28.10.2020

28.10.2020, ॴशिद (आश्विन/ॳसूज) ज़ूनॖ पछॖ (शुक्ल पक्ष) बाह (देवादेव) (द्वादशी) (देवादेव) ब्वदवार (बुद्धवार) श्री सप्तर्षि सम्वत 5096, राश मीन (चलान) ऋतु हरुद (शरद) (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक- 103)

मन डिंगि तॖ अकॊल ज़ागि

डऻड्यसर पंचॖ यंदि वऺत्रि तेलि

स्वव्यच़ऻरॖ पोन्य हरस पूज़ि लागि

परमॖपद च़ीतन शिव मेलि

             अर्थात

ललेश्वरी अपने चारों प्रश्नों का क्रमश: स्वयं ही उतर देती है कि अहंकारी का मन चंचल रहेगा। किंतु सजग (शिव की) ताक में रहेगा। भरा हुआ सर तीव्र गति से पाचों नालियों द्वारा सींचे गा। अर्थात अनन्त शक्तियुक्त परमशिव रूपी सर वेग से पांचों दिशाओं, पांच-महाभूतों, कोषों, इन्द्रियों में शक्ति संचार करेगा, तथा 'पोन्य' अर्थात शुभ विचारशील पुण्यवाण पुरुष ही परमशिव की पूजा करने योग्य हैं एवं चेतन शिव पदवी प्राप्य योग्य है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

                *******

1. जालसाज़ (Fraud/Cheat/A cunning person/Deceiver)

2. जालसऻज़ी (Cheating/Imposture/Forgery/Deception)

3. जाम (A glass of wine/A peg/A cup/A bowl)

4. जामन (A kind of fruit -

Black berry)

5. जामॖ (A dress/Garment)

              मुहावरॖ

1. मु: हमाम करि राज़ॖ तॖ तावस

         ग़रीब

    अ: ग़रीब छु ॳमीरस तल 

         रोज़ान

2. मु: हवऻल्य ह्यथ तॖ दास दारॖज़

    अ: पनुन पनुन कॖसमथ

3. मु: हीलॖ गरिस बहानॖ बिसियार

    अ: यस नॖ करनस ग़रज़ आसि

         सु छु वारियाह हीथ रटान

        (पनॖन्य शुर्य ह्यॆछॖनऻव्यूख)

**************************

पंचान्ग:- वख ओस मंज़िमयोर ओस अनान लऺडकॖसॖन्ज़ ट्यॆकिन्य तॖ कोरिवोल ओस मिलनावान तॖ हां या ना जवाब दिवान। अज़ वोत वख ज़ि व्वंय छि द्वश्यवय दऺर्य ट्यॆकिन्य मिलनावान तॖ मिलनऻविथ नॖ जवाबॖय दिवान ति क्याज़ि कोरिवोल छु सऺही नाप तोल करान ज़ि लऺडकॖ कोताह पॊरमुत छु, नोकरी कति छु करान, तनख्वाह कोताह छुस, क़द कोताह छुस, कथ जायि छु नोकरी करान, कारकुन छा किनॖ ग़ोर, बुहुर, कान्दुर मा छु पतवतॖ। अगर यिम सऻरी न्वख्तॖ कोरि वऻलिस हटि वऺथ्य, तॆलि गव पतॖ लऺडकॖ हावुन कोरि। यि करान करान छु समय नीरिथ गछ़ान। न छि लऺडकस कूर पसंद यिवान तॖ न छु कोरि लऺडकॖ टारि खसान। नऺतीजि छु यि नेरान ज़ि वुनि छि दॊयत्रॖह-च़ॊयत्रॖह वुहिर्य लऺडकॖ-कोरि खान्दरॖ रॊस। मोल मऻज्य यॊदवय कम ज़्यादस गुज़ारॖ करि, कोरि छु नॖ अलगॖज़ार ति गछ़ान। दवान छि पानय छ़ान्डनि पनुन हमसफर व्वपर ज़ऻच़ मंज़ पनॖनि यछ़ि पछ़ि तॖ पनॖनि पसंदुक। फरॖख छॆ नॖ बटॖ कोरि ज़ि पर-ज़ऻच़ लऺडकॖ स्वनुरॖ सुन्द लऺडकॖ छा किनॖ खारॖ सुन्द लऺडकॖ छु। ट्यॆकिन्य मिलनावनुक ति छु नॖ ज़रूरथ बासान। मोल मऻज्य क्याह करि, नारस दिया नरि। परेशान छि द्वशवय दऺर्य। हालात गऺयि बदलान। ॳड्य द्रायि ॳर्य ॳड्य बनेयि खऺर्य। प्यठॖ छि शुर्य सऻन्य गन्ज़रिथॖय, छिनॖ ज़्यादॖ या न छि च़ऺर्य। मगर यीती छि तिम ति छि अज़कल दीदॖ दऺर्य। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)