08.10.2020 ॴशिद(मलमास)(आश्विन/ॳसूज)(मलमासे) गटॖ पछॖ (कृष्ण पक्ष) शॆयम(देवादेव) (षष्ठी)(देवादेव) ब्रसवार (वीरवार/ बृहस्पतिवार/गुरुवार) श्री सप्तर्षि सम्वत 5096, राश मिथुन (दुहचि 9.46 बजि प्यठॖ) ऋतु हरुद (शरद)(चलान)
**************************
नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव
**************************
महामऻरी नाश - मंत्र
जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते
**************************
लल वाक्
(पराग पुस्तक-83)
लोलॖकि नारॖ ललि ल्वलि ललॖनोवुम
मरनय म्वयस तॖ रूज़ॖस नॖ ज़रय
रंग रच़िह ज़ाच़ॖय क्या नॖ रंग होवुम
बॊ दपुन च़ॊलुम तॖ क्याह सनाह करे
अर्थात
उस प्रीतम को प्रेम पूर्ण मन में झुलाया तो मैं जीते जी मर गई अर्थात पूर्ण रूप से मिट गई। रंगारंग संसार ने मुझे अनेक रंग (परिवर्तन) दिखाए थे। जब मेरा 'मैं' ही मिट गया तो यह संसार अब मेरा क्या बिगाडेगा।
**************************
पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित
********
1. तारॖ तरुन (To cross/To accomplish/To get through/To die)
2. तार द्युन (To cross/Get across/Make success/Bring success)
3. तारख (Stars/A planet/Will cross)
4. तारख गऺन्ज़रॖन्य (To count stars/To waste time/Pass a sleepless night/Have no sleep)
5. तारख नब (Sky full of stars/Starry sky/The starry sphere)
मुहावरॖ
1. मु: तुरकिस कथा मुडस लोरि
हथा
अ: गाटुल बोज़ान अकी कथि
तॖ मुडस छु नॖ चौब दिथ ति
फिकिरि तरान,या,ॴक्लस
इशारॖ बेक्लस चोब
2. मु: तुरुन ख्यख नॖ वुशनिस
प्रारख नॖ
अ: छ़ऺरॖय माज़रथ
3. मु: तच़र छु मच़र
अ: क्रूदस मंज़ छु नॖ आब-ताब
रोज़ान
**************************
पंचान्ग:- म्यर्ज़ॖकाकस दपान ॴस मऻज्य भवऻनी नखि डखि। तिमन दॊहन ओसमुत छु पठान राज तॖ लूकन प्यठ दपान ओस ज़ुलुम सपदान। लूकन ॴस्य यिम पठान बेगारि लागान। दपान अख सोबेदार आव तॖ द्युतुन बोरा अख नखस प्यठ म्यर्ज़ॖकाकस तॖ दॊपनस यि बोर वातॖनावुन अछनॖ प्यठॖ खनॖबल तॖ तॊत वऻतिथ फलऻन्य नफरस हवालॖ करुन। दपान म्यर्ज़ॖकाकन तुल यि बोर तॖ द्राव खनबल कुन। पकान पकान थॊक म्यर्ज़ॖकाक तॖ ब्यूठ मंजॖ कथ ताम जायि थख कडनि तॖ यि बोर थॊवुन पथर कुन। थख कड़ान कड़ान प्यॆयि म्यर्ज़ॖकाकस न्यॆन्दॖर तॖ चमत्कार सपद्यव यि ज़ि भवऻनी दपान गयि प्रकठ तॖ थॊवुन क्याहताम कागज़ म्यर्ज़ॖकाकनिस अथस मंज़। बोर तुलुन तॖ गऺयि अदृश्य। पॖहॖर्य खऺन्ड्य यॆलि म्यर्ज़ॖकाकन ॳछ मुच़ॖरावि पानस निश बोर ना आसनॖ मूजूब गव परेशान मगर सॗती वुछुन पनॖनिस अथस मंज़ क्याहताम काग़ज़ मॊहर त्रऻविथ। यि काग़ज़ दपान ओस रसीद तऺमिस नफरॖसुन्द यॆमिस ताम बोर खनबल वातॖनावुन ओस। अंडॖ वति प्यठय आव म्यर्ज़ॖकाक वापस तॖ कॊरुन हवालॖ यि काग़ज़ सोबेदारस। सोबेदार दपान गव हऻरान म्यर्ज़ॖकाकस निशि काग़ज़ रऺटिथ तॖ आस नॖ यॆकीनॖय ज़ि म्यर्ज़ॖकाक किथॖ पऻठ्य आव यूत जल्द कऻम ॳन्ज़रऻविथ। दपान सोबेदारन कॊर संपर्क सु नफ़र तॖ नन्यॊस ज़ि बोर ओस तऺमिस निश वोतॖमुत सऺही सलामत। यि वुछिथ तॖ म्यर्ज़ॖकाकॖन्य ब्यॆयि ति कॆंह करामऻच़ बूज़िथ दपान सोबेदार गव शर्मन्दॖ तॖ मंजिन मऻफी म्यर्ज़काकस तॖ तनॖ प्यठॖ ओस ॳमिस मान तॖ यज़थ करान। म्यर्ज़काकस दपान तॊर नॖ पानस ति फिकिरि ज़ि ॴखॖर सु नय वोत नॖ पूर मंज़िलस तॖ बोर हय गव तॖ गव कॊत तॖ यि रसीद हय आव तॖ आव कति। ॳमिस बडेयि माजि भवऻनी मंज़ यछ़ तॖ पछ़ तॖ ब्यॆयि बडेयस आस्था माजि भवऻनी हॖन्ज़ गन्यरॖ तॖ सन्यरॖ सान तॖ गव तऺम्यसॖन्दिस ध्यानस मंज़ लीन। कथ छि जऻरी
**************************
कऻशुर ह्यॆछव कऻशुर परव
कऻशिर्य पऻठ्य पानॖवॖन्य कथ बाथ करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
जयकार माहरा
ReplyDelete