06.10.2020

06.10.2020 ॴशिद(मलमास)(आश्विन/ॳसूज)(मलमासे) गटॖ पछॖ (कृष्ण पक्ष) च़ोरम (देवादेव) (चतुर्थी)(देवादेव) बॊम्वार (मंगलवार),श्री सप्तर्षि सम्वत 5096, राश वृष (चलान) ऋतु हरुद (शरद)(चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

         (पराग पुस्तक-81)

यॆम्य लूब मनमथ मद च़ूर मोरुन

वतॖ नऻश्य मारिथ तॖ लोगुन दास

तमी सहज़ॖ ईश्वर गोरुन

तमीय सोरुय व्यॊन्दुन स्वास

           अर्थात

जिस ने रास्तै से भटकाने वाले विष्यों अर्थात काम, क्रोध, लोभ, मोह आदि (पंचनाशक चोरों) को वश में करके स्वयं शरणागत हुआ, उसी ने सहज ही ईश्वर को सफलता से ढूंढ लिया। ऐसी स्थिति को प्राप्त करके वह शेष सर्वस्व को राख के बराबर समझता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *******

1. ताबवुन/ताबान ( Shining/Glittering/Splendor)

2. ताबेदार (Obedient/Servant/Loyal)

3. ताफ (Sunshine)

4. तापस थवुन (To keep in sun/To put into sun light/To keep pending)

5. तापॖ तॊत (Heated in sun)

              मुहावरॖ

1. मु: ताह करतम शाह करथ

    अ: चीज़स वातनॖ सॗत्य छु 

         चीज़स दार नेरान

2. मु: तापॖ सॗत्य दऻर छऺच़रऻवमॖच़

    अ: वख ज़ायि कऺरिथ ति कॆंह

         हऻसिल न प्रोवमुत

3. मु: तछान तछान नशान कोह

    अ: लगातार कूशिश करनॖ 

         सॗत्य छि मुश्किल कऻम ति

         अंद वातान

      (पनॖन्य शुर्य ह्यॆछॖनऻव्यूख)

**************************

पंचांग:- पंडित लसॖ पंडित सुन्द न्यॆचुव म्यर्ज़ॖकाक छु ज़ामुत दपान  1749 ईसवी सदी मंज़ हांगलगुन्डॖ युस कऺशीरि क्कॊकरनागस (अनन्तनाग) नऺज़दीक गाम छु ओसमुत। म्यर्ज़काक छु ओसमुत अख संत तॗ अख शऻयिर ति। ल्वकचारॖ पानॖ प्यठय दपान रूदमुत छु म्यर्ज़काक भगवान नावस सॗती लीन। म्यर्ज़काक ओस पनॖनि प्यॆचनि मंगतॖ न्यूमुत ति क्याज़ि तऺमिस ओस नॖ पानस कांह औलाद तॖ ओस तमि न्यूमुत हांगलगुन्डॖ प्यठॖ अछन गाम युस पुलवऻमिस मंज़ वाका ओस। तती सप्दॆयि म्यर्ज़काकस पर्वरिश। ग़ुर्बत आसनॖ म्वखॗ दपान म्यर्ज़काक ह्यॊक नॖ तऻलीम हऻसिल कऺरिथ। दपान म्यर्ज़काकन छि ल्वकचारॖ पानॖ प्यठय बड सख़ मॊज़र्य मशक़त कऺरमॖच़, ज़मींदऻरी कऺरमॖच़, ख़ाहस मंज़ दांद वऻयमॖत्य तॖ पनॖनिस प्यॆतरस तॖ प्यॆचनि हॖन्ज़ थॊद वऺथ्य वऺथ्य सीवा कऺरमॖच़। अध्यात्मुक ज्ञान दपान प्रोव म्यर्ज़ॖकाकन अकिस संत पंडित जगन्नाथ सऻबनि सोहबऺच़ म़ज़, युस दपान ओसमुत ओस माजि भवऻनी हुन्द ज़बर्दस्त भक्त। सुय भक्ति भाव लार्यव म्यर्ज़काकस ति तॖ गव यिति लीन माजि भवऻनी हॖन्दिस गुण गाणस तॖ ध्यानस मंज़ तॖ दपान मऻज्य ति टोठेयि म्यर्ज़काकस पूरॖ पऻठ्य तॖ साक्षातकार। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)