26.10.2020

26.10.2020, ॴशिद (आश्विन/ॳसूज) ज़ूनॖ पछॖ (शुक्ल पक्ष) दऺहम (देवादेव) (दशमी) (देवादेव) च़ऺन्दॖरवार (सोमवार) श्री सप्तर्षि सम्वत 5096, राश कुम्भ (चलान) ऋतु हरुद (शरद) (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ। वुद्यूग करव मुकाम प्रावव

**************************

   महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक- 101)

उत्तर -

मन पुश तय यछ़ पुशानी

बावॖक्य कुसुम लऻग्यज़्यस पूज़े

श्यशि रसॖ गॊड दि़ज़्यस ज़लॖच दऻनी

छ़्वपि मंत्र स्वात्म शंकर वुज़े

             अर्थात

सहस्रार में प्रभु की पूजा की यथार्तता बताते हुए ऊपर के प्रश्न का स्वयं उत्तर देती है कि प्रभु की पूजा में मन माली है श्रद्धा मालिन है। मन में भाव रूपी फूल हो। उन्ही से पूजा करें। षठ रस से अभिषेक करें अर्थात सहस्रार में चन्द्रमा के अमृत के पानी से अभिषेक करें और मोन रूपी मंत्र से ही आत्म रूपी शंकर का साक्षात्कार होगा। भाव यह कि स्वच्छ मन तथा शुद्ध भाव या प्रेम से मोन होकर एकाग्र चित होकर स्वात्म प्रगट होता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *******

1. सऻबिथ (Prove/Conformed)

2. सकल (Gravity/Indigestion/Heaviness in stomach)

3. सवाब (Pious deed/Sacred virtue/Reward of virtue/Meritorious action)

4. सानी (Second/Equal match)

5. सोबूथ (Whole/Unbroken/Uninjured/Undamaged/Entire)

           मुहावरॖ

1. मु: हाल मतॖ प्रॖछ़तम रॊयसॖय

         वुछतम

    अ: कऻन्सि हुन्द गुदरुन छु 

         तसन्दि बुथि प्यठॖ ननान

2. मु: हऻज़्यरस बोग तॖ गऻर-

         हऻज़्यरस चपाथ

    अ: युस ब्रोंह कनि आसि तस

         बनि सोरुय

3. मु: मऺहदॖ शाह ख्रॊन्य त्यॆलि न 

          तॖ व्वं

    अ: बे-वख्तुक कार, या, यॆलि

         नॖ कार शूबि त्यॆलि करुन

      (पनॖन्य शुर्य ह्यॆछॖनऻव्यूख)

**************************

पंचान्ग:- नवरात्र म्वकल्यॆयि तॖ हवनव रॊट ज़ोर। वारियाहन जायन आव राथ हवन करनॖ, कमसॖय कालस सऺही, अकुय स्वहाकार सऺही मगर कॊरुख। नवीद आव ल्वकट्यन डबन मंज़ बऻगरावनॖ, दाल दमोलवॖच व्यवस्था ॴस नॖ यॆमि लटि। म्यॆति कऺर शमुहलियत पालम विहार, गुरुग्रामकिस हवनस मंज़। अमि हवनॖच अहमियत ॴस ज़्यादॖ पाहन अमिकिन ज़ि यथ जायि यि हवन आव करनॖ यि जाय छि आमॖच़ के के एस संस्थाय तरफॖ मऺल्य ह्यनॖ वारियाह कालॖ ब्रोंठ मगर रजिस्ट्री आयि अथ ज़मीनस हालॖ हालय करनॖ। यि ज़मीन छि दपान आमॖच़ मऺल्य ह्यनॖ मंदर बनावनॖ बापथ। वुनि छि यि ज़मीन च़्वापऻर्य यलय। राथ आव अति सायबानॖ लगावनॖ, चाय च़ॊट आयि बऻगरावनॖ, लीलायि तॖ भजन आयि ग्यवनॖ, नऺवीद ति दपान आव डबन मंज़ थऺविथ बऻगरावनॖ। लूख ॴस्य कमॖय संख्यायि मंज़। अख ॳकिस वुछिथ गऺयि लूख स्यठाह ख्वश मगर मील्य अख ॳकिस सॗत्य खूच़्य खुच़ी। अथॖ नॖ मेलनावुन, नालमॊत नॖ करुन, ॴसॖ प्यठॖ नॖ मास्क तुलुन। व्यॊख्तुय नज़ारा ओस। कोरोनावयरसुक भय ओस टाकारॖ बासान। अख ॳकिस निश ॴस्य दूर्यर थऺविथ। मास्क ॴस्य लऻगिथ हालांकि संस्थायि तरफॖ ति ॴसॖ मास्कॖ बऻगरावनॖ यिवान। फोटु आयि त्रावनॖ व्हाटसापस प्यठ ब्यॆयन कॆंच़न जायव प्यठॖ ति। जान गछ़िहे यॊदवय कुनुय अख सामूहिक हवना करॖहऻन मगर बोज़ि कुस तॖ बोज़ि क्याज़ि। दय कऺरिन रुत सारिनी। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)