19.10.2020

19.10.2020 ॴशिद (आश्विन/ ॳसूज) ज़ूनॖ पछॖ (शुक्ल पक्ष) त्रय (देवादेव) (तृती) (देवादेव) च़ऺन्दॖरवार (सोमवार) श्री सप्तर्षि सम्वत 5096, राश वृश्चिक (चलान), ऋतु हरुद (शरद) (चलान)...नवरात्र (चलान)..दुर्गायि हुन्द ॳज़्युक रूप छु चन्द्रघन्टा

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

   महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

         (पराग पुस्तक-94)

लल बो च़ायस स्वमन बागॖ बरस

वुछुम शिवस शकत्थ मीलिथ तॖ वाह

तऺत्य लय कऺरॖम अमर्यथ सरस

ज़िन्दय मरस तॖ म्यॆ करि क्याह

             अर्थात

जब मैं अपने मन रूपी बाग़ में घुस गई (लीन हो गई) तो शिवशक्ति को एक ही पाया और वहीं पर आनन्द रूपी अमृत पान किया। अब मैं जीवंत मृत हूं, मेरा कोई क्या बिगाड सकता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

               ********

1. टाठ (Mat/Coir mat)

2. टास दिन्य (Thrash/To punish/Beat)

3. टालुन (To avoid/Put off/Get rid of this/Send away)

4. टासॖराय (Loud sound)

5. टऻच (A kind of cap)

               मुहावरॖ

1. मु: चाह कुन राह चाह दरपेश

    अ: युस कऻन्सि बद यॆछ़ि तस 

         छु पानसॖय गुदरिथ यिवान

2. मु: चऻर्य पथॖर

    अ: हज़लॖ पऻठ्य छि तथ बऺस्ती 

         वनान यॆति सऻरी बेकॖल 

         आसन

3. मु: चऻनिस हाकस छु नॖ पाक 

         दिनुक ज़रूरथ

    अ: कऻम करन वऻलिस तऻरीफ

          करॖन्य

           (पनॖन्य शुर्य ह्यॆछॖनऻव्यूख)

**************************

पंचान्ग:- नवरात्रहुक त्रॆयिम द्वह। अज़ छि चन्द्रघन्टा हॖन्दिस रूपस मंज़ मऻज्य दुर्गा आमॖच़ भख्तन हॖन्दि कल्यान करनॖ बापथ। यिम नव दुर्गा ववान छि दपान तिम छि फाकॖ थवान पूरॖ ॴठन दॊहन याने ऒक्दॊह प्यठॖ ॴठम ताम तॖ नवम द्वह छि वऺवमॖच़ नव दुर्गा विसर्जित करान तॖ सॗती कनिकॖ पूज़ा ति करान। कनिकॖ छि पूज़ान ॴठम द्वह ति या नवम द्वह ति। युस ॴठम द्वह कनिकॖ पूज़ान छु, सु छु सतम द्वह फाकॖ थवान तॖ युस नवम द्वह कनिकॖ पूज़ान छु सु छु ॴठम द्वह फाकॖ थवान। बकाया दॊहन फाकॖ थव्या या न थव्ययि छि तऺम्यसॖन्ज़ मनॖच यछ़ा। कनिकॖ पूज़ायि मंज़ ति आमुत छु कति कोर बदलाव। अज़कल छि कनिकॖ सॊम्बरावनि ति अख समस्या ति क्याज़ि आस पास गरन मंज़ छि नॖ शुर्य नज़री यिवान। यथ महामऻरी मंज़ गछ़ि हना ज़्यादय पाहन सख़ती शुर्य याने कनिकॖ सॊम्बरावनस मंज़।कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)