27.10.2020

27.10.2020, ॴशिद (आश्विन/ॳसूज) ज़ूनॖ पछॖ (शुक्ल पक्ष) काह (देवादेव) (एकादशी) (देवादेव) बॊम्वार (मंगलवार) श्री सप्तर्षि सम्वत 5096, राश मीन (रऻच़ हॖन्ज़ॖ 2.30 बजि प्यठॖ),ऋतु हरुद (शरद) (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

        (पराग पुस्तक- 102)

कुस डिंगि तॖ कुस ज़ागि

कुस सर वऺत्रि तेलि

कुस हरस पूज़ि लागि

कुस परम पद मेलि

         अर्थात

ललेश्वरी ने चार प्रश्न किये हैं - 1. परमार्थ के रास्ते में कौन चंचल रहेगा या भागेगा और कौन एकाग्रता से ताक में रहेगा? 2. कौन सर (झील) पांचों नदियों में त़ेज़ी से पानी का संचार करने योग्य हैं? 3. कौन शिव की पूजा करने योग्य है? तथा 4. कौन सा परम पद (मिलने योग्य) मिलेगा

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. जऻबिर (Tyrannical/Tyrant/Cruel/Forceful/Oppressive)

2. जाबजा (Proper/Every where/At every place/Here and there)

3. जादाद (Real estate/Land/Property/Estate)

4. जाफुर (A kind of flower -Marigold)

5. जालार (Net/Trap/Web)

              मुहावरॖ

1. मु: हिसाब छु हारि तॖ 

         बखशऻयिश छि खरवारि

    अ: यॆलि यार दोस्त या  

         नऺज़्यदीकी नफ़र रच़न तॖ

         पेंच़न हिसाब करनि ब्यॆहन

2. मु: हरफस गवाह तॖ म्यॆंडिस

         शऺरीक्

   अ: सॗत्य बोज आसुन, या, 

        नऺज़्यदीकी ज़ऻन्यकार

        आसुन

3. मु: हमऻल्य तॖ दमऻल्य

    अ: पनॖन्य कथ बॆहनावनॖ

          बापथ शोर तुलुन

       (पनॖन्य शुर्य ह्यॆछॖनऻव्यूख)

**************************

पंचान्ग:- मऻज्य शारिकऻय कर दया, वर दया ही भवऻनी। कर दयायि हॖन्ज़ म्यॆ दृष्टी, सॊय छम बऺड मॆहहरबऻनी।  ॳस्य हय आमॖत्य छि व्वंय योर कर्मॖ खुर्य बावऻनी, मतय वुछ तॖ कर्मण कुन, सऻरी पशेमऻनी। पऺरमॖच़ लीछमॖच़ कऻशिर बटॖ कूर, अनान ज़ेनान ॳकिस ब्यॆयिसॖन्दि ख्वतॖ जान मगर परेशान  मालिन्य गरस मंज़ अख शु-सतॖ वुहुर न्यॆचुव ह्यथ बूगान पनुन कर्मॖ फल। रॗन्य त्रऻवमॖच़ दपान त्रॆयि वुहॖर्य खान्दरॖ पतॖ, अख शुर ज़्यथ। वजह ज़ानि दय। बोज़नस तल आव यि ज़ि हशि खऺच़ नॖ न्वश टारि। न्यॆच्युव वर्गलोवुन, कन बऺर्यनस, पॊज़ अपुज़ वऺन्य वऺन्य डोलनस द्यमाग। व्यलायतस मंज़ बिहिथ यि रून तॖ ज़नान दपान ॴस्य गर बसऻविथ मगर कर्मॖक्य खुर्य, रॗन्य सूज़ ज़नान माल्युन शुर ह्यथ तॖ वापस ह्यॆन्दुस्तान यिथ मऺशरऻव यि ज़नान पनॖन्य रॗन्य तॖ अज़ ताम छि बॊर बऺनिथ पनॖनिस मऻलिस माजि। दमफुट्य गऻमॖच़। सूंचिथ नॖ ह्यकान ज़ि गव हय तॖ गव क्याह। अदालॖच़ प्यठॖ वऻच़ॖस समन तॖ तलाकनामॖ। लॊडुन पनॖन्यकिन्य द्वन त्र्यन वऺरियन मगर हारेयि ॴखरस। तलाक़ गव। रून अलग तॖ ज़नान अलग। न्यॆचुव छ़ान्डान मऻलिस। जवाबस मंज़ माजि छि ॳशय क़तरॖ खऻलिस। यिथी यिथी छि सऻनिस समाजस मंज़ अज़कल ग्रॆन्दि रॊस केस दपान अदालतन मंज़। कऺशीरि मंज़ ॴस्य वऺल्यथॖय मऺल्यथॖय ॴस्य सऻरी फ्वलिथॖय मगर यनॖ आयि ॳस्य तति प्यठॖ च़ऺल्यथॖय योर यिथ लॊग असि बद हवा। गऺयि रंगॖ रंगॖ रंग। आयि च़्वपऻर्य ॳस्य तंग। फसॆमॖच़ अकि अंदॖ नऺर तॖ ब्यॆयि अंदॖ ज़ंग। इन्सान छु यिम कॖसॖ बूज़िथ गोमुत दबंग। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

( बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)