13.10.2020

13.10.2020 ॴशिद (मलमास) (ॴश्विन/असूज) (मलमासे) गटॖ पछॖ (कृष्ण पक्ष) काह (देवादेव) (एकादशी) (देवादेव) बॊम्वार (मंगलवार), श्री सप्तर्षि सम्वत 5096, राश सिंह (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

        (पराग पुस्तक-88)

हसॖ बोल पऺड्यन्यम सासा

म्यॆ मनि वासा खीद ना ह्यये

बॊह यिद सहज़ शंकर बऺखॖच़ आसा

मऺकरिस सासा मल क्या प्यये

             अर्थात

ललेश्वरी कह रही है कि कोई मुझे हंसी मज़ाक के हज़ारों बोल सुनाए। मेरे मन को कोई खेद नहीं होता है। यदि मैं शंकर भक्त हूं तो दर्पण की भांति मेरा मन दुख रूपी भरम से मैला नहीं होगा।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. थदुन (Be high/Go higher/To rise)

2. थकुन (To get tired/To be wearied)

3. थफ दिन्य (To snatch up/To grab)

4. थम्ब (Pillar/Post)

5. थर (Back/Behind)

                 मुहावरॖ

1. मु: थ्यकन थऻज

    अ: पनॖन्य बऺडीमी हावॖन्य, या,

          पानस तऻरीफ करॖन्य

2. मु: थ्वकॖ न्यॆचुव म्वकॖदम

    अ: नाकऻबिल इन्सान ज़्युठ

          बनावुन

3. मु: थरि पोश वरि गोम

    अ: कांह खऺहऻयिश मुश्किलन

          पूरॖ गछ़ॖन्य

       (पनॖन्य शुर्य ह्यॆछॖनऻव्यूख)

**************************

पंचान्ग:- अज़ छु मुम्किन ज़ि ॳस्य छि ह्यकान पनुन कऻशुर अदब कऻशिर्य ज़बऻन्य मंज़ लीखित, पऺरिथ तॖ ज़बऻन्य वऺनिथ। मगर मन छु मोयूस गछ़ान यि वुछिथ ज़ि सऻन्य शुर्य छिनॖ ज़्यादॖ दिलचस्पी थवान यि पनुन कऻशुर अदब रऺछ़रावनस मंज़। अकत्रॖह वऺरी गऺयि असि कऺशीर त्रऻवमॖतिस कॆच़व हालातव मूजूब तॖ आयि छऺकरावनॖ पनॖनिसॖय मुल्कस मंज़ ब्यॊन ब्यॊन जायन। सान्यन शुर्यन म्यूल नॖ मोकॖ यि पनॖन्य माजि ज़्यव बरकरार थवनस, ति क्याज़ि त्युहुन्द मोल मऻज्य छु नॖ यछ़ान ज़ि त्युहुन्द शुर गछ़ि कऻशिर्य ज़बऻन्य मंज़ कथ करुन। हालांकि कॆंच़न गरन मंज़ छु यिवान कऻशुर अदब रऺछ़रावनॖ तॖ कऻशिर्य ज़बऻन्य मंज़ कथ बाथ करनॖ, मगर तिमन गरन हॖन्ज़ ग्रन्द छि मऻन्यतव त्वमलस मंज़ कनस बराबर या न आसनस बराबर। सानि समाजिक कॆंह रुत कांछ़न वऻल्य छि पनॖन्य किन्य कूशिश करान ज़ि पनॖन्य माजि ज़्यव गऺछ़ ज़िन्दॖ रोज़ॖन्य ति क्याज़ि यॊदवय ज़बान रोज़ि बरकरार, सानि कऻशिर समाजिच प्रज़नथ याने पनॖन्य पहचान रोज़ि ज़िन्दॖ, सऻन्य रसमो रिवाज रोज़न ज़िन्दॖ। यॊदवय ॳस्य कऻशिर्य ज़बऻन्य मंज़ याने देवनागिरी अर्थात ह्यॆन्दियस मंज़ रोज़व लेखान तॖ परान, सोन अदब ति रोज़ि फ्वलान तॖ फूलान। बॖ छुस यछ़ान ज़ि सऻन्य बऻय ब्यॆनि कऺरिन परहेज़ अंगरीज़स मंज़ कऻशुर लेखुन तॖ तिम रूज़िन लेखान कऻशिर कथॖ, प्रच़ॖ, बऻथ, अफ़सानॖ, शऻयरी, मुहावरॖ, बेतरी ति क्याज़ि ति करनॖ सॗत्य मेलि सऻनिस अदबस पोछर तॖ मेछर। यि करुन छु ज़रूरी। सानि धार्मिक किताबॖ छि कम सै कम सारेय संस्कृतस या ह्यॆन्दियस मंज़, असि पज़न तिम परनि तॖ परनावनि। पनॖन्य शुर्य छि ह्यॆछनावॖन्य संस्कार, सभ्यता, तॖ समाजिक कॆंह लवऻज़्यमात। पनॖन्य शुर्यन छु याद पावुन पनुन प्वतकाल, पनॖनि कऺशीरि मंज़ पनुन लसुन, बसुन तॖ तमि प्यठॖ द्हशतस मंज़ च़लुन, पनॖन्य परम्परा, कशीरि मंज़ सोन गिन्दुन तॖ द्रॊकुन,पनॖन्य ऋशी, मुन्नी, परियन तॖ फ्रॖस्तन हॖन्ज़ि कथॖ। तिमन छु वनुन ज़रूरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नवॖन्य तॖ फ्वलॖन्य

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)