29.10.2020

29.10.2020, ॴशिद (आश्विन/ॳसूज) ज़ूनॖ पछॖ (शुक्ल पक्ष) त्रुवाह (देवादेव) (त्रयोदशी) (देवादेव) ब्रसवार (वीरवार/ बृहस्पतिवार/गुरुवार),श्री सप्तर्षि सम्वत 5096, राश मीन (चलान) ऋतु हरुद (शरद) (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक- 104)

कुस हा मालि लूसुय नॖ पकन पकन

कुस हो मालि लूसुय नॖ व्वलगन समीरु

कुस हो मालि लूसुय नॖ मरन तॖ ज़्यवन

कुस हो मालि लूसुय नॖ करन न्यंद्या

                 अर्थात

ललेश्वरी यहां पर निंदकों के विषय में प्रश्न करती है कि वह कौन है जो चलते चलते थका नहीं? कौन है जो सुमेरु पर्वत को लांघते थका नहीं? कौन मरते और जन्म लेने से थका नहीं? कौन है जो निंदा करते थका नहीं।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              ********

1. जामवार (A variety of shawl/A shawl the whole surface of which is decorated with silken needle work/Calico)

2. जान (Life/Soul/Good/

Sweet heart/Beloved)

3. जानानॖ (Dear one/Beloved/Sweet heart)

4. जानिशीन (Heir/Successor/Survivor)

5. जानॖ मरॖग (One who dies young)

              मुहावरॖ

1. मु: हरामुक माल हरामचि वति

         न यॆति न तति

    अ: हरामॖच कमऻय हरामचि 

         वति गछ़ॖन्य

2. मु: हलहालस हिसाब तॖ 

         हरामस अज़ाब

    अ: हलालकिस पूरॖ हिसाब 

         थवुन तॖ हरामस सज़ा 

         तुलुन

3. मु: हवऻल्ययथ हय आसि 

         वनॖक्य हापथ ति दारन

         हवऻल्ययथ नय आसि 

         गरिक्य बऻच़ ति रावन

    अ: पनॖन्यन कर्मन तॖ आमालन

          हुन्द फल

       (पनॖन्य शुर्य ह्यॆछॖनऻव्यूख)

**************************

पंचान्ग:- रटुन छु असी नम पनॖनि यीरॖवॖन्य नावि ताकि सऻन्य शुर्य गछ़न नॖ अथॖ मंज़ॖ नीरिथ। नना जी सूज़ुख कूर वुछनि तॖ वापस आव गरॖ तोबॖ करान। प्रॖछ़नस प्यठ वॊन नना जियन ज़ि कोरि प्रुछ़ सवालॖ ज़ि गरस मंज़ कऻत्याह डस्टबिन छिवॖ। स्यॊद सादॖ नना जियन वॊननस ज़ि त्रॆ च़ोर, याने अख चोकस मंज़, ब्याख बैठकि मंज़ तॖ ब्यॆयि अख ज़ॗ ब्यड रूमन मंज़। कोरि त्रॊव असुन तॖ दॊपनस बॖ छस नॖ तिमन डस्टबिनन हॖन्ज़ कथ करान बल्कि ज़ानुन यछ़ान ज़ि बुज़ुर्ग नफ़र कऻत्याह छि तुहॖन्दिस गरस मंज़ यिमन म्यॆ प्यॆयि खान्दरॖ पतॖ खऺदमथ करॖन्य। ख्वरव तलॖ च़ऺज्य म्यॆच़ नीरिथ नना जियस। वुछनाह कॊरुन कोरि तॖ दूरी कॊरनस नमस्कार। यि हाल अगर छु खान्दरॖ ब्रोंठुय, खान्दरॖ पतॖ क्याह आसि। यिछ़य छि वारियाह मिसालॖ। कऻच़हान हुन्द बखान करव। कोरि अकि त्रोव वऻरिव गरॖ यि वुछिथ ज़ि तसुन्द माहराज़ॖ ओस दफ्तरॖ प्यठॖ गरॖ यिथ ग्वडॖ स्यॊदुय पनॖनि माजि निश गछ़ान तॖ अदॖ ओस पनॖनि आश्यनि निश गछ़ान। यि गव नॖ बर्दाश्त ॳमिसॖन्ज़ि ज़नानि। ब्यॆयिस जायि सूज़ॖख बिमला जी लऺडकॖ वुछनि। स्व आयि बारव दिवान ज़ि यि लऺडकॖ छु नॖ सिग्रेट च्यवान, सिनेमा गछ़नुक छु नॗ शोख थवान तॖ खान्दरॖ पतॖ किथॖ पऻठ्य गुज़ारि ज़िन्दगी यिथिस लऺडकस सॗत्य। रंगॖ रंगॖक्य रंग छि सऻनिस समाजस मंज़। कऺशीरि न्यबर नीरिथ छि सान्यन शुर्यन द्रामॖच़ ज़्यादय ख्रख तॖ छि नॖ अथि यिवान व्वंय। यिमन मसलन छु असी हल छ़ान्डुन, व्वपर यी नॖ कांह ह्यॆछनावनि। पनुन ह्यॆछनावि तॖ वदनावि, व्वपर ह्यॆछनावि तॖ असनावि। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)