22.10.2020

22.10.2020, ॴशिद (आश्विन/ॳसूज) ज़ूनॖ पछॖ (शुक्ल पक्ष) शॆयम (देवादेव) (षष्ठी) (देवादेव) ब्रसवार (वीरवार/ बृहस्पतिवार/गुरुवार) श्री सप्तर्षि संवत 5096, राश धनु (चलान) ऋतु हरुद (शरद) (चलान)... नवरात्र (चलान)... दुर्गा छि अज़ कात्यायनी हॖन्दिस रूपस मंज़

************************** 

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

           (पराग पुस्तक-97)

गगन च़ॖय भूतल च़ॖय 

च़ॖय छुख द्यन पवन तॖ राथ

अर्ग च़ंदन पोश पोन्य च़ॖय

च़ॖय छुख सोरुय तॖ लऻगिज़ि क्याह

              अर्थात

ललेश्वरी कहती है कि आकाश, पृथ्वी, वायु, दिन, रात, अर्ध्य, पानी, चंदन, फूल, आदि सब आप का ही रूप है तो मैं आप की पूजा में अपना क्या अर्पण करूं। अर्थात सब जगत उसी प्रभु का ही रूप है। यहां प्रभु की सार्वभौमिकता दर्शाई गई है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              ********

1. टांटॖ (Trouble/Mischief/Dispute/Contention)

2. टाव टाव करुन (To talk unnecessary/Spread a rumour)

3. टास न कडुन (Hide a secret)

4. टास पॊटऻस्य (Have a straight talk/Talk frankly)

5. टापॖ टाप करुन (To have a quarrel/To stick vigorously at each other)

               मुहावरॖ

1. मु: चॊटॖन्य ज़ि टपास

    अ: पॊतुस पथ थापॖर, या, 

          स्यठाह वुछ़

2. मु: च्यॆटि नूर शाह

    अ: हंगॖ तॖ मंगॖ लांज बार ह्यॊन

3. मु: छानस तोरि छपॖ पानस 

         कुन

    अ: ग़र्ज़मंद छु हमेशॖ पानस

         फऻयदॖ वातॖनावनॖच कूशिश

         करान

      (पनॖन्य शुर्य ह्यॆछॖनऻव्यूख)

**************************

पंचान्ग:- नवरात्रुक छु अज़ शेयिम द्वह। दपान छि ॳज़्यकि द्वह छि दुर्गा कात्यायनी हुन्द रूप दऻरिथ आमॖच़ लूकन हॖन्दि कल्याणॖ बापथ। पुनीत शास्त्री सॖन्ज़ि जंत्री हिसाबॖ छि दुर्गा अष्टमी दुहुय महानवमी ति। तम्युक मतलब छु यि ज़ि कन्यकॖ छि पूज़नि ॴठम दुहुय ति क्याज़ि नवम द्वह छि विजय दशमी। नव दुर्गा विसर्जन छु ॴठम दुहुय करुन। पुनीत जीनि जंत्री मुतऻबिक छु ती ननान। ओंकारनाथनि जंत्री मंज़ छि महानवमी तॖ विजय दशमी नवम द्वह हावान तॖ सॗती छु नव दुर्गा विसर्जन हावान नवम द्वह। सऺही क्याह छु यि फऻसलॖ करुन छु हना मुश्किल मगर आम राय छि यि ज़ि ओंकारनाथुन ज्यॊतिष्याचार्य गणित छु ग़लत।अथ कथि प्यठ प्यॆयि ग़ोर करुन तॖ सऺही स्थिति समाजस ताम वातॖनावॖन्य। यॊदवय वुछव तॖ यिमव ज्योतिष्याचार्यव छि ॳस्य लूख स्यठाह बेवकूफ बनऻवमॖत्य तॖ पनॖन्य कऻम रूद्यमॖत्य करान। चूंकि असि अम्युक पूरॖ ज्ञान छु न, ॳस्य छि नॖ ह्यकान यिमन बुथि यिथ मगर द्वन जंत्रीयन मंज़ अकऻय कथ  ब्यॊन ब्यॊन वनॖन्य छि असि भ्रमित करान तॖ ॳकिस इन्सानस दुच़्यॆतिस मंज़ त्रावान। असि पज़ि या जंत्री परॖन्य बंदॖय करॖन्य न तॖ द्वन ज्योतिष्यन पानॖवुन्य कुनी कथ करनावॖन्य या न तॖ अकॖय जंत्री पानस निश थवॖन्य तॖ यॆमि भूल चूक निशि बचुन आयिन्दॖ। पुनीत जियिन जंत्री छि वुन्यखताम दपान ठीख पंचान्ग हावान। ओंकारनाथनि जंत्री पज़ि तामथ थख द्युन। मऻज्य दुर्गा कऺरिन अथॖरॊट सारिनी। कथ छि जऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)