16.10.2020

16.10.2020 ॴशिद (मलमास) (आश्विन/ॳसूज) (मलमासे) गटॖ पछॖ (कृष्ण पक्ष) मावस (अमावस्या) शॊकुरवार  (शुक्रवार/जुम्मा) श्री सप्तर्षि सम्वत 5096, राश तुला (रऻच़ हॖन्ज़ॖ 1.24 बजि प्यठॖ) ऋतु हरुद (शरद) (चलान) 

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक-91)

पूरक कुम्भक रेचक कॊरुम

पवनस त्रऻवॖम पॆठ्य किन्य वथ

अनाहतस भस्म कॊरुम

कॆंह नो मोतुम स्वय छम कथ

             अर्थात

मैं ने प्राणायाम के पूरक (सांस लेना) कुम्भक (सांस रोकना) रेचक (सांस छोडना) चरणों का अभ्यास किया। प्राण वायु को ऊपर से जाने दिया। अनाहत अर्थात शब्द को भस्म किया (शब्द के पार चली गई) फिर शेष कुछ भी नहीं बचा तथा मेरे लिए वास्तविक सत्य वही है कि अन्नाम में पहुंच गई।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. थ्यकुन (To boast/To brag)

2. थुरुन (To make a pot or bread)

3. थॊग (Broken branch)

4. थॊद (Tall/Long/High)

5. थॊप (Block)

                 मुहावरॖ

1. मु: त्यॊंगलन प्यठ

    अ: बेक़रार आसुन,या,कन्ड्यन

         प्यठ आसुन

2. मु: त्यॊंगल हऻकिम

    अ: हऻकिम त्रॊश आसुन, या,

        हऻकिम सुन्द त्रॊशर वरतावुन

3. मु: टरॖ मीरॖन्य राद

    अ: अपॖज़्यऻर्य सॖन्द्य अपॖज़ 

         कॖस्सॖ

        (पनॖन्य शुर्य ह्यॆछॖनऻव्यूख)

**************************

पंचान्ग:- शुर्य पालान ॳस्य कमि लोलॖ सान। अख वोत चीन तय ब्याख जापान। ॳड्य छि च़्रंगान, ॳड्य लाचार, कर्मॖ लीखाये कर नमस्कार। सऻनिस समाजस मंज़ यॊदवय सन्यरॖ सान ॳस्य वुछव, वारियाह गरॖ छि मेलान तिम यिम सिरिफ मियां बीवी यऻत्य छि गरस मंज़ रोज़ान, न दऺछिन कांह तॖ न खोवॖर्य कांह। शुर्य कम आसनुक छु यि अख ख़ास वजह। कऻन्सि छि ज़ॖ कोरि, द्वश्यवनी खान्दर कॊरमुत तॖ बजाह पनॖनिस पनॖनिस गरस मंज़। मोल ता मऻज्य छि अख ॳकिस पलज़ान तॖ यॊदवय दॊयव मंज़ ॳकिस ति ख्वरस कॊंड अच़ान छु, दॊयिम छु अथन लदुन लायक़ गछ़ान। अथ वथ छस नॖ यिवान ज़ि करे तॖ करि क्याह। अगर मर्द छु ब्यमार प्यवान, ज़नान छि तोति चोकॖ सम्बालान, गरॖ सम्बालान तॖ मर्दस खऺदमत ति करान मगर यॆमि सातॖ ज़नान छि ब्यमार प्यवान मर्दस छि फाकॖ लगनस ताम नोबत यिवान। चोकॖ छु नॖ ह्यकान सम्बॏलिथ, गरस हय करि ओरुक योर मगर बाकय काम्यन छु ठहराव यिवान। म्यानि वनॖनुक मतलब छु ज़ि ब्वरुत यॆलि गरॖ आसि, अख अगर ब्यमार गछ़ि, दऺह छि ल्वलॖमतॖ लाय करनॖ बापथ हऻज़िर आसान तॖ दोद दग छु नॖ बासान। गरॖ छु नॖ प्यॆठ्य प्यवान। यथ गरस मंज़ कुनुय न्यॆचुव आसान छु, तथ गरस मंज़ ति छु सुनसान बासान ख़ास तोर यॆलि सु कुनुय लऺडकॖ बऺहमि जमऻच़ पतॖ गरॖ न्यबर कांह ट्रेनिंग करनि गछ़ान छु, मोल मऻज्य छु हारि तोतस सॗत्य कथॖ रोज़ान करान। मगर ब्वरुत गरस मंज़ छॆ नॖ यि नोबत यिवान। छ़ॊट गरॖ आसुन छु छ़ॊट नज़र आसॖन्य। असि पज़ि शुर्यन हॖन्ज़ संख्या बऺडरावनॖच प्रथा कऻयिम करॖन्य ताकि शुर कॊट बनि बुजरुक सहारॖ तॖ सॗत्य सॗत्य पनुन वंशज ति बडि ब्रोंहकुन। फ्लैटन मंज़ रूज़िथ छॆ नॖ हॆरमिस ख़बर ज़ि ब्वनॖ कुस छु रोज़ान। फ्लैटन मंज़ रोज़नॖ सॗत्य छि सोंच कम गछ़ान, नज़र तंग गछ़ान। माय महोब्बतस कमी यिवान। हक़ हमसाय बनावनस छि वऻन्स नेरान। कति ॴस्य कॊत वऻत्य, कॗत्याह ॴस्य तॖ कॗत्य रूद्य, यिमन कथन साम ह्यमॖहऻव मगर फुर्सत कऺमिस छि। होड छि लऺज्यमॖच़ कमऻय करनॖच। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)