01.08.2019

01.08.2019,श्रावणॖ (सावन) गटॖ पछॖ (कृष्ण पक्ष) मावस (देवादेव) (अमावस्या)ब्रसवार (वीरवार/ब्रहस्पथवार)श्री सप्तर्षी सम्वत 5095,राश कर्कट (चलान)ऋतु वर्षा (चलान)...
चूंकि पगाह छु ऒक्दॊह रावान, पगहुक वॊहरवोद यी ॳज़्य यानि मावसि द्वह
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: वावस नावॖ सऻल
    अ: बे मॊकॖ कऻम करॖन्य
2. मु: वालॖ वालॖ खोसॖ
    अ: कऻन्सि हॖन्ज़ सऻरॖय दौलथ
          विटि विटि ख्यॆन्य
3. मु: वाज़ गव लूकन क्युथ
    अ: अमल नॖ करॖन्य/दॊयम्यन
         परुन तॖ पानस पॖर पॖर
4. मु: वाख वाख ध्वनि भैरवी
    अ: वनॖनॖ वनॖनॖ कऺरिथ छु ती
         सपदान
5. मु: वारिनि निश शुर थवुन
         खऺटिथ
   अ: राज़दारस निशि राज़ खटुन
**************************
1. ज़ऻबतॖ.....Rule/Code of
                law/Regulation/
                Discipline
2. ज़ऻबतॖ बनावुन....To act
              according to law
3. ज़ऻबतॖ तऻलीम... Education
                            code
4. ज़ऻबतॖ दीवऻनी...Civil proce
                            dure code
5. ज़ऻबतॖ फ़ौजदऻरी..Criminal
                  procedure code
6. बे-ज़ऻबतॖ...Out of the way
7. ज़ऻलदार....Chief of cer-
               tain area/Leader
8. ज़ऻमिन....Surety/Security
9. ज़ऻमिन बनावुन....To stand
                           surety for
10. ज़ऻमिनी...Surety/Securi-
                     ty/Guarantee
**************************
        गीता ज्ञान  :अध्याय 14
युस भक्ति भावॖ लगातार म्यॆ स्वरान, सु ठीख पऻठ्य त्र्यन ग्वनन तार लबान
म्यॆ ब्रह्मस प्रावनस लायक़ बनान
वॊन भगवानन गीता ज्ञान
**************************
गऺयि तिम द्वह, गऺयि तिम गोरि ति द्वद कॖनिथ। वॊन्य छु नोव आलम।
असि ति प्यॆयि जबरन मऺशरावुन सु वख यॆलि सऻन्य ज़िठ्य ॴस्य नॖ मुसलमानॖ सॖन्दि अथॖच त्रॆश ति च्यवान। मुसलमानस ॴस्य नॖ कुठिस अंदर अच़नॖ दिवान। अज़कल छु श्रावण रयथ चलान, जयपोरस मंज़ व्वथ ज़ात-पातुक हंगामॖ, यॆलि ॳक्य शख़सन मंगॖनोवमुत ख्यन वापस कॊर यि वऺनिथ ज़ि सु ख्यन ओस ॳकिस मुसलमानन ओनमुत सु ति यथ श्रावणकिस रयतस मंज़ युस तऺम्यसॖन्द्य बापथ श्रूच़ तॖ पवित्र रयथ छु यिवान मानॖनॖ। ख्यन सोज़न वऻल्य वॊनॖनस दर जवाब ज़ि ख्यनस छु नॖ धर्मॖच बंदिश।
बवाल गव खड़ा। टी वी-यस प्यठ चल्यव बऺहस मुबऺहस। म्यॆ प्यव पऺतिय दौर याद कऺशीरि मंज़ ॴस्य नॖ ॳस्य ति मुसलमानन सॗत्य ख्यन-च्यन करान, तऺम्यसॖन्दि अथॖ चाय ति च्यवान, पान्युर ओस पोन्य सारान च़ूर्यमिस पोरस ताम पां मलॖर खारान तॖ चोकस निश गरवंजस प्यठ मलॖर थवान मगर अंदर अच़नस ॴसॖस आसान ममऺनियत। सऻन्य ज़िठ्य ॴस नॖ गन्डॖ, टमाटर, रोहनॖ ख्यवान यि ज़ऻनिथ ज़ि यिम चीज़ छि छ़्यट। मगर वख बदल्यव, दफ्तरन मंज़ या बाकॖय अदारन मंज़ या होटलन मंज़ छि अज़कल सार्यॆय ज़ऻच़ रलमिलॖ गऻमच़ॖ। कुस कऺम्यसॖन्दि अथॖ क्याह छु ख्यवान-च्यवान अम्युक ख़यालॖ म्वकल्यव मजबूरन या ज़ऻनिथ मऻनिवथ, छ़ॊट-श्रूच़ छु व्वंय बस तोतथ ताम यॊतथ ताम कऻन्सि हुन्द दखॖल-अन्दाज़ छु नॖ। व्वंय छि सऻरी सोरुय सारिनी जायन सारिनी सॗत्य ख्यवान च्यवान। बस फ़ाकॖ-वाकॖ, श्रूच़-छ़्यॊट, शाकाहऻरी या मांसाहऻरी आसुन छु व्वंय द्वह वुछिथ, वार तॖ व्यस्तार वुछिथ लूख व्यतरावान तॖ युस कांह संजीदॖगी हावि सु छु तिथय पऻठ्य प्यतरावान यिथ पऻठ्य जयपोरस मंज़ तऺमिस बलेमानसस प्यव प्यतॖरावुन। रामॖ लगय च्यानि लीलाये।
**************************
"ग्वरॖय मोल तय ग्वरॖय मऻज्य
ग्वरॖय दिवान न्यत्रन गाश
यॆम्य छ़ऺरिस मऺरिस वस्त्र लऻगी
छुय पुण्यस भागी पापस नाश"
 पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogsport.com ति वुछिव)

31.07.2019

31.07.2019 श्रावणॖ (सावन) गटॖ पछॖ (कृष्ण पक्ष) च़्वदह (देवादेव) चतुर्दशी, ब्वदवार (बुधवार),श्री सप्तर्षी सम्वत 5095, राश कर्कट (दुहचि 9.14 बजि प्यठॖ) ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: यार ज़ागान छ़लस तमऻक्य
         चिलिम च्यॆयि तॖ च़लि
    अ: ख्वद ग़र्ज़ी हॖन्ज़ अलामथ
2. मु: यारस मऻज्य मॊई तॖ लूकॖ
         सासा, यार मूद तॖ कुनि नॖ
         कांह
   अ: यारसॖय सॗत्य छि यारऻनी तॖ
      रिश्तॖ, यार मूद तॖ रिश्तॖ छ़्यॊन
3. मु: युपस शुप डखॖ
    अ: ख़र्च ज़्यादॖ आमदनी कम
4. मु: यथ वावॖ हालि च़ॊंग कुस
         ज़ालि
    अ: मुसीबतस मंज़ जुर्रतॖच
         कऻम अन्जाम दिन्य
5. मु: यथ कलस नॖ ग़ऻरथ स्व
         गऺयि अल
    अ: इन्सानस गछ़ि ग़ऻरथ
         आसुन
**************************
1.  स़ऻबिर.... Patient/Endur-
                   ing for bearing
2. स़बॖर......Patience/Endu-
                 rance
3. स़ाबन..... Soap
4. स़ाबऺनि चऻट्य....A cake of
                soap/Soap bar
5. साहब....Boss/Term of
              respect/Courtesy
6. साहबि इकॖबाल....Lucky/
                            Fortunate
7. स़ाहबि कमाल....Perfect/
                   Accomplished
8. स़ादिक़.....True/Sincere/
                   Faithful/Just
9. स़ाफ़.......Clean/Clear/
                   Bright (sky)/
                   Plain/Simple
10. स़ाफ़ इन्कार करुन....To
                    refuse point
                    blank
**************************
        गीता ज्ञान  :अध्याय 14
 मान अपमान दोस दुश्मन समान
अबिमानॖ रॊस आसान सु कर्मॖवान
तस प्वरुशस ग्वनातीत वनान
वॊन भगवानन गीता ज्ञान
**************************
 मानॖनॖ छु यिवान ज़ि रातुक फऻसलॖ छु अख एतिहासिक फ़ऻसलॖ कि मुसलमानन हुन्द तीन त़लाक़ बिल आयि पास करनॖ राज्य सभाय मंज़ बहुमत वोटव सॗत्य। बिलि हॖन्दिस विरोधस मंज़ ॴस्य 84 वोट तॖ हक़स मंज़ ॴस्य 99। सऻन्य कोनून ति छि यॊदवय वुछव तॖ हऻरान करान वख्तॖ वख्तॖ। च़ॊयशीतन वोटरन हॖन्ज़ राय रूज़ बालाय ताक़स तॖ नमनमतन हॖन्ज़ राय खऺच़ क्रायि पाकस। यिथी फ़ासलॖ आयि वुन्युखताम करनॖ वारिहान मोकन प्यठ। सियासत छि स्यठाह गन्दॖ चीज़। खऻर।व्हाटसापस प्यठ वुछ म्यॆ राथ, त्वहि ति आसिवॖ च़्यूनमुत, ज़ि तीत्य आसन नॖ मुसलमान ख्वश गऻमॖत्य यीत्य यि ख़बर बूज़िथ कऻशिर्य बट्टॖ गऺयि। प्रथ ग्रुपस मंज़ आव मुबारक फिरनावनॖ अख ॳकिस। म्यॆ तॊर नॖ फिकिरि ज़ि असि कुस ज़्युत लॊब यि बिल पास गछ़नॖ सॗत्य। शायद मा आसिनॖ म्येय च़ऻरिस समज आमुत मगर सानि फऻयदॖच ॴसा अथ मंज़ कथ कॆंह। म्यॆ छु याद यिवान ज़ि असि बटन करेयोख ग्यस्ट-कन्ट्रोल कऺशीरि मंज़ वारियाह समय ब्रौंठ, युस सऻनिस फ़ऻयदस मंज़ ओस, मगर च़ूरि छ़्यपि, फुटॖरोव सु क़ोनून असि पनॖनि ख्वदग़र्ज़ी किन्य। वनॖनुक मुद्दा छुम ज़ि ॳस्य छि ब्यॆयिस वुछिथ व्वटॖ तुलान तॖ पनुन गर्दनि मल छु नॖ बोज़नॖ यिवान। यिम वोट अथ बिलि ख़लाफ़ ॴस्य तिम कयाह सना करन व्वंय। वुछव ॳस्य ति तमाशा किथ पऻठ्य छु चलान ज़माना
**************************
"आंच़ऻर्य बिचऻर्य व्यच़ार वॊनुन
प्राण तॖ रुहुनॖ ह्यॆयिव मा
प्राणस बुज़िथ मज़ा च़ॖहुन
नदुर छुय तॖ ह्यॆयिव मा"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

30.07.2019

30.07.2019 श्रावणॖ (सावन) गटॖ पछॖ (कृष्ण पक्ष) त्रुवाह(देवा-
देव) त्रयोदऺशी, बॊम्वार (मंगलवार)
श्री सप्तर्षी सम्वत 5095, राश मिथुन(चलान),ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: याजि पऻजामॖ
    अ: बे-रब्द/बे-वऺतीरॖ
2. मु: या गछ़ि बनुन न तॖ क्याह
         वनुन
    अ: कऻम अंजामस ताम वऻतिथ
          गछ़ि थ्यकुन
3. मु: यार ज़िन्दॖ सेहतयऻबी
    अ: ज़िन्दॖ ज़ुवय छि प्रॖछ़गऻर
4. मु: या च़लुन या च़ालुन
   अ: यॆमिस नॖ त्वछ़ आसि तऺमिस
        पज़ि नॖ मऻदानस मंज़ वसुन
5. मु: या पूर नतॖ दूर
    अ: कऻम अंद वातॖनावॖन्य नतॖ
          नॖ मटि ह्यॆन्य
**************************
1. शाबाश.....Well done/
             Excellent/Brave/
             Buck up
2. शाख़........Branch
3. शाख़-तरऻशी....Cutting/
         Pruning of branches
4. शाद......Glad/Pleased/
            Joyful/Cheerful
5. शादमऻनी.... Happiness/
                       Rejoicing
6. शादाब....Green/Lush/
          Radiant with health
7. शऻद्य...Marriage/Delight/
              Pleasure/Wedd-
              ing/Rejoicing
8. शऻद्यमर्ग.....Death from
                     sudden joy
9. शास्त्र..... Knowledge of
             scientific treatise/
            Hindu code of law
            having religious
            sanction
10. शास्त्री.....A scholar of
             scientific treatise/
          One skilled in Hindu
          law
**************************
        गीता ज्ञान  :अध्याय 14
ज्ञऻनी टोठ अटोठ ह्युवुय ज़ानान,
न्यॆन्दाय तॖ तऻरीफ़ ज़ानान समान
न कुन्युक ग़म न खुशी आसान
वॊन भगवानन गीता ज्ञान
**************************
मुबारक छु असि कऻशिर्य बटन ज़ि असि छु आमुत न्यमंत्रन कऺशीरि प्यठॖ संदीप मावा सऻबुन। दपान तऺम्य छि सानि बापथ व्यवस्था कऺरमॖच़ ज़ि युस ति कांह यॆछ़ि कऺशीरि वापस गछ़ुन तॖ तति बसुन तऺमिस पज़ि संदीप जियस सॗत्य रऻबितॖ कऻयिम करुन तॖ सु करि ब्यॆहनॖच व्यवस्था मुफुत कम से कम श्यन रयतन यॊताम सु पनुन ख्वर सम्बालि। यि छु संदीप जियन बडॖ नफ़ीस क़दम तुलमुत तॖ आफ़रीन तॖ मरहब्बा छु ॳम्यसॖन्दिस यिथिस रॖतिस ख़यालस प्यठ। यि छु हऻविथ दिवान ज़ि कोताह च़ुक छु संदीप जियस पनॖनि समाजुक। बोज़ान ओसुस ज़ि तऺमिस छि पानस तति बिहिन किछ़ जाय तॖ ततिक्यन लूकन हॖन्ज़ माय ति क्याज़ि तऺमिस छि आश्यन्य तति ची अख मुसलमानबाय। यॊदवय सऻनिस समाजस मंज़ कऻन्सि यछ़ा छि वापस कऺशीरि तरनॖच, यि छस रॖच़ राय वुन्यक्यनस संदीप जियिन्य तॖ तऺमिस पज़ि तऺम्यसॖन्दिस लोलस लोल बरुन तॖ मऺशरावुन ज़ि अज़ त्रॖह वऺरी ब्रौंठ क्याह क्याह सितम आयि, मऺशरावुन पज़ि सु क़हर युस तिमव तुल नमतस मंज़ तॖ किथॖ पऻठ्य च़ऺलरऻविख कऻशिर्य बट्टॖ रातो राथ। हऻरान छुस बॖ  पऺरिथ संदीप जियुन यि न्यमंत्रन व्हाटसापस प्यठ तॖ सौंचान छुस ज़ि यिथ्य हि नफ़र कमि म्यॆच़ि हॖन्द्य छि भगवानन बनऻवमॖत्य। हऻरान छुस बॖ यि वुछिथ तॖ बूज़िथ या पऺरिथ ज़ि समान किथ पऻठ्य छु यिमन बुथ तॖ खुले-आम युथ ह्यु शर्मनाक न्यमंत्रन दिवान। मऺत्य आब। पूरॖ मऺत्य आब। अकि तरफ़ छि मुफ़्ती महबूबा तयार कऺशीरि तलातुम तुलनॖ बापथ याम धारा 35A या 370 हटावनॖच घोषणा गछ़ि, अकि तरफ़ छि सऻन्य कॆंह ततिकिस अलगाव-वादस सॗत्य नालो नाल, ब्यॆयि तरफ़ॖ छि आतंकवऻद्य प्रारान सऻनिस वापस तरनस ताकि तिमन यी ब्यॆयि अकि फिरि असि सॗत्य च़ूरि च़ूरि तॖ मारा मऻरी गिन्दनस मज़ॖ। यि कॆंछ़ा असि बचोमुत छु तथ क़ब्ज़ॖ करनॖ बापथ छि तिम सऻनिस स्वागतस प्रारान। क़ऻतिल छि मुर्यन मंज़ ज़ागि असि ज़ि कर तरव ॳस्य तॖ कर यी वऺसिथ ब्यॆयि पऺस्य। यि मॆहर मा गछ़ि असि पनॖन्यन हॖन्दी दऺस्य म्यॆ छु फ्रठ।
**************************
"आंचार हऻन्ज़न हुन्द गोम कनन
नदुर छुय तॖ ह्यॆयिव मा
ति बूज़ त्रुक्यव तिम रूद्य वनन
च़ेनुन छुवॖ तॖ च़ीनिव मा"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

29.07.2019

29.07.2019 श्रावणॖ (सावन) गटॖ पछॖ (कृष्ण पक्ष) बाह (देवादेव)(द्वादशी) च़ऺन्दॖरवार (सोमवार) श्री सप्तर्षी सम्वत 5095, राश मिथुन (सुबहॖचि 6.54 बजि प्यठॖ) ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: हापतस अथि ओट मांड-
         नावुन
    अ: नाक़ऻबिलस अथि कामि
         न्वकसान वातॖनावुन
2. मु: हापुत करिहेना च़्वचि मगर
         ओट कति अनि
    अ: आसुन छु ह्यॆछनावान तॖ न
          आसुन छु मंदॖछावान
3. मु: हामॖ ब्योल द्राव श्यॆठि
         दॊह्य क्राव
   अ: कुनि कामि ग्वड बऺरिथ छि
         फलॖच आश रोज़ान
4. मु: हऻर ख्यवान गॖस कऻर थऺज़
         थऻविथ
    अ: ॴब थ्यकॖनावॖन्य/अपज़ी
         नऺखरॖ करॖन्य
5. मु:हऻन्ज़व त्रऻव्य ज़ाल तॖ गाडव
         ह्यॆछि व्वटॖ
   अ: पनुन बचाव सौंचुन तॖ करुन
        प्रथ मुसीबतस मंज़ बच-
        नुक हल
**************************
1. सऻबिक़ॖ.... Former/Prior/
                   Fore/Previous/
                  Earlier/Prefix
2. साथ......Along with/To-
                gether/Together
                with
3. सात...Time/Opportunity
              Auspicious time/
              Omen
4. सातॖ हुसॆन..An auspicious
                     time/A good
               omen/A period
               of 1.48 minutes
5. सात आसुन....To have a
                   lucky moment
6. सात रटुन....To start at an
                 auspicious time
7. सातॖ सातॖ...At time/ Now
                 and again/On
                 all times
8. साद.....Saint/A religious
                or holy man/A
                hermit/Flavour/
                Relish/Delicious-
                ness/Pleasure
9. सादॖ.....Simple/Plain/
                Blank
10. सादॖ बॆडोल... Clumsy/
                         Simpleton
**************************
         गीता ज्ञान :अध्यायात 14
लगातार तिम शांत भाव रोज़ान, छि स्वख द्वख ज़ानान यकसान
म्यॆच़ि किन्य स्वन रौफ ह्युवुय बासान
वॊन भगवानन गीता ज्ञान
**************************
वुनि छु दानस त्यॊंगुल त्रावनय दॖह ह्यॊतुन व्वथुन। दपान महबूबा मुफ़्ती ज़ि स्व तुलि तलातुम कऺशीरि मंज़ याम धारा 35A-यस कांह हटावनॖच छेड-छाड करि।
कांह सौंचि ति धारा 370 कऺशीरि मंज़ हटावुनॖ बापथ। तमि दिच़ॖ क्रख पनॖनिस ल्यकचरस मंज़ बडि बडि तॖ दॊपुन कुनि सूरतस मंज़ गछ़ि नॖ म्वकलुनॖ 370 या 35A कऺशीरि मंज़ॖ। व्वंय छु वुछुन दम कऺमिस कॊताह छु दॊयव "म"-अव मंज़ॖ। यानि
यि छा मोदी जियस मंज़ किनॖ महबूबाय जी-यि मंज़। धारा हटि या ना हटि, तॗर खऺच़ कऻशिर्य बटस मटि तॖ प्यव ब्यॆयि सौंच़स ज़ि कऺशीरि वापस तरुन छा दऻनिश्यमंदी किनॖ नादऻनी। गव ब्यॆयि द्वन तॖ च़्वन मंज़ यि पंडिथ सऻब तॖ ह्यॊतुन  ब्यॆयि अकि फिरि सबीलॖ कांह  छ़ान्डुन अमि ज़ालॖ मंज़ नेरनुक । यपऻर्य छि क्वस ताम टीम तॖ कॆंह  सदस्य
लऺगिथ अलऻन्द्यन थपॖ दिनस। लऺगिथ छि तिम हवहऻस मंज़ इमारत बनावनस। तक़दीरस तॖ तदबीरस मंज़ छु यि कऻशुर बटॖ अवेज़ान ब्यॆयि अकि फिरि। प्रारान कुस तॖ कर करि अथ मसलस समादान। रामॖ लगय च्यानि लीलाये।
**************************
"मंदछि हऻन्कल कर छ़्यनम
यॆलि ह्यडुन गेलुन असुन प्रावॖ
आरुक जामॖ कर सना दज़्यम
यॆलि अंद्रिम खार्युक रोज़्यम वारॖ"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
    भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

28.07.2019

28.07.2019 श्रावणॖ (सावन) गटॖ पछॖ (कृष्ण पक्ष) काह(देवादेव) आथवार (रविवार/ एतवार)श्री सप्तर्षी सम्वत 5095, राश वृष (चलान) ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: वातल बटॖवार
    अ: अपुज़ वादॖ करुन/अज़
          पगाह करुन
2. मु: वातलस दिच़्यॊख डायन
         गर्यन राज तऺम्य कॊड दालुव
         ज़रॖब
    अ: थज़र प्रऻविथ ति नज़र छ़ॊट
         आसॖन्य/पनॖन्य ख़ऺसलथ
         नेशनावॖन्य
3. मु: वान्या मठस नय छुय तॖ
         वुठस ति छुय ना
   अ: अथॖ नय कथि सॗत्य हमदर्दी
         ति करॖन्य/युस नॖ अथॖ रंग्य
         या कथि रंग्य मदद करि
4. मु: वाजि सान अथॖ प्यठ थवुन
    अ: कांह रुत करनॖ वरऻय
          मिन्नथ खारॖन्य
5. मु: वादस वाद न्यालस न्याय
    अ: वाद वाद करुन/बे-लिहाज़
         पऻठ्य वरताव करुन
**************************
1. त्रेशिहॊत.....Thirsty
2. ब्वछिहॊत....Hungry
3. मायिहॊत.....Lovely
4. बहादुर.......Brave
5. खोच़ॖबॖड..... Coward
6. च़ार...........Select
7. च़ीर्य...........Late
8. च़ूर............Thief
9. च़ोर...........Four
10. च़र..........Bug
**************************
        गीता ज्ञान  :अध्याय 14
यि ज़ऻनिथ छु नॖ परेशान सपदान,ज़ानान ग्वनय ग्वनन मंज़ वरतावान।
परमॖ ब्रह्मस मंज़ दऺरिथ रोज़ान
वॊन भगवानन गीता ज्ञान
**************************
पनॖन्यन सबन गछ़न पनॖन्य वाज़ आसॖन्य। अदॖ छु ख्यनस मज़ॖ लगान। सऻन्य बदकॖसमती छि यि ज़ि असि छि नॖ पनॖन्य वाज़ॖ मेलान  यिम सबि मंज़ बिहिथ लूकन पनॖनि अथॖ ख्यावहऻन। अर्ज़न नाथ कौल (साहिब) सऻबस आयि के ई सी एस एस-स हालॖ, पम्पोश एनक्लेव, दिल्लि मंज़ राथ यानि 27.07.2019 द्वह श्रद्दांजली दिनॖ। हाल ओस कऻशिर बटव सॗत्य बऺरिथ यथ मंज़ मर्द, ज़नानॖ ॴस्य ब्यॊन ब्यॊन जायव प्यठॖ आमॖत्य।मगर शर्मि-हॖन्ज़ कथ छि यि ज़ि कऻशुर प्रोग्रामस मंज़ ओस प्रवचन दिनि आमुत ब्यॆयि ज़ऻच़ हुन्द नफ़र तॖ भजन कीर्तन ति कऺर तऺमी पेश। क्याह सानि पनॖनि ज़ऻच़ मंज़ ओस ना कांह ति त्युथ कऻबिल शख़स युस श्रद्दांजली हुन्द प्रवचन ह्यॆकिहे दिथ तॖ भजन कीर्तन करनॖ बापथ आव ना  पनॖनि ज़ऻच़ मंज़ कांह ति अथि व्यवस्था करन वाल्यन युथ तिमन प्यव व्वपर ज़ऻच़ हुन्द सहारॖ छ़ान्डुन। हमाकतॖच कथ छि यि। कौल (साहिब) सऻब ओस रूदमुत कश्मीर सम्मति दिल्लि हुन्द प्रेज़िडैंट तॆलि यॆलि नॖ अज़्यक निगाहबान सम्मति हॖन्दि ज़ामॖत्य ति आसहऻन। विडम्बना वऺन्यतव या सानि समाजिच त्रासदी वऺन्यतव ज़ि तमि सम्मति हुन्द ओस नॖ अख ति सदस्य राथ श्रद्दांजली प्रोग्रामस मंज़ हऻज़री दिनॖ बापथ आमुत। युसुय रॊछुम तऺस्य निश रछतम ख्वदायो। ताहम प्रोग्राम रूद ठीख मगर यॆमि मकस्दॖ बापथ ए एन कौल ( साहिब)सऻबन पनुन यॊगदान द्युतमुत छु, तमिची कमी बास्यॆयि म्यॆ राथ। माजि-ज़्यव ज़िन्द थावनॖ बापथ वऻच़ कौल सऻबस कऻम करान मगर एंकर ओस हॆन्दी पऻठ्य वार्तालाप करान युस नॖ शूबवुन ओस। कॆंच़व शख्सव कऺर कऻशिर्य ज़बऻन्य मंज़ॖय ख़राजे ॳकीदत पेश युस स्यठाह शूबवुन ओस। शर्मी हॖन्ज़ कथ छि मगर कश्मीर सम्मति वाल्यन हॖन्दि बापथ, यिमव अथ मॊकस प्यठ लॊब ह्यॊत। कुस यज़थ थोव तिमव पनॖनिस पानस तॖ तिम कयाह दिन सऻनिस समाजस
**************************
"गऻफ़िलो हॖकॖ क़दम तुल
 वुनि छय सुल तॖ छ़ान्डुन यार
पर कर पऻदॖ पर्वाज़ तुल
वुनि छय सुल तॖ छ़ान्डुन यार"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

27.07.2019

27.07.2019, श्रावणॖ (सावन) गटॖ पछॖ (कृष्ण पक्ष)दऺहम (दशमी)बटॖवार (शनिवार/ शनिश्चरवार),श्री सप्तर्षी सम्वत 5095, राश वृष(चलान) ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: नाफऻहम गव सु यस ना-
          फऻहमस सॗत्य कऻम गछ़ि
    अ: नाफऻहमस सॗत्य करुन गव
          नादऻनी हुन्द निशानॖ
2. मु: नानि रॊस शुर गव पानि
         रॊस दानि
    अ: नान्य छि शुरिस रछनॖ
         खऻतरॖ तिछ़ॖय ज़रूरी युथ
         दान्यस पोन्य
3. मु: नाटॖ गऺन्ज़रिथ रस मीनिथ
    अ: यॆति प्रथ कांह चीज़ हदस
         मंज़ आसि
4. मु: नादानस नसीह्यत करॖन्य
         गव पंज़्यन नून द्युन
    अ: बेवकूफ़स छॆ नॖ नऺसीह्यत
         व्यपान
5. मु: नाटि-फॊल छु नफ्च़ुक
         ब्यॆमॖ
    अ: म्यूठ चीज़ छु प्रथ कऻन्सि
         टोठ
**************************
1. खरबूज़ॖ.......Melon
2. ह्यन्दॖव्यन्द ... Watermelon
3. दछ.........Grapes
4. दऻन....... Pomegranate
5. तुल.....To pick up/Mulb-
               erry
6. ख़ार..... Blacksmith/To
                 raise
7. तार.......Wire/To cross
8. तोर..Wooden door lock/
           Having put through
9. तॗर.....Cold
10. तीर....Arrow/Flock of
                sheep
**************************
        गीता ज्ञान  :अध्याय 14
 तमोग्वनुक रूप मॊह तॖ द्वख आसान, युस यिमन प्रऻविथ दॖय नॖ करान।
न प्रावनॖ अमिच कांख्या ति करान
वॊन भगवानन गीता ज्ञान
**************************
छि च़ालॖन्य पनॖन्य दऻद्य पानय, छु वख्तुक व्वंय यी फ़सानय। ब्यॆनि बऻय बन्द तॖ बान्दव, छि अज़कल व्वंय अख बहानय। मगर कॊर म्यॆ त्राहि त्राहे, ब्वरुत गरॖ छ़ॊर याम नज़र आम। मऺशिथ गोम ग़म म्यॆ पनुनुय, ग़म च्योन याम नज़र आम। ॳकिस कऻशिर बजि ज़नानि वुछुम अख ल्वकॖट जवान कूराह  मायिकि प्यठ प्रॖछ़गऻर करान ज़ि किथ पऻठ्य तॖ क्याज़ि द्रायवॖ कऺशीरि प्यठॖ कुनवुहशथ तॖ नमतस मंज़। यि कऻशिर्य बट्यन  ॴस ज्यॆमिस मंज़ जगती रोज़ान तॖ कूर ॴस दूरदर्शनॖकि कमि ताम चन्नलि प्यठॖ आमॖच़। वऻन्सि तलॖ बास्यॆयम ज़ि अमि कोरि छॆ नॖ कऺशीर वुछमॖच़। अमि बजि-माजि बऻव पनॖन्य दऻद्य-कान्गॖर ॳमिस कोरि तॖ वॊनॖनस ज़ि शोठि मोरुख रून तति आतंकवाद्यव तॖ ज़ॖ न्यॆचिव कऺरहऻस गोल्यव सॗत्य ख्वठज़द। तयार ॴस नॖ यि बऺडमऻज्य वापस कऺशीरि गछ़नॖ बापथ ति क्याज़ि कऺशीरि मंज़ ॴसमॖच़ छि ॳमिस माजि बाह खऻर ज़मीन यथ प्यठ यिमन त्रॖहन वऺरियन मंज़ छु तति मुसलमानव क़ब्ज़ कॊरमुत। ॳम्यसुन्द च़ुपूर मकानॖ ज़ोलमॖत।व्वंय छि बिचऻर यि बऺडमऻज्य बिहिथ जगती मंज़ पनॖन्यन द्वन ख्वठज़द शुर्यन सॗत्य तॖ कडान पनॖनि ज़िन्दगी हॖन्द्य बाकाया द्वह। अफ़सानॖ बोज़नावान बोज़नावान वॊथ ओश ॳमिस बजिमाजि तॖ ताब रोव ॳमिस जवान कोरि ति  तॖ वऺछ़ॖस अश्य दार।  मायक डऻजिन ॳकिस अंदस कुन, ॳछ कर्यन साफ, दिलास तॖ तस्लाह द्युतुन ॳमिस बजि माजि तॖ खूच़्य खूच़्य  प्रुछ़नस ज़ि क्याह तॊह्य छिवा तयार वापस कऺशीरि गछ़नॖ बापथ। बजि माजि तुजि नरि थॊद तॖ वॊनॖनस बडि हटि न सऻ कूरी कुनि हालतस मंज़ नॖ। तति छु नरुख। मारवातल वुनि नच़ान, सज़ा म्यूला तिमन, फऻन्स्या दिच़का कऻन्सि, सरकार ड्रामा करान, यऻसीन मऺल्यकस गरा अंदर करान तॖ गरा न्यबर कडान। बिटॖ कराटे-हस क्याह कॊरुख, जावेद नलकस दिच़का फऻन्स्याह। न सऻ गॊबर्या व्वंय छु यॆती मरुन जान।  तिमन जलाद्दन मंज़ रोज़ुन गव पनॖनिस मोतस पानय आलव द्युन। ज़खम छि नॖ वुनि ति हॊखिमॖत्य असि , ख़ास कर तिमन यिमन ब्रख लॊग, यिम अडच़ऺट्य गऺयि, यिम मऻल्य ति गऺयि जऻन्य ति गऺयि। यॆति नेरि अकि आलि तॖ ब्यॆयिस ॴलिस मंज़ अच़ि तति यॆलि-तॆलि। फ्रटॖतम रोज़्यस सुबॖ-शाम, वुन्य न तॖ वुन्य आम
**************************
"ग्वरस प्रुछ़ुम सासि लटे
यस नॖ कॆंह वनान तस क्याह नाव
प्रॖछ़ान प्रॖछ़ान थऺचिस तॖ लूसॖस
कॆंहनस निशि क्याह ताम द्राव"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

26.07.2019

26.07.2019, श्रावणॖ (सावन) गटॖ पछॖ (कृष्ण पक्ष) नवम (नवमी) शॊकुरवार (शुक्रवार/ जुम्मा) श्री सप्तर्षी सम्वत 5095, राश वृष (रऻच़ हॖन्ज़ॖ 1.8 बजि प्यठॖ) ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: माजि बतॖ
    अ: स्वख तॖ सावय/रॖच़र/
         जानियर
2. मु: माजि नॖ लचक तॖ सेतारस
         गिलाफ़
   अ: ग़रीबी मंज़ ॳमीरि हॖन्ज़
        तॆह हावॖन्य
3. मु: मऻन्ज़ि गुल्य ह्यथ प्रारॖन्य
    अ: कूर बालॆग सपदॖन्य/परे-
         शऻनी हॖन्दिस आलमस मंज़
         बे-सबरी सान प्रारुन
4. मु: मऻन्ज़ि गुलन म्यॆच़ गछ़ॖन्य
    अ: अचानक मुसीबथ युन/ना
         व्वमेदी सपदॖन्य।
5. मु: मऻन्ज़ लऻगिथ ति अथॖ
         छ़्यॆटी
    अ: बद-कॖस्मती छॆ नॖ तदबीरव
         सॗत्य ख़तम गछ़ान
**************************
1. कर्म......Action/Deeds
2. नर्म.......Soft
3. धर्म....... Religion
4. शर्म...... Shame
5. शाम...... Evening
6. गाम.......Village
7. त्राम....... Copper
8. प्रण........Promise
9. वन........Forest/To
                 speak out
10. तन.....Body
**************************
        गीता ज्ञान  :अध्याय 14
          श्री भगवान वनान
भगवान वनान हे अर्ज़न, सतोग्वनुक कार्य रूप प्रकाश आसान, रजोग्वनॖक्य सिफत प्रवर्ती ज़ान।
वॊन भगवानन गीता ज्ञान
**************************
प्रथा छि बन्यॆमॖच़ असि मंज़ यि ज़ि कऻशुर वॊहरवॊद यॆलि आसान छु, अमि द्वह छि तऺहर बनावॖ यिवान तॖ प्रेप्युन छु यिवान हावनॖ ताहरि। अंग्रीज़ तिथि हिसाबॖ यॆलि वॊहरवोद छु यिवान, यि द्वह छु यिवान मनावनॖ केक च़टनॖ सॗत्य। अमि द्वह छॆ नॖ तऺहर बनान कॆंह। यि गव दॊयव तरीकव पनुन वॊहरवोद मनावुन तॖ त्रॆयिम तऺरीकॖ वॊहरवोद छु यिवान मनावनॖ कुनि आथवारि द्वह या कुनि छुटी द्वह यॊस आथवार या छुटी अंग्रीज़ वॊहरवऻदिस सॗत्य सॗतिय आसि तॖ अमि द्वह छु यिवान न्यमंत्रन दिनॖ यारन दोस्तन तॖ करान ख्यना-च्यनाह बॆ-वाय पऻठ्य।यि त्रॆयिम कॖस्मुक वॊहरवोद छि नॖ सऻरी मनावान तॖ कॆंह छि निपटावान पार्टी वार्टी दॊयिमि कॖस्मॖकि वॊहरवाद्युक दुहुय। सान्यन ज़िठ्यन खासकर नानि ॴस्य गरिक्यन सारिनॖय बऻच़न हॖन्द्य कऻशिर्य वॊहरवादिक्य तिथि ज़बऻन्य याद मगर तिम ज़िठ्य रूद्य नॖ व्वंय असि मंज़ तॖ असि प्यॆयि व्यछ़य यिमन तिथियन ज़ानॖनॖच। तिथि रावुन-लबुन छु डऺलरावान सऻन्य ग्रन्दॖय तॖ प्रथ विज़ि छु प्यवान प्रुछ़ुन कऻन्सि ज़ऻन्यकारस अथ मुतलक। यि कॖतिस कालस रोज़ि ब्यॆयि चलवुन, वनुन छु मुश्किल। ग्वडॖ ओस आसान सान्यन क्वल-ब्रह्मनन पताह ज़ि यॆज़मन सॖन्दि गरि कऺमिस कमि द्वह ओस यिवान वॊहरवोद मगर व्वंय रूद्य नॖ तिम क्वल-ब्रह्मन ति। नऺव पुय छॆ नॖ तयार कऻशिर्य तिथि याद थावनॖ बापथ। तिम छि पकनावान कऻम व्वंय अंग्रीज़ तऻरीखॖ सॗती। मोबायलस प्यठ छु यिवान अंग्रीज़ तऻरीखॖय लेखनॖ फेस-बुकस प्यठ।मुबारकबाद ति छु यिवान दिनॖ अख ॳकिस तमी हिसाबॖ। मज़ाखस मंज़ छिस प्रॖछ़ान ज़ि यि छा कऻशुर किनॖ अंग्रीज़। यानि सऻनिस धर्मस ति ह्यॊतुन अख मज़ाख बनुन ति क्याज़ि ह्यॆछनावन वऻल्य छि नॖ कुनीय नज़रि यिवान।
**************************
"दिलॖ किस बाग़स दूर कर ग़ऻसिल
अदॖ द्यवॖ फ्वलिय यॆम्बॖर्ज़ल बाग़,
मऺरिथ मंगनय वुम्रि हॖन्ज़ हऻसिल,
मोत छुय पतॖ-पतॖ तहसीलदार।"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

25.07.2019

25.07.2019 श्रावणॖ (सावन) गटॖ पछॖ (कृष्ण पक्ष) ॴठम(देवादेव) ब्रसवार (वीरवार/ब्रहस्पथवार), श्री सप्तर्षी सम्वत 5095, राश मेष (चलान) ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात **************************
1. मु: लाफ़ गऺछ़्यनम माफ़
    अ: पनॖनि ताक़तुक बे-जा
          इस्तिमाल करनुक एहसास
          गछ़ुन
2. मु: लाम लगॖन्य
    अ: लऻन लगॖन्य/अख ॳकिस
        पतय कुनि जायि दवुन प्यॊन
3. मु: लऻर ख्यवान पानस डाकर
         त्रावान ब्यॆयिस
    अ: मग़रूरियत हावॖन्य/हंगॖ तॖ
         मंगुक थज़्ज़र हावुन
4. मु: लऻर कमव ख्यॆयि, परद्यव,
         म्यॆ दॊप पनॖन्यव मा।
    अ: पनॖनि सुन्द जान्यर न ज़रुन
        पनॖनिस फ़ऻयदॖ न वातॖनावुन
5. मु: लऻर्य किन्य लोहूर
    अ: ज़ेछर द्युन/वथ तॖ कथ
          ज़ेठॖरावॖन्य
**************************
1. बादाम..... Almond
2. डून.........Walnut
3. च़ूंठ.........Apple
4. टंग.........Pear
5. गिलास....Cherry
6. च़नुन.......Peach
7. संगतरॖ.....Orange
8. च़ेर.........Apricot
9. खज़ॗर......Date
10. बमच़ूंठ....Quince
**************************
      गीता ज्ञान :अध्याय 14
छु क्युथ तस आच़ार व्यच़ार आसान, ब्यॆयि सु कमि कॖस्मॖक्य व्वपाय करान।
यॆमि सॗत्य त्रॆयव लूकव म्वकलान।
वॊन भगवानन गीता ज्ञान
**************************
वॊहरवोद यानि ज़ा-द्वह छु ॳस्य त्रॆयव रंगव मनावान। ग्वडन्युक गव कऻशुर वॊहरवोद। कऻशुर यानि जंत्री हिसाबॖ। अथ वॊहरवऻदिस मंज़ छु यिवान तिथि, रयथ,वार, राश, न‌क्षत्र। यि तिथि गव सु यथ प्यठ शुर छु थनॖ प्यवान। यि तिथि छु जंत्री मुतऻबिक रावान ति मंज़ॖ मंज़ या यॆलि अकुय तिथि द्वयि लटि छु कुनि कुनि सातॖ यिवान तॖ पताह छु नॖ लगान सऺहल सऺहल ज़ि वॊहरवोद छा यिवान ग्वडनिकिस किनॖ दॊयमिस तिथियस प्यठ मानॖनॖ। इन्सान छु दु-च़्यॆतिस गछ़ान। हालांकि जंत्री मंज़ छु वुन्युखताम आमुत हावनॖ ज़ि कमि तिथियुक वॊहरवोद कथ तिथियस प्यठ छु यिवान मगर यॊदवय जंत्री आसि नॖ अथस मंज़, मुश्किल छु गछ़ान सऺही तिथि ज़ानुन। कुस तिथि कर छु रावान, क्याज़ि छु रावान, अकुय तिथि कर छि ज़ॖ गछ़ान, या क्याज़ि छि गछ़ान यि ज्ञान छु ज्योतिषाचार्यन निशी योत, असि छॆ नॖ अमिच ब्वय कॆंह। मगर यि परेशऻनी छॆ नॖ दॊयिमि कॖस्मॖकिस पंचान्गस मंज़, यानि अंग्रीज़-वॊहरवोद यानि कृश्चन कैलैंडरस मंज़। तमि पंचान्गॖ मुतऻबिक छु अख मुक़र्र तिथि यिवान मानॖनॖ युस न रावान छु तॖ न दॊयि लटि अकुय तिथि गछ़ान छु। यि तिथि याद रोज़ुन छु सऺहल।
अथ मंज़ छु यिवान सिरिफ तिथि तॖ रयथॖय योत। यि तिथि समजनस मंज़ छॆ नॖ छ़ऻन्ड प्यवान दिन्य जंत्रीयन या प्रछ़ुन प्यवान ज्यॊतिषण। कथ छि जऻरी
**************************
"हा च़्यता कवॖ छुय लॊगमुत परमस,
कवॖ गॊय अपज़िस पज़्युक ब्रौंत,
द्वशि-बॊज़ वश कॊरनख पर-धर्मस
यिनॖ-गछ़नॖ ज़्यनॖ-मरनॖस क्रौन्त"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

24.07.2019

24.07.2019,श्रावणॖ (सावन) गटॖ पछॖ (कृष्ण पक्ष)सतम(देवादेव)(सप्तमी), ब्वदवार (बुधवार),श्री सप्तर्षी सम्वत 5095, राश मेष (दुहचि 3.41 बजि प्यठॖ), ऋतु वर्षा (चलान)..अज़ म्वकलि द्रठॖपऻन्च़ुक (पंचक) ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: गाव दी नॖ वॊछ़ ति ह्यॆयि नॖ
    अ: न करि ब्यॆयिस मदद न
         तुलि पानस फ़ऻयदॖ
2. मु: गाव ति चावॖन्य तॖ वॊछ़ ति
         रंज़नावुन
    अ: स्व कऻम करॖन्य यॆमि सॗत्य
         पानस ति फ़ऻयदॖ वाति तॖ
       ब्यॆयिस ति न्वकसान गछ़ि नॖ
3. मु: गानि रोव रून तॖ कमि
         शहरुक
   अ: यॆलि कऻन्सि हुन्द थव पताह
        छ़ारुन सऺहल आसि नॖ
4. मु: गाम छु ख़ाम
    अ: गऻमी ज़िन्दगी छि क्रॗठ
         आसान
5. मु: गाटॖ छा नाटॖ बाज़रॖ ह्यॆयज़ि
         मऺल्य
    अ: अकॖलमऺन्दी छि दय सुन्द
          द्युत
**************************
1. क्वकुर.....Cock
2. क्वकॖर.....Hen
3. बतुख......Duck
4. गाव........Cow
5. दान्द.......Bull
6. मऻश....... Buffalo
7. कठ........Sheep
8. छ़ावॖज.....Goat
9. मऺछ........Fly
10. तुलॖर.....Bee
**************************
        गीता ज्ञान  :अध्याय 14
         अर्ज़न दीव वनान
अर्ज़न छुस वनान ही भगवानॖ,
प्वरुश किथॖ पऻठ्य ग्वन ॳतीत बनान
छि तसंद्य कम कम लक्षण आसान
वॊन भगवानन गीता ज्ञान
**************************
तनाव छु ज़बर्दस्त अज़कल प्रथ इन्सानस। ल्वकट्यन शुर्यन प्यठॖ बऺडिस बुज़र्गस ताम। परनॖ रंग्य, ख्यनॖ-च्यनॖ रंग्य, पलवव-दलवव रंग्य, व्वथनॖ-बॆहनॖ रंग्य, देखा-दीखी रंग्य, मान-मान अख ॳकिस सॗत्य करनॖ रंग्य, कमावनॖ रंग्य, ख़र्चावनॖ रंग्य, शुर्य रछनॖ रंग्य, स्वम्बॖरावनॖ रंग्य वगैरा वगैरा। अज़ आयि अख ब्याख बुरॖ ख़बर ज़ि कुस ताम अश्वनी कला गव स्वर्गस बंगलोरॖ जहाज़स मंज़ तॖ जहाज़ॖ आव एमरजैन्सी मंज़ इन्दौर हवऻई अड्डस प्यठ लैंड करनावनॖ। अशवनी सऻबस ओस ब्यॆयि ति कॊत ताम वातुन मगर दिलॖच दुबराय गऺयस बंद तॖ वऺटॖन ॳछ। फोटू तलॖ ओस जवान बासान। नून आस्यस मऻलिस माजि तॖ गरिक्यन बाकॖय बऻच़न प्योमुत यि ख़बर बूज़िथ। ज़ॆहनी तनाव छु बॊड वजह अमि कॖस्मऺकि मोतुक म्यॆ बासान। यिथय पऻठ्य छु सऻनिस समाजस मंज़ ति वारिहान म्यान्यन बायन ब्यॆन्यन हदॖ ख्वतॖ ज़्यादॖ तनाव ब्यॊन ब्यॊन रंग्य अज़ कल नज़र यिवान। तनाव-ग्रस्त छि सऻरी ॳस्य मगर बास छि नॖ दिवान अख ॳकिस मगर इन्सानॖ सॖन्दि बुथ्य तलॖ छु ननान ज़ि सॖ कमन ग्वतन छु गोमुत। ॳस्य छि आमॖत्य वलनॖ पूरॖ पऻठ्य मोह-ज़ालस मंज़। यॊत ताम नॖ ॳस्य पनुन स्वभाव बदलावव, पनॖन्यन ख़यालन फ्युर दिमव, पनॖनिस मनस मंज़ तृप्ती अनव, तॊत ताम रोज़ि असि यि तनाव छ़ायि हॖन्द्य पऻठ्य सॗत्य सॗत्य।
**************************
"ललिथ-ललिथ वदय ब्व वाय
च़ित्ता मुहॖच प्ययी माय
रोज़ी नो पतॖ लोह-लंगरॖच छ़ाय
निज-स्वरूपॖ क्या मॊठुय हाय"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशर्य पऻठ्य पानॖवुन्य कथबात करव
**************************
  नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

23.07.2019

23.07.2019 श्रावण (सावन) गटॖ पछॖ (कृष्ण पक्ष)शॆयम(देवादेव)(षष्ठी)बॊम्वार (मंगलवार),श्री सप्तर्षी सम्वत 5095, राश मीन (चलान) ऋतु वर्षा (चलान)द्रठॖपऻन्च़ुक (पंचक) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: खितॖ खितॖ गॊच़ॖर
    अ: स्व ज़नान यॊस असुन तॖ
         असुन त्रावि/ज़्यादॖ असन
         वाज्यन
2. मु: खऻस्य ठिलॖ
    अ: लऺठ्यकिंजि गिन्दनॖ विज़ि
         यॆलि हारन वऻलिस ज़्यॆनन
         वऻलिस सवऻर्य दिन्य छि
         प्यवान
3. मु: खागऺर्य प्वलाव
    अ: सब्ज़ बाग़
4. मु: खास्यन गव नॖ माछ लऻरिथ
   अ: वुनि छॆ नॖ जल्दी/तम्बलुन नॖ
5. मु: खार ह्यॆच़ खऺच़ मटि गाठ
         गछ़ि वातॖन्य
   अ: यॆलि ज़िम्वऻरी ह्यॆच़ स्व गछ़ि
        अंद वातनावॖन्य
**************************
1. खर....Donkey/Ass
2. गुर.....Horse
3. हून.... Dog
4. ब्रऻर्र.... Cat
5. हून्य....Bitch
6. गगुर... Rat
7. रय......Ant
8. वूंठ.....Camel
9. हॊस.... Elephant
10. सॖह...Lion
**************************
        गीता ज्ञान :अध्याय 14
यि शरीर पऻदॖ करन वऻल्य यिम त्रॆ ग्वन, युस यिमन ग्वनन हुन्द लगाव त्रावान, ज़्यनॖ मरनॖकि द्वखॖ म्वक्लिथ म्यॆ प्रावान
वॊन भगवानन गीता ज्ञान
**************************
ॳस्य छि सऻरी कलाकार। कांह छु बॊड तॖ कांह छु ल्वकुट। युस बऺडिस पर्दस प्यठ हावान छु कलाकऻरी, सु छु दपान ज़ि सु गव बॊड कलाकार। युस ल्वकटिस पर्दस प्यठ हावि पनॖन्य कलाकऻरी सु दपान गव ल्वकुट कलाकार। वुछव यॊदवय तॖ बॊड ल्वकुट मसलॖ छु नॖ कॆंह सिरिफ छु यि कॖस्मतुक खेल। कांह छु रातो रात थज़रस प्यठ वातान, कऻन्सि छु वख लगान सु थज़र प्रावनस मंज़। मंचस प्यठ, टी वी-यस प्यठ या सिनिमा हालकिस बऺडिस पर्दस प्यठ छि ॳस्य वुछान रोज़ान दोहय कलाकार मगर कॆंह कलाकार छि तिम ति यिम नॖ कुनि ग्रेन्दि मंज़ छि यिवान हालांकि कलाकऻरी हुन्द जज़बॖ छु पूरॖ पूरॖ आसान बऺरिथ तऺमिस मंज़। प्रथ अख इन्सान छु कुनि न तॖ कुनि रंग्य कलाकार। यीत्य ति यथ ज़गतस मंज़ कार छि तॖ यॆमिस शख्सस मंज़ यॆमि कॖस्मुक कार अथि लॊग सु छु तमि कॖस्मुक कलाकार बनान तॖ पनॖन्य कला हऻव्य हऻव्य प्रसिद्धि प्रावान। सतिमि जुलाई 2019 तॖ आथवारि द्वह हऻव कश्मीर बवनस मंज़ ल्वकट्यव ल्वकट्यव शुर्यव पनॖन्य पनॖन्य कला ग्यवनॖ रऺग्य, नच़नॖ रऺग्य, सांज़ वायनि दऺस्य तॖ बनऻवॖख महफिल मज़दार। अख कलाकार ओस मॆहरोली प्यठॖ ति आमुत, नाव ओसुस विजय कुमार भट। ॳम्य ति कॊर  मंचस प्यठ खऺसिथ ठठॖ-मस्खऺरी हुन्द अख कलाकऻरी हुन्द नमूनॖ पेश तॖ ज़्यीनिन्य वाह-वऻहयऻयी हालस मंज़ बिहित लूकन हॖन्ज़।
जान छु रोज़ान अगर कांह पनॖन्य कला ह्यॆकि हऻविथ तॖ वुछन वाल्यन असनऻविथ। म्यऻन्य व्यनती छि म्यान्यन बायन ब्यॆन्यन ज़ि तिमन पज़ि पनॖन्यन शुर्यन कलाकार बनावुन तॖ समाजिच सीवायि मंज़ तमि कलायि हुन्द फ़ऻयदॖ वातनावुन।
**************************
"हचवि हऻरिंजि प्यच़िव कान गोम,
अबख छान प्योम यथ राज़दाने
मंज़बाग बाज़रस कुल्फॖ-रॊस वान गोम
तीर्थॖ रॊस पान गोम कुस मालि ज़ाने
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

22.07.2019

22.07.2019 श्रावण (सावन) गटॖ पछॖ (कृष्ण पक्ष) पऻन्च़म(देवादेव)(पंचमी)च़ऺन्दॖरवार(सोमवार),श्री सप्तर्षी सम्वत 5095, राश मीन (चलान)ऋतु वर्षा (चलान) द्रठॖपऻन्च़ुक (पंचक) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: कारि ख़्वदा ज़ानि ख़्वदा
    अ: क्वदर्यतनक सिरन छु नॖ
         सनॖनुक ज़रूरथ
2. मु: कारि नजार बदस्ति गिल-
         कार
  अ: यस नॖ यॆम्युक तजरुबॖ आसि
         तस ती प्यतॖरुन
3. मु: काकुन हापुथ
    अ: यॆलि कांह कऻम अगादि
         गछ़ि तॖ म्वकॖजार मेलिनॖ
4. मु: काकॖ साल तॖ च़्यॆ क्याह
         काकॖ बेगार तॖ म्यॆ क्याह
    अ: यॆलि कांह ख्यनॖ विज़ि ब्रौंठ
         तॖ काम विज़ि पथ रोज़ि
5. मु: काल छु नॖ कडान प्रॖछ़्य
         प्रॖछ़्य प्राण
    अ: मोत छु पनॖनि वख्तॖ पानय
         यिवान
**************************
1. कस....Tie/To whom
2. खस...To climb/To go up
3. गस....To blend
4. चस....Chess
5. छस....To have
6. तस....To him/To her
7. दस....To start
8. नस....Nose
9. बस....Bus/To stop
10. रस...Syrup/Gravey/
               Bakery rus
**************************
       गीता ज्ञान  :अध्याय 14
 सिर्फि त्रॆन ग्वनन करता ज़ान,
ग्वनव पुछ़ दूर म्यॆ पर्म ब्रह्मस वुछान, यि ज़ानन वऻल्य म्योन स्वरूप प्रावान
वॊन भगवानन गीता ज्ञान
**************************
रोज़वुन छु भगवान सुन्द नाव। कथ बात तॖ ब्यॆयि क्याह प्रोग्राम छु चलान जान पऻठ्य वुन्युखताम तॖ ब्रौंह कुन ति पकि ठीख पऻठ्य यि व्वमेद छि म्यॆ। गुडगांव-हस मंज़ द्युत ग्वड अथ प्रोग्रामस अजय पंडिता जियन युस निष्काम भावॖ सान समाजिच सीवा आमुत छु करान तॖ यॆम्य वारियाह रंगदार प्रोग्रामन ज़ुव द्युत तॖ पनॖनि कऻशिर समाजिच शान तॖ मान बऺडरावनस मंज़ कांह कसर बाकॖय थऻव नॖ। अजय जियस सॗत्य छि शानॖ बॖ शानॖ खड़ा ॳम्यसॖन्ज़ आश्यन्य, पम्मी जी, ति रूज़िथ ॳम्यसन्द्यन व्यच़ारन साकार बनावनस मंज़ पनुन योगदान दिवान। अख तॖ अख गव     समान, कारवान् गव बडान, तॖ ॳकिस प्रोग्रामस सॗत्य सॗत्य आयि ब्यॆयि ति कॆंह प्रोग्राम बारसस। क्रिक्यट टीम आयि बनावनॖ, गौ शालायि आव व्यस्तार अनॖनॖ। कॆंच़न संस्थायन मंज़ छु अजय जी सक्रीयि तॖ बडॖ अहम कऻम करान रोज़ान। ॳम्यसुन्द स्वभाव वुछिथ जुडेयि ॳम्यसॖन्ज़ि प्रथ कामि मंज़ गुडगांव-हस सॗत्य सॗत्य ब्यॆयन जायन प्यठॖक्य लूख ति। बॖति छुस ग़ाज़ियाबादॖ प्यठॖ गुडगांव वातान कुनि कुनि प्रोग्रामस मंज़ शमूहलियत करान रोज़ान। यिथय पऻठ्य आयि ब्यॆयन जायन ति कॆंह मंडली व्वतलिथ यिम पनुन कऻशुर कलचर ज़िन्दॖ थावनॖ बापथ अनथख मॆहनत छि करान। भगवान रूज़्यनख सहायतस तॖ स्वबुद्धि सपदिनख प्राप्त।
**************************
 "नाबॖद्य बारस अटॖगन्ड ड्यॊल गोम,
देह-काण हॊल गोम ह्यकॖ क्यहो।
ग्वर सुन्द वनुन रावन-त्यॊल प्योम,
पाहलि-रुस्त ख्यॊल गोम ह्यकॖ क्यहो।"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

20.07.2019

20.07.2019 श्रावणॖ (सावन) गटॖ पछॖ (कृष्ण पक्ष) त्रय (देवादेव)(तृतीय) बटॖवार (शनिवार/शनिश्चरवार) श्री सप्तर्षी सम्वत 5095, राश कुम्भ(चलान), ऋतु वर्षा (चलान) द्रठॖपऻन्च़ुक (पंचक)(चलान)...अज़ छि संकटॖ च़ोरम (संकट निवार्ण चतुर्थी) ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ। पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1.मु: क़र्ज़न छु चोमुत आबे हयात
    अ: क़र्ज़ छु नॖ वखतस प्यठ
         नखॖ वसान
2. मु: क़तरॖ क़तरॖ छु दऺर्याव समान
    अ: रछ़ रछ़ कऺर्यथॖय छि कऻम
         अंद वातान
3. मु: फ़कीर च़ाव आंगन होन्यन
         वॊथ लचि दॊद
    अ: हंगॖ तॖ मंगॖ कऻन्सि हुन्द
         अज़रवुन युन
4. मु: क़ऻज़िस तॖ लांछ़स मेल क्या
    अ: यिमन नॖ कांह बराबऺरी
         आसि तिमन हिशर छ़ान्डुन
         छु फ़ज़ूल
5. मु: क़बलि छुम पनुन च़्यॆ क्याह
         ओर सनुन
    अ: पनॖनिस मामलस मंज़ नॖ
        ब्यॆयिसॖन्ज़ मुदाख्लत पसंद
        यिन्य
**************************
1. छ़ऺर..... Empty/Vacant/
               Unoccupied/Un-
                filled
2. छ़टुन....Winnow
3. छ़टॖनावुन.......To get win-       
                          nowed
4. छ़ल......Water-wheel
5. छ़लुन....To deceive/To
                 mislead/To
                 dodge/To cheat
6. छ़ान्ठ..... Swimming/
                   Floating
7. छ़ारुन..... To search/To
                  investigate/To
                 spot
8. छ़ाय......Shadow/Shade/
              Reflection/Image
9. छ़ाल.....Jump/Leap
10. छ़्यन....Break/Separa-
                   tion
**************************
        गीता ज्ञान  :अध्याय 14
 सातविक फल स्वख शऻन्ती ब्यॆयि ज्ञान, राजस फल द्वख रूपी आसान, तामस कर्मन हुन्द फल सिरिफ अज्ञान।
वॊन भगवानन गीता ज्ञान
**************************
वथ छि यऺच़ सारिनॖय मगर क्वस वथ कॊतकुन छि गछ़ान तॖ क्वस वथ पज़ि रटॖन्य, तमि बापथ छु वतॖहावुक सुन्द आसुन ज़रूरी। गाह सु गरस मंज़ मोल मऻज्य आसि, च़ाटॖहालस मंज़ व्वसताद आसि या सफ़रस मंज़ कांह वति हुन्द ज़ऻन्यकार आसि। अध्यात्मुक ज्ञान ज़ाननवोल आसि या कांह निस्वार्थ यार दोस्त आसि। वतॖहावुक गछ़ि आसुन। वुछनस तल छु यिवान ज़ि असि छि अज़कल व्यछ़य वातहावकन हॖन्ज़। स्यॆज़ तॖ पऺज़ वथ हावन वऻल्य छि नॖ नज़रि यिवान। अथ मंज़ कांह शक छु नॖ ज़ि असि आव पौंस मगर पोंसॖव सॗत्य छि नॖ ह्यकान संस्कार मऺल्य ह्यथ। संस्कार छि यिवान पनॖन्यन ज़िठ्यन सॗत्य सॗत्य रोज़नॖ सॗत्य, तिहॖन्द्यव तजरुबव सॗत्य, तिहॖन्द्यव प्रवचनव सॗत्य मगर असि आव छ़्यन पानस मंज़। ब्यॊन ब्यॊन गऺयि। ज़ऻन्यकार ज़िठ्य रूद्य नॖ। ॳस्य छि आमॖत्य वुनक्यनस च़ु-वऺतिस प्यठ। फिकिरी छु नॖ तरान क्वस दिशा रटव। अकि तरफॖ ह्यॆच़ॖन्य सऻन्य माजि ज़्यव कऻशिर असि निशि दूर गछ़ॖन्य पनॖनि अक्लि, दॊयिमि तरफॖ रऺट पर-ज़ऻच़ मंज़ शुर्यव-कट्यव खांन्दर करनॖच तेज़ रफ़्तार, प्रथ ॳकिस गरस मंज़ छि प्रथा अज़कल  बनॆमॖच़ ज़ि अख या ज़ॖय शुर्य गछ़न आसॖन्य।  मऺशरावॖन्य ह्यॆत्य  पनॖन्य संस्कार कुनि न तॖ कुनि बहानॖ। यिम सऻरी अलामात आयि असि ब्रूंठ्य तॖ ॳस्य छि बन्यॆमॖत्य बेलगाम गुर्य तॖ लाकम रट्नवोल छु नॖ नॊन कुनि। दय गछ़ि असि पनुन अनुग्रह करुन न तॖ छु मुश्किल पनॖन्यन ज़ंगन प्यठ खड़ा रोज़ुन
**************************
"शिलायि हॖन्ज़ॖय व्वतमा बऺज़ॖम
सॊम्बरिथ ट्यॊक पोन्य आसन पठ
मनस अंदर व्यच़ार कॊरुम
वुछुम तॖ ड्यूंठुम शिल कनि वठ"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

19.07.2019

19.07.2019 श्रावणॖ गटॖ पछॖ (कृष्ण पक्ष) द्वय(देवादेव)(द्विती)
शॊकुरवार (शुक्रवार/जुम्मा)श्री सप्तर्षी सम्वत 5095,राश कुम्भ (दुह्यचि 2.57 बजि प्यठॖ),ऋतु वर्षा(चलान)..ॳज़्यकि प्यठॖ लॊग द्रठॖपऻन्च़ुक (पंचक) ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: तमाह छु तावन
    अ: लालॖच करनॖ सॗत्य छु
         ॴख़रस न्वकसान गछ़ान
2. मु: ॴबो प्यॆयियो बलाय मंद-
         छि पतॖ छय ख़जालथ
    अ: अख ॴब छु वारिहान
         ॴबन ज़न्म दिवान तॖ
         ब्यॆयि ख़जॖल करनावान
3. मु: ग़र्ज़मन्द छु फॊटुमुत हॊछि-
         मच़ि क्वलि
    अ: ग़र्ज़मन्द इन्सान छु सख़
         न्वकसान तुलान
4. मु: ग़र्ज़मन्द दीवानॖ
    अ: ग़र्ज़मन्द छु नॖ पनुन हाजथ
         कडनॖ विज़ि अक्लि हॖन्ज़
         कथ या कऻम करान
5. मु: फ़रहाद बॖड
    अ: स्व बॖड यस खॊडॖफ्यॆचि
         आसन
**************************
1. च़ॖ.......You
2. च़ॖन्य...Piece of charcoal
3. च़ॖनुन.....Peach
4. च़ॖनुन कुल....A peach tree
5. च़ॖनॖनपोश.A peach flower
6. च़ापुन.....To chew/To
                  munch
7. च़ाफ़...... Chewing
8. च़ाफ़ द्युन....To chew/To
                      munch
9. च़ाटॖहाल..... School
10. च़ाठ.....Pupil/Disciple/
                Student/Scholar
**************************
       गीता ज्ञान  :अध्याय 14
यॆलि मनुश सतोग्वनॖ वक्तॖ मरान, उत्म कर्मॖ वानन हॖन्ज़ जाय प्रावान। स्वर्ग आदिलूकन छु प्राप्त सपदान।
वॊन भगवानन गीता ज्ञान
**************************
राथ यानि अर्दाह जुलाई 2019 गव ब्याख अख नामावार, महानुभाव प्वरुष स्वर्गस। श्री अर्ज़न नाथ कौल साहिब सऻब छुस नाव। कऺशीरि मंज़ ओस वारियाह समय ब्रौंठ श्रीनगरॖ करफऺलि-मऺहलॖ रोज़ान तॖ दिल्लि यिथ वारिहान जायन रोज़नॖ पतॖ ओस शिपरा सन सिटी मंज़ मुस्तकॖल तोर पऻठ्य रोज़ान। कौल सऻबन दपान छि तन मन सान पनॖनि समाजिच सीवा कऺरमॖच़। आल इन्डिया कश्मीर समाज संस्थायि सॗत्य छु रूदमुत जुडिथ। संसदस मंज़ ओस सरकऻर्य नोकरी करान तॖ रिटायर गऺछ़िथ ओस पनॖनिस समाजिच सीवा करान रूदमुत। ॳम्यसॖन्ज़ अर्धांगनी श्रीमती ललिता जी ॴस वारियाह कालॖ ब्रौंठॖय स्वर्गस गऻमॖच़। तस सॖन्दिस नावस प्यठ ओस कौल सऻबन अख नगॖद यनामॖ थोवमुत युस दिनॖ ओस यिवान तऺमिस बचस यॆमिस पनॖनि माजि ज़्यव यानि कऻशुर वनॖनस मंज़ महऻरियथ आसिहे। यि यनामॖ ओस यिवान दिनॖ जे के विचार मंच संस्थाय दऺस्य महा शिवरात्रिकिस महोत्सव मोकस प्यठ। कौल सऻबुन योगदान दपान रूदमुत छु ब्यॊन ब्यॊन संस्थायन मंज़ विज़ि विज़ि। कौल सऻब छि रूद्यमॖत्य मददगार वारियाहि रंग्य पनॖनिस कऻशिर समाजस मंज़। अज़ गऺयि तिम पनॖन छाप त्रऻविथ पनुन असली गरॖ वैकुण्ठस कुन। गाज़ीपुरॖ शुमशान-घाटॖ कॊर ॳमिस दाह संस्कार राथ शामन पांछ़ बजे।
द्राव पनुन इतिहास रचऻविथ तॖ पनॖन रॖत्य कर्म कऺरिथ। तऺम्यसॖन्ज़न कॆंच़न जान काम्यन अंद वातॖनावुन छु सोन फ़रज़ न तॖ रोज़ि सु कर्ज़ सान्यन फ्यॆक्यन प्यठ। नेरान अकि फिरि फ़ेरान नॖ वापस। फ़ेरान मगर तमिकुय कॆंह कालस। नम गछ़ान ॳछ यॆलि फ्युर लगान ख़यालस, दमफुट्य गछ़ान लगान ब्यॆयि तऺथ्य जंजालस।
**************************
"तलॖ छुय ज़्युस तय प्यठॖ छुख नच़न।
वनतॖ मालि मन क्यथॖह पच़न छुय
सोरुय सॊम्बरिथ यॆति छुय म्वच़न
वन तॖ मालि अन किथॖ रोच़न छुय।"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

18.07.2019

18.07.2019 श्रावण गटॖ पछॖ (कृष्ण पक्ष) द्वय (द्विती) ब्रसवार (वीरवार/ब्रहस्पथवार)श्री सप्तर्षी सम्वत 5095, राश मकर (चलान) ऋतु वर्षा (चलान)...चूंकि द्वय छि ज़ॖ गछ़ान, द्वय हुन्द वॊहरवोद यी पगाह यानि 19.07.2019
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: सराफ़ गऺन्ज़रावान द्यार
         अतराफ रावरावान द्वह
    अ: वख फ़ज़ूल ज़ायि करुन/
          तमाशॖ-गीर
2. मु: सॆहति बदन तॖ रऻहति जान
    अ: अख ॴही/सॆहतॖ ख्वतॖ
          बॊड आराम छु नॖ कांह
3. मु: स़बॖर छु स्वनॖसुन्द टूर
    अ: स़बॖर करुन छु स्यठाह
         फ़ऻयदॖ वातनावान
4. मु: साहब छु बख्शन-हार
    अ: दय छु बख्शनॖवोल
5. मु: सुबहॖच माहर्यॆन, दीगरॖच
         लोसॖ तोति गोस ग़ोसॖ च़ीर्य
         प्यायस
    अ: बे-स़बरी सान वख्तॖ ब्रौंठ
         कांह नऺतीजि छ़ान्डुन
**************************
1. ज़ऻबतॖ.... Genuine order
             in good taste/
            Rule/Regulation
2. ज़ाफल.....A dry nutmeg
3. ज़ऻति स्वबाव... Individual
             nature/Self ten-
             dency/Habit
4. ज़ातुक... Horoscope
5. ज़ाथ.....Caste/Tribe
6. ज़ादगी....Some defect/
             Fault/Flaw/Defi-
             ciency/Blemish
7. ज़ार...Request/Petition/
             Prayer/Gambling/
             Playing with dice/
             Any game of
             chance with stake
8. ज़ार ज़ार....... To Weep
                          bitterly
9. ज़ऻर्य....... Gambler
10. ज़ारॖ पारॖ.....To beg/Par-
               don/Request/En-
            treaty/Supplication
**************************
        गीता ज्ञान  :अध्याय 14
तमोग्वनॖ यऺन्द्रयन होश रावान, आलुछ़, न्यॆन्दॖर, प्रमाद पऻदॖ सपदान।
अंत:कर्णन मॊह गटॖ नाल वलान
वॊन भगवानन गीता ज्ञान
**************************
कोताह अज़ाब छु असि बटन वातान अज़कल यि ह्यॆकि सुय वऺनिथ यॆमिस गुदरान छु। बऺगलोरस मंज़ गव ल्वकुट तॖ मॊसूम जवान अक्षय धर स्वर्गस। दपान मोटर-साईकॖलस प्यठ ओस गछ़ान ज़ि एक्सीडेंट गोस तॖ त्रऻवॖन्य प्राण। पानॖ ओस डाक्टर मगर मोतस ब्रौंह कनि चल्यॊस नॖ किंहीं। दपान ॳम्यसॖन्ज़ अर्धांगनी ति छि डाक्टर। कुनुय न्यॆचुव पनॖनिस मऻलिस माजि। वऻन्लिजि छि खन्जि गछ़ान यॆलि यिथ्य हऻदिसि छ़ि कनव बोज़ान। दूर्यर लॊग योर यिथ यानि कऺशीरि न्यबर नीरिथ ज़ि अख ॳकिस निश वातुन छु ज़न कॊह पावुन। कऺशीरि मंज़ ॴस्य मातम-दऻरी क्यन ग्वडनिक्यन दऺहन दॊहन त्रॆ च़ोर लटॖ करान तॖ दऺहमि द्वह ॴस्य यारबल ताम वसान तॖ अमिसॗत्य ॴस ह्यमथ यिवान ज़ॆहनी तोर पऻठ्य मृतकॖ सन्द्यन गरिक्यन तॖ पानस ति ओस मनस तसलाह यिवान ज़ि कऻन्सि ह्यॊक दिलासॖ दिथ। मगर न्यबर लऺग्य, छलॖ-छांगरि छि, छऺकरऻविथ छि, अख लार तॖ अख दार लऺग्यमॖत्य। मोबाइलस प्यठॖ छि न्यसॖफ कऻम म्वकलावान। पऺतिमि हफ्तॖ गऺयि च़ोर ज़न्य स्वर्गवास तॖ यिम च़्वनवय ॴस्य च़्वन दिशायन
अख विकासपूरी, अख नोयडा स्यकटर दूहऻठ, ब्याख गव नोयडा स्यकटर सतसतथ, ब्याख गव शालमऻरगार्डॖन। वातुन ओस च़ॊनवऺनीय जायन जऻयिज़ मगर ह्यॆक्य नॖ च़्वन दिशायन नऺच़िथ। तऻज़्ययथ कऺर अड्यन फोनस प्यठॖय तॖ ॳकिस द्वन वऻति तॖ हऻज़री दिच़। दॊयिम त्रॆयिम लठ आयि नॖ करनॖ। यिम द्वखॖ-ज़द ति छि ब्यॊन ब्यॊन, ॳड्य ज्यॆमि, ॳड्य बंगलोरॖ, अंड्यन अंग-ॴश्यनाव व्यलायतस मंज़, तिहुन्द युन छु मुहाल। करव हय  तॖ करव क्याह। यि छॆ नॖ कऺशीर तॖ लटॖ-पॊंज़ करि इन्सान। चाल-डाल छि बदलान। फिकिरी छु नॖ तरान ज़ि करव हय तॖ करव क्याह। युस बटॖ वख्तॖ वख्तॖ दाय तदबीर ओस लूकन दिवान सुय बटॖ छु पानॖ अज़ हालि हऻरान तॖ परेशान। पनॖनि वॊडि छु नॖ तगान मस कासुन। दवॖ दव छि लगान, यॆति प्यठॖ ज्यॊम या पूना या बंगलोर। तति बॆहनॖच समस्या। यऺज़मन ति परेशान गछ़ान तॖ पॊछ़-लॊछ ति। जायि छ़ॊचर छु मन्दछावान। मगर करुन छु कॆंह न तॖ कॆंह तॖ करान ति छि। नरि हॖन्ज़ि जायि ज़ंग तॖ ज़ंगि हॖन्ज़ि जायि नऺर तॖ पकनावान छि। मगर हक़ीकत छि यी ज़ि मरगन कऺड असि छ़ठ। ॳस्य व्वंय रूद्य कॗत्य, तॖ ॳस्य रूज़िथ ति छि कमन सॗत्य
**************************
"कथा बूज़ॖम कथा कऺरॖम
कथायि कऺरॖम छ़ऺरॖय सथ
शास्त्रॖक्य कथा बूज़म
कथायि बऻसॖम सतॖच वथ"
पऺरिव यि लल वाख ति दॊहय
*************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
  नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

17.07.2019

17.07.2019 श्रावण (सावन) गटॖ पछॖ (कृष्ण पक्ष) ऒक्दॊह (प्रथमा), ब्वदवार (बुधवार)श्री सप्तर्षी सम्वत 5095, राश मकर (चलान) ऋतॖ वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: शाल च़ऺलिथ बठ्यन लोरि
    अ: ख़तरॖ टऺलिथ रोब हावुन/
         बऺल्य क्रकॖ नाद
2. मु: शाल शाल ब्यॊन ब्यॊन
         टुंगि विज़ि कुनी
    अ: ज़ऻती दुश्मनी ॴसिथ ति
         इतिफ़ाक आसुन
3. मु: शाल गव क्वलि ज़ि आलम
         गव क्वलि
    अ: युस मरि तसॖन्द्य किन्य छु
         दुनियाह मरान
4. मु: शामॖ च़ॊतुर तॖ मंदिनि बॆह-
         वाल
    अ: दॊहलि कऻम न करनवोल
        तॖ रातस चालऻकी/कामि च़ूर
5. मु: शऻल्य तारख हावॖन्य
    अ: अपुज़ दऺलील बोज़ॖनऻविथ
          दोखॖ द्युन/अपुज़ व्वमेद
          पऻदॖ करॖन्य/नूनॖ गुर्य तॖ तेलॖ
          तलाव हावॖन्य
**************************
1. राब..... Molasses/Gold-
                en syrup (used
                in tobacco)
2. राबर....Muddy/Liquid
               moisture
3. राथ.....Night/Yesterday
4. रऻत्य रातस..For the whole
                     night
5. राथ प्यॆठ्य प्यॆन्य...Have a
          long and wearisome
          night
6. रातस प्यठ....For the night
7. राथ द्वह .....Day and night
8. राथक्युथ....In the night/
          Night time/Very late
9. राथ लगॖन्य....Have to
                    spend a night
10. रातॖ क्रॗल....Bat
**************************
       गीता ज्ञान  :अध्याय 14
 रजोग्वन बडनॖ सॗत्य लूब बडान,अशऻन्ती हवस स्वकाम कर्मन लगान। विशय बूगन हॖन्ज़ यछ़ा पऻदॖ सपदान
वॊन भगवानन गीता ज्ञान
**************************
बऺहसॖ बऺहसय ह्च़ॖन लगॖन्य व्हाटसापस प्यठ। मज़मून छु कर तरव तॖ किथॖ पऻठ्य तरव कऺशीरि। कुनुय कुनुय नफ़र तर्या किनॖ अयाल ह्यथ तरि। यि सोरुय बऺहस छु बस कॆंच़नॖय म्यान्यन बायन पानॖवुन्य चलान रोज़ान। बासान छु ज़न सारी समाज्युक ठेकॖ छु तिमवॖय रॊटॖमुत। म्यॆ छु याद ज़ि अकि फिरि ॴस्य यार ज़ॖ फोनस प्यठ कथ करान ज़ि यि वतन कुस छु चलावान। बऺहस लॊग तॖ ॳक्य वॊन ब्यॆयिस ज़ि सिरिफ छि बस ॳसीय ज़ॖ वतन चलावान। दॊयिम यार गव हऻरान यि बूज़िथ तॖ प्रुछ़नस किथॖ पऻठ्यन। ग्वडनिक यारन द्युतनस गऺन्ज़रऻविथ हिसाब तॖ वॊनॖनस मानव ज़ि आबऻदी छि हथ नफ़र, अमि मंज़ॖ छि अरनमथ तिम यिम नॖ वतन चलावान छि बऺल्कि बऺहसस मंज़ पनुन वख कडान। अरनमतस मंज़ गऺन्ज़रऻव्य तम्य तिम यिम कऻद खानन मंज़ बिहिथ  छि वतनॖच नॖ फिकिरिय, साधू-संत यिम बीछिथ अनान छि तॖ ख्यवान छि, नेता छि यिम पनॖन्य चन्दॖ बरान छि तॖ वतनुक च़ुक छुख नॖ, ल्वकॖट्य शुर्य, बु़ज़र्ग, नऻतवान, वगैरा वगैरा तॖ दॊपनस अति बचेयि च़ॖ तॖ बॖ यिमन वतनुक च़ुक छु तथ प्यठ छुख च़ॖ सिरिफ बोज़ानॖय योत तॖ च़ुक छु म्यॆय योत यॆमि वतनुक। सोय बऻश्य छि यिमन म्यान्यन बायन व्हाटसापस प्यठ गऺमॖच़। तिमन छु बासान ज़ि बाकय छि कनस बतॖ लदान तॖ यिमय योत निन फऻसलॖ कऺरिथ सारी समाजुक। रामॖ लगय चानि लीलाये।
**************************
"परन परन ज़्यव ताल फऺजिम
च़्यह युग्य क्रय तऺजिम नॖ ज़ांह
सुमरन फिरन न्यॊठ तॖ ऒंगज गऺजिम
मनॖच दुय मालि च़जिम नॖ ज़ांह"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

16.07.2019

16.07.2019 हारॖ (आषाढ) ज़ूनॖ पछॖ (शुक्ल पक्ष) पुनिम (पूर्णिमा) बॊम्वार (मंगलवार)श्री सप्तर्षी सम्वत 5095, राश मकर (रऻच़ हॖन्ज़ॖ 4.32 बजि प्यठॖ), ऋतु वर्षा(ॳज़्यकि प्यठॖ)...अज़ छि गुरु पूर्णिमा ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: सऻलाब छु ऒन
    अ: सऻलाबस मंज़ छु प्रथ कांह
         चीज़ यीरॖ गछ़ान
2. मु: सऻरी न्याय छि सऺहल तॖ
         लानि न्याय छु महल
    अ: सऻरी न्याय छि सऺहल अमा-
         पॊज़ कॖस्मतुक न्याय अंज़-
         रावुन छु सख़
3.मु: सासन डास वथरुन नॖ वगुव
    अ: बॆ-वऺतीरॖ खर्चावुन
4. मु: सासन स्वन पिटारस
         च़ऻन्गिस नॖ तील रातस
    अ: रॊपियि मचि बऺर्य बर्य अमा-
         पॊज़ च़ऻन्गिस नॖ तील/महा
         कऺन्जूस
5. मु: सऻरी करान पान्यो पान्यो
         जुमल्यव नॖ कांह
    अ: प्रथ कऻन्सि पनॖन्य फिकिर
         तॖ कौमॖच नॖ कऻन्सि दग़
**************************
1. ज़ाथ......Caste/Self/Per-
                  son
2. ज़ातस प्यठ....On one's
            own responsibility/
            Personally
3. ज़ऻती....Personal/Innate
                Private
4. ज़ऻती तजरुबॖ.....Personal
                       Experience
5. ज़ऻती राय......Personal
                       opinion
6. ज़ऻती मामलॖ.....Personal
                           affair
7. ज़ऻती तऻलूक़ात....Personal
               relation/Personal
               contacts
8. ज़ाति पाक......God
9. ज़ऻती हऺसियत....Personal
                            status
10. ज़ऻतियाथ......Personal
**************************
        गीता ज्ञान  :अध्याय 14
 यॆलि दिहस यऺन्द्रयन तॖ अंत:कर्न
ज्ञानुक प्रकाश छु पऻदॖ सपदान
ज़ानुन गछ़ि तॆलि सतोग्वन छु बडान,
वॊन भगवानन गीता ज्ञान
**************************
ख़बर आयि ज़ि मोदी सऻब छु व्वंय संजीदगी सान सौंचान ज़ि कऻशिर बट्टॖ किथॖ पऻठ्य वातनावोख वापस कऺशीरि मंज़।यि कथ यॊदवय पऺज़ छि तॖ तॆलि आसन सऻन्य लीडर बऻय लऺग्यमॖत्य हिसाब लगावनस ज़ि क्याह छु मंगुन तॖ क्याह छु नॖ मंगुन। सौंचनि आसन बीठमॖत्य ज़ि सोरुय अयाल ह्यथ तरवा किनॖ अयाल थवोन यॆती तॖ जाय रटनि तरव तॖ पतॖ वुछव। संस्थायन मंज़ ति आसि लऺज्यमॖच़ दॖनन यि ख़बर बूज़िथ। अगर फ़र्ज़ करव तरुन प्यव वापस क्याह यिम दीवी-दीवता असि तोरॖ प्यठॖ योर ॳन्य यिम छा ब्यॆयि वापस तोर निन्य। आश्रम यीत्य यॆति बनऻव्य यिमन त्रॖहन वऺरियन तिमन क्याह छु करुन। मसलॖ रोज़ि ज़ि क्याह तॊत वऻतिथ गछ़्या अनंतनागुक अनंतनाग तॖ वरॖमुल्युक वरॖमुलॖय। क्याह यि गामॖ तॖ शहर हांछ़ लार्या ब्यॆयि तति यॊस यॆति बडॖ मुश्किल सान ख़तम गऺयॆ। शुर्यॆन हॖन्दि परनुक मसलॖ रोज़ि ब्यॆयि तति सुति नवि-सरॖ। नोकरी हुन्द मसलॖ रोज़ि, व्वथॖनॖ-बॆहनुक, ख्यन-च्यनुक, आव-गवुक मसलॖ रोज़ि नवि सरॖ तति। कॊत ताम रोज़ि मुनऻसिब त्रॖहॖय वऺहॖर्य पतॖ वापस गछ़िथ ब्यॆयि त्रॖह वऺरी लागॖन्य सम्बालनस तॖ सऺन्दरावनस। यि वॊन म्यॆ प्यॆठ प्यॆठ योत। हक़ीक़तस मंज़ योदवय वुछव तॖ बट्टॖ यी छ्वकॖनावनॖ अकि फिरि ब्यॆयि।
मोदी सऻबन मा आसि यि अंद सूंचमुत।
**************************
"नाथ ना पान ना परज़ोनुम
सदाय बूदुम ईकुय दीह
च़ॖ बो बो च़ॖ म्युल ना ज़ोनुम
च़ॖ कुस बो क्वस छु संदीह"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

15.07.2019

15.07.2019 हारॖ (आषाढ) ज़ूनॖ पछॖ (शुक्ल पक्ष) च़्वदह (चतुर्दशी),च़ऺन्दॖरवार (सोमवार) श्री सप्तर्षी सम्वत 5095, राश धनु (चलान), ऋतु ग्रीष्म (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: च़ऻन्गिस तल अनिगॊट
    अ: यॆति कांह चीज़ मॊहिया
       आसि तति नॖ तम्युक फ़ऻयदॖ
          वातुन।
2. मु: च़ॖ तॖ बॖ लऺतॖ बब
    अ: स्यठाह कम तेदाद नफ़री/
         छ़ॊट अयाल
3. मु: च़िथॖर हय द्वशि वऺरियस
         पोशि
   अ: च़िथरस मंज़ रूद प्यॊन छु
        सज़वुन आसान
4. मु: छ़ावल्या पॊलावॖ हा। दॊप-
         नस म्यानिनॖय नाटन
    अ: ब्यॆयि सॖन्दि खूनस मशकॖ
         करनि
5. मु: च़ऺटिथ ह्यन्दॖव्यन्दॖ तॖ प्रॖछ़िथ
         सौदा
    अ: सौदा गछ़ि वुछिथ तॖ चुकऻ-
         विथ करुन
**************************
1.  डाडॖ.....Strong/Power-
                ful/Vigorous/
              Oppressive/Firm/
              Compact
2. डाबॖर....Tom-tom/Tiber
3. डाक/डाख...Mail/Post
4. डाख ख़र्चॖ....Postage
5. डाख टिकट...Postage
                        stamp
6. डाकॖवोल....Postman
7. डाकखानॖ/....Post Office
     डाक-गर
8. डाक बऺगलॖ...Dak banglow
                       Rest House
9. डाकॖ-गऻड्य...Mail van/
                        Mail train
10. डाकू....Dacoit/Robber/
               Bandit/Plunderer
**************************
        गीता ज्ञान  :अध्याय 14
रज तॖ तम दबऻविथ सतोग्वन बडान, सत तॖ तम दबऻविथ रजो ग्वन हुर्रान, सत तॖ रज दऺबिथ तमोग्वन व्वतलान।
वॊन भगवानन गीता ज्ञान
**************************
फ़र्ज़ करव ज़ि धारा 370 तॖ 35ए हट्यव कशीरि मंज़ क्याह मुम्किन छा ज़ि कऻशुर बट्टॖ तरि कऺशीरि वापस? म्यॆ छु नॖ बासान। तऺम्युक ख़ास वजह छु ज़ि सऻन्य शुर्य यिम पऺत्यम्यव त्रॖहव वऺरियव प्यठॖ कऺशीरि न्यबर रोज़ान आयि, तिमन क्याह लास छु लबुन कऺशीरि मंज़? क्वस सरकऻर्य नोकरी छि तऺम्यसॖन्दि बापथ तयार तति यमि लालचॖ सु तोर गछ़ि। तम्यसुन्द शुर क्याह करि तॊत गऺछ़िथ, कथ स्कूलस मंज़ परि ल्यॆखि। तऺमिस छि दॊहय तिम तानॖ बोज़ॖन्य ज़ि अकि फिरि च़ऺलॖरऻविथ ॴयवा तॊह्य ब्यॆयि पॊत फीरिथ। क्याज़ि बोज़ि सोन शुर तानन प्यठ तानॖ? मोन ज़ि मुसलमान बुज़ुर्ग मा करि व्वनज़ांह तिनॖज़ांह यज़थ सऻनिस बुज़र्गस मगर जवऻनी हुन्द जोश कॊत गछ़ि योरॖ तॖ तोरॖ ति। सानि कोरि कति रोज़न महफूज़ ततिकिस जटॖजोशस मंज़। ततिकिस मॖसलमान माहोलस मंज़। कुस लालच छु तिमन ति कऺशीरि गछ़ॖनुक। सऻन्य मांग छि ज़ि ॳस्य तरव कऺशीरि पनॖनि आयि तॖ त्रायि। अगर अज़ प्रछ़व कऻन्सि बटस ज़ि ति तार तॖ फिकिरी ज़ि पनॖन्य आयि तॖ पनॖन्य त्रायि क्याह मतलब छु, सु ह्यॆकिनॖ वऺनिथ। अदॖ ज़्यॆवि प्यठ थॊवुन यि याद आयि तॖ त्रायि तिथय पऻठ्य यिथ पऻठ्य नॖ कऺशीरिहॖन्दिस मुसलमानस छॆ नॖ पताह सु मंगान क्याह छु। बस थॊवुन याद "हम क्याह चाहते हैं, आज़ादी"। वनुन छु वारियाह।कथ कथ दिमव वाठ। असि ना छि च़्वल कुनि तॖ न छु ज़ालनॖ बापथ काठ।
**************************
"गाटुलाह अख वुछुम ब्वछि सॗत्य मरन
पन ज़न हरन पोहनि वावॖ लाह
न्यशब्वद अख वुछुम वाज़स मारन
तनॖ लल बॖ प्रारन छ़्यन्यम ना प्राह"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

14.07.2019

14.07.2019 हारॖ (आषाढ) ज़ूनॖ पछॖ (शुक्ल पक्ष) त्रुवाह(त्रयोदशी) आथवार (रविवार/एतवार),श्री सप्तर्षी सम्वत 5095, राश धनु (दुहचि 5.25 बजि प्यठॖ) ऋत ग्रीष्म(चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात **************************
1. मु: ज़ऻरिस वन्योख मऻज्य हा
         मोयि दॊपनख यऺपऻर्य अन्य-
         हून
   अ: बद किरदार इन्सानस छु
      बिल्कुल ला-परवाह आसान/
      नाकारॖ कामि मंज़ इन्सानस
      छु नॖ कुनि कथि हुन्द परवाय
      आसान
2. मु: ज़ामतुर गव पामॖतुर
    अ: ज़ामतॖरिस युथुय ह्यॊर ब्वन
          गछ़ि, तस छु रोज़ान कानि
          तल तॖ ॴख़रस छु मन्दॖ-
          छावान
 3. मु: ज़ाम हय आसि गाम तति
          प्यठॖ सोज़ि पाम
     अ: ज़ाम यॊदवय दूर ति आसि
          तोति छॆ नॖ थफ़ तुलान
4. मु: ज़ान छय जहान्
    अ: रॊसूखॖ वऻलिस छु प्रथ कांह
         फ़ऻयदॖ मेलान
5. मु: ज़ाथ कवो रऻवॖय ज़चलो
         वऻन्स कवो रऻवॖय छ़ॊचरो
    अ: ग़री़बी छि ज़ाथ रावॖरावान
         तॖ छ़ॊट्य सॖन्ज़ि वऻन्स छॆ
         नॖ पताह लगान
**************************
1. दाब.....Pomp and show/
               Pressure/Force/
               Control
2. दातॖ.....One who gives
               generously/Bene
             factor/Liberal/The
             creator
3. दाथ....Metal
4. दाथुर...Heap/Stack/
               Accumulation
5. दाज....Dowry
6. दाद द्युन...To praise/
                   Appreciate
7. दाद बिदाद दिन्य...Comp-
              laint/Grievance/
              Cry for justice/
              Seek redress/
        Raise a hue and cry
8. दार...A current of water
          Shower/Continuous
       flow/Lasting of cloth
9. दारव....A roof support
10. दारुन....To owe
**************************
       गीता ज्ञान  :अध्याय 14
सतोग्वन स्वख शऻन्ती प्रावनावान
रजोग्वन स्वकाम कर्मन लगावान
तमोग्वन फ़ज़ूल ख्वाहिशव आवरावान
वॊन भगवानन गीता ज्ञान
**************************
त्रॖह वऺरी गऺयि असि कऻशिर्य बट्टन कऺशीर त्रऻव्यमॖतिस मगर पूरॖ यिमन त्रॖहन वऺरियन आसि नॖ कांह द्वह सु रूदमुत यॆलि कशीरि वापस गछ़नुक संज़ आसि नॖ सूंचमुत कुनि न तॖ कुनि रंग्य। अथ सॗत्य सॗत्य आव असि मॊकॖ यि सौंचनुक ति ज़ि धारा 370 किथ पऻठ्य हटि, धारा 35ए कुस हटावि तॖ किथॖ पऻठ्य हटावव ताकि बाकय कॆंह बंदिशि ति गछ़न दूर। अदालतन मंज़ वऻत्य कॆंह लूख यि मसलॖ हल करनॖ बापथ मगर अंद्यव नॖ वुन्युख ताम किंही। यिमन त्रॖहन वऺरियन मंज़ आयि वारियाह किताबॖ लेखनॖ, सम्मेलन बुलावनॖ, जदोजहद करनॖ, क्रकॖ नाद दिनॖ मगर कऻशिर्य बट्टॖ यिम कऺशीरि प्यठ च़ऺलिथ आयि, वापस ह्यॆक्य नॖ वुन्युखताम गऺछ़िथ। मुहिम छि जऻरी। सौंच छु बरक़रार। बऺहस चु चलवुन। मशवरॖ छि यिवान ह्यनॖ अख ॳक्यसॖन्द्य। ब्यॊन ब्यॊन संस्थायि छि पनॖनि पनॖनि जायि तदबीर छ़ान्डान ज़ि कऻशिर बट्टन हुन्द तक़दीर किथॖ पऻठ्य बदलि युथ तिम पनॖन्यन पनॖन्यन गरन वापस वातन। हालांकि पता छि सारिनॖय ज़ि त्रऻवमॖच़ थ्वख छॆ नॖ वापस यिवान तुलनॖ मगर दिलुक वलॖ वलॖ छुख नॖ छ़ॊपॖ कऺरिथ ब्यॆहनॖ दिवान। छ़ॊपॖ कऺरिथ रोज़न ति किथॖ पऻठ्य मगर बॊड सवालॖ छु ज़ि वापस वातन ति किथॖ पऻठ्य तॖ कुस वातॖनाव्यख तॖ कर वातनाव्यख तॖ कमन सॗत्य मेलनाव्यख।
**************************
"क्याह करॖ पांच़न दऺहन तॖ काहन
व्वखशुन यथ ल्यॆजि कऺरिथ यिम गऺयि
सऻरी समहऻन यथ रज़ि लमहऻन
अदॖ क्याज़ि राविह्यॆ काहन गाव"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

13.07.2019

13.07.2019, हारॖ (आषाढ) ज़ूनॖ पछॖ (शुक्ल पक्ष) बाह (द्वादशी) बटॖवार (शनिवार/ शनिश्चरवार),श्री सप्तर्षी सम्वत 5095, राश वृश्चिक(चलान)ऋतु ग्रीष्म (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: रातस वॊनमय लऻल नामॖ
         सुबहस दॊपथम लऻल क्या
         वाति मॊजलूनस
   अ: फिकिरि तऻर्य तऻर्य ति नॖ
        फिकिरि तरुन
2. मु: रऻछस दॊहा तॖ च़ूरस गऺरा
    अ: वुम्बरिहॖन्ज़ रऻछ छि रछ़ा
         ग़फ़लऺच़किन्य कॊलि गछ़ान
3. मु: रब तॖ सब हिशी कथा
    अ: यॆलि रॖतिस तॖ कृतिस
          फ़रखॖय रोज़ि नॖ
4. मु: रतस तॖ त्रॆशि
    अ: सख़ अदावत
5. मु: रॖतिस छि दऺह बऻग्य
    अ: जान कारस छि सऻरी
         व्वमेदवार आसान
**************************
1. ख़ाब....Dream/Delusion/
               Vision/Fantasy
2. ख़ाब वुछुन....Dream a
               dream/Have a
               dream
3. खाब ख़याल.... Delusion/
               Fantasy/Vision
4. खाब गछ़ुन....Not to be
               visible/Not to be
               seen
5. खऻतिमॖ......End/Conclu-
                       sion/Finish
6. खातून...... Lady
7. ख़ऻदिम.....Servant/Atten-
                    dant/Maid
8. ख़ऻरिज...Expelled/Struck
                  off/Dismissed/
                  Excluded
9. ख़ार.......Thorn
10. ख़ारॖ.... ...Great desire/
                 Strong longing
**************************
         गीता ज्ञान  :अध्याय 14
तमोग्वन अज्ञानॖ प्यठॖ व्वपदान,
मनुश मॊह ज़ालस मंज़ फ़सान
प्रमाद आलुछ़ न्यॆन्दॖर रावॖरावान
वॊन भगवानन गीता ज्ञान
**************************
मरुन ति छु मुश्किल अज़कल।कूर वऻच़ वापस अडॖवति प्यठय मगर मऻल्य ॴस ॳछ वटमॖच़। असि रूज़ यॆति व्यछ़य गोरन हॖन्ज़ ति। उतराखंडॖक्य, उतरांचलॖक्य या कॆंह बिहऻर्य छि सान्यन संस्कारन अंद वातनावान। कोताह ज्ञान छु तिमन, सऻन्य विधि कऻच़ाह ज़ानान छि तिम, ॳस्य ह्यकव अनुमान लगऻविथ। मगर असि ति ब्यॆयि चारॖ छु नॖ कॆंह। कऻम छि पकनावॖन्य। फ्लैटन मंज़ मरुन छु अख मुसीबथ। वारियाहान जायन वुछ म्यॆ ज़ि शवस छॆ नॖ श्रान दिनस सॊम्ब जाय। जायि छ़ोछर जु।
क्रिया करनॖ बापथ छि नॖ शुर्य नऺन्य। तिमन छे नॖ फुर्सथ पूरॖ द्वह करनॖ बापथ। म्वखसरॖ कथ छि ज़ि ॳस्य कऻशिर्य बट्टॖ छि दर-अज़ाबस लऺग्यमॖत्य। निभावान छि रस्म कुनि न तॖ कुनि रंग्य मगर मनस छु नॖ पूरॖ तसल्लाह मेलान। असि गव सऻर्यसॖय व्यॊठुय। मगर वनव कस, वऺनिथ ति नेरि क्याह। ॳछ वऺटिथ छु पकुन तॖ क़दम क़दम कडुन ब्रौंहकुन। बुथि क्याह छु ब्यॆयि डॆंशुन ख़बर ॳकिस भगवानस। पुशॖराव पान च़ॖति तस दयावानस
**************************
"अछ़्यन आय तॖ गछ़ुन गछ़े
पकुन गछ़े द्यन क्यो राथ
योरय आय तॖ तूर्य गछ़ुन गछ़े
कॆंह न तॖ, कॆंह नतॖ कॆंह, नतॖ क्याह"
पऺरिव यि लल वात ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

12.07.2019

12.07.2019 हारॖ (आषाढ) ज़ूनॖ पछॖ (शुक्ल पक्ष) काह (एकादशी) शॊकुरवार (शुक्रवार/ जुम्मा), श्री सप्तर्षी सम्वत 5095, राश वृश्चिक (दुहचि 9.53 बजि प्यठॖ), ऋतु ग्रीष्म (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: डबॖ डबॖ गव वडॖ-रब
    अ: मशहूर स्यठाह तॖ ह्यॊन
         द्यॊन कमॗय
2. मु: डेंजि तऺल्य पन तॖ पनॖ तऺल्य
         डींज्य
    अ: ओरुक योरुक वऺनिथ बरा-
         बऺरी अनॖन्य
3. मु: डॊम्ब्य शुर्यन खॊकॖ-ब्रऻर्य
    अ: तस रोब हावुन यस नॖ
         व्यच़ानॖय आसि
4. मु: ड्यकॖ टिकॖ
    अ: सरताज/हावुन लायख
5. मु: डंगॖ सॖह
    अ: गरस मंज़ॖय ज़ऻलिम मूजूद
         आसुन
**************************
1. छातॖ..... Umbrella
2. छान....Carpenter/Strain
3. छानॖबाय... Carpenter's
                     wife
4. छानुन....To strain/To fil-             
              ter/To percolate/
              To investigate/To
          examine/To explore
5. छापॖर......A kind of haw-
                    ker's basket
6. छावुन....To use/To enjoy
7. छतुन...To become old
               (Graying of hair)
8. छेकरस...At the end/At
             the eleventh hour
9. छुट्टी...... Holiday
10. छुर्य..... Knife/Dagger
**************************
       गीता ज्ञान :अध्याय 14
 रजोग्वन रागॖ रूपॖ कामना करान, ज़ीव आत्माहस कर्मन मंज़ लगावान, ब्यॆयि कर्मॖ फलॖच आशा थवान
वॊन भगवानन गीता ज्ञान
**************************
राथ सुबहऻय यॆलि म्यॆ मोबाइल वुछ तॖ नन्यॊम ज़ि म्यऻनिस ॳकिस मित्रस ॴस मऻज्य कालॖ शामन रऻच़ हॖन्ज़ि काह बजे पूरॖ सपद्यॆमॖच़। यि मित्र छु म्यॆ सॗत्य व्हाटसापस प्यठ कथ बात करान रोज़ान।अख ॳक्यसुन्द गरॖ छि नॖ आमॖत्य गऻमॖत्य ज़ांह, सु कति रोज़ान तॖ बॖ कति रोज़ान यिति छॆ नॖ ख़बर असि अख ॳकिस मगर व्हाटसापस प्यठ छि तिथॖपऻठ्य गुफ्तॖगू करान रोज़ान ज़न ति छि ॳस्य ल्वकॖचारॖ प्यठॖ अख ॳकिस  ज़ानान। म्यॆ बासान यिहऻय पान्य-यार ज़ऻनिथ ओस ॳम्य म्यऻनिस नम्बरस प्यठ यि ख़बर सूज़मॖच़। म्यॆ आव नॖ ताब तॖ म्यॆ कॊर ॳमिस फ़ोन तॖ प्रुछ़मस पय पताह तॖ नन्योम ज़ि काह बजे दुहचि ओस तऺम्य समय थोवमुत दाह-संस्कार करनॖ बापथ। वुनि ओसुस बॖ सखरानॖय ॳमिस मित्रस निश गछ़नॖ बापथ ज़ि ब्यॆयिस ॳकिस मित्रॖ सुन्द फ़ोन आम। नन्यॊम ज़ि ब्यॆयिस ॳकिस जायि ति छु अख ज़ऻन्यकार वुन्य वुन्य स्वर्गस गोमुत नोयडाहस मंज़। अमिस स्वर्रगवऻसिस छु नॖ गरस मंज़ कांह त्युथ यॆमिस ख़बर छि ज़ि क्याह छु करुन आसान अथ मॊकस प्यठ। म्यॆ ज़ोन मुनऻसिब ज़ि ऊर्य  ग्वडॖ गछ़ुन तॖ यिमन वथ हावॖन्य। ऒत वऻतिथ नन्योम ज़ि ॳमिसॖन्ज़ कूर मा ॴस कैनाडा प्यठॖ आमॖच़ तॖ ॴस मऻलिस तीमारदऻरी करान रूज़मॖच़ पऺतिम्यव कॆंच़व दॊहव प्यठॖ तॖ राथॖय ॴस वापस कैनाडा बापथ द्रामॖच़ तॖ यपऻर्य सपुद यि पूरॖ। तऺमिस कऺरॖख ख़बर। तमि कॊर ऒडुय सफ़र तॖ फीर वापस योर कुन। चूंकि तऺमिस लगिहे कॆंह काल वातनस मंज़, यिमव दॊप ज़ि दाह-संस्कार करव तम्यसॖन्दि वातनॖ पतय। तोताम सोम्बरोवॖख मरन-सामग्री वगैरा। बॖ आस तीतिस कालस ग्वडनिकिस मित्रस मीलिथ तॖ तऺम्यसॖन्ज़ मऻज्य कऺर शुमशानस कुन रवानॖ।कथ जि जऻरी
**************************
"आयस वते गऺयस नॖ वते
स्यमंज़ स्वथि लूसुम द्वह
चंदस वुछुम हार नॖ अथे
नावॖ तारस दिमॖ क्याह बॖ"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.07.2019

11.07.2019 हारॖ (आषाढ) ज़ूनॖ पछॖ (शुक्ल पक्ष) दऺहम (दशमी) ब्रसवार (वीरवार/ब्रहस्पथवार/ गुरुवार) श्री सप्तर्षी सम्वत 5095, राश तुला (चलान)ऋतु ग्रीष्म (चलान)
**************************
  नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक बस अख श्वलूक कऻशिर्य ज़बऻन्य मंज़ॖ तॖ पनॖन्य कथबात
**************************
1. मु: दारो कऺम्यू फाटवुख, दॊप-
         नस पनॖन्य पऺन्य
    अ: यॆलि पनॖनुय न्वकसान वातॖ
         नावि
2. मु: दऺह बऻच़ काह ज़ऻच़
    अ: मिज़ाजॖ ब्यॊन ब्यॊन/
         यॆलि नॖ सारिनी बऻच़न कुनी
         राय आसि
3. मु: दऺह चन्दस दऺह व्वंदस दऺह
         शान्दस
    अ: यॆलि नॖ कथ साफ़ पऻठ्य
         वनॖनॖ यी/प्रथ कुनि चीज़ुक
         बराबर ख़याल रोज़ुन
4. मु: दऺह गज़ सऺन्य क्याह दऺह
         गज़ वग्यन्य क्याह
    अ: यॆलि नॖ ज़्यादॖ या कमॖ सॗत्य
         कांह फ़रॖख प्यॆयि
5. मु: दऺह गज़ ह्यॊर क्याह दऺह
         गज़ ब्वन क्याह
    अ: हिशी कथा बॊज़ॖन्य
**************************
1. हात़ॖ...Compound/An en-
             closed space/A
             piece of land
2. हऻफ़िज़.... Protector/One
             who knows the
         holy Quran by heart/
         Preserver/Guardian
3. हाल....Welfare/Position
               Particulars/Con-
              dition/Situation/
              Hall
4. हालि हऻरान..To be astoni-
                     shed/Passing
          through hard times/
       In bad circumstances
5. हाल बावुन....To express
                        thoughts
6. हाल गछ़ुन..To have one's
      condition aggravated/
      Go from bad to worse
7. हालथ....State of affairs/
             Position/Details/
             Particulars/Condi
             tions
8. हाले हयात....Alive/In life
             time/Existence
9. हालाथ...State of affairs/
             Circumstances/
          Particulars/Details/
          Conditions
10. हऻज़िर......Ready/Will-
            ing/Present in
            attendance
**************************
      गीता ज्ञान  :अध्याय 14 
 हे अर्ज़न ग्वनव मंज़ सतोग्वन ज़ान, विकार रॊस न्यरमल तॖ प्रकाशमान। यि स्वख शऻन्ती तॖ ज्ञानॖ सॗत्य मेलान
वॊन भगवानन गीता ज्ञान
**************************
हून्य-लॊट लज़ेयोख कऺन्दिलस तॖ  बहि रयॆत्य द्रायो ब्यॆयि त्युथुय। तिमन छॆ नॖ ग्रेन कुनिच। मर्कऺज़ी सरकार थॊक तिमन ख्यावान तॖ च्यावान मगर तिमन च़ॊल नॖ पनुन ब्वछर वुनि ति। ब्वकॖ छि तिमन तति फॊलान यान्य हिन्दुस्तान कुनि मुक़ाबलस मंज़ हारान छु। गाह सु क्रिक्यट छु, गाह सु हाकी छु या फुटॖबाल छु। तिमन ज़न छि वऻन्लिज शेहलान युथुय ख़बर तिमन कनन गछ़ान छि ज़ि हिन्दुस्तानन होर मुक़ाबलॖ पऻकिस्तानस सॗत्य या कुनि ति ब्यॆयिस मुलकस सॗत्य। टासन प्यठ टास छि त्रावान, जेशिन छि मनावान, नऻरॖबऻज़ी छि करान तॖ मऺशिथ छख गछ़ान माय महोब्बत युस तिमन मेलान छु पनॖनि सरकारॖ दऺस्य। मऺशिथ छिख गछ़ान
सहुल्यात यिम तिमन मेलान छि परनॖ रंग्य, कारोबारॖ रंग्य या ब्यॆयि ति कुनि रंग्य। पनुन ॴब छि हावान रोज़ान। यिथ्यन हालातन  मंज़ छा यि वऻजिब ज़ि कऻशुर बट्ट गछ़ि ब्यॆयि तूर्य रोज़नि तॖ तिमय ल्यकॖ थॊकॖ बोज़नि। म्यॆ छु नॖ बासान तिम सुदरन।हिन्दुस्तानन होर सॆमि-फायनल मुक़ाबलॖ क्रिक्यटस मंज़ तम्युक छु फ़ेरान सख।
**************************
"आयस कमि दिशि तॖ कमि वते
गछ़ॖ कमि दिशि कवॖ ज़ानॖ वथ
अनतिह दाय लगि म्यॆ तते
छुम छ्यनिस फ्वकस कोंछ़ ति नो सथ"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

10.07.2019

10.07.2019,हारॖ (आषाढ) ज़ूनॖ पछॖ (शुक्ल पक्ष) नवम (नवमी)ब्वदॖवार (बुधवार)श्री सप्तर्षी सम्वत 5095, राश तुला (चलान) ऋतु ग्रीष्म (चलान)...अज़ छि हारॖ नवम ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: ख़ाम तमाह तॖ अपज़्योर
  अ: लालची छु बदनियथ आसान
2. मु: ख़ान बडा खान बड़ा मंज़
         बाग़ॖ च़्वचॖ ॳडाह
    अ: यॆलि कऻन्सि नाव थ्वद
         आसि अमापॊज़ खर्च करि
         म्वखसरय
3. मु: खऻक्य फूकी गरदि आसमऻ
        -नीय
    अ: यॆलि कांह सऻर्यसॖय फ़ान
          कऺरिथ पथॖरिस लारि/यस
          नॖ कॆंहति  स़ूरत रोज़ि
4. मु:  खानॖमऻलिस नॖ कोज तॖ पर
          ज़न्यन मुमिज़
    अ: गरिक्यन बऻच़न नॖ वातुन तॖ
         परद्यन साल करुन
5. मु: खानॖ माज्यन तानॖ बागे
    अ: हक़दार शख्सन छु नॖ शूबि
         दार कॖस्मत आसान
**************************
1. चाबुक.....Whip/A lash
2. चाबुक सवार...Expert rid-
               er/Jockey/A
               horse breaker
3. चऻब्य....Key
4. चापलूस.....Scophant
5. चापलूसी.... Flattery/Sco-
                       phancy
6. चाचॖ.....Younger brother
                 of father/Uncle
7. चारबंद.....Limb/Joint
8. चारपाय.....Cot/Bed
9. चार च्यॆश्मॖ....Untrust-
               worthy/ Faithless
               Treacherous
10. चार खानॖ.....Checkered/
               ( Cloth)Check
**************************
       गीता ज्ञान  :अध्याय 14
सतूग्वन रजूग्वन तॖ तमोग्वन, यिम
त्रॆ ग्वन प्रकृति निशि व्वपदान
यिमय ग्वन ज़ीव आत्माहस शरीर
आवरान
वॊन भगवानन गीता ज्ञान
**************************
मऻज्य, माजि ज़मीन तॖ माजि ज़्यव यिम त्रॆ चीज़ छि यिम इन्सानसॖन्ज़ पहचान या प्रज़नथ नऺनरावान छि ज़ि यि कमि जायि हुन्द छु तॖ कमि ज़ऻच़ हुन्द छु। इस्लिए छु स्यठा ज़रूरी ॳकिस इन्सानसॖन्दि बापथ ज़ि सु करि यिमन त्र्यन चीज़न रऻछ तॖ रऺछ़रावि। वुछनस तल छु यिवान ज़ि असि कऻशिर्य बटव ह्यॆच़ मऺशरावॖन्य माजि ज़्यव तॖ यॆमि सॗत्य अख ज़बर्दस्त ज़ख ह्यॊतुन वातुन सऻनिस कल्चरस वारिहाव रंग्य। सऻन्य प्रज़नथ ह्यॆच़ॖन्य असि निशि दूरॖन्य वारॖ वारॖ। सोन अदब ह्यॊतुन तल तल वातुन तॖ सान्यन नज़रन निशि गऻब गछ़ुन। यनॖ ॳस्य कशीरि प्यठॖ च़ऺलिथ आयि अज़ त्रॖह वऺरी ब्रौंठ तनॖ प्यठॖ आव असि वारियाह बदलाव पनॖनि रिहऻयशि मंज़, कथबाति मंज़, पर ज़ऻच़ मंज़ खान्दर करनस मंज़, कऻशिर्य ज़बऻन्य मंज़ वगैरा वगैरा। म्यऻन व्यनती छि म्यान्यन बायन ब्यॆन्यन ज़ि तिम थऺविन्य पनॖन माजि ज़्यव पनॖन्यन शुर्यन कट्यन सॗत्य रछ़रावनॖच कूशिश।
**************************
"आमि पनॖ सऺदरस नावि छस लमान, कति बोज़ि दय म्योन म्यॆति दियि तार, आम्यन टाक्यन पोन्य ज़न शमान, ज़ुव छुम ब्रमान गरॖ गछ़हऻ"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

09.07.2019

09.07.2017 हारॖ (आषाढ) ज़ूनॖ पछॖ (शुक्ल पक्ष) ॴठम (अष्टमी)
बॊम्वार (मंगलवार),श्री सप्तर्षी सम्वत 5095, राश तुला (रऻच़ हॖन्ज़ 4.44 बजि प्यठॖ) ऋतु ग्रीष्म (चलान)...अज़ छि हारॖ ॴठम ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: हाल मतॖ प्रॖछ़तम रॊयसॖय
         वुछतम
    अ: कऻन्सि हुन्द गुदरुन छु तऺमि
         सन्दि बुथि प्यठॖ ननान
2. मु: हऻज़्यरस बोग तॖ गऻर हऻज़्य
         रस चौब
    अ: युस ब्रौंह कनि आसि तस
          बनि सोरुय
3. मु: हऺजली शाह टॊन्य तॆलि न तॖ
         वॊन्य
    अ: बे-वखतुक कार/यॆलि नॖ
         कार शूबि तॆलि करुन
4. मु: हरफस गवाह तॖ म्यॆन्डिस
         शऺरीक
    अ: सॗत्य बोज आसुन/नऺज़-
         दीकी ज़ऻन्यकार आसुन
5. मु: हमऻल्य तॖ दमऻल्य
    अ: पनॖन्य कथ बॆहनावनॖ
         खऻतरॖ शोर तुलुन
**************************
1. स़ऻबिथ....Prove/Conform
                  ed
2. स़क़ल....Gravity/Indiges-
                 tion/Heavyness
                 in stomach
3. स़वाब...Pious deed/Sec-
              red virtue/Reward
              of virtue/Meritor-
              ious action
4. स़ऻनी.....Second/Equal/
                 Match
5. स़ोबूथ..Whole/Unbroken
               Uninjured/Un-
               damaged/Entire
6. स़मरदार....Fruit bearing
               tree/Fruitful(en-
               deavor)
7. स़ालिस..... Arbitrator/
               Mediator/Arbiter
               Third person/
               Impartial person
8. स़ना....Praise/Eulogy
9. स़नाख्वानी.... Applause
10. जामॖ.....Dress/Garment
**************************
      गीता ज्ञान  :अध्याय 14
रंगॖ रंगॖ शक्लि जिसमॖ ज़ीव ज़ुवान, प्रकृति माता रूपॖ ग़रब दारान
बॖ पिता रूपॖ अथ बीज़ त्रावान
वॊन भगवानन गीता ज्ञान
**************************
रंगॖ रंगॖ रंगदार वुछमय म्यॆ इन्सान
च़ूर तय पऺहरदार वुछमय म्यॆ इन्सान।फर्शस प्यठ प्यवान वुछमय म्यॆ इन्सान। अर्शस प्यठ वुडान वुछमय म्यॆ इन्सान। लालचन नालॖ रॊटमुत यि इन्सान।मायायि वॊलॖमुत वुछमय म्यॆ इन्सान। पज़रस थज़र दिवान यि इन्सान। अपुज़ तॖ अपज़्योर वुछमय म्यॆ इन्सान। इन्सानस दुश्मन वुछुम यि इन्सान। आदमस रहबर वुछमय म्यॆ इन्सान। वथ डालान गाशलदस यि इन्सान। गटि मंज़ दॗफ ज़ालान वुछमय म्यॆ इन्सान। त्रेशॖ क़तरन क्रेशान वुछुम यि इन्सान। मलर्यव चावान वुछमय म्यॆ इन्सान। म्यॆच़ि दब कडान वछुम यि इन्सान। म्यॆच़ि मंज़ मेलान वुछमय म्यॆ इन्सान।
कलॖ किन्य क्रॗरिस गोमुत यि इन्सान। फश यिवान विज़ि विज़ि तोति ह्यॆछान नॖ इन्सान। मेठॖ सॖन्ज़ तॆह ह्यथ वुछमय म्यॆ इन्सान।हलम दऻरिथ वऻन्सि वुछमय म्यॆ इन्सान। रंगॖ रंगॖ रंगदार वुछमय म्यॆ इन्सान। च़ूर तय पऺहरदार वुछमय म्यॆ इन्सान। (दीप)
**************************
"लल बॖ द्रायस लोलरे लूसुम द्यन क्यो रात।वुछुम पंडिथ पनॖने गरे
सुय म्यॆ रॊटमस न्यछतुर तॖ साथ"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

08.07.2019

08.07.2019 हारॖ (आषाढ) ज़ूनॖ पछॖ (शुक्ल पक्ष) शॆयम(देवादेव) (षष्ठी) च़ऺन्दॖरवार (सोमवार),श्री सप्तर्षी सम्वत 5095, राश कन्या (चलान) ऋतु ग्रीष्म (चलान)...च़ूंकि पगाह सतम छि रावन, पगहुक वॊहरवोद यी ॳज़्य
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: चाह कुन राह चाह दर पेश
    अ: युस कऻन्सि बद यॆछ़ि तस
         छु पानसॖय गुदरिथ यिवान
2. मु: चऻर्य पथॖर
    अ: हज़लॖ पऻठ्य छि तथ बऺस्ती
         वनान यॆति सऻरीय बेकॖल
         आसन
3. मु: चऻनिस हाकस छु नॖ पाक
         दिनुक ज़रूरथ
    अ: कऻम करन वऻलिस तऻरीफ़
         करॖन्य
4. मु: चायि तॖ लायि गछ़ि ऒगुन
         आसुन
    अ: दॊयमि सॖन्दि मदतॖ वरऻय छु
         नॖ कार अंदान
5. मु: चन्दॖ बांदव
    अ: आसनॖ बासनॖ विज़ि यारज़
          लागन वोल
**************************
1. जऻबिर.... Tyrannical/
            Tyrant/Cruel/Force
            ful/Oppressive
2. जाबजा...Proper/Every-
            where/At every
            place/Here and
            there
3. जादाद.....Real estate/
            Land/Property/
            Estate
4. जाफुर......Marigold/A
            kind of flower
5. जाक्यट.....Jacket
6. जालार....Net/Trap/Web
7. जालसाज़....Fraud/Cheat/
             A cunning person/
             Deceiver
8. जालसऻज़ी....Cheating/
          Imposture/Forgery/
          Deception
9. जाम....Glass of wine/A
           peg/A cup/A bowl
10. जामन...... Blackberry/
                   A kind of fruit
**************************
     गीता ज्ञान  :अध्याय 14
म्यऻन्य मूल प्रकृती छि ग़रब दारान बॖ च़ेत्यन रूप अथ यूनी बीज त्रावान। जड तॖ चेतन मीलिथ ज़ीव पऻदॖ गछ़ान
वॊन भगवानन गीता ज्ञान
**************************
कूशिश छि करान ज़ि पनॖन्य संस्कृती गऺछ़ ज़िन्दॖ रोज़ॖन्य। मरहब्बा छु तिमन संस्थायन, तिमन शुर्यन, बड्यन यिमन यि व्यच़ार छु मनस मंज़। वयकुण्ठ मंडली फ़रीदाबादस मंज़ छि यिछ़ॖय विचारधारा ह्यथ ब्रौंह ब्रौंह पकान। राथ ओस कशमीरी पंडित सभा फ़रीदाबादन अख प्रोग्राम आयोजित कॊरमुत यथ मंज़ वयकुण्ठ मंडली हॖन्द्य सदस्यव ॴस पनॖन्य शिरकत कऺरमॖच़ तॖ सॗत्य ह्यथ ॴसिख तिम शुर्य तॖ बऺड्य आमंत्रॖत कऺर्यमॖत्य यिमव हालॖ ओस गाशॖ तारुख-7 मंज़ हिसॖ न्यूमुत ग्यवनस मंज़, नच़नस मंज़ तॖ सांज़ वायनस मंज़। बड्यव मंज़ॖ ति ॴस्य पनॖन्य मॊदुर आवाज़ ह्यथ आमॖत्य कॆंह कलाकार यिमव महफिल सजऻव पनॖन्यव हट्यव दऺस्य। सुषमा जी कल्ला, दिलीप जी लॊंगू, गोतम जी रैना, रितिका जी रैना वगैरा वगैरा। कऻशिर्य ज़बऻन्य प्यठ ति आव वनॖनॖ ज़ि यि ज़बान रऺछ़रावॖन्य कऻछ़ा ज़रूरी छि सानि प्रज़नथ बापथ। अथ प्रोग्रामस मंज़ आयि शऻयरी ति करनॖ। संस्थाय दऺस्य ॴस ख्यनच-च्यनॖच व्यवस्था ति आमॖच़ करनॖ जान पऻठ्य। म्यॆति कऺर शिरकथ अथ प्रोग्रामस मंज़। सारिनी कलाकारन आयि ट्रोफी दिनॖ, बड्यन ति यज़थ बख्शनॖ। लूख ति ॴस जान तेदादस मंज़ आमॖत्य यि प्रोग्राम वुछिनि तॖ यि प्रोग्राम ओस आमुत करनॖ कशमीर भवनॖ, स्यकटर 37, फ़रीदाबादस मंज़। बजाह रूज़िन सऻरी पनॖनि पनॖनि जाय। प्रोग्रामुक लुत्फ़ तुलनॖ बापथ ॴस्य आमॖत्य लूख प्रताप विहारॖ प्यठॖ, रोहनी प्यठॖ, ग़ाज़ियाबादॖ प्यठॖ, शालमार गार्डॖनॖ प्यठॖ, मयूर विहारॖ तॖ वैशाली प्यठॖ। यानि दूर दूर जायव प्यठॖ। प्रोग्रामस वोत बडॖ जान पऻठ्य अंद। संस्थाय हॖन्द्य सऻरी सदस्य छि मुबारकॖक्य हक़दार।
**************************
"महीयसीं महाकारां सर्वसंकल्प साधिकाम्। शिवसायुज्यदां शान्तां वन्देsहं गुरुपादुकाम"
पऺरिव यि मंत्र ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)