02.10.2020

02.10.2020, ॴशिद(मलमास)(आश्विन/ॳसूज)(मलमासे)गटॖ पछॖ (कृष्ण पक्ष) ऒक्दॊह (प्रथमा) शॊकुरवार (शुक्रवार/ जुम्मा),श्री सप्तर्षि सम्वत 5096, राश मीन (चलान) ऋतु हरुद (शरद) (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

     (पराग पुस्तक - 77)

यहय मातृ रूप्य पय दिये

यहय बऻरिया रूप्य करि व्यशीश

यहय माया रूप्य अनति ज़ुव ह्यये

शिव छुय क्रूठ तय च़ेन व्वपदीश

             अर्थात

यही नारी मां बनकर बालक को जन्म देकर पालती है, पत्नी रूप में सुख देती है और अंत में माया अर्थात मृत्यु रूप होकर मनुष्य का प्राण हर लेती है। अर्थात जिस प्रकार (शक्ति रूप) नारी के कई रूप हैं, इसी प्रकार शिव भी संसार की उत्पति करता है, पालन तथा नाश करता है। यह सच्चाई मानकर उपदेश को समझ लो कि शिव ही भिन्न रूपों में यह सारी लीला कर रहे हैं। नहीं तो शिव की लीला को समझना कठिन हे।

भावार्थ:- शिव ही हर जगह भिन्न रूप धारण करके संसार में लीला कर रहे हैं। इसी सत्य को समझ लेना ही उपदेश है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              *******

1. पासबान (Watchman/Guard/Protector)

2. पाक (Pure/Undetected/Spot less/Immaculate/Sacred/Free/Innocent)

3. पाख (Pus/Yellowish white viscid substance coming out of a wound)

4. पाकॖ फ्यफुर (Pus/Matter from a wound)

5. पाकॖ दग (Pain of pus/Pain of sore)

              मुहावरॖ

1. मु: फिटॖ फिटॖ आसुन

    अ: छ़ॊख आसुन

2. मु: पितुर छु हून तॖ वूंगि ना

    अ: प्रथ कऻन्सि छु कांह न तॗ 

         कांह पितुर आसान, या,

         हंगॖ तॖ मंगॖ शॊत्रथ

3. मु: पुजिस प्रॖछ़ुख ॳडिज कोनॖ

         पऺचीय दॊपनख पनुन आव 

         नॖ कांह

    अ: पनुनुय छु पनॖनिस पोशान,

          या, द्वख छि अक्सर पनॖनी

          दिवान

        (पनॖन्य शुर्य ह्यॆछॖनऻव्यूख)

**************************

पंचान्ग:- हाथरसुक हऻदिसॖ बूज़िथ छि तॗरि कऺन्ड्य फटान तॖ फिकिरी छु नॖ तरान ज़ि इन्सान कोताह छु हयवान बन्योमुत तॖ हवस कोताह छु ॳमिस मंज़ बड्योमुत ज़ि ॳकिस दलित कोरि सॗत्य कॊर कॆंच़व ज़न्यव मीलिथ बलात्कार तॖ छ़ुनिख मऻरिथ। हऻकिम ति बनेयि कऻत्या बेरहम ज़ि न्यूख ॳमिस कोरि हुन्द शव रातो रात कथ ताम जायि कॊरहोस दाह संस्कार। कौरि हॖन्द्य गरिक्य बऻच़ रूद्य वछॖ वछॖ दिवान मगर तिम दपान ॴसिख गरस मंज़ॖय बंद कऺर्यमॖत्य तॖ न हऻवॖख तिमन ॳमिस कोरि हॖन्ज़ लाश तॖ न द्युतहोख आवरॆनि ताम यिनॖ। अगर सनातन धर्मस कुन वुछव तॖ सिरियि लोसनॖ पतॖ छु नॖ यिवान दाह संस्कार करनॖ, मगर हकूमतस क्याह मजबूरी छि ॴसमॖच़ ज़ि तिमव कॊर राथक्युत ॳमिस कॊरि दाह संस्कार। वुछुन छु ज़ि अंतरात्मा इन्सानॖ सुन्द कोताह छु गॊलमुत ज़ि इन्सानस छु न इन्सानस सॗत्य कांह लगाव, कांह क़दॖर, कांह लिहाज़, कांह माय। वुनि छु नॖ यि नार शैहलान कुनि ब्याख ख़बर आयि टी वी-यस प्यठ ज़ि बलरामपुर, यू पी-यस मंज़ छु आमुत ॴठॖ वऺरिश कोरि सॗत्य दुष्कर्म करनॖ तॖ ब्याख कूर ॴस कालेज गछ़ान ज़ि कॆंच़व बदमाशव नी स्व आगवाह कऺरिथ तॖ छ़ॖनिख मऻरिथ दुष्कर्म कऺरनॖ पतॖ। कति छि कोरि महफूज़। क्याह करि मोल मऻज्य। कऺमिस ब्रोंह कनि करि फऺर्याद। न्याय कति छु। रऻछदर कति छि। अज़कलुक इन्सान छु परेशान। अकि तरफॖ छु महामऻरी हुन्द मार, दोयिमि तरफॖ हवस, हयवऻनियत, दहशथगर्दी। यि वुछिथ छु इन्सान त्राहि त्राहि करान। शुरिस छि पानय पनॖन्य रऻछ करॖन्य। पनुन पान बचऻविथ पकुन। ति क्याज़ि कर कऺमिस कतिनस तॖ किथपऻठ्य डलि द्यमाग तॖ नी बदकार कऺरिथ पताह छॆ नॖ, कर कुस बनि कथ जायि हवसुक शिकार, ख़बर छॆ नॖ।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)