर्गा छि अज़ ब्रह्मचारिनी हॖन्दिस रूपस मंज़)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-93)

दॊब्य यॆलि छऻवनस दॊब्य कनि प्यठॖय

सज़ तॖ साबन मऺछ़नम यऺच़ॖय

सॖच़्य यॆलि फिरनम हनि हनि कऻच़ॖय

अदॖ ललि म्यॆ प्रऻवॖम परम गथ

           अर्थात

बुनाई के पश्चात धोबी ने घाट पर पटका और खूब साबुन मली। जब मैं सूख गई तो दर्ज़ी ने जगह जगह मेरे पर कैंची फेरी। तब जाके मैं ने परम गति प्राप्त की।

भावार्थ:- ललेश्वरी द्वारा कहे यह वाक् उन के अभ्यासी जीवन की गाथा है जो योग की विभिन अवस्थाओं को दर्शाती है। अर्थात अज्ञानी से स्वात्म भाव में आने तक की तुलना कपास के बीज से लेकर पहनने योग्य वस्त्र बनने तक की है। परम शुद्धि पाकर ही गुरु (दर्ज़ी) मिल जाते हैं। जिसके सानिध्य से ललेश्वरी ने परम अवस्था पा ली 

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *******

1. थ्वस (Obstacle/Hindrance/Obstruction/Interruption)

2. थफ (Grasp/Grip/Clutch/A hug in wrestling capture)

3. थफ तुलॖन्य (To get rid of something)

4. थज़र (Higher/Altitude/Elevation)

5. थकॖ बऺठ (Place of rest)

              मुहावरॖ

1. मु: ट्यॆंड खाव

    अ: य्वस लिखऻय परनॖ यी नॖ

2. मु: ठूलॖ च़ूरॖ प्यठय छु मूलॖ च़ूर

         बनान

    अ: ल्वकचि च़ूरि प्यठय छु अथॖ

         दरान

3. मु: जान ऒर तॖ जहान् ऒर

    अ: ऒरज़ुव छु सोरुय जान

          आसान

            (पनॖन्य शुर्य ह्यॆछॖनऻव्यूख)

**************************

पंचान्ग:- अज़ छु नवरात्राय हुन्द दॊयिम द्वह। दपान माजि दुर्गायि छु अज़ ब्रह्मचारिनी हुन्द रूप दोरमुत। वुछनस तल छु यिवान ज़ि सऻनिस धर्मस मंज़ छि छूट वारियाह। सु ज़न गव ज़ि असि छि पनॖन्य मर्ज़ी ज़ि ॳस्य फाकॖ थवॖवा किनॖ न। यॊदवय थवव, सारिनी दॊहन थवॖवा किनॖ कॆंच़नॖ दॊहन। ॳड्य छि फाकॖ दरान ग्वडनिकि द्वह तॖ पऺतिमि द्वह। कॆंह छि फाकॖ दरान पऺत्यम्यन द्वन दॊहन याने ॴठम तॖ नवम द्वह। कॆंह छि थवान फाकॖ मंज़ॖ ॳकिस या द्वन दॊहन। युस कांह नव दुर्गा ववान छु, सु छु पूरॖ नवन दॊहन फाकॖ दरान। वनॖनुक मतलब छु म्यॆ यि ज़ि ॳस्य छि पनॖनि मर्ज़ी मुतऻबिक यिम फाकॖ थवान। धर्म शास्त्र क्याह छु वनान, तथ कुन छि ॳस्य हना कमॖय पाहन ध्यान दिवान। पतॖ गव फ़ाकस मंज़ ख्यॊन क्याह पज़ि, क्याह पज़ि नॖ, करबऻग्य पज़ि ख्यॊन, किथॖ पऻठ्य पज़ि ख्यॊन, अथ मंज़ ति छि असि छूट बराबर। दरअसल छु नॖ असि शायद यिमन चीज़न हुन्द पूरॖ ज्ञान। यॊदवय छु ति, सु छि नॖ शायद ॳस्य पूरॖ वरतावान। मंत्र ति छि ब्यॊन ब्यॊन परान रोज़ान। पाठ पूज़ायि हॖन्ज़ व्यॆदी ति छॆ नॖ असि अख ॳकिस सॗत्य मेलान। ताहम नव रात्र छि मनावान भावॖ सान, चावॖ सान, श्रद्धायि सान। मऻज्य दीवी करि असि सारिनी पनुन अनुग्रह तॖ अथॖरॊट। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)