14.10.2020

14.10.2020 ॴशिद (मलमास) (आश्विन/ॳसूज) (मलमासे) गटॖ पछॖ (कृष्ण पक्ष) बाह (देवादेव) (द्वादशी) (देवादेव) ब्वदवार (बुद्धवार) श्री सप्तर्षि सम्वत 5096, राश कन्या (रऻच़ हॖन्ज़ॖ 2.1 बजि प्यठॖ) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

       (पराग पुस्तक-89)

च़ॖय दीवॖ गरतस तॖ धरती स्रज़ख

च़्यय दीवॖ दितिथ क्रन्ज़न प्राण

च़ॖय दीवॖ ठनि रुसतुय वज़ख

कुस ज़ानि दीवॖ चोन परिमाण

             अर्थात

हे देव, शिव! आप आकाश धरती के सृजक (स्रष्टा) हो। आप ने ॳस्थिपंजरों (जीवों के शरीरों) में प्राणों का संचार किया है, आप ही हे प्रभु ! चोट किये बिना ही बजते हो। अर्थात आप शब्द रूप ब्रह्म हो, आप का विस्तार कौन जान सकता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            ********

1. थल (Plants of plantation)

2. थवुन (To keep)

3. थज़रुन (To be high/To go higher)

4. थऺज़रावुन (To raise)

5. थमुन (To be at rest/Come to rest)

                मुहावरॖ

1. मु: तऺहर कऺम्यू ख्यॆयि? परद्यव

         म्यॆ दॊप पनॖन्यव मा

    अ: पनॖनिस कुन फिरिथ रोज़ुन

         तॖ व्वपरस कुन तवजु द्युन

2. मु: तॆलि तोश यॆलि न्वश गरॖ 

         वाति

    अ: कऻम अंद वातनॖ ब्रुंहुय पज़ि

          नॖ इत्यमिनान करुन

3. मु: तेल फॊल छु ख्योमुत सतव

         बारन्यव

    अ: इन्सानस पज़ि बऻगरिथ

          ख्यॊन

**************************

पंचान्ग :- कति तिम पांछ़ शॆ ॴठ नव शुर्य। अज़ यिमन अख ज़ॖय तिमन ति खुर्य। फीस वीस बऺर्य बऺर्य पेरैन्ट बरहम। दम करु दम,दमॖ काका दम। प्रथ गरस मंज़ ॴस्य आसान पांछ़ शॆ शुर्य तॖ गरस मंज़ ओस च्युर्यगॊश रोज़ान, शोर गुल रोज़ान। गरॖ ओस ग्रज़ान, क्रख चिख, हेरन खसॖ वस, यारन दोस्तन हुन्द युन गछ़ुन, व्यसन सॊदरन हुन्द अलग कुठिस मंज़ बिहिथ सुसरि गूसरि करनि। असुन गिन्दुन करुन। यॆलि यिमय शुर्य बडान ॴस्य, कारस बारस नेरान ॴस्य, यिमन शुर्यन हुन्द मोल मऻज्य ॴस यिहॖन्जन छ़ायन तॖ ग्रायन वुछान। यॆलि यिमन शुर्यन ओस खान्दर सपदान तॖ दॖरॖकाकन्यन हुन्द समुत, च़ोर च़ोर पांछ़ पांछ़ दॖरकाकनि किथ पऻठ्य ॴसॖ गर करान। ज़ऻमन सॗत्य या द्रॖयन सॗत्य नोक जोंक, दॊंखॖ दॊंख, असुन गिन्दुन, कुनि छुटी द्वह गरिक्य सऻरी बऻच़ निशात बाग़ गछ़ुन, शालमऻर बागुक सऻर करुन, नावि सऻर करुन या डूंगस मंज़ गछ़ुन, नॊवॖय आलमा ओस आसान तॖ बासान। दॖरकाकन्यन हॖन्द्यन शुर्यन हुन्द पानॖवॖन्य शुर्य गिन्दनन गिन्दुन, अख ॳक्यसॖन्ज़ शकायत पनॖन्यन पनॖन्यन माज्यन निशॖ करॖन, तॖ तिमन दॖरॖकाकॖन्यन हुन्द तिमन मसलन रफा दफ़ा करुन तॖ पनॖनिस शुरिस माय महोब्बत करुन ह्यॆछनावुन, सभ्यता संस्कार ह्यॆछनावॖन्य, भय भीम, शर्म हया, मान यज़थ अख ॳक्यसुन्द थवुन, तिम सऻरी चीज़ ओस शुर ह्यॆछान तथ माहोलस मंज़। मगर अज़कल छु सोरुय फिरिथॖय, अलॖफॖ प्यठॖ यॆयस ताम। कथ छि जऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)