11.10.2020

11.10.2020,ॴशिद(मलमास) (आश्विन/ॳसूज) (मलमासे) गटॖ पछॖ (कृष्ण पक्ष) नवम (देवादेव) (नवमी) (देवादेव) आथवार (रविवार/ऐतवार) श्री सप्तर्षि सम्वत 5096, राश कर्कट (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

         (पराग पुस्तक-86)

हा च़्यता कवॖ छुय लॊगमुत परमस

कवॖ गॊय अपज़िस पज़्युक ब्रोंथ

व्यशि बॊज़ वश कॊरनख पर धर्मस

यिनॖ गछ़नॖ ज़्यनॖ मरनॖ क्रोंत

             अर्थात

1. रे मन! विषय वासनाओं की तृप्ति के लिए तू दूसरे के धर्म को क्यों अपना रहा है। तुझे झूठ में सच का धोखा कैसे हुआ? परधर्म को अपनाकर तुम तो अपने आवागमन को पक्का बनाकर दुखी हो रहे हो।

                अथवा

2. तेरा धर्म तो आत्म स्वरूप से मिलना है न कि विषय वासनाओं का संग करके तृप्ति हेतु दूसरा धर्म अयनाना। ऐसा करने से तुम जीवन मरन के चक्र में फंस जाओगे।

(आज के इस लल वाक् के दो अर्थ माने जाते हैं। पहले अर्थ में अपने धर्म पर दृढता से टिके रहने के लिए ललेश्वरी समाज को चेतावनी के रूप में कहती है)

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *********

1. ताव (Heat)

2. ताह (Fold/Layer/Stratum/Crease/Surface/Bottom)

3. ताहम (For the time being)

4. ताबीन (Subordinate/Obedient/Follower)

5. ताबेदार (Obedient Servant/Soil servant)

           मुहावरॖ

1. मु: तनि नॖ ज़ऺट ॴसस नॖ म्यॆट 

         बिहिन नॖ जाय

    अ: न्यथॖनॊन तॖ अथॖ छॊन

2. मु: त्वमलॖ सेरस यॆलि शिक्मस

         अंदर बत्तॖ श्रॆपि कथ श्रॆपि

         ना

    अ: कथ व्यपॖरावॖन्य छॆ नॖ

         मुश्किल

3. मु: थ्वकन अथॖ दारॖन्य

    अ: ताबेदऻरी करॖन्य, या, नाज़

         बरदऻरी करॖन्य

**************************

पंचान्ग:- मथॖर बनेयि मथुरा दीवी तॖ मथॖर द्यद पनॖन्यन भख्तन हॖन्दि बापथ। दपान य्वस कूठॖर मथुरा दीवी हॖन्द्य बऻय ॴस ॳम्यसॖन्दि बॆहनॖ बापथ बनऻवमॖच़, तथ्य कूठरि मंज़ प्रऻव स्यॆदी मथुरा दीवी कठिन साधना तॖ तपस्या करनॖ पतॖ। यि तपस्या दपान कऺर मथुरा दीवी अकिस सऺनिस ख्वडस मंज़ त्र्यन वऺरियन रूज़िथ। यि ख्वड दपान ओस खनॖनोवमुत मथुरा दीवी ॳथ्य कूठरि मंज़ॖय। ॳम्यसॖन्दि दर्शनॖ बापथ तॖ ॳम्यसुन्द ॴशिर्वाद रटनॖ बापथ ह्यॆतिन लूख ब्यॊन ब्यॊन जायव प्यठॖ तॖ नऺज़दीक किहो दूर दूर अलाकव प्यठॖ यिन्य। वनॖनॖ छु यिवान ज़ि मथुरा दीवी त्रऻव यि कूठॖर वेरीनागॖच 1940 ई. मंज़ तॖ वऻच़ तीर्थ करनि शऻद्यपोर। तति प्यठॖ दपान मथुरा दीवी गऺयि राम कृष्णा आश्रम, शिवालय, करन नगर, श्रीनगर। यि रूज़ फैरान कॆंच़न जायन तॖ रूज़ दिवान अध्यात्मिक व्वपदीश तॖ व्याख्यान पनॖन्यन भख्तन यपऻर्य यपऻर्य यि फीर। कॆंच़ॖ कऻल्य पतॖ वऻच़ मथुरा दीवी दुर्गा नाग, श्रीनगर यॆति स्वामी शिवरत्नान्दनि दऺस्य आव अख अलग कमरॖ दिनॖ मथुरा दीवी तॖ रूज़ स्व तऺथ्य कमरस मंज़ वारिहास कालस। 1967-हस मंज़ गऺयि मथुरा दीवी वापस वेरीनाग पनॖनिस बऻयसॖन्दिस वनॖनस प्यठ तॖ रूज़ तऺत्य निर्वाण सपदॖनस ताम।ॳम्यसुन्द निर्वाण सपुद 1985 ई. मंज़ वेरीनाग कुटियायि मंज़। कथ छि जऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)