20.10.2020

20.10.2020, ॴशिद (आश्विन/ॳसूज) ज़ूनॖ पछॖ (शुक्ल पक्ष) च़ोरम (देवादेव) (चतुर्थी) (देवादेव) बॊम्वार (मंगलवार) श्री सप्तर्षि सम्वत 5096, राश धनु (रऻच़ हॖन्ज़ॖ 2.11बजि प्यठॖ), ऋतु हरुद (शरद) (चलान)... नवरात्र (चलान)  (दुर्गा छि अज़ कूष्मांडा रूपस मंज़)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

        (पराग पुस्तक-95)

ग्वरॖ कथ हृदयस मंज़ बाग रऺटॖम

गंगॖ ज़लॖ नऻवॖम तन तय मन

सदेह ज़ीवन मुक्ति प्रऻवॖम

यमॖ भय च़ॊलुम पोलुम अख

           अर्थात

मैं ने गुरु वाक्य पर पूर्ण विश्वास करके अपने मन को शुद्ध भावनायुक्त अर्थात गंगवत निर्मल किया। गुरु वाक्य से तथा एक ही का अनुसरन करने से मृत्यु का डर समाप्त होकर अंतत: मैं इसी शरीर समेत जीवन मुक्त हो गई।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. टाठिन्यार (Love/Affection/Kindness/Regard/Tender)

2. टासुर (Not deep)

3. टासराय रूद (Heavy rainfall)

4. टाकारॖ (Clear/Come in front/Appear/Come in sight)

5. टाकऻन्य (Cap)

                मुहावरॖ

1. मु: चायि तॖ लायि गछ़ि ऒगुन

         आसुन

    अ: दॊयिमि सॗति मदॖतॖ वरऻय छु 

         नॖ कार अंदान

2. मु: चंदॖ बांदव

    अ: आसनॖ बासनॖ विज़ि यारज़

         लागन वोल

3. मु: चंडाल बापार

    अ: बद मिज़ऻजी

      (पनॖन्य शुर्य ह्यॆछॖनऻव्यूख)

**************************

पंचान्ग:- वख छु नेरान तीरॖक्य पऻठ्य। अज़ च़ायि ॳस्य नवरात्रॖकिस च़ूर्मिस दॊहस मंज़। ॳज़्यकि द्वह दपान दुर्गा जी छु दोरमुत कूष्मांडा हुन्द रूप लोक कल्याण बापथ। दपान शास्त्रॖ मुतऻबिक गछ़ि कन्यायि हॖन्ज़ वऻन्स आसॖन्य दु वऺर्षि प्यठॖ दऺह वऺर्षि ताम। न गछ़ि वऻर्शिन कूर आसॖन्य तॖ न गछ़ि दहि वुहॖर्य ह्यॊर कन्या आसॖन्य। स्यठाह जान छु यॊदवय नव कन्यायि आसन तर्तीबवार वऻन्सि याने दु वऺरिष्य, त्रु वऺरिष्य, च़ु वऺरिष्य, पांच़ॖ वऺरिष्य, शु वऺरिष्य, सतॖ वऺरिष्य, ॴठॖ वऺरिष्य, नव वऺरिष्य तॖ दऺह वऺरिष्य (नव कन्यायि)। ग्वडॖ ॴस्य कन्यायन ख्वर छलान, ट्यॊक करान, नऻर्यवन गंडान तॖ पतॖ ॴसिख प्रसाद ख्यावॖनावान। प्रसादस मंज़ ॴस्य ख्यावान हऺल्वॖ, पूर्य, छोले ॳकिस क़तारि मंज़ बेहनऻविथ। वख गव बदलान, नज़ाकतन गॊन्ड कमर तॖ प्रथा ति गऺयि बदलान सॗत्य सॗत्य। ग्वडॖ ॴस्य प्रसाद ख्यऻविथ अख रॊपय दक्षणा ति दिवान। व्वं छि दऺह रॊपियि प्यठय शुरु करान। अज़कल छि प्लेट ति दिवान दक्षणायि सॗत्य सॗत्य। नवन कन्यायन सॗत्य दपान गछ़ि अख ल्वकुट लऺडकॖ ति आसुन। ॳमिस लऺडकस छु नाव प्यवान लॊंगूर अथ मोकस प्यठ। यिथ पऻठ्य छु नवरात्राहन अंद यिवान वातनावनॖ। कथ छि जऻरि

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)