24.10.2020

24.10.2020, ॴशिद (आश्विन/ॳसूज) ज़ूनॖ पछॖ (शुक्ल पक्ष) ॴठम (देवादेव) (अष्टमी) (देवादेव) बटॖवार (शनिवार/ शनिश्चरवार) श्री सप्तर्षि सम्वत 5096, राश मकर (चलान) ऋतु हरुद (शरद) (चलान)...नवरात्र (चलान)....दुर्गा छि अज़ महागौरी तॖ सिद्धिधात्री हॖन्दिस रूपस मंज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

        (पराग पुस्तक-99)

च़ॖह ना ब्वह ना ध्येय ना ध्यान

गव पानय सर्व क्रय मऺशिथ

अन्यव ड्यूंठुख केंछ़ ना अनवय

गय सथ लयि पर पऺशिथ

           अर्थात

अभ्यास में अत्यंत गहराई में जाकर ललेश्वरी ने जाना कि तू, मैं ध्यान तथा ध्येय आदि सारी क्रियाएं न रह कर केवल वही परमात्मा शेष रहता है। इस के विपरीत अज्ञानियों ने इस का कोई अनुभव (अनुसंधान) नहीं किया और इस को निरर्थक माना अपितु सज्जनों ने ही इस परा अवस्था को देखा या अनुभव किया और उसी में लीन हो गए। अज्ञानी इस तथ्य से रिशता जोड न सके।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

1. टऺट्य (Lavatory/Latrine)

2. टऺट्य ब्योल (Cotton seed)

3. टऺट्य वोल (Pony man)

4. टठ (Wooden mortar)

5. टिटिवहार (Twinkle)

              मुहावरॖ

1. मु: छानॖ किज

    अ: कऻन्सि कऻसिबॖ सुन्द 

         ज़ऻनिथ मऻनिथ न्वकॖस

         थवुन

2. मु: छाव यिथ बत्तॖ तॖ दाव यिथ

         कथ

    अ: प्रथ कामि छु मोकस प्यठ

         क़दॖर आसान,या, बत्तॖ गछ़ि

         छाव यिथ ख्यॊन, कथॖ 

         गछ़न सूंचिथ समजिथ 

         करनि

3. मु: छान ठुकस छु रस तयार

    अ: मऻहिर इन्सानस छे नॖ ख्यनॖ 

         ख्वर्दनी हॖन्ज़ कऺमी आसान,

         या, यॆलि कांह कऻम करि 

         तस छु यज़थ मेलान

       (पनॖन्य शुर्य ह्यॆछॖनऻव्यूख)

**************************

पंचान्ग:- अज़ छि दुर्गाष्टमी। ॳज़्य छि महानवमी ति। दुर्गा छि अज़ महागौरी हॖन्दिस रूपस मंज़। सॗती छि दुर्गा अज़ सिद्धिधात्री हॖन्दिस रूपस मंज़ ति। कन्यकॖ यिन अज़ पूज़नॖ। नव दुर्गा विसर्जन ति यी ॳज़्य करनॖ। पगाह छि विजय दशमी याने दशहार। यॆमि लटि गऺयि सानि समाजिक बऻय ब्यॆनि त्र्यन तॖ त्रुवहान मंज़। कारण छि सानि जंत्री। ॳकिस जंत्री मंज़ छु हऻविथ अज़ दुर्गा अष्टमी तॖ पगाह महा नवमी तॖ विजय दशमी तॖ ब्यॆयिस जंत्री मंज़ छि हऻविथ अज़ दुर्गाष्टमि तॖ ॳज़्य महानवमी ति तॖ पगाह कीवल विजय दशमी याने दशहार। कऺम्यसुन्द बोज़व पॊज़ तॖ कऺम्यसुन्द अपुज़। हालांकि यि भ्रम दूर करनॖ म्वखॖ कॊर म्यॆ पुनीत जियस फ़ोन तॖ तऺम्य सूज़ पनुन तर्क युस म्यॆ रातकिस सबॖकस सॗत्य व्हाटसापस प्यठ त्रोव। अमि पतॖ छि लूकन पनॖन्य यछ़ा ज़ि तिम क्वस वथ रटन। ज़ऻन्यकऻरी हॖन्ज़ व्यछ़य आसनॖ म्वखॖ ह्यकव नॖ ॳस्य पानॖ कांह फऻसलॖ कऺरिथ। बस युस यॆमि जंत्री प्यठ पनुन दैनिक कार्यक्रम चलावान छु सु कऺर्यतन ती। असि यूता पानस ज्ञान छु, सु थॊव म्यॆ त्वहि ब्रोंहकनि। व्वं छि तुहॖन्ज़ यछ़ा तॊह्य किथ पऻठ् वरतऻविव यिम ज़ॖ द्वह। सारिनी त्वहि नवरात्री हुन्द अकि फिरि ब्यॆयि मुबारक।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

  भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)