25.10.2020

25.10.2020, ॴशिद (आश्विन/ॳसूज) ज़ूनॖ पछॖ (शुक्ल पक्ष) नवम (देवादेव) (नवमी) (देवादेव) आथवार (रविवार/ ऐतवार) श्री सप्तर्षि सम्वत 5096, राश कु्म्भ (दुहचि 3.24 बजि प्यठॖ), ऋतु हरुद (शरद) (चलान) द्रठॖपऻन्च़ुक (पंचक) छु शुरु, विजया दशमी (दशहार) 

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

        (पराग पुस्तक- 100)

प्रश्न :

कुस छुस तय क्वस पुशानी

कम कुसुम लऻग्यज़्यस पूज़े

कवॖ गॊड दिज़्यस ज़लचि दऻनी

कवॖ सनॖ मंत्रॖ शंकर - स्वात्मॖ वुज़े

            अर्थात

यह प्रश्नात्मक वाक् है। ललेश्वरी द्वारा प्रश्न किया गया है कि प्रभु की पूजा के लिए यथार्थ माली तथा मालिन कौन है और पूजा में कौन से फूल अर्पण करने योग्य हैं तथा किस पानी से उसका अभिषेक किया जाए? पूजा में कौन सा मंत्र पढने से अपने अंतर में स्वात्म रूपी शिव प्रगट हो सकता है? वाक् में चार प्रश्नों का उत्तर पूछा गया है तथा स्वयं ही उनका उत्तर बताकर किसी भी विवाद के लिए स्थान नहीं छोडा है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *******

1. टिटुर (Some object in eye)

2. टर (Falsehood)

3. टिसुन (Forcefully eating)

4. टिस टिस (Sound of burning of grass)

5. टिकुन (To run/To gallop/Make an effort)

                 मुहावरॖ

1. मु: छानस नॖ चोंचॖ खारस नॖ 

         क्रॊछ़

   अ: युस यॆमि कारुक मऻहिर

        आसि तस छु नॖ सु चीज़

        गरि आसान

2. मु: छऺतरॖ बून्य

    अ: बऺड द्यद यस वारियाह ज़ुर्य

         पॊत्र आसन

3. मु: छॆन्य मऺट छि व़़ज़ान

    अ: छॊन इन्सान छु ज़्यादॖ 

         थ्यकान

           (पनॖन्य शुर्य ह्यॆछॖनऻव्यूख)

**************************

पंचान्ग:- नवरात्रा हॖन्द्यन दोहन वोत अंद हालांकि दॊयव जंत्रीयव डऻज्य असि ब्वद्ध। पऺज़्यपऻठ्य यथ वनान काहन गाव रऻवमॖच़, सॊय बऻश गऺयि असि यॆमि लटि। द्वन ज्योतिष्यन कुनी कथ न आसनॖ म्वखॖ छु खऺम्याज़ प्यवान असि बुगतुन। पतॖ छि थपॖ दिवान हुपऻर्य तॖ यपऻर्य। खऻर द्राव यि दोर ति। अज़ छि विजया दशमी याने दशहार। कऺशीरि मंज़ ओस वख्तॖ अकि जटॖ जोश आसान ॳज़्यकि द्वह ति क्याज़ि हॊज़ूरी बाग़स मंज़ ओस यिवान दशहार मनावनॖ। लूकॖ अरॖसाता ओस जमाह गछ़ान यॆलि रावुनॖ सुन्द पुत्लॖ ओस यिवान ज़ालनॖ शामवख्तॖ। सान्यव शुर्यव यिम 1990-तॖ पतॖ ज़ायि कऺशीरि न्यबर, म्यॆ छु नॖ बासान तिमव आसि दशहारुक नज़ारॖ वुछमुत ति क्याज़ि अख छॆ नॖ तिमन फुर्सथ तॖ दॊयिम कथ छि ज़ि दशहार छु नॖ तिहॖन्द्यन गरन नऺज़दीक यिवान मनावनॖ। रावुन ज़ालनॖ पतॖ ॴस्य लूख अडदज़ बऻन्सवि लोरि पनुन गरॖ निवान। दपान ॴस्य ज़ि गरस मंज़ यि अडदऺज़ बऻन्सॖव लूर थवनॖ सॗत्य छु नॖ शत्रु गरस पोरान। हॊज़ूरी बागस मंज़ ॴस बीरॖ यीच़ आसान ज़ि च़्यलॖ च़्रट ॴस गछ़ान लूकन मंज़। वख गव बदलान, मसरुफियात गयि बडान व्वं छु नॖ सु चिकॖ चाव ति दशहार वुछनुक। अल़्बतॖ व्वं छि ज़्यादॖतर लूख पनॖन्यन गरन मंज़ बिहतॖय पनॖन्यन टी वी-यन प्यठ वुछान रोज़ान दशहार। 

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.bligspot.com ति वुछिव)