04.10.2020

04.10.2020, ॴशिद(मलमास)(आश्विन/ॳसूज) गटॖ पछॖ (कृष्ण पक्ष) द्वय (देवादेव) (द्विती) आथवार (रविवार/ऐतवार) श्री सप्तर्षि सम्वत 5096,राश मेष (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

         (पराग पुस्तक-79)

ज़ननि ज़ायायि रॖत्य तय कॖती

कऺरिथ व्वदरस बहु कलीश

फीरिथ द्वार बज़नि वऻत्य तऺती

शिव छुय क्रूठ तय च़ेन व्वपदीश

            अर्थात

यह आश्चर्य की बात है कि मनुष्य मां के पेट को कष्ट देकर स्वयं भी कष्ट सहकर अच्छा भला जन्मा था और (संसारी वैभव में फंसकर) पुन: उदर में ही आकर जन्मने के लिए आता है। यह उपदेश अर्थात, चेतावनी को मानकर यथार्थ का ज्ञान प्राप्त कर नहीं तो शिवत्व को पाना अति दुष्कर है। अर्थात जन्म मरण चक्र से नहीं छूटेगा।

भावार्थ :- मनुष्य बार बार जन्म मरण के चक्कर में फंसता है। ऐसा कर्म नहीं करता जिससे इस चक्र से छूट सके। इस से छूटने के लिए बताए उपदेश द्वारा शिव का सानिध्य प्राप्त करना है। नहीं तो शिवत्व को पाना अति दुष्कर है

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *********

1. पालख (Spinach)

2. पालुन (To bring up/To

feed up/Cherish/To protect/To sustain)

3. पालनहार (God/Sustainer/Nourisher)

4. पऻलिश (Polish)

5. पाम (Reproach/Blame/Taunt)

              मुहावरॖ

1. मु: परस दोद पानि खॊतॖ शुहुल

    अ: ब्यॆयि सुन्द दोद छु नॖ 

          इन्सानस परेशान करान

2. मु: प्रयागॖच बून्य

    अ: दॊहय ह्यवुय, या, युस चीज़

          न हुरि तॖ न गछ़ि कम

3. मु: फरि च़ूरस दारि कॊंड

    अ: ग्वनाहगारस छु पनुनुय 

         शख आसान

     (पनॖन्य शुर्य ह्यॆछॖनऻव्यूख)

**************************

पंचान्ग:- यॊदवय बॖ पनॖनि समाजिच कथ करॖ, खालॖय कांह शुर आसि ख्वश नसीब, यस वुनि पनॖन्य नान्य फऺरिस तल रऺटिथ आसि तऺमिस पऺरियन या फ्रॖसतनॖ हॖन्ज़ॖ कथॖ बोज़नावान। बुड्यबब आस्यस ऒंगजि थफ कऺरिथ बाज़र निवान तॖ गिन्दन तमाशि अनान। खालॖ कांह शुर छु अज़कल टींकन गिंदान, लऺठकिंज लऺठिस गिन्दान, ॳन्य कतरि गिन्दान, सज़ॖ लंगिस गिन्दान, गरमस गिन्दान या रटि रटि या च़ूरि च़ूरि रूज़िथ अख ॳकिस रटनस गिन्दान। खालॖय कांह मोल मऻज्य आसि पनॖनिस शुरिस सुबहस ठोकुर कुठिस मंज़ पानस सॗत्य बॆहनऻविथ पूज़ा पाठ करनावान या शामन इकॖवटॖ बिहिथ शुर्य कऺट्य ह्यथ आरती या बजन कीर्तन करान। ॳस्य छि वनानॖय यॊत रोज़ान ज़ि सऻन्य नान्य ॴस कम कम कथॖ बोज़ॖनावान, कम कम प्रच़ॖ ॴस बोज़नावान, या यि फलान्य पाठ छु म्यॆ ज़बऻन्य याद ति क्याज़ि म्योन मोल या बऺड्यबब ओस दोहय परान रोज़ान तॖ असि ति ओस सॗत्य रऺटिथ परनावान। खालॖय कुनि गरस मंज़ आसन तिम संस्कार बरक़रार यिम असि मील्य पनॖन्यन ज़िठ्यन निशि। ॳस्य क्याह सना छि ह्यॆछनावान अज़कल पनॖन्यन शुर्यन या शुर्यन हॖन्द्यन शुर्यन। ज़ांह छा ॳस्य यिमन कथन प्यठ व्यच़ार करान।यि दऺप्यज़ि ति पनॖनि ज़्यॆवि प्यठॖ पनॖन्य माजि ज़्यव ताम त्रऻव असि वनॖन्य, कऻशुर परुन या कऻशुर लेखुन ति छु असि बासान व्वं हतख ह्यु या गछ़ान गाल यि ज़बान वरतावनस मंज़। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

  भूषण कौल "दीप'" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)