01.02.2019

01.02.2019, माघॖ गटॖ पछॖ बाह (द्वादशी) शॊकुरवार (शुक्रवार/जुम्मा) श्री सप्तर्षि सम्वत 5094, राश धनु (चलान), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1.मु: च़ूरस छय ब्वॖखचस
        कुनुय कल
  अ: यॆमिस यॊर कुन रुहजान
        आसि तस छॆ नॖ तमि
        वरऻय ब्यॆयि कॆंह बोज़नॖ
        यिवान
2. मु: च़ूरॖ क्वकॖर
    अ: य्यॊस कऻम बे-वख्तॖ
         खऺजल करि
3. मु: च़ूर छु बेनूर
   अ: च़ूर छु ॴबदार आसान
4. मु: च़्वदऻहिम ज़ून
    अ: फल च़न्दॖर हिश ज़ून/
          स्यठा हसीन् ज़नान
5. मु: च़्वचि न तॖ लवास बतॖ
         न तॖ बतास
    अ: मोमूली चिज़ ति नॖ बनॖ
         वुन अमापॊज़ छ़ान्डुन
         थॊद
**********************
1. गन्यर ......Thickness/
                    Density
2. गन्यथ......Maths
3. गनीश......Ganesh
4. गुन्जऻयिश....Scope/
           Ability/Room/
           Capacity to do
           something
5. गुनस.....A type of
         venomous snake
         A type of bangle
         designed as ser-
         pents head
6. गंज...Treasure/Heap
7. ख्रॗंच़...A small rat
8. खोच़ुन...To be afraid
          of/To be fright-
          ful
9. खोज....Enquiry/
                 Search
10. खॖश... Scratch
**********************
      गीता ज्ञान :अध्याय-10
तोह्य पानय पनॖन्यन विबूतियन,
पूरॖ पऻठ्य ह्यकव कऺरिथ वर्णन
सारिनॖय लूकन व्यापत आसान
वॊन भगवानन गीता ज्ञान
**********************म्म्यॆ छु यॆमि ब्रौंह ति वॊनॖमुत ज़ि हना अगर ॳस्य ज़्यादॖ पाहन सनव तॖ पनुन ॴनॖ वुछव। असि छु बासान पनुन पान ग्वनाहगार ति क्याज़ि ॳस्य छि पानय पानस पनॖनि ज़ऻच़ ज़ख वातॖनावनस प्यठ तुलेमॖत्य। पनॖनि ज़ऻच़ न्यबर पनॖन्यन शुर्यॆन खांदर दिवान करनॖ तॖ कांह क्रख तॖ हख नॖ व्वथनॖ दिवान। कूर न्यॆबरि ज़ऻच़ हॖन्ज़ अनोन या पनॖन कूर पनॖनि ज़ऻच़ न्यबर दिमोन। दॊशवय तरफॖ छि ॳस्य न्वखसानस मंज़ रोज़ान। ज़्यॆवि दऺस्य, कथ बाति दऺस्य, स्वबावॖ दऺस्य, ह्यन द्यनॖ दऺस्य, अंगन ॴशनावन हॖन्दि मेल मिलाप दऺस्य, तॖ ब्यॆयि पनॖनि ज़ऻच़ हॖन्ज़ि संख्यायि दऺस्य। ॳस्य ह्यॆतिन वारॖ वारॖ छ़्वॊकॖन। ॳसि ह्यॆच़ॖन्य पनॖन प्रज़नथ रावॖन्य। लगाम दिनॖच छि ज़रूरथ। सख़ ज़रूरथ। सान्यन ज़िठ्यन छु यि अख बॊड बारॖ ह्यॆह। मगर वऺनिथ छिनॖ ह्यकान। हयबुंगॖ हि वुछान रोज़ान। बदलवुनिस आकारस कुन वुछान रोज़ान। पनॖनिस प्वतकालस तॖ वुन्यक्यनॖकिस कालस फरख कडनॖच कूशिश करान। समज नॖ यिवान ज़ि सु वख्त ओसा ठीख किनॖ यि वख्त छु ठीख। कुस करि फऻसलॖ। दॊनवऺन्य दर्यन छु पनुन पनुन तरक। मगर म्यॆ छु बासान गाटस मंज़ छु यिनॖ वोल शुर यॆमिस नॖ अथि यी न नाव तॖ न गुर बल्कि बास्यस खुरुय खुर।
**********************
"या देवी सर्वभूतेषु छाया रूपेण संस्थिता नमतस्यै नमस्तस्यै नमस्तस्यै नमोनम:"
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

31.01.2019

31.01.2019, माघॖ गटॖ पछॖ (कृष्ण पक्ष) काह (एकादशी) ब्रसवार (वीरवार/ब्रहस्पतवार), श्री सप्तर्षि सम्वत 5094, राश धनु (शामन 6.39 बजि प्यठॖ), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: च़ूर गऺयि नंगॖ हंगॖ तॖ मंगॖ
    अ: बॆख़बर पऻठ्य कऻन्सि
         हुन्द कांह क्वकार नॊन
         गछ़ुन
2. मु: च़ूरन समखान चंदॖ च़ूर
    अ: हिविस हिवुय अगादि
         गछ़ान
3. मु: च़ूरस नय मूर आसि
         सन कति श्रॆप्यस
    अ: च़ूरस छु मार ख्यॊन
          ज़रूरी
4. मु: च़ूरस च़्वन यारन हॖन्ज़
         लार
    अ: मुजरिम या ॴब्दार छु
         पनॖन्यन क्योहऻ परद्यन
         खोच़ान
5. मु: च़ॖनि फ्वति त्यॊंगुल
    अ: सु युस ज़िठ्यन हुन्द
         नाव मन्दॖछावि/गरॖ
         बार वुजारॖ करनवोल
**********************
1. गंड....Knot
2. गंडॖ.... Onion
3. गंडॖनावुन...To get
             something tied
4. गंडुन.... Betrothal
             ceremony/To
             tie
5. गंदुख..... Sulphur
6. गंदख-डऺब्य....Match
                         box
7. गंदख-तुज...Match
                       stick
8. गनुन....To become
              thick/To deep/
              Dense
9. गनॖ...... Sugarcane
10. गनॖरस....Cane juice
**********************
      गीता ज्ञान :अध्याय-10
च़ॖ ज़ीवन पऻदॖ करनवोल ब्रह्म
ज़गत स्वामी दीवन हुन्द दीव तॖ परशोतम
तॊह्य पानय पानस ज़ानान
वॊन भगवानन गीता ज्ञान
**********************
शुर्य गछ़न कमज़कम त्रॆ हऻन आसॖन प्रथ मऻलिस माजि तॆली हॆकि सानि ज़ऻच़ हुर्येर सपदिथ संख्यायि मंज़। गरन मंज़ ति रोज़ि शुर्यॆन हुन्द शॊगुला। असि पज़ि पनॖन्य बच्चन वुह्य प्यठॖ पंच़ॖह वुहरिस ताम खांदर करुन। पंच़ॖह्य वुहर्य ह्यॊर छु बच्चॖस खा़दरुक शौख कम ह्यवान गछ़ुन। सु छु पतॖ ज़्यादॖ पौंसस लोर गछ़ान तॖ गर-गृहस्ती कुन छु तस कम रुजाव रोज़ान। अख प्रोन मुहावरॖ छु त्रॖह गव सॖह चतजिह गव पतजी तॖ शॆठ गव ब्रेठ। माने त्रॖह वुहरिस ताम ओस लऺडकस या लऺडकी खांदर कऺरिथ त्रॆ च़ोर शुर्य आसान ज़ामॖत्य तॖ पानस सॗत्य सॗत्य ॴस्य तिमन ति रछान तॖ गरॖच ज़िम्वऻरी ति सम्बालान। मगर अज़कल यॆलि लऺडकॖ या लऺडकी त्रॖह, दॊयत्रॖह या च़ॊयत्रॖह वुहुर आसि अनॖहूरुय, सु कर बनि मोल या मऻज्य सु कर रछि पतॖ शुर्यन तॖ सु कर सम्बालि पनुन गर-गृहस्त। इस्लिये तऺमिस खांदरॖच त्रिष्णा कम तॖ रॊपियन हॖन्ज़ त्रिष्णा ज़्यादॖ रोज़ान। असि पज़ि नॖ पनॖनिस शुरिस ज़ऻच़ न्यबर खांदर करनस इजाज़त द्युन। ज़ऻच़ न्यबर खांदर करनॖ सॗत्य छि वारियाह द्यमऻगी मसलॖ पऻदॖ सपदान यिम बयान् छि कम यिवान करनॖ मगर च़ेनॖनॖ यिवान ज़्यादॖ। गरस मंज़ तनाव रोज़ान, ज़बऻन्य रऺन्ग्य, स्वबऻव्य रऺन्ग्य, रसमव रिवाजव रऺन्ग्य वगैरा वगैरा।
**********************
"या देवी सर्वभूतेषु शक्ति रूपेण संस्थिता नमतस्यै नमस्तस्यै नमस्तस्यै नमोनम:"
पऺरिव यि मंत्र ति
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

28.01.2019

28.01.2019, माघॖ गटॖ पछॖ (कृष्ण पक्ष), ॴठम (अष्टमी), च़ऺन्दॖरवार (सोमवार), श्री सप्तर्षि सम्वत 5094, राश तुला (चलान),ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: यॆड बापथ दीन बदलुन
    अ: तमाह बापथ ईमान
         रावरावुन
2. मु: यज़थ छु पनॖन्यन
         अथन मंज़
    ॶ: पनॖनिस दस्तारस पानॖ
          थफ करॖन्य
3. मु: यज़तॖच हार बेज़ती
         हॖन्ज़ खार छॆ नॖ बराबर
    अ: इन्सान छु यज़तॖ ब्वछ/
         यज़तस छु क़दॖर
4. मु: यॆच़ गॖयि म्यॆच़
    अ: ज़्यादॖ आसनस छु नॖ
         क़दॖर/ज़्यादतीय छि
         बेक़दरी
5. मु: यस वऺछ़ नऺर तऺम्य
         ख्यॆयि लूकॖहॖन्ज़ लऺर
   अ: जिस्मऻनी ताक़तुक ज़ोर
     ताक़तुक बे-जा इस्तिमाल
**********************
1. गुल.....Flower
2. गुलाब...Rose
3. गुलाम...Slave
4. गुलज़ार...Garden/
                 Flower beds
5. गुलरेज़...Shedding
             flower petals
6. गुलक़न्द...Conserve
             of roses/Candi
             ed/Roses
7. गुलकोज़.... Glucose
8. गुल म्यूठ.... Wedding
                      present
9. गुलोबन्द.... Scarf/
                      Muffler
10. गुलोब......Globe
**********************
     गीता ज्ञान :अध्याय-10 :
बॖ अनुग्रह कऺरिथ तिहॖन्दि अंत:कर्ण
ज्ञानॖ रूपॖ च़ांगि छुस गाशरावान
अज्ञानॖ गटॗ छुस दूर करान
वॊन भगवानन गीता ज्ञान
**********************
गरॖ ब्वरुत आसुन छु बेहद ज़रुरी। ब्वरुत माने बऻच़व सॗत्य। खान्दऻन्य बून्य यॊदवय बऺड तॖ फॊज्यमॖच़ आसि शॆहजार छु तथ बोनि तल ज़्यादॖ मेलान। यॊदवय ॳस्य पथ कुन नज़र त्रावव तॖ वुछनस तल छु यिवान ज़ि सान्यन गरन मंज़ ॴस्य  नॖ सति ॴठि कम शुर्य ॳकिस मऻलिस माजि आसानॖय तॖ तिम यॆलि बडान ॴस्य ओस बासान ब्वरुत गरा ह्यु। शुर्यन यॆलि खांदर ॴस्य करान तॖ गरचि नरि-ज़ंगॖ तॖ परि-पखॖ आसॖ ब्यॆयि बडान तॖ फऻलान। अंद्य-पऺख्य शुर्य ॴस्य पनॖनिस मऻलिस माजि हॖन्द्यन सॊम्बरऻव्यमॖत्यन अरमान यछ़ तॖ पछ़ बरान रोज़ान हालांकि तमि वख्तॖ ॴस कमऻय कम मगर तथ कम कमायि ॴस बरकथ ज़्याद। सान्यव ज़िठ्यव ॴस्य कम कमायि मंज़ तॖ शुर्य तन्दलि मंज़ ॴलीशान मकानॖ कऺशीरि मंज़ खडा कऺर्यमॖत्य। यि ओस यकुत, यि ओस मेछर, यि ओस लोल, यि ओस पान्यर, यि ओस यज़थ, यि ओस विश्वास, यि ॴस यछ़ तॖ पछ़। यिमन मकानन मंज़ कऺशीरि मंज़ सोन ल्वकचार छु द्रामुत तिम मकानॖ ॴस्य नॖ सरकारन दितिमॖत्य बऺल्कि सान्यन ज़िठ्यन हॖन्ज़ मॆहन्तिहुन्द फल, खूनॖच कमऻय, यिम चीज़ ॴस तॆलि मुम्किन यॆलि सऻरी सऺमिथ ॴस्य। तॆलि ति ॴस्य शुर्य परान लेखान। सानि ज़ऻच़ मंज़ छु नॖ वुन्युख ताम कांह ति नाखांदॖ रूदमुत।अल्बतॖ सानि माजि ब्यॆनि आसॖ कमॖय पाहन परिमच़ॖ। सान्यन मर्दन हुन्द कमाल ज़ऻनिव ज़ि कुन्य नरि प्यठ यीत्य शुर्य पालॖन्य तॖ यीच़ गरॖवेठ सॊम्बरावॖन्य तॖ गर बऺड्य बऺड्य बनावॖन्य। अज़कल छि सऻरी कमावान तोति छुख बुथ अवेज़ान।
**********************
"या देवी सर्वभूतेषु जाति रूपेण संस्थिता नमतस्यै नमस्तस्यै नमस्तस्यै नमोनम:"
पऺरिव यि मंत्र ति
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

27.01.2019

27.01.2019, माघॖ गटॖ पछॖ (कृष्ण पक्ष), सतम (सप्तमी) आथवार (एतवार/रविवार),श्री सप्तर्षि सम्वत 5094, राश तुला (चलान),ऋतु शिशर)(चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1.मु: यस दय दी तस कुस नी
   अ: दय सॖन्दिस दिनस छु नॖ
        कांह शऺरीक
2. मु: यस कोरि खांदर स्व
         कूर ल्वबरन
   अ: दिलचस्पी बगऻर कांह
         कऻम करॖन्य/वख्तस
         प्यठ नॖ कऻम करॖन्य
3.मु:यस वथ रावि तस हावन
       दऺह, यस कथ रावि तस
       हावि नॖ कांह
   अ: प्रथ कांह छु वथ रावन
      वऻलिस वथ हावान मगर
      कथ रावन वऻलिस ह्यॆकि
       नॖ कांह मदद कऺरिथ
4.मु: यस लॊग मरॖ मरॖ सु मरि
    अ: युस छु नॖ यछ़ान सु छु
         पथ रोज़ान
5. मु: यस लॊग करॖ करॖ सु
         करि
    अ: युस कॆंह करुन छु
          यछ़ान सु छु करान
**********************
1. गशुन....To rub/To
                 grind
2. गश्तॖ...To stroll/Walk
               Round/Beat
               (of Police)
3. गशर...Laziness/
              Slowness
4. गुफ्तगू..... Dialogue/
              Conversation
              Chit chat/Talk
              Discourse
5. गुज़ारुन....To pass
              time/To get
              along with
6. गुज़ारॖ... Livelihood/
              Course of life
7. गुज़ार बंद....Resource-
                      ful/Rich
8. गुज़र...... Octroi
9. गरकुली.....Homely/
               Domestic/Of
               one's family
10. गिरेबान....Collar (of
                      garment)
**********************
      गीता ज्ञान : अध्याय-10
यिम लगातार म्योनुय ध्यान दारान
तिमन छुस बॖ त्युथुय ज्ञान दिवान
ज्ञानॖ यूगॖ तिम म्यॆ प्राप्त सपदान
वॊन भगवानन गीता ज्ञान
**********************
अगर असि शुर्य छि नॖ अकि या दॊयि ह्यॊर थवॖन्य, अगर असि पनॖन्यन पनॖन्यन गरन मंज़ पनॖन्यन गरिक्यन बऻच़न सॗत्य पनॖनि ज़बऻन्य यानि कऻशिर्य पऻठ्य कथ बाथ छॆ नॖ करॖन्य, अगर असि पनॖन्यन शुर्यन ताम पनॖन्यन कॆंच़न किताबन मंज़ लीख्यमॖत्य मंत्र छि नॖ वातनावॖन्य,अगर असि पनॖन शुर्य कऻशुर लेखुन तॖ कऻशुर परुन छिनॖ ह्यॆछनावॖन्य, तॆलि छु नॖ म्यॆ बासान कांह फ़ऻयदॖ असि यिम जायि जायि हवन करॖन्य, असि कऻशिर्य ज़बऻन्य मंज़ वुन्यखताम लेछ्यमच़ॖ किताबॖ पनॖन्यन गरन मंज़ थावनुक छु नॖ कांह मक़्सद।
संस्थायि चलावनॖच छॆ नॖ कांह ज़रूरथ। यिम सानि ज़ऻच़ मंज़ पंच़ाहि अपोर तऺर्यमॖत्य छि तिम छि राम नाव स्वरान ति क्याज़ि तिमन छु पनॖन्यन संस्कारन हुन्द असर मूजूद मगर दरकार छु ज़ि सऻन्य शुर्य गऺछ़्य यि दरोहर ब्रौंठ पकॖनावन्य तॖ पनॖन प्रज़नथ बनऻविथ रोज़ॖन्य मगर असि मंज़ छे नॖ यछ़ा-पछ़ा कऻन्सि। सान्यव ज़िठ्यव यिम संस्कार असि ताम वातॖनऻव्य, तिम संस्कार छि नॖ ॳस्य ह्यकान वातॖनऻविथ पनॖन्यन शुर्यन ताम यॆमि मूजूब सऻन्य संस्कृती ह्यॆच़ॖन वारॖ वारॖ असि निशि दूर गछ़ॖन्य तॖ सऻन्य पहचान ह्यॆच़ॖन्य म्वकलॖन्य।सऻनिस शुरिस छु नॖ कांह सॊबूत पानस निश यि सऻबित करनॖ बापथ ज़ि कमि ज़ऻच़हुन्द छु ति क्याज़ि तमिस मंज़ छे नॖ स्व ज़बान।
सूंचिव सऻरी बड्य ल्वकॖट्य ज़ि असि क्याह पज़ि करुन पनुन आन बान तॖ मान बचावॖनॖ बापथ। कुनुय जवाब छु पनॖन कऻशिर्य ज़बान
**********************
"या देवी सर्वभूतेषु क्षान्ति रूपेण संस्थिता नमतस्यै नमस्तस्यै नमस्तस्यै नमोनम:"
पऺरिव यि मंत्र दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

26.01.2019

26.01.2019, माघॖ गटॖ पछॖ (कृष्ण पक्ष), शॆयम (षष्ठी) बटॖवार (शनिवार/ शनिश्चरवार), श्री सप्तर्षि सम्वत 5094,राश तुला (रऻच़ हॖन्ज़ि 2.38 बजि प्यठॖ), ऋतु शिशर (चलान)...अज़ छि साहिब सतम ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: च़लॖहऻ तॖ छुम नॖ वार
         रोज़हऻ तॖ छुसय बार
    अ: न रोज़नस वार तॖ न
         गछ़नस/प्रथ तरफ़ॖ
         मुश्किलॖय मुश्किल
2. मु: च़लवॖन्यन ब्रौंह तॖ
         लारवॖन्यन पथ
    अ: बुज़दिल तॖ बॆमन्दछ
 3. मु: च़लॖहऻ चानि दादि च़ॖ
          ह्यथ सॗत्य
    अ: यॆस निश तंग सुय
          सॗत्य सॗत्य
4. मु: छ़ऺरॖय मऺट छि वज़ान
    अ: न आसनस मंज़
         ज़्यादॖ आसनॖक्य दम
         दिन्य
5. मु: च़कि तलॖ कडॖन्य कथ
    अ: राज़ मोलूम करुन
**********************
1. गुर....Horse/Trigger
2. गुरॖ....Brown
3. गुरुट....Brownish
4. गुरॖट्य म्यॆच़...Brown
                       clay
5. गुरुन...Small fish
6. गुरुस....Buttermilk
           without cream/
           Residue of
           skimmed milk
7. ग्रॊच़ुन....Shaking
         liquid in a vessel
8. ग्रेन.....Current
9. ग्रूस.....Farmer       10. ग्रॗस्यबाय..Peasant's
                     wife
**********************
      गीता ज्ञान  :अध्याय-10
म्यानि प्रभावुक तॖ ग्वनन हुन्द कीर्तन
लगातार कऺरिथ संत्वष्ट सपदन
म्यॆ वासुदीवस मंज़ वास करान
वॊन भगवानन गीता ज्ञान
**********************
कऺशीरि मंज़ अज़ त्रॖह च़तजिह वऺरी ब्रौंठ ॴस्य कऻशिर्य बट्टॖ गरॖ बऻच़व सॗत्य ब्वरुत आसान। ज़ॖ त्रॆ बऻय, अख ज़ॖ ब्यॆनि, मोल मऻज्य, नान्य बुड्यबब, बायन हॖन्ज़ॖ ज़नि, तिहिन्दि शुर्य, रवख हि मकान, शोर-गुल, क्रख-चिख यकजाह रोज़ुन, दॖरकाकॖन्यन हुन्द समुत, शुर्यन हुन्द पलुन बडुन अलगॖय माहोल ओस आसान। यूत मेछर तॖ ज़ेछर तिमन गरन मंज़ बोज़नॖ ओस यिवान, त्यूतुय टेछर तॖ छ़ॊचर छु व्वंय नज़र यिवान प्रथ कऻशिर्य बट्टॖ गरस मंज़ कऺशीरि न्यबर नीरिथ। अख या ज़ॖ शुरहेनॖ, जायि छ़ॊछर, फ्लैट खऺत्य हि, न ब्रान्द न आंगुन, न वॊट न कऻनीय, न डबि कुठ न दीवानखान, न वुज़ च़ु पूर मकानॖ। मोल मऻज्य ॳकिस जायि, शुर कॊट ब्यॆयिस जायि, गरॖ त्रॊपरिथ अंदरकुन बिहुन। न हक़ न हमसाय, अजीब अजीब माहोल व्वंय वुछनस मंज़ यिवान। सऻन्य ज़िठ्य यि नॊव वातावरन वुछिथ दम फुट्य, वनन हय तॖ वनन कऺमिस, वनन हय तॖ वनन क्याह। यिमन गरन मंज़ नॖ शुर नज़रि यिवान तति छि लबॖ ख्यॆनि यिवान। व्वंय कति नान्य शुरिस पनॖनिस फऺरिस तल रऺटिथ पऺरियन हॖन्ज़ॖ कथॖ बोज़नावान। याद यॆलि यॆलि प्यवान छु सु ब्रूंठिम दौर, ॳछन मंज़ छु नॖ ऒश रुकान। दिलस छि बूज़िथ तॖ च़ीनिथ थफ हिश लगान मगर हक़ीकत छि यी ज़ि ॳस्य छ़ॊकेयि वारॖ वारॖ। सान्यन शुर्यन तरि नॖ यि दूर्यर फिकिरी तॖ न तगि असि व्वंय तिमन हऻविथ द्युन ज़ि यथ ॴस्य वनान दान तॖ यि गयो ज़्युन।
**********************
"या देवी सर्वभूतेषु तृष्णा रूपेन संस्थिता नमतस्यै नमस्तस्यै नमस्तस्यै नमोनम:"
पऺरिव यि मंत्र दोहय
**********************
 नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

25.01.2019

25.01.2019, माघॖ गटॖ पछॖ (कृष्ण पक्ष), पऻन्च़म (पन्चमी), शॊकुरवार (शुक्रवार/जुम्मा), श्री सप्तर्षि सम्वत 5094, राश कन्या (चलान), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: च़रि हुन्द वांठ कोताह
         छु
    अ: कम जिगरॖ आसुन/
         जुर्तमंद न आसुन/
         खॊच़ॖबुड
2. मु: च़ऺरिस गाटॖलिस छु च़ॊर
         खुर
   अ: ज़्यादॖ कऻकीगी छॆ
        ज़्यादॖ परेशऻनी पऻदॖ
        करान
3. मु:च़रि नच़नॖ यिवान ग्यूरुय
    अ: कुनि चीज़ॖच ज़्यादती
         छॆ फ़ऻयदॖ बदलॖ न्वख-
         सानॖय वातॖनावान
4. मु:च़रि कशनॖ यिवान रथॖय
    अ: ज़्यादॖ कऺशदॖगऺरी सॗत्य
         छु न्वखसानॖय वातान
5. मु: च़रि छु कऺन्ड्य थरि
         प्यठॖय राहत
    अ: पनॖनि जायि छु प्रथ
         कऻन्सि आराम
**********************
1. ग्रद...Vulture
2. ग्रंद...Counting
3. गिरदॖ....A kind of
                bread
4. ग्रज़ुन...To roar/To
              cry/To howl/
              To thunder
5. ग्रज़ तुलुन...To make
                      noise
6. ग्रज़......Noise
7. ग्रटॖ.......Quern/Water
                 mill
8. गिरदावर.... Revenue
                      official
9. ग्रटॖवोल..Water miller
10. गऺर.......Watch
**********************
      गीता ज्ञान:अध्याय-10
 लगातार म्यॆ मंज़ मन लगावन वऻल्य
म्यॆ पनुन प्राण अर्पण करन वऻल्य
भखॖत्य म्यानि भख्ती हुन्द वर्णन करान
वॊन भगवानन गीता ज्ञान
**********************
1990-तॖ पतॖक कऻशिर्य बटन हॖन्द्य शुर्य यिम कऺशीरि न्यबर ज़न्मस आयि तिमन छॆ नॖ व्वंय ब्वय ज़ि कऺशीर ॴस क्याह या छि क्याह। परान रोज़न तिम किताबन मंज़ या बोज़न कऺशीरि हॗन्ज़ कथा पनॖनिस मऻलिस माजि निश या पनॖनिस यारस दोस्तस निश। बिल्कुल यिथय पऻठ्य प्रॖछ़ि कॆंच़ॖकऻल्य पतॖ व्वंय सोन शुर ज़ि मऻजी मास कस छि वनान या प्वफ क्याह गऺयि। ति क्याज़ि व्वंय छि असि शुर्यन हॖन्ज़ यछ़य। गरन मंज़ छि नॖ शुर्य नज़र यिवान। यॊदवय यिवान ति छु, इक्का दुक्का कुनि कुनि गरस मंज़।ज़ॖ बऻयबारिन या ज़ॖ ब्यॆनि छि यसलॖ या अख बॊय तॖ अख ब्यॆनि। यिथ्यन हालातन मंज़ छि मास या प्वफ छ़ान्डॖन्य मुश्किल यॆलि वारॖकारॖ तिम बडन। बऺहमि ताम छु अज़कल शुर मऻलिस माजि सॗत्य तॖ बस अमि पतॖ छु शुर गछ़ान फुरररररर।द्राव गरि न्यबर ट्रेनिंग करनि, अदॖ च़ॖ नॖ कांह तॖ बॖ नॖ कांह। पतॖ गव सिरिफ कस सॖन्ज़ मऻज्य स्वन तोलि तॖ कस सॖन्ज़ मऻज्य रॊफ तोलि। ॳथ्य व्यवहारस तॖ हालातस मंज़ छु ॳज़्युक बट्टॖ द्वह द्वह कडान।रसॖ रसॖ रिश्तन छ़्यनान गऺयि तॖर, कति रूद मामतॖर तॖ प्वफतॖर। तॖरि सॗत्य मीज्य तॖर (कुनि खांदरस व्वछ़बस) ज़ानव ग़नीमत, क्याह पताह कल हो न हो।
कथ बाथ कऺर्यतव खुलॖ-डुलॖ पानॖवुन्य, क्याह पताह कल हो न हो
**********************
"या देवी सर्वभूतेषु क्षुधारूपेण संस्थिता नमतस्यै नमस्तस्यै नमस्तस्यै नमोनम:"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

24.01.2019

24.01.2019, माघॖ गटॖ पछॖ (कृष्ण पक्ष),च़ोरम (चतुर्थी), ब्रसवार (वीरवार/ ब्रहस्पतवार), श्री सप्तर्षि सम्वत 5094,राश कन्या (रऻच़ हॖन्ज़ॖ 11.48 बजि प्यठॖ) ऋतु शिशर चलान...
अज़ छि संकट च़ोरम ति (संकट निवार्ण चतुर्थी)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: च़ऺटिथ ह्यन्दॖवन्दॖ तॖ
         प्रॖछ़िथ सोदा
    अ: सोदा गछ़ि वुछिथ तॖ
         चुकऻविथ करुन
2. मु: छ़ावल्या प्वलावॖहा
        दॊपनस म्यानॖनॖय नाटन
    अ: ब्यॆयि सॖन्दिस खूनस
         मश्कॖ करॖन्य
3. मु:च़िथॖर हय द्वशि वऺरियस
        पौशि
    अ:च़िथॖरस मंज़ रूद प्यॊन
        छु सज़वुन आसान
4. मु: च़ॖ वन ब्यॆनि तॖ बॖ वनय
         बायि पनॖन कथ छय
         पनॖनी जायि
    अ: पानॖवुन्य बऻज्य-वठ/
          ब्यॆयिस नॖ बास द्युन
5. मु: च़ऺर छय फलि दादि
         हऻरान
    अ: ज़रूरथ छु प्रथ कऻन्सि
         ह्युवुय
**********************
1. गरार.....Dress
2. गरवेठ.... Domestic
                   property
3. गरदन....Neck
4. गरदन तुलॖन्य...To cut
              throat/To slay
              Behead
5. गरदन मूरॖन्य..To stran-
               gle/To twist
               neck
6. गरदन दिन्य...To kill
7. गरदन च़टॖन्य...To cut
            someone's
            throat/To slay/
            To behead
8. गरदिश..... Rotation/
             Revolution/
             Stroll
9. गरदिश    : Vicissitud-
    आसमान  :. es of for-
                      tune
10. गरदिश करुन...To
              turn round/To
              revolve
**********************
       गीता ज्ञान:अध्याय-10
म्यानि कारणॖ ज़गत पऻदॖ सपदान
सोरुय ज़गत म्यऻन्य च़िंता करान
श्रदावान लगातार म्यॆ बजान
वॊन भगवानन गीता ज्ञान
**********************
तॆलि तोश यॆलि न्वश गरॖ वाति। बोज़व कर तरव ॳस्य व्वंय ब्यॆयि वापस कऺशीरि।कुस तरि तॖ क्याज़ि तरि तॖ कऺमिस निश तरि छु अख बॊड मसलॖ। यिम शुर्य तरहऻन तिमन छि लथ कऺडिथ ब्रौंठकुनॖय तॖ पथकुन नॖ कॆंह ति क्याज़ि च़ॊट कमावनुक सादन छुख नॖ कऺशीरि मंज़ कॆंह ति। सरकऻर्य नोकरी छ्यख नॖ तति दस्तियाब कॆंह ति। तरन हय तॖ तरन कमि बापथ। स्यासतदान छि पनुन पान परज़ॖनावनॖ बापथ असि बट्टन ॴसस मंज़ नाबदफोला थऺविथ अपुज़ुय दिलासॖ दिथ पनॖन द्वह कडान। ग्वडॖ वुछवय यॊदवय तॖ तिम शुर्य छि कति यिम टनलि अपोर तरन गरॖ बसावनि खऻतरॖ। बॖ ओसुस राथ-ऊतरॖ ज़िमनी सौंचान ज़ि सानि ज़ऻच़ मंज़ खांदरस व्वछ़बस प्यठ मा प्यॆयि असि मास या प्वफ किरायि प्यठ अनॖन या अनॖनी नॖ। साफ कथ छि यि ज़ि यथ गरस मंज़ सिरिफ अख लऺडकॖ तॖ अख कूर छि तथ गरस मंज़ कति यी मासॖ द्यद। या यथ गरस मंज़ सिरिफ अख लऺडकॖ छु तथ गरस मंज़ कति यी प्वफ। प्रथ गरस मंज़ छु नॖ अकि या दॊयव अलावॖ शुरी तॖ तिमन मंज़ ति मास या प्वफ वननवऻल्य शुर्य कति आसन। यिहऻय हाल यॊदवय रूद तॖ मासॖकार कुस करि तॖ मऻन्ज़ माहराज़स या माहर्यॆनि लागनॖ बापथ प्वफ कऺम्यसॖन्दि गरि प्यठॖ यी अनॖनॖ। कथ जि जऻरी।दय कऺरिन यऻरी
**********************
"या देवी सर्वभूतेषु निद्रा रूपेण संस्थिता नमतस्यै नमस्तस्यै नमस्तस्यै नमोनम:"
पऺरिव यि मंत्र ति
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

23.01.2019

23.01.2019,माघ, गटॖ पछॖ (कृष्ण पक्ष), त्रय (तृतीय) ब्वदवार (बुधवार),श्री सप्तर्षि सम्वत 5094, राश सिंह (चलान),ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: युस स्वरुपन बुछ सु छु
         गासॖ रज़न खॊच़ान
    अ:यस ख्वरस तल त्यॊंगुल
         गव सु छु त्यम्बिर्यन
         खॊच़ान
2. मु: युस हदॖ डॊल सु रूद
    अ: हदॖ न्यबर नॆरुन गव
         रावनस बराबर
3. मु: युसॖय खॆयि सेर सुय
         सपदि सीर
    अ: माक़ूल आमदनी वोल
         छु आसान ख्वश
4. मु: युसुय ज़बर खॆयि सुय
         मरि
    अ: जुरुम करनवऻलिस छु
         सज़ा ज़रूर तुलुन
5. मु: युसुय ज़ेनि सुय हारि
         युसुय हारि सुय ज़ेवि
    अ: यॆमिस हारनॖच त्वछ़
         आसि सुय छु ज़ेनान
**********************
1. गर....If
2. गरॖ....Home/Origin
             Family/House
             Residence
3. गरॖ गरॖ ...From door
                 to door
4. गरा.....At one time/
           For some time
5. गरथ.... Structure/
                Design
6. गडुर..... Goiter
7. गडॖ......Water pot
8. गुदरुन...To happen/
                  To occur
9. गुदोम....Tether/Rope
                 for animal
10. गुदाम....Godown
**********************
      गीता ज्ञान :अध्याय-10 :
युस ज़ानि म्यॆ ईश्वर सॖन्ज़ विबूती
ब्यॆयि तोति सान म्यऻन्य यूगॖ शक्ती
सु बेशक़ छु बख्ति यूग प्रावान
वॊन भगवानन गीता ज्ञान
**********************
दऺदॖवनॖ दॊहुक यानि 19.01.1990-तुक दोद युस बटन हुन्द प्रेस वाल्यव होव वारियाहव चन्नॖलव प्यठॖ कांह असराह छु नॖ बासान सरकारस गोमुत आसि ति क्याज़ि अज़ ताम वोत असि यिथय पऻठ्य विलज़ार करान मगर तोति छु नॖ सरकारस कॖतॖ कॖतॖ गछ़ान। सऻरी तिम मुल्ज़िम यिमव सऻन्य बऻय ब्यॆनि पनॖन्यन गरिक्यन बऻच़न निशि छ़्यन नी कऺरिथ छि वुन्युख ताम आज़ाद फ़ेरान। भगवान दी तिमन पनुन सज़ा पानय अज़ नय तॖ पगाह मगर सोन सरकार दिल्लि मंज़ या कऺशीरि मंज़ क्याज़ि छु ॳछन पऺट गन्डिथ बिहित यी त्वर नॖ फिकिरी। सऻरी छि वनान या अंदाज़ॖ लगावान ज़ि असि कऻशिर्य बट्टन छॆ नॖ कुन्य कथ, कुन्य आवाज़, कुन्य जाय या कुनी संस्था। असि छि गऻमच़ॖ ल्वक्चि ल्वक्चि पनॖ डेंजि यिम मॖच़ॖरावनॖ छि आमच़ॖ तॖ यिमन छु नॖ यिवान कुनुय गन्ड दिनॖ। सरकार ति छु यिमन ब्यॊन ब्यॊन डेंज्यन ठिला ठिला कडान तॖ पकान। ॳस्य ति ब्यॊन ब्यॊन कुल्यन हॖन्ज़व शाखव प्यठॖ चिरिव चिरिव करान रोज़ान। व्वंय छि असि कॆंह राय तॖ मशवरॖ दिवान ज़ि शस्त्र अथस मंज़  तुलनु रॊस छु नॖ चारॖ कॆंह। मगर बट्टॖ युस श्राकपुच तुलनस छु परिहेज़ करान सु तुल्याह शस्त्र अथस मंज़। वख्त करि फऻसलॖ।
**********************
"या देवी सर्वभूतेषु बुद्दि रूपेण संस्थिता, नमतस्यै नमस्तस्यै नमस्तस्यै नमोनम:"
पऺरिव यि मंत्र दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

22.01.2019

22.01.2019, माघॖ गटॖ पछॖ  (कृष्णॖ पक्ष), द्वय (द्विती) बॊम्वार (मंगलवार),श्री सप्तर्षि सम्वत 5094, राश सिंह (रऻच़ हॖन्ज़ॖ 11.31 बजि प्यठॖ), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: युस फॊल सु फॊल
         ग्वनचै
    अ: ड्यकॖ बजर छु आसान
         अवलय सॗत्य सॗत्य
2. मु: युस नॖ पनॖनिस ज़ुवस
         खॊच़ि सु कति खोच़ि
         ब्यॆयि सॖन्दिस ज़ुवस
   अ: युस नॖ पनॖनिस ज़ुवस खोच़ि
     सु छु करान ब्यॆयि सॖन्दिस
      ज़ुवस मशकॖ
3. मु: युस यस दारि सु तस
         होरि   
    अ: कर्ज़दारस छु द्यारॖ
         वऻलिस कुन दारॖ होर
         करॖन्य
4. मु: युस युहुन्द गरॖ च़ाव सु
         तहन्ज़ि माजि ज़ाव
    अ: ॳछ साफ़ तॖ अथॖ
          साफ़ आसॖन्य छि
          यज़तॖच निशऻनी
5. मु: युस युथ आसि तस
         त्युथ बासि
    अ: दिलस मुतऻबिक़ अमल
         सादस छि सऻरी साद
         बासान, च़ूरस छि सऻरी
         च़ूर बासान
**********************
1. गछ़......Go
2. गछ......Decoration
                Morter work
3. गुछ....A bunch/
              Cluster
4. गदा....Poor/Beggar
5. गॊद... Hole
6. गदॖ..... Mattress
7. गऺज्य...Earthen fire
              place
8. गुटनॖ...A type of trou-
              ser
9. गटॖ....Darkness/
             Misery/Gloom/
             Dusk
10. गटॖकार...Cloudness
         Obscurity/Shade
         Darkness/Gloom
**********************
        गीता ज्ञान:अध्याय-10
सथ महारॆश्य तॖ च़ोर अमि ब्रोंठिम
संकादिक तॖ च़्वदह छि यिम
यि सम्सारॖच प्रज़ा तिहंज़ॖय ज़ान
वॊन भगवानन गीता ज्ञान
**********************
ऊतरॖ कुनवुहमि जनवऺरी 2019-मि द्वह आव Holocaust Day यानि दऺदॖवनॖ द्वह मनावनॖ राजगाटॖ, सैंट्रल पार्कि कन्नाठ प्लेसॖ, गुडगांवॖ सुबॖ प्यठॖ शाम ताम मगर वुछनस तल आव ज़ि ॳस्य कऻशिर्य बटॖ ॴस्य नॖ ज़्यादॖ सम्यॆमॖत्य यिमन ब्यॊन ब्यॊन जायन। कम नफ़री आसनुक वजह छु म्यॆ बासान ज़ि ॳस्य या सानि यिम संस्थायि छॆ नॖ वुनि ति पायस प्यवान। वुनि ति यि दफ्ज़ि ति त्रॖहॖय वुहिर्य पतॖ ति छिनॖ पानॖवुन्य यकुत थविथ पकान। बासान छि असि छि वाकय काहन गाव रऻवमॖच़। सैंट्रल पार्कि मंज़ ओस कश्मीर सम्मति तॖ पनुन कश्मीर संस्थायव बडॖ दूम-दामॖ सॗत्य मॆहनत कऺरमॖच़ तॖ 1990-तुक दऺदॖवनॖ लूकन ताम हावनुक बन्दोबस्त कॊरमुत मगर नफ़री वुछन वऻल्य ॴस्य वारियाह यानि त्रॆ च़ोर हथ मगर तिमन मंज़ ॴस्य कऻशिर बटॖ मसाह हथ डॊड हथ तॖ बाकय ॴस्य व्वपरॖय। राजगाटस प्यठ ति ओस युथुय तमाशा। नफ़र त्रॖह-च़तजी यिमन मंज़ शुर्य दऺह पंदाह तॖ ज़नानॖ पांछ़-दऺह तॖ दऺह-पंदाह मर्द। हालांकि प्रसवऻल्य ॴस्य वारियाह अल्बतॖ तिमन दऺदॖवनॖच व्यथा बोज़नावन वाल्यन हॖन्ज़ तेदाद ॴस स्यठाह कम दफ़ ज़ि ना आसनस बराबर। ज़ानि दय यिमन संस्थायन क्याह अडचन छि यिवान इकॖवटॖ पकनस मंज़। ज़ानि दय क्वस रुकावठ छि यिवान असि बटन पानॖवुन्य मिलच़ार करनस मंज़। म्यॆ छु बासान ज़ि व्वंय छु दऺदॖवनुक दोद सारिनी मॊठॖमुत। हालांकि दपान छि द्राग छु च़लान दाग़ नॖ। तमि हिसाबॖ गॊछ़ नॖ यि दोद या यि दग़ असि मशिन्य मगर शायद मा छिनॖ यछ़ान ॳस्य तिमन ज़ख्मन बार बार क्रोल तुलुन तवय छि नॖ यछ़ान यि दऺदॖवन द्वहुक मातम मनावुन
**********************
"या देवी सर्वभूतेषु चेतनेत्य भिधीयते, नमस्तस्यै नमस्तस्यै नमस्तस्यै नमोनम:"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

20.01.2019

20.01.2019, पॊह (पौष) ज़ूनॖ पछॖ (शुक्ल पक्ष), च़्वदाह (चतुर्दशी), आथवार, श्री सप्तर्षि सम्वत 5094, राश कर्कट (रऻच़हॖन्ज़ॖ 12.4  बजि प्यठॖ), ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1.मु: ज़्यादॖ तमॖहऻस ज़्यादॖ बलाय
   अ: ज़्यादॖ लालॖच करनॖसॗत्य छु
        मुसीबथ यिवान
2.मु: ज़्यॆवि ज़्यॆवि बदलॖ ज़ंगि
        ज़ंगि करुन
   अ: कथय याच़ॖ नॖ करनि बऺल्कि
        कॆंछ़ा कऺरिथ हावुन
3. मु: ज़्येनुन गछ़ि ख़रॖ सॖन्द्य
         पऻठ्य तॖ ख्यॊन गछ़ि शाह
         सन्द्य पऻठ्य
   अ: मॆहनत गछ़ि मॊज़ूरसॖन्द्य
        पऻठ्य करॖन्य तॖ ख्यन-च्यन
        गछ़ि बादशाह सॖन्द्य पऻठ्य
        आसुन
4. मु: च़ऻन्गिस तल अनिगॊट
    अ: यैति कांह चीज़ मॊहिया
       आसि तति नॖ तम्युक फ़ऻयदॖ
       वातुन
5. मु: च़ॖ तॖ बॖ लॖतॖ बब
    अ: छ़ॊट अयाल/स्यठाह कम
         तेदाद नफ़री
**************************1. गथ......Condition/Posi-
                tion/To take a
             round/Movement
2. गतॖ ग्यूर करुन....To move/
               To revolve/To
               wander
3. गतॖर्यॆन्य....Female dancer
4. गतॖ......Cardboard/Paste
                board/Dance/
                Mode of dancing
5. गुपुन....Animal/To hide/
                To disappear
6. गॊबुर....Son
7. गप शप.....Idle talk/Chit
                     chat
8. गबराहट....Perplexity/
                 Confusion/Dis-
                 order
9. ग्वफा....Cave/A den
10. गॊफि अच़ुन....To lead a
                 hermit life
**************************
      गीता ज्ञान  : अध्याय-10 :
अहिंसा संतोशी तॖ ख़ोफ़ ख़ूनी
सबर तप दान यश तॖ बदनऻमी
नाना प्रकऻर्य बाव म्यॆ निश व्वपदान
वॊन भगवानन गीता ज्ञान
**************************
Holocaust Day यानि दऺदॖवनॖ द्वह। यि छु सु द्वह यॆलि कऺशीरि मंज़ दऺहशथगर्दव यानि मुसलमानव बटॖ कऺर ख़ॊफ़ज़द 1989-90-तस मंज़।तिहिन्द्य गरॖ ज़ऻलिख, गरॖन लूठ कॊरुख, तिहॖन्ज़न माज्यन-ब्यॆन्यन बे-हुर्मती कऺरॖख, गोल्यव सॗतय ज़ऺद्य कऺरिख, आरस प्यठ निथ सानि कोरि चीर्यख, सऻन्य बऻय त्रॆयमिस-च़ूर्यमिस पोरस प्यठ ड्रमस मंज़ च़ूरि रूज़िथ गोल्यव सॗत्य वऺडऻविख। मंज़ सडकि सऻन्य कॆंह बुज़र्ग गोल्यन हॖन्द्य निशानॖ बनऻविख। कऺशीरि मंज़ बटन कॊरुख दऺदॖवनॖ। पनुन ज़ुव बचावनॖ बापथ, पनॖन्यन कोर्यन हुन्द अस्मत तॖ लाज बचावनॖ बापथ त्रोव पनुन गरॖ बार, ज़मीन जायदाद तॖ द्रायि च़लान तॖ लारान कऺशीरि न्यबर तॖ लऺगय दक्कन तॖ डुलन, आयि छऺकॖरावनॖ। दऺदॖवन कॊरुख कऺशीरि मंज़ सऺदियव प्यठॖ रूज़्यमॖतिस बटस। यि क़हर याद थावनॖ बापथ ह्यॊत असि प्रथ वऺरियि कुनवुह जनवरी तिमन शहीदन श्रद्दांजलि दिनस सॗत्य सॗत्य पनॖनि बऺरबऻदी हुन्द मातम मनावुन। 1931-हुक बटॖ लूठ, 1967-हुक परमेश्वरी कांड तॖ 1990-तुक दऺदवन रूद सान्यन दिलन मंज़ सऺनिथ तॖ खऺनिथ। सानि त्वारीखि मंज़, इतिहासस मंज़ रोज़न यिम द्वह क्रॆहनि मीलि सॗत्य लीखित तॖ विज़ि विज़ि रोज़व यि ग़दॖर याद करान ता कि सानि नवि पुयि रोज़ि पताह ज़ि सोन वजूद कति ओस तॖ सोन पॊत काल कमव ब्रकव तलॖ द्राव।
कथ जि जऻरी
**************************
"या देवी सर्वभूतेषु विष्णुमायेति शब्दिता, नमस्तस्यै, नमस्तस्यै, नमस्तस्यै नमोनम:"
परिव यि मंत्र दोहय
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

19.01.2019

19.01.2019, पॊह (पौष) ज़ूनॖ पछॖ (शुक्ल पक्ष), त्रुवाह (त्रयोदशी), बटॖवार (शनिवार/ शनिश्चरवार),श्री सप्तर्षि सम्वत 5094, राश मिथुन (चलान), ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ज़्युठ ॴसिथ कूंछ़ गछ़ुन
    अ: ज़िठिस यज़थ रावुन
2. मु: ज़्यवॖय छि तारान ज़्यवॖय
         छि मारान
    अ: ज़्यॆवि सॗत्य छु जान ति
          यिवान वनॖनॖ तॖ ख़राब ति
3. मु: ज़ीय छय हीय
    अ: ज़ेनॖनॖ मेनॖनॖ सॗत्य छु गरॖबार
         फ्वलान
4. मु: ज़्यॆवि छॆ नॖ ॳडिज
    अ: ज़्यव फिरॖन्य छॆ नॖ मुश्किल
         ज़्यव बदलावनस छॆ नॖ तऻर
         लगान
5. मु: ज़्यव छि शमशीर
    अ: ज़्यॆवि सॗत्य ह्यॆकि वारियाह
         अतुर गऺछ़िथ
**************************
1. गाह.....Light/Splendour/
               Sunshine
2. गाव.....Cow
3. गान.....Shed
4. गऻव गान...Cowshed
5. गुर......Horse
6. गुर्य तबेलॖ....Horse stable
7. गाह बॆगाह/गाहे....Occa-
           ssionally/At any
           time
8. गाह त्रावुन....To shine/To
                  make manifest
9. गाह प्यॊन...To be illumi-
                nated/Splendid
10. गाव चावॖन्य....To milk
                            the cow
**************************
       गीता ज्ञान  : अध्याय-10
यत्न करनॖच शक्ति तॖ ज्ञान।
प्रावान क्षमा पज़र यऺन्द्रय मन वश
थवान
ज़ानुन स्वख द्वख उतपती प्रलय समान
वॊन भगवानन गीता ज्ञान
**************************
ज़ऺर्य बूज़ बहि वुहिर्य बडशाह मूद। अज़ गऺयी अठोवह पूरॖ तॖ कुनत्रॖहविम वऺरी प्यव व्वंय ह्यॊतुन सॖरॖ-गॖरॖ गछ़ुन असि ज़ि यकुत आसुन छु सख़ ज़रूरी। वुन्युख ताम ॴस्य पनॖन्य पनॖन्य च़ॊट गरमावान सऻरीय ब्यॊन ब्यॊन तॊन्दरन मंज़ मगर शालॖ सॖन्ज़ कुनी टुंग ॴसनॖ। वुनि ति छि कॆंह हून्य लऺट्यसॖन्द्य पऻठ्य तऺथ्य हजरस मंज़ दफ अमापॊज़ कूशिश छि जऻरी ज़ि सऻरीय बटॖ समहऻन इकॖवटॖ तॖ ॳक्यसॖय रज़ि लमहऻन तॖ द्यवॖ पनुन मक़सद गछ़िहे पूरॖ। बूज़ुम कॆंच़व संस्थायव छि हामी बऺरमॖच़ ॳक्यसॖय छत्तरि तल रूज़िथ मसलॖ हल करन बापथ। यॊदवय यि पज़र छु भगवान दीनख सबूर तॖ नऺविन तॖ फॊलिन। यॊदवय कॆंह नादान छि वुनि अलगॖय अथॖ वुशनावान पनॖनि कांगरि प्यठ तिमन पज़ि अहम् त्रऻविथ बाकियन संस्थायन सॗत्य अथॖवास कऺरिथ पकुन तॖ पनुन दम हावुन सॖह सॖन्द्य पऻठ्य। इकवटॖ रोज़नस मंज़ छु ताक़त।
यी हाल छु असि पनॖन्यन गरन मंज़ ति अज़कल नज़र यिवान। यिमन गरन मंज़ बऻच़ सऺमिथ छि तिम छि ख्वशकॖस्मतवऻल्य। भगवान कऺर्यनख बजाह। मगर यिमन गरॖन हॖन्द्य बऻच़ ब्यॊन ब्यॊन छि तिम गरॖ छि बासान परॖछ़्यॆन छि, खऻल्य-खऻल्य हि। जायि हॖन्ज़ व्यछ़य छा वजह किनॖ व्यच़ारन हुन्द ब्यॆन्यर छु यि किनॖ ब्यॊन गरॖ करनुक तमाह छु, कॆंह न तॖ कॆंह छु। कति तिम पांछ़ शॆ ॴठ नव शुर्य, अज़ यिमन अख ज़ॖय तिमन ति खुर्य। फीस-वीस बऺर्य-बऺर्य पेरैंट बरहम, दम करु दम, दमॖकाका दम।
**************************
"शरणागतदीनार्तपरित्राणपरायणे
सर्वस्यार्तिहरे देवि नारायणि नमोस्तुते"
परिव यि मंत्र ति
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

18.01.2019

18.01.2019, पॊह (पौष) ज़ूनॖ पछॖ (शुक्ल पक्ष) बाह (द्वादशी),शॊकुरवार (शुक्रवार/ जुम्मा), श्री सप्तर्षि सम्वत 5094, राश मिथुन (रऻच़ हॖन्ज़ॖ 11.31 बजि प्यठॖ), ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: युस युथ करि सु त्युथ सरि
    अ: युस युथ ब्योल ववि सु
         लोनि सुय फल
2. मु: युस म्यॆ ज़ाव सुय म्यॆ टोठ
         यस बॖ ज़ास तस बॖ टोठ
   अ: रिश्तॖ छु मतलबस प्यठ
        दऺरिथ आसान/मतलबी
        रिश्तॖ
3. मु: युस यस ज़ानि सु तस मानि
    अ: ज़ान गऺयि जहान्/ज़ान छि
         बऺड चीज़
4. मु: यस लॊग दब तस लारैयि
         रब
    अ: यस ग़लती गछ़ि तस छु
          सज़ा
5. मु: यस द्युन तगि तस तगि
          ह्यॊन ति
    अ: गाटुल छु नॖ गाटस मंज़
         गछ़ान
**************************
1. गब.....Leaf in bud/Part
2. गबॖ.... Local carpet/
               Mattress type
3. गऺब.... She sheep
4. गालुन...To melt/To dis-
                 solve
5. गाल.... Shame/To mix
6. गाम....Village
7. गऻमी....Villager/Rural
8. गऻन्ठ/गान्ठ...kite
9. गान्द/गन्द....Bad smell/
                       Rotten
10.गान्गल....In fix/Distur-
                   bance
**************************
        गीता ज्ञान  : अध्याय-10 :
ज़्यनॖ रॊस आदि रॊस युस म्यॆ ज़ानान
सारिनीय हुन्द ईश्वर मानान
सु ज्ञानॖवान पापव निश म्वकलान
वॊन भगवानन गीता ज्ञान
**************************
मऻलिस माजि प्यॆयि ह्यमथ करॖन्य तॖ पनॖनिस शुरिस कनन त्रावुन ज़ि ज़ऻच़ न्यबर खांदर करुन छु नॖ वऻजिब ति क्याज़ि गरस मंज़ छु रोज़ान ज़बऻन्य हुन्द व्वथॖवार, ख्यनस-च्यनस छु नॖ रोज़ान व्यस्तार, ॳकिस-ब्यॆयिस समजुन गछ़ान दुशवार, गरचि सभ्यतायि मंज़ यिवान दरार, माजि-ज़्यव रावान तिहन्दिस नव-ज़ात शुरिस। सु छु नॖ ह्यकान वऺनिथ ज़ि सु ॴरिम छा किनॖ पऻरिम छु। सु छु नॖ पनॖन ज़बान कऻशुर ह्यकान रऺछ़रऻविथ। गरस मंज़ छु माहोलस मंज़ स्यठाह तब्दीली नज़र यिवान व्वथनस बॆहनस मंज़, तोर तरीकस मंज़, रिश्तदऻरी निबावनस मंज़। सऻन्य कूर यॊदवय ज़ऻच़ न्यबर खान्दर करान छि तऺमिस ति छु ततिकिस माहोलस मंज़ मेलनस अख वख लगान। तम्यसुन्द शुर छु नॖ ह्यकान वऺनिथ ज़ि सु छा कऻशुर किनॖ तमि ज़ऻच़हुन्द यथ ज़ऻच़ मंज़ तससॖन्ज़ मऻज्य बागॖन्य आयि। गरस मंज़ छु ॳन्दॖर्य ॳन्दॖर्य द्यमऻगी तनाव रोज़ान। अख ॳकिस वऺनिथ छि नॖ ह्यकान स्व छि अलग कथ। मजबूरी मंज़ छि दोनवय दमफुट्य गछ़ान। यॆलि यि शुर बडान अख समस्या छि बनान ज़ि ॳमिस कस ज़ऻच़ सॗत्य गछ़ि खांदर। यि छु पनॖनिस समाजस मंज़ मसलॖहथ पऻदॖ करान। असि पज़ि नॖ शुरिस खुलॖ डील दिन्य ज़ऻच़ न्यबर खान्दर करनॖच बऺल्कि पज़ि असि तिछ़ वथ छ़ान्डॖन यॆमि सॗत्य ॳस्य ह्यकव पनुन गरॖ पनॖनि ज़ऻच़ मंज़ॖय बऺडरऻविथ तॖ पानॖवुन्य समुत थऻविथ तॖ पनॖन्यन शुर्यन ब्रौंहकुन साफ वथ हऻविथ।
**************************
"कर्पूर-गौरं करुणावतारं संसार-सारं भुजगेन्द्रहारम्।
सदा रमन्त हृदयारबिन्दे भवन भवानी सहितं नमामि।।"
पऺरिव यि मंत्र ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com  ति वुछिव)

17.01.2019

17.01.2019, पॊह (पौष) ज़ूनॖ पछॖ (शुक्ल पक्ष),काह (एकादशी), ब्रसवार (वीरवार/ ब्रहस्पतवार), श्री सप्तर्षि सम्वत 5094, राश वृष (चलान),ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ज़्यादॖ ज़नानन पां कामन तॖ
         च़र्यन मर्दन बतॖ कामन
    अ: यथ गरस मंज़ ज़्यादॖ
          ज़नानॖ या मर्द आसन तति
          छि कऻम करनस मान मान
          लगान
2. मु: ज़्यादॖ गगरायन नॖ रूद तॖ
         छ़र्यन कथन नॖ सूद
    अ: ज़्यादॖ गगरायव सॗत्य छु नॖ
         रूद प्यवान तॖ फ़ज़ूल तॖ
         छ़रि कथॖ करनस छु नॖ कांह
         मतलब
3. मु: ज़्यादॖ कशनस छु ज़्यादॖ
         रथ यिवान
    अ: ज़्यादॖ एहतियात करनस छु
          ज़्यादॖ खुर
4. मु: ज़्यादॖ कथन नॖ सूद
    अ: बे-हद कथन छु नॖ कांह
         फ़ऻयदॖ
5. मु: ज़्यूठ गव क्रूठ ज़्यूठ गव
         ब्यूठ
   अ: कुनि कामि या कथि ज़्येछर
         दिनॖ सॗत्य छॆ नॖ कऻम अंद
         वातान
**************************
1. गाड.....Guard
2. गागॖर.... Metallic pitcher
3. गाज़ॖर.... Carrot
4. गारुन.....To look for/To
               search/To search
               for
5. गारॖ.....Kneaded mud/
              Mortar
6. गाज़....Dressing gauze/
               Thin cloth
7. गासॖ....Grass
8. गासॖ बनॖ...Heap of grass
9. गाश.....Light/Lustre/
                Sunshine
10. गाशुर...Lovely/Elegant
**************************
       गीता ज्ञान  : अध्याय-10
बॖ यॆमि मायायि छुस प्रकठ सपदान,
महारॆश्य तॖ दीवता छि नॖ ज़ानान
रॆश्यन दीवन हुन्द आदि कारन म्यॆ ज़ान
वॊन भगवानन गीता ज्ञान
**************************
लगाम दिन्य छि ज़रूरी। पनॖन शुर्यन तॖ तिहन्ज़न हदरॊस ज़्यादॖ यछ़ायन/चाहहतन। लगाम दिन्य छि ज़रूरी पनॖन्यन शुर्यन पनॖनि ज़ऻच़ न्यबर पनॖन हमसफर छ़ान्डनस। लगाम छि दिन्य मऻलिस माजि पनॖनिस मनस ज़्यादॖ लालच करनस। लगाम दिन्य छि ज़रूरी यॊदवय असि पनॖन सभ्यता छि रछॖन्य। यॊदवय असि ज़बऻन्य हुन्द व्वथॖवार छु बचावुन। पनॖन पहचान तॖ प्रज़नथ छि बचावॖन्य। लगाम दिन्य छि स्यठाह ज़रूरी। अगर नॖ ॳस्य पानॖ यिम क़दम तुलव असि यी नॖ कांह बचावस। बस कॆंच़व वऺरियव पतय यी नॖ बट्टॖ अथि कुनी। यि कथ छि असि याद थवॖन्य ज़ि सोन पंचांग छु पांछ़ सास च़ुनमथ वरी प्रोन माने कि ॳस्य गऺयि नॖ गऻब बॖल्कि रूद्य पनॖन ज़ाथ बचावान रोज़ान। सु ति आव वखॖत यॆलि कऺशीरि मंज़ म्वच़ॆययि ॳस्य काह गर बस काह गरॖ। मुसीबतॖक द्वह तिम ति च़ऻल्य बट्टव मगर पनुन सीनॖ दोरुख तिमन अज़ाबन तॖ आयि वुन्युख ताम पनॖन आन बान तॖ शान ज़िन्दॖ थऺविथ। कुनवुहशथ तॖ नमतुक ब्रख रूद नॖ कम पायि कॆंह मगर यि ओस असि पनुन दम खम तॖ त्रोव यि क़हर ति पथकुन मगर यॆती छॆ नॖ नॆन्दॖर त्रावॖन्य। सऻन्य शुर्यन च़ाव न्यॆबरिम हवा तॖ म्यूल पौंसॖ मगर तिमन छु वतहावुक ज़रूरत युस तमिसॖन्दि मऻलिस तॖ माजि सिवा ह्यॆकिनॖ ब्यॆयि कांह बऺनिथ। तिमन गछ़ि डर रोज़ुन ज़ि पर-ज़ऻच़हॖन्ज़ लऺडकॖस या कोरि छे नॖ सान्यन गरन मंज़ जाय। यि भय छु तिमन थवुन यान्य तिम गरि न्यबर नेरान छि पनॖन तऻलीम प्राप्त करनॖ बापथ होर योर जायन। मऻलिस माजि छु कमर कसुन, दर्यर दवुन, तॖ पनुन कऻशुर गृहस्त बचावुन।
**************************
"माया कुण्डलिनी, क्रिया मधुमती काली कलामालिनी, मातन्गी विजया जया भगवती देवी शिवा शम्भवी। शक्ति शंकर वल्लभा त्रिनयना, वाक- वादिनी भैरवी।। ह्रींकऻरी  त्रिपुरा पराअपरमयी माता कुमारी-इति-असि।।"
पऺरिव यि मंत्र ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

16.01.2019

16.01.2019, पॊह (पौष) ज़ूनॖ पछॖ (शुक्ल पक्ष), दऺहम (दशमी), ब्वदवार (बुधवार),श्री सप्तर्षि सम्वत 5094, राश वृष (रऻच़हॖन्ज़ि 8.07 बजि प्यठॖ), ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ज़्वलॖ गऺयि ज़ि क्वलि गऺयि
    अ: पूरॖ ख़याल न थवनॖ सॗत्य
         छु न्वख्सान वातान
2. मु: ज़ॊवि हॖन्दि बापथ ज़ऺट
         नालॖ कडॖन्य
    अ: मोमूलि चीज़ॖ खऻतरॖ गछ़ि नॖ
         परेशान गछ़ुन
3. मु: ज़ोर छु सऺहलाब
    अ: ताक़तवोल इन्सान ह्यॆकि
         कॆंह ति कऺरिथ
4. मु: ज़्ववलि हुन्द गछ़ि ख्यॊन तॖ
         ज़ॆवलि हॖन्दि नॖ
    अ: ॳकिस ग़रीबस निश ख्यॊन
          छु ॳकिस ज़ॆवलि हॖन्दि
         गरि ख्यनॖ ख्वतॖ ज़्यादॖ जान
5. मु: ज़ॆठ्यन नर्यन बोश
    अ: आसनवऻलिस सऻरी यज़थ
          करान
**************************
1. गाटॖ....Deficit/Deficiency
              Damage
2. गाटॖ आसुन...To be at loss
3. गाटॖजार.... Wisdom/Wit/
                      Intelligence/
                      Knowledge
4. गाटॖ द्युन...To advise/To
               instruct/To guide
               To educate
5. गाटुल....... Intelligent/
                Wise/Talented
6. गाठ......River bank/Bath-
                 ing place
7. गाड......Fish
8. गाडॖ बतॖ.....Rice and fish/
                A ritual among
               Kashmiri Pandits
9. गाडॖ तील....Cod liver oil
10.गाडॖ हऻन्ज़.... Fisherman
**************************
       गीता ज्ञान  :अध्याय-10 :
         श्री भगवान वनान
भगवान अर्ज़नस वनान थाव कन
वनय सीर तॖ प्रभावॖ वऻल्य वच़न
यॆमि सॗत्य भक्तिस सपदि कल्याण
वॊन भगवानन गीता ज्ञान
**************************
ह्यॆच़ॖन ब्यॆयि छग लगॖन्य ति क्याज़ि गऺयि खांदर ब्यॆयि शुरु बटॖन। वारॖकारॖ गछ़न सानि कोरि बजाह तॖ लऺडकॖ बनन वारॖकार गृहस्ती। मगर सौंचुन छु तिमन लऺडकन तॖ लडकियन हुन्द यिम त्रॖहि अपोर तऺर्य मगर छि अनहॖहर्य। यॊत ताम म्यॆ ख़बर छि ज़ि तिहॖन्द्य मोल मऻज्य छि नॖ समजोतॖ करनॖ बापथ तयार। ति ज़न गव ज़ि ट्यॆकिन छि मेलान अख ॳक्यसॖन्ज़ मगर बाकय कथॖ छे नॖ वाठ ख्यवान। कुनि जायि छि लड़की तनख्वा ज़्यादॖ अनान तॖ लऺडकॖ छु अनान कम। कुनि जायि छु नॖ लऺडकॖ या लऺडकी ॳकसॖय जायि गरॖ करनॖ बापथ  पनॖन नोकरी त्रावनॖ बापथ तयार ति क्याज़ि प्राइवेट नोकरी छि दोनवय करान तॖ ॳकिस-ब्यॆयिस जायि तब्दीली गछ़ॖन्य छॆ नॖ मुम्किन तॖ त्रॆयिम वजह छु यि ज़ि लऺडकस तॖ लऺडकी छि पानॖवॖन्य क़द मीनिथ पकनॖच कूशिश करान। वागुज़ार छु नॖ यॊदवय लऺडकॖ ज़्यूठ पाहन आसि या लऺडकी छ़ॊट पाहन आसि। द्वनवऺनी गछ़ि मीच़ बराबर आसुन तॖ ब्याख वजह छु तऻलीम यानि कऺम्य कोताह छु पॊरुमुत। तथ ति गछ़ि नॖ कऺमी-पीशी आसॖन्य। यिमव माप-दन्डव मूजूब ति छि वारियाह तान अथॖ गछ़ान।
म्यॆ निश छि वारियाह लड़कन तॖ लऺडकियन हॖन्ज़ॖ क्वलावली यिमव माप-दन्डव खऻतरॖ प्यथ। त्यॆत्रॖहॖ च़ॊयत्रॖह वुहिर्य छि अनहुहॖर्य तॖ तिहुन्द मोल मऻज्य छु परेशान।
असि पज़ि कुनि न तॖ कुनि चीज़स च़्यफ ह्यॆन यॊदवय तान छु छ़ान्डुन। कथ छि जऻरी
**************************
"महाबले महोत्साहे महाभय विनाशिनी। त्राहि मां देवि दुष्प्रेक्ष्ये, शत्रूणां भयवर्धिनी।।"
यि मंत्र ति गछ़ि दॊहय परुन
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

15.01.2019

15.01.2019, पॊह (पौष) ज़ूनॖ पछॖ (शुक्ल पक्ष),नवम (नवमी),बॊम्वार (मंगलवार),श्री सप्तर्षि सम्वत 5094, राश मेष (चलान), ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: यसस्न्ज़ कांगॖर तऻम्य-
         सॖन्दिस फऺरिस
    अ: पनुन चीज़ छु ॴख़ॖर
        पानसॖय इस्तिमालस यिवान
2. मु: यकुर मऻरिथ अथन फख
    अ: कुनि तिथिस कारस ज़ंग
        त्रावॖन्य यॆमि अंदरॖ नॖ लान्ति
         सिवाय कॆंह ति लारि
3. मु: यॆलि डलस दरवाज़ॖ छि यलॖ
         गछ़ान तॆलि छु नॖ कऻन्सि
         हुन्द बोज़ान
    अ: ताक़तस तॖ गाटॖजारस निश
          छु नॖ कांह दरान
4.मु: यॆलि यि शूबि तॆलि ति करुन
   अ: वख्तस प्यठ कऻम करॖन्य
5. मु: यॆलि कन तॆलि नॖ स्वन यॆलि
         स्वन तॆलि नॖ कन
    अ: बे-मॊकॖ कांह चीज़ हऻसिल
          सपदुन
**************************
1. लूर.....Stick/Cane/Rod
2. लूर तुलॖन्य....To attack/To
             assault/To charge
3. लूर लायिन्य.....To throw
             stick at someone
4. लूर वायिन्य....To use stick
                            in attack
5. लूर हावॖन्य.....To frighten
6. लोरि कुटुन.....Small stick
7. लूख......        People
8. लूकॖ अरसाथ.....Countless
               people/A great
              number of people
9. लूकॖ बऻथ......Folk song
10. लूकॖ कथ....Folk tale
**************************
        गीता ज्ञान  : अध्याय-9 :
म्यॆ दिथ मन बखॖत्य सान कर पूज़ा
प्रणाम कर म्यॆ मंज़ लाग आत्मा
पान पुशराव म्यॆ कुन थव ध्यान
वॊन भगवानन गीता ज्ञान
**************************
असि मंज़ छि कॆंह ब्यॆनि बऻय कुनि कुनि चीज़स यछ़ तॖ पछ़ थऺविथ पनुन विश्वास बऺडरावनॖच कूशिश करान रोज़ान ति ज़न गव ज़ि ज़ूनॖ पछॖ ॴठम छि पताह व्वंय ज़ि यि छि फ़ाकॖ ॴठम। मगर यॆलि यि ॴठम प्यवान छि ब्वदॖवारि द्वह, अमि ॴठम हुन्द महत्व छु बडान तॖ छि वनान ज़ि अज़ छि ब्वदॖ-ॴठम। यिथय पऻठ्य शिशर सऻन्क्रात अगर प्यवान छि च़ऺन्दॖर्यवारि द्वह अमि दुहुक महत्व छु बडान। अथ पतॖ क्याह पज़र छु या क्युथ थज़र छु यि ह्यॆकि कांह ग्यऻनीय वऺनिथ। शिशर सऻन्क्रात ॴस कऺशीरि मंज़ बडॖ हावॖ-बावॖ सान मनावॖनॖ यॊत ताम म्यॆ याद छु। ॳज़्यकि द्वह ॴस्य कांगॖर मनसावान यि सूंचिथ ज़ि सान्यन प्यॆत्रन आसि स्वर्गस मंज़ वंदस तॗरि मंज़ कांगरि हुन्द ज़रूरथ प्यवान। नवज़ाथ शुर्यॆन ॴस्य कलस प्यठ शुशरबोग लागान । यि शिशरबोग ओस ज़रबाब कपरस मंज़ त्रामुव पौंसॖ, गुह्य प्यूंत, क्रुन तेल, ह्यथ शुर्य सॖन्ज़ि टोपि प्यठ त्रॊप दिथ लागान यि ज़ऻनिथ ज़ि युथ नॖ ॳमिस शुरिस बूत प्रॗतन हॖन्ज़ नज़र लगि। यिथय पऻठ्य ॴस्य नवि न्वशि ति शिशरबोग लागान ज़ि युथ नॖ ॳमिस कांह बद नज़र पोरि। शिशर साल ॴस्य करान। रंगॖदार कांगॖर ॴस न्वशि ब्रौंहकनि थवान तॖ अंग-ॴश्यनाव ॴस्य अथ मंज़ कॆंह पौंसॖ ति त्रावान। दूम दामॖ सान ओस यि द्वह मनावनॖ यिवान मगर व्वंय छु नॖ म्यॆ बासान ज़ि ॳस्य छि यि रीथ पालान। मकर सऻन्क्रऻच़ प्यठ ॴस्य सूमयार मंदरॖ हब्बॖकऺदल कऺशीरि मंज़ लूख श्रान करॖनि यिवान सुबहऻय प्रभातन। मेलॖ ओस लगान वख्त अकि।
**************************
"सर्वे भवन्तु सुखिना सर्वे सन्तु निरामया। सर्वे भद्रानि पश्यन्तु मा कश्चिद दु:खम् भवेत"
यि मंत्र ति गछ़ि दॊहय परुन
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

14.01.2019

14.01.2019, पॊह (पौष) ज़ूनॖ पछॖ (शुक्ल पक्ष) ॴठम (अष्टमी), च़ऺन्दॖरवार (सोमवार), श्री सप्तर्षि सम्वत 5094, राश मेष (दुहचि 12.51 बजि प्यठॖ), ऋतु शिशर....अज़ म्वकलि द्रठॖपऻन्च़ुक तॖ अज़ छि शिशर/मकर सऻन्क्रात ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ज़ंगि रऻद्य ऒन तॖ ज़्यॆवि
         रऻद्य न्यू
    अ: ॳक्य च़ॊट ज़ुव तॖ ब्यॆय
         न्यू तम्युक फल
2. मु: ज़नानि ॳकिस प्रॖछ़ुख
         रॖच़रॖय छुया दॊपनख शुरिस
         आम कॊठ
   अ: ज़नान छि शुरिस कॊठ यिनॖ
       विज़ि स्यठाह आवॖर रोज़ान/
     कॊठ यिनॖ विज़ि शुरिस ज़्यादॖ
     ख़याल प्यवान थवुन
3. मु: ज़नानि हुन्द पॊछ़ गरि गरि
         गॊछ़ मर्दॖ सुन्द पॊछ़ लऻग्य-
         तोस क्रॊछ़
    अ: ज़नानि छु मालिन पॊछ़
         ज़्यादॖ टोठ आसान तॖ मर्दॖ
         पॊछ़ छुस ख़रान
4. मु: ज़नानि रॊस मर्द जऺच़ रॊस
         हून
    अ: मर्द लवि नॖ ज़नानि वरऻय
         हार ति
5. मु: ज़ुव ऒर तॖ जहान ऒर
    अ: यॆलि पानॖ वारॖ आसि तॆलि
       छु सोरुय दुनिया वारॖ बासान
**************************1. लोव....Fresh/New
2. लोस....Earth-worm
3. लोसॖ... Woman with
                recent delivery
4. लोसुन....To set/To dis-
               appear/To be
               shattered/To be
               fatigued
5. ल्वतुन..To be light/To be
            relieved of burden/
            Be refreshed
6. ल्वगाथ.... Dictionary
7. ल्वबुर.....Cow dung cake
8. ल्वय......Bronze/Alloy of
                 copper and tin
9. ल्वरॖ.....Immatured/Easy
               go lucky
10.ल्वकचार....Childhood
**************************
       गीता ज्ञान  : अध्याय-9 :
वेश शूदर तॖ चंडाल सान
युस कांछ़ा शरन छुम गछ़ान
सु बेशक पर्म गऺती प्रावान
वॊन भगवानन गीता ज्ञान
**************************
हमसाय छ़ान्डनस ति द्रायि असि कऻशिर्य बट्टन वऻन्सा अख यानि यिमय कुनत्रॖह-त्रॖह वऺरी तॖ वुनि तहि छि छ़ऻन्ड दिनस लऺग्यमॖत्य। कॆंह जायि छि नज़रि गछ़ान यॆत्यन कऻशिर्य बट्टॖ छि बासान समिथ हि छि मगर रऺलिथ मीलिथ छि नॖ।रलावनॖच तॖ मिलावनॖच कूशिश छि करान कश्यप कशमीर सभा गुडगांव वऻल्य। यिमव ह्यॊत फ़ेरुन महलॖ महॖलॖ यानि स्यक्टर-स्यक्टरॖ तॖ वुछान ज़ि कत्यन छु बट्टॖ रूज़िथ तॖ तऺमिस सॗत्य राब्तॖ कऻयिम करान। यि छि अख खुशी हॖन्ज़ कथ ज़ि गुडगांव वऻल्य छि यि मुहिम ह्यथ पकान तॖ हमसायि छ़ान्डनॖच कूशिश करान। वैशाली मंज़ या शालमऻरगार्डनस मंज़ या फ़रीदाबादस मंज़ या नोयडाहस मंज़ ति छि बटस पानवुन्य रलावनॖच मिलनावनॖच कूशिश जऻरी। कऺशीरि यपोर यिथ गव शहरस तॖ गामस म्युल। कुस छु गामुक तॖ कुस छु शहरुक यि सौंचुन गव ख़तम यॊत यिथ। अल्बतॖ ज़बऻन्य हॖन्ज़ि बोल-चालि तलॖ छि यि फ़रख ननान। मगर तथ कुन छु नॖ ज़्वन दिनुक ज़रूरथ असि वुन्यक्यनस। असि छु यकुत थवुन। अख ॳकिस हमसाय बनुन तॖ पनॖन संस्कृति पनॖन रीत रिवाज बरक़रार थवॖन्य। यिमव सारिवॖय चीज़व ख्वतॖ छु ज़रूरी पनॖन माजि-ज़्यव कऻशिर्य ज़िन्दॖ थवॖन्य। यि छि सऻन्य प्रज़नथ सऻन्य पहचान। सान्यन शुर्यन हॖन्ज़ पहचान छि तिहॖन्ज़ ज़्यव। पनॖन्यन पनॖन्यन गरन मंज़ रूज़िव पनॖन्यन शुर्यॆन सॗत्य कऻशिर्य ज़बऻन्य मंज़ कथबाथ करान ताकि तिमन तरि बऺडिथ फिकिरी ज़ि त्युहुन्द पॊतकाल क्याह ओस तॖ तिम कमि ज़ऻच़ हॖन्द्य ब्योल छि।
**************************
"यं ब्रह्मा वरुणेन्द्ररुद्रमरुत: स्तुन्वन्ति दिव्यै: स्तवैर्वेदे: सांगपदक्रमोपनिषदैर्गायन्ति यं सामगा:। ध्यानावस्थिततद्गतेन मनसा पश्यन्ति यं योगिनोयस्यान्तं न विदु: सुरासुरगणा देवाय तस्मै नम:"
यि मंत्र ति पऺरिव दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
   नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

13.01.2019

13.01.2019, पॊह (पौष) ज़ूनॖ पछॖ (शुक्लॖ पक्ष) सतम (सप्तमी) आथवार (एतवार/रविवार), श्री सप्तर्षि सम्वत 5094, राश मीन (चलान), ऋतु हेमन्त (चलान), द्रठॖपऻन्च़ुक (पंचक) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: यॆम्य कॊर आर सु गव ख़ार
    अ: कुनि विज़ि छु आर करनस
         खुर यिवान
2. मु: यमॖ यितम तॖ नितम
    अ: ज़िन्दगी निशि बेज़ऻरी हुन्द
         इज़हार
3. मु: यॆलि पीरन हिसाब मंगन
         कॖटॖ पीरन नठ अच़ि ज़ंगन
    अ: कमज़ूरी छि ॴख़रस नऺन्य
         गछ़ान
4. मु: यॆलि च़ॖ बादशाह आसॖहऻक
         तॆलि आसॖहऻ बॖ वऺज़ीर
   अ: अकीय शांदॖ श्वॊंगुन/अकीय
        नालॖ ज़ऺट कडॖन्य
5. मु: यॆलि ओसुम ल्वकचार तॆलि
         ओसुम नॖ म्वकॖजार
    अ: ज़िन्दगी हॖन्द्यन रॖत्यन
         दॊहन हुन्द नॖ हॖज़ तुलुन
**************************
1. लोसॖ गरॖ.... Maternity
                      home
2. लोलॖ सान..Affectionately
3. लोलॖ शऻयरी...Romantic
                        poetry
4. लोलॖ हॊत...With affection
                     With love
5. लोल बरुन....To love
6. लोंचल..... Angular
7. लोव.......Bundle of grass
8. लॊबर लो लो.....Meaning-
             less song/Worth-
             less song
9. ल्वच़र.....Lightness/
                  Softness
10. ल्वच़र लगुन....To get
             insulted/To be
             disgraced
**************************
       गीता ज्ञान : अध्याय-9 :
सु जल्दी धर्मात्मा छु बनान
आदि परम शऻन्ती छु प्राप्त सपदान
भक्त म्योन छु नॖ नष्ट गछ़ान
वॊन भगवानन गीता ज्ञान
**************************
गऺयि ब्यॆयि अकि फिरि प्रॖछ़गऻर शुरु ज़ि हेरथ कऺच़िमि छि। त्र्यॆमि मार्च किनॖ च़ूर्यमि मार्च। यि मस्लॖ गव अमि किन्य खडा ति क्याज़ि कॆंच़न कलन्डरन मंज़ छि त्र्यॆमि मार्च हेरथ आमॖच़ हावनॖ मगर सानि जंत्री यानि विज्येश्वर (ओंकार नाथ जियिन) पंचान्गॖ हिसाबॖ छ़ि हेरथ च़ूर्यमि मार्च 2019 फागुन गटॖ पछॖ त्रुवाह तॖ च़ऺन्दॖरवार आमॖच़ हावनॖ। चूंकि ॳस्य कऻशिर बट्टॖ छि अमीय जंत्री हिसाबॖ पनॖन बऺड्य द्वह मनावान, असि पज़ि नॖ दॊयिम्यन कलन्डर्न कुन ज़्वन थवुन। पऺतिमि लटि ति गऺयो कथ ताम बऺडिस दॊहस प्यठ यि मस्लॖ खडा तॖ म्यॆ करेयो ओंकार नाथ जियस फ़ोन जवाब द्युतनम म्यानि जंत्री मंज़ हऻविथ तिथि छु सऺही बाक़ी छॆ नॖ म्यॆ पता कॆंह। गूर वन्याह ज़ांह ज़ि म्योन द्वद छु ख़राब। असि ति कांह ब्यॆयि चारॖ छु नॖ इस्लिये पज़ि ॳछ वऺटिथ पछ़ करॖन्य पनॖनी जंत्री प्यठ। मुम्किन छु ज़ि गणितस मंज़ आसि कॆंह फ़रॖख यिवान यमिच असि ब्वय छॆ नॖ बऺहस कऺरनॖ सॗत्य नेरिनॖ कॆंह हऻसिल। मऺशरऻविव बब कलन्डर, साईं कलन्डर, सतीसर पंचान्ग वगैरा वगैरा तॖ पऺकिव पनॖनि पन्चांगॖ हिसाबॖ तॖ रूज़िव तनाव-मुक्तॖ।
**************************
"शान्ताकारं भुजगशयनं पद्मनाभं सुरेशं, विश्वाधारं गगनसद्रशं मेघवर्णं शुभाड्गंम।लक्ष्मीकान्तं
कमलनयनं योगिभिर्ध्यानगम्यं वन्दे विष्णुं भवभयहरं सर्वलोकैकनाथम्।"
पऺरिव यि मंत्र ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

12.01.2019

12.01.2019, पॊह (पौष) ज़ूनॖ पछॖ (शुक्ल पक्ष), शॆयम (षष्ठी) बटॖवार (शनिवार/शनिश्चरवार), श्री सप्तर्षि सम्वत 5094, राश मीन (चलान) ऋतु हेमन्त (चलान), द्रठपऻन्च़ुक (पंचक) (चलान)...अज़ छि कुमार शॆयम
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ज़मीन छि दऺग्य दऺग्य स्वन
    अ: ज़मीन छि मॆहनतॖ सॗत्य
         स्वन पऻदॖ करान
2. मु: ज़मीन आसमान कुनुय
         करुन
    अ: क्रकॖ नाद लागुन
3. मु: ज़ॖ गाडॖ छॆ नॖ अथस मंज़
         यिवान
   अ: अकी वख्तॖ यिन नॖ ज़ॖ कामि
        करनॖ/अकि वख्तॖ ह्यकव नॖ
        द्वन गुर्यॆन सवऻर्य कऺरिथ
4.मु:ज़ऺर्य बूज़ बहि वुहिर्य बडशाह
        मूद
   अ: वख्तॖ विज़ि नॖ ह्यस आसुन/
        मऺस्ती मंज़ रूज़िथ बेह्यस
        रोज़ुन
5. मु: ज़ुर तॖ ब्रोर ख्यथ ति म्यव
    अ: कोरि हुन्द शुर तॖ ब्रोर छु
         ख्यॆय ख्यॆय ति ना शुकॗर
         करान
**************************
1. लूर...... Stick
2. लॊंग..... Lame
3. लवुन...Worth of/To cost
4. लिवन....Spade
5. लिवुन...To rub with mud
                 To wash over
6. ल्यवुन...To lick/To taste
7. लूब.... Greed/Attraction
               Temptation
8. लूबवुन.... Attractive/
                   Beautiful
9. लॊट......Tail
10. लोटॖ.....A mug/A small
                  pot
**************************
        गीता ज्ञान : अध्याय-9 :
युस पऻपी पाफ त्रऻविथ दरि ध्यान
सु निश्चय कऺरिथ सादु छु बनान
तस ब्रह्मस रॊस कॆंह नॖ बासान
वॊन भगवानन गीता ज्ञान
**************************
रवख हि मकानॖ त्रऻविथ, ज़मीन जायदाद त्रऻविथ, बऺड्य आंगन त्रऻविथ प्यव असि पनुन ज़ुव बचावनॖ बापथ, पनॖन्यन शुर्यन हुन्द ज़ुव बचावनॖ बापथ, पनॖन्यन कोर्यॆन हुन्द अस्मत तॖ यज़थ बचावनॖ बापथ प्यव असि रातो राथ च़लुन कऺशीरि प्यठॖ तॖ लऺग्य योर छम्बन तॖ छारन, तापॖ क्रायन च़मेयि ल्वक्ट्यन ल्वक्ट्यन कमरन मंज़, कमरॖ क्याह यि दऺफ्यज़ि ति खत्यन मंज़। न रूद यॆति सु ब्रांद, न वुज़। त्रॊपरिथ छि रूज़िथ फ्लैटन मंज़। गऺज्य गाह छि करान ॳस्य यिमन फ्लैटन मगर क्याह। फोटू छि नॖ ह्यकान लऻगिथ लबन ति क्याज़ि लब मा गछ़ि ख़राब, बतॖ ख्यनॖ विज़ि यॊदवय कांह हून्य-म्यॆट त्रावान छु, स्व हून्य-म्यॆट न्यबर दऻरिथ दिनस छु नॖ व्यस्तार। ब्रांद रूद न कुनी तॖ ब्रांदॖ फश द्युन गव मऺशथॖय। दारिकिन्य ॴस्य हमसायस क्रख चिख दिवान, यॆति गऺयि दमफुट्य। न्वश न्यॆचुव छु नेरान वारॖकार पनॖनिस कारबारस। पथकुन छु रोज़ान मोल मऻज्य बंद कमरस मंज़ हूनि मऺशीदि हुन्द जिन ह्यु। न कऻन्सि सॗत्य कथ न कऻन्सि सॗत्य बाथ, न पनॖनि मनुक हक़ हमसायि। कॆंच़न गरन हॖन्ज़। हालथ वुछिथ छु वाकॖय जिगरस खंजि गछ़ान। शुर्यन छु काबॖतऻनॖ गछ़ान। गिन्दुन नॖ द्रॊकुन नॖ। ज़ॆनन वाल्यन हॖन्ज़ ज़िन्दगी छि बन्यॆमॖच़ मिशीन तॖ ब्यॆयि नॖ कॆंह। अंगस ॴशनावस निश वातुन छु मुहाल। सु माय मॊहब्बत गव ड्यॊल। रसॖ रसॖ रिश्तन छ़्यनान गऺयि तॖर, कति रूद मासतॖर तॖ प्वफतॖर। तॖरि सॗत्य यॊदवय अज़ मेलान छि तॖर ज़ानव ग़नीमथ, क्याह पता कल हो न हो।
**************************
"ओम् त्र्यम्बकं यजामहे सुगन्धिं पुष्टिवर्धनम, उर्वारुकमिव  बन्धनाद्, मृत्योर्मुक्षीय मामृतात"
यि मंत्र ति गछ़ि परुन दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.01.2019

11.01.2019, पॊह (पौष) ज़ूनॖ पछॖ (शुक्ल पक्ष),पऻन्च़म (पन्चमी) शॊकुरवार (शुक्रवार/जुम्मा), श्री सप्तर्षि सम्वत 5094, राश मीन (रऻच़ हॖन्ज़ि 2.2 बजि प्यठॖ), ऋतु हेमन्त (चलान), द्रठपऻन्च़ुक (पंचक) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: यॆम्य छ़ुन ॳकिस पुलहोर तॖ
         ब्यॆयिस पऻज़ार सु गव बर-
         ख़ुरदार
   अ: स्यॊद सादॖ रोज़नस मंज़ छु
        फ़ऻयदॖ
2. मु: यॆम्य वुछ नऺरिस तॖ दऺलिस सु
         गव ख़ार
    अ: यॆम्य दुनियाहस मंज़ कऻम
         करनस आर कॊर सु लगि नॖ
         कुनि
3. मु: यॆम्य लूकॖहॖन्ज़न म्यॆचन तॖ
         टुकॖरन प्यठ नज़र थऻव सु
         गव वऻरान
    अ: पानॖ कऻम न करनवोल छु
         वऻरान गछ़ान
4. मु: यॆम्य रॊछ पान तऺम्य रॊछ
         जहान्
    अ: युस पानस रछि सु रछि
          जहानस
5. मु: यॆम्य खऺन्य ब्यॆयिस गंग तस
         स्यॆदेयि पनॖनी ज़ंग
    अ: बदस छु बदकुय बुथ वुछुन
         प्यवान
**************************
1. लम......A hill slope
2. लमुन....To drag/To pull
3. लमनावुन....To get pulled
4. लऺम्य लऺम्य....Hardly/With
                       difficulty
5. लऺन्ड......Lame (Woman)
6. लंग........Thigh/Branch
                   of a tree
7. लंगुन...... Limping
8. लॊंगुन......A wooden pot
                    being used for
                    measurement
9. लंजि लंजि फेरुन..To move
               from one place
               to another
10. लम्बरदार....Village head
                         man
**************************
      गीता ज्ञान : अध्याय-9 :
सारिनॖय ज़ीवन मंज़ बॖ ह्युवुय रोज़ान
न म्यॆ कांह टोठ या अटोठ आसान
मगर पनॖन्यन बखत्यन बॖ नॊन बासान
वॊन भगवानन गीता ज्ञान
**************************
यॆलि ॳस्य कऺशीरि प्यठॖ च़ऺलिथ आयि ॳस्य आयि छऺक्करनॖ जायि जायि। बिहिन सॊम्ब जाय बीठ्य सऻरीय छ़ान्डनि। गामॖक्य शहरॖक्य अमीर ग़रीब कम पायिक थद्यि पायिक सऻरी लऺग्य छ़्यपन जाय छ़ान्डान। कांह ओस कऻन्सि ज़ानान या ओस नॖ ज़ानान सु मऺशरऻविथ ह्यॊत असि वारॖ वारॖ समुत करुन, अख ॳक्यसुन्द अथॖ रटुन तॖ ॳकिस ब्यॆयिस सॗत्य ज़ान पहचान करॖन्य। अमि बगऻर ओस नॖ चारॖ ति कॆंह। यि ब्रख ओस च़ालुन यिथॖ तिथॖ तॖ गऺयि च़ालान। ह्यॊत ॳस्य वारॖ वारॖ ख्वर डऺखरावुन तॖ ह्यच़ॖ असि नरि ज़ंगॖ वाहरावॖनि। नवि सरॖ ह्यॆत्य हमसायि छ़ान्डॖन्य, नवि सरॖ प्यॆयि तिम अज़मावॖन्य, नवि सरॖ अख ॳकिस प्यठ ॳछ वऺटिथ विश्वास करुन, अख ॳकिस अकार बकार युन। यॊत वऻतिथ गव मऺशथॖय कुस छु वरमुल्युक तॖ कुस छु अनन्तनागुक। कुस छु रॗन्यवार्युक तॖ कुस छु कावॖडार्युक। असि प्यॆयि नऺव ज़ान पहचान करॖन्य तॖ अज़ गऺयि असि व्वंय त्रॖह वऺरीय तॖ वुनि ति यॊदवय कांह अनज़ान कुनि जायि मेलान छु, पृछ़ॖगऻर छि वुनि ति करान रोज़ान। ति क्याज़ि होश हवासय रूद नॖ असि च़लनॖ पतॖ वऺरी-बद्यन। ब्वयी रूज़ नॖ कुस कति छु बऺसिथ। भगवान सुन्द शुखुर छु ज़ि ॳस्य ह्यॆतिन मेलॖन्य अख ॳकिस हवनव दऺस्य। कीर्तनव दऺस्य, तॖ पिक निकॖ दऺस्य।
रूज़िन यि मिलच़ार बरक़रार। ॳथ्य मंज़ छु असि ॴखॖर वार तॖ व्यस्तार।
**************************
"देहि सोभाग्यम् आरोग्यं देहि मे परमं सुखम, रूपं देहि जयं देहि
यशो देहि द्विषो ज्वहि"
परिव यि मंत्र दोहय
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

10.01.2019

10.01.2019, पॊह (पौष) ज़ूनॖ पछॖ (शुक्ल पक्ष) च़ोरम (चतुर्थी) ब्रसवार (वीरवार/ब्रहस्पतवार),श्री सप्तर्षि सम्वत 5094, राश कुम्भ (चलान),ऋतु हेमन्त (चलान),द्रठॖपऻन्च़ुक (पंचक)(चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पऻन्छ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ज़ायि न प्यायि नाहकय रऺट
         छ़ायि
   अ: ब्यॆयिसॖन्ज़ चॆट्य मऺल्य ह्यॆन/
       नाहक़ शाहमत नऻल्य गछ़ॖन्य
2. मु: ज़चि पुर नॊन गछ़ुन
   अ: तिम सिर नऺन्य गछ़ॖन्य यिमव
        सॗत्य इन्सान मन्दछावनॖ यी
3. मु: ज़चि ज़ऺट तॖ पचि पऺट
    अ: हिविस ह्यु मेलुन/पानस
         हिवुय रिश्तॖ मेलुन
4. मु: ज़चन नॖ नाल अथि यिन्य
    अ: सख़ बाम्बॖर प्यॆन्य/वुताव-
         वली मंज़ नेरुन प्यॊन
5. मु: ज़्यादॖ असुन गव ख़रस
         खसुन
   अ: नाहक़ॖ असुन गऺयि बेवकूफी
         ज़्यादॖ असनस छु नॖ व्यकार
**************************
1. लऺगॖन.... Auspicious time
                 for performance
                 of marriage
2. लगुन..To suffer/To pain
              To be hurt/To be
           attached/To adhere
           To be applied
3.,लगन...Attachment/Love
              Affection/Connec
               tion/Devotion/
               Desire
4. लगहार....Good/Able for
                   something
5. लगबग....About/Almost/
                  Appropriately
6. लगाव....A contract/A
                 connection/
                 Adherence
7. लगु शंका....Urine
8. लगावुन....To connect/To
                attach/To apply
9. लिखावठ..... Handwriting
10. लिख बोज़ुन....To compu
                 te/To calculate/
                 To account
**************************
        गीता ज्ञान : अध्याय-9 :
यॆलि सऻरीय कर्म म्यॆ पुशरावख
सन्यास यूगॖ अशुब शुबॖ फलॖ म्वकलख
पानॖ कर्मॖ बंदनॖ म्वकलाव पान
वॊन भगवानन गीता ज्ञान
**************************
यिथय पऻठ्य छि ब्याख संस्था यथ नाव छु कश्यप कशमीर सभा। यिमन ति छु अख व्हाटसाप ग्रुप तॖ अमि ग्रुपॖक्य कमज़कम सऻरीय सदॖस्य छि मनावान रोज़ान मंज़्य मंज़्य पिक निक। ॳम्य ग्रुपन छि ह्यॆच़मॖच़ ब्यॆयि ति कॆंह ल्वकॖचि मॊकचि कामि मटि यिमव सॗत्य सऻनिस समाजस वऺआरियाह फ़ऻयदॖ वातान रूद वुन्यखताम। यि ग्रुप ति छु व्हाटसापुक सऺही इस्तिमाल करान। करुन ति पज़ि ती। साईं परिवार छु ब्याख ग्रुप।अमिक्य सदस्य ति छि विज़ि विज़ि काह न तॖ कांह प्रोग्राम करान रोज़ान यॆमि दऺस्य ॳस्य सऻरीय कऻशिर बट्टॖ पानॖवुन्य ह्यकान छि अख ॳकिस सॗत्य मीलिथ, ज़ान पहचान कऺरिथ। कऺशीरि मंज़ ॴस्य हमसाय अख ॳकिस खांदरन व्वछ़बव मंज़ या जान नाकारॖ विज़ि अकार बकार यिवान। कऺशीरि प्यठॖ यॆलि च़ऺलिथ आयि तॖ आयि छऺकॖरनॖ होर योर असि रऻव्य तिम हमसायि ति यॊत वऻतिथ। वुम्बरिहॖन्द्य तिम हमसायि क्वत लऺग्य, क्वत गऺयि, यि रूज़ नॖ ख़बर।अल्बतॖ यॊर लऺगिथ युस यॆमिस यॆतिनस यॆमिसातॖ समख्यव तॖ ह्यॊतुख नवि सरॖ गरॖ व्यवहार करुन, नवि सरॖ पनुन नॊव हमसायि छ़ान्डुन। अथ मिलापस ति लगि ब्यॆयि नऺव वऻन्सा। त्रॖह वऺरी द्रायि अख ॳकिस छ़ान्डान। कॆंहन मील्य पानॖवुन्य दिल, कॆंहन मेलॖन्य छि मुश्किल। तति ओस शहर तॖ गाम यॊत वऻतिथ न रूद सु शहर त न रूद सु गाम। न रूज़ स्व हश तॖ न स्व ज़ाम।
**************************
"सर्वमंगल म़ंगल्ये शिवे सर्वार्थ साधिके। शरण्ये त्रम्बके गौरि नारायणि नमोsस्तु ते।।"
यि मंत्र ति गछ़ि दॊहय परुन
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
   नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

09.01.2019

09.01.2018, पॊह (पौष) ज़ूनॖ पछॖ (शुक्लॖ पक्ष), त्रय (तृतीय), ब्वदवार (बुधवार), श्री सप्तर्षि सम्वत 5094, राश कुम्भ (दुहचि 1.14 बजि प्यठॖ), ऋतु हेमन्त (चलान)...ॳज़्यकि प्यठॖ गछ़ि द्रठॖपऻन्च़ुक (पंचक) शुरु।
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1.मु :यॆम वॊन पॊज़ तऺमिस कऺडॖख
        ॳछ
   अ: पॊज़ च़ालुन छु दुशवार
2. मु: यॆमिस गॊबुर तऺमिस नॖ बतॖ
        यॆमिस बतॖ तऺमिस नॖ गॊबुर
    अ: कुनि न तॖ कुनि रऺंग्य व्यछ़य
         आसॖन्य
3. मु: यॆम द्युत ॴस सु दी खोस
    अ: पऻदॖ करन वोल छु रीज़ॖक
         ति दिवान
4. मु: यॆम ह्यॊत सु हॊत
    अ: शकॖ ब्यमारि छु नॖ कांह ति
          यलाज
5. मु: यॆम रॊट तऺम्य खॊट
    अ: पर्दॖदऻरी हुन्द कार
**************************
1. लकब..A title/A surname
2. लकब खारुन...To praise/
                   To give honour
3. लऺकवॖ...Facial paralysis
4. लफ़ॖज़......Word
5. लफ़ॖज़ ब लफ़ज़...Word by
                              word
6. लफ़ंगॖ.....Bad character/
                  A braggart
7. लफ़ंगिल... Hooligan/
                     Hoodlum
8. लऺकॖर......Wood/Timber
9. लख्यन.... Symptoms/
            Sign/Indication/
            Symbol
10. लखचुन.....Mole
**************************
        गीता ज्ञान : अध्याय-9 :
हे अर्ज़न च़ॖ युस कांह ति कर्म करान
तप हवन करान दान दिवान
यि सोरुय म्यॆ अर्पण कर प्रेमॖ सान
वॊन भगवानन गीता ज्ञान
**************************
वाकय ओस यि पिक निक। गरॖ ॴठ दऺह ॴस्य। शुर्य जवान बऺड्य तॖ बुज़र्ग मिलऻवथ ॴस्य करीबन नफ़र त्रॖह पांच़त्रॖह। प्रथ ॳक्य गरन ओस ऒनमुत गरी बनऻविथ ख्यन-च्यन यानि शीर्य-चाय, मॊगॖल्य-चाय, लिप्टन-चाय, कान्दॖर्य-वानॖचि च़्वचि, बतॖ, तऺहर, वष्नऺव्य यानि च़ामन, मटर-च़ामन, मुजि-च्यॆटिन, नॆनि यानि रोगनजोश, मछ़, क्वकुर तॖ प्यठॖ सॊहन-पापडी वगैरा वगैरा। बॆहनॖच व्यवस्था ॴस आमॖच़ करनॖ बडॖ नफ़ीस पऻठ्य। पार्कि मंज़ बॊड मेज़, मेज़स प्यठॖ कपरुव मेज़पोश, ब्यॆयिस मेज़स प्यठ ख्यन-खॊरदनी हुन्द सामानॖ वतीरॖ सान आमुत थवनॖ। कोरि न्वशि लऺडकॖ तॖ जवान लऺगय बऻगरावस। बासान ओस ज़ि ज़न छि ॳस्य कुनि निशात बागस मंज़ बिहित। असुना-गिन्दुना कॊर, कथा बाथा कऺर, अख ॳक्यसुन्द बुथ वुछ। मोबायलस प्यठ यिमन सॗत्य वार्तालाप करान ॴस्य, तिहॖन्ज़ आवाज़ ॴस कनन ताम वातान मगर यि ॴस नॖ पता लगान ज़ि अम्मा यि नफ़र कुस छु या क्वस छि। यॆम पिक निकन कऺड सॊ फुठ। अख ॳक्यसुन्द दीदार कॊर रु ब रु। मन गव ख्वश। नऺज़दीकी बडेयि। प्रेम बड्याव। ब्यॆयि दुबारॖ यिथय पऻठ्य मिलच़ार बऺडरावनॖच व्वमेद बडेयि। यिथय पऻठ्य छि ब्यॆयि ति अख ज़ॖ संस्थायि यिम अथ पिक निकस मंज़ आस्था थऺविथ छि ज़ुवॖ जानॖ सान थॊद वऺथ्य वऺथ्य कऻम करान तॖ तमी दऺस्य समाजिच सीवा करान। तम्युक ज़िक्र करव ब्रौंहकुन।
**************************
"परात्परतरम् ध्येयं नित्यम् आनन्दकारणम्, हृदयाकाश मध्यस्थं शुद्दस्फटिक सन्निभम्।"
परिव यि मंत्र ति दॊहय...गुरु स्तुति
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
   नऺविव तॖ फॊलिव
     भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

08.01.2019

08.01.2018,पॊह (पौष) ज़ूनॖ पछॖ (शुक्लॖ पक्ष) द्वय (द्विती), बॊम्वार (मंगलवार), श्री सप्तर्षि सम्वत 5094, राश मकर (चलान), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: रज़ दऺज़ मगर वर द्रास नॖ
    अ: हून्य लऺटिस छु नॖ वर नेरान
         यस मूलॖय हॊल आसि तस
         छॆ नॖ पनॖनहऻन च़लान
2. मु:रस मीनिथ तॖ नाटॖ गऺन्ज़रिथ
    अ: तूलिथ तॖ मीनिथ/कमॖय
3. मु: रऺह दार गुरिस छि पनॖनी
         कॊठ्य फुटान
   अ: युस शख़्स कऻम करनस
         मंज़ मऻहिर आसि, तस छि
         ज़्यादॖ कऻम मटि खसान
4. मु: ज़ॖ तॖ ज़ॖ गऺयि च़ॊर
    अ: समतिस मंज़ छु बजर/
         इतिफ़ाकस छु ताक़त
5. मु: ज़ऺट हय दॖनि मऺट यी बरनॖ
    अ: अमीर आसनुक इज़हार
         करुन/अमीरी हावॖन्य
**************************
1. लऺस्य...... Buttermilk
2. लऺश्य..... A kind of wood
                 used for lighting
                 purpose
3. लऺश्य क्यलुम....Wax that
              comes out of the
              wood
4. लऺश्य दिन्य.....To burn
5. लऺश्य गन्डॖन्य....To be
                         Jealous of
6. लऺश्य लगॖन्य....To be burnt
7. लऺडी शाह......Folk singer
8. लुतुफ़........Pleasure/
             Enjoyment/Grace/
             Taste/Elegance
9. लतीफ़....... Delicious/
                    Elegant/Fine
10. लतीफ़ॖ....Joke/Pleasan-
                     try
**************************
         गीता ज्ञान : अध्याय-9 :
यिम बख्त्यॖ म्यॆ फल फूल करान अर्पण
निष्काम बावॖ यि ब्रौंठॖ कनि थावन
बॖ सगुन रूप दऻरिथ ख्यवान
वॊन भगवानन गीता ज्ञान
**************************
पिक निकॖच कथ ॴस राथ चलान। यिम मोबायलस प्यठ ब्यॊन ब्यॊन ग्रुप बनिथ छि तॖ तिमन ग्रुपन मंज़ सदस्य पानॖवुन्य दुह्यकिस दॊहस छि आसान वार्तालाप करान रोज़ान, म्यॆ तॊर फ़िकिरी ज़ि तिम सऻरी छि नॖ अख ॳकिस सॗत्य वऻकॖफ़ आसान। बस बहसॖ-बहसय छि मगर रोज़ान करान ब्यॊन ब्यॊन ख़यालन प्यठ अदॖ यॆमिस यूत तगान छु। कांह छु होछी स्यासत दगान रोज़ान, कांह छु पनॖन दिलॖक्य बाव छकान रोज़ान, कांह छु वुनि ति कऺशीरी-हन्द्य बारव दिवान रोज़ान, कांह छु येति बिहिथ कऺशीरि मंज़ फुट्यमॖत्यन मंदरन हॖन्ज़ कथॖ करान रोज़ान, कांह छु वुनि त्रॖहि वुहिर्य पतॖ ति कऺशीरि वापस गछ़नॖक्य सबीलॖ छ़ान्डान रोज़ान ख़ास कऺरिथ तिम यिम ॴखरी मुकामस कुन न्यसॖफ ज़ंगॖ कऺडिथ छि बिहिथ यॆति। वनुन छुम यि ज़ि यॆनॖ यि व्हाटसाप वजूदस मंज़ आव असि छु बासान ज़न अल्लादीनुन जिन असि लॊब। यिम नॖ तोरॖ वछ़ॖ तिम कथॖ ति छि ॳस्य यथ व्हाटसापस प्यठ रौज़ान करान। ॳथ्य दौरानस मंज़ प्यव खयाल केंच़न ग्रुपन मंज़ जान जान शऻयिस्तन सदस्यन ज़ि क्याज़ि करव नॖ पिक निकॖच ति कथा। यी सौंचान सौंचान द्युत दॊयव त्रॆयव ग्रुपव अथ खयालस प्रोखुट रूप तॖ ह्यॊतुख कथि बात्यहुन्द रूप रंग बदलावुन। Oct. 29 Festival ति छु युथॖ अख ग्रुप यॆम अमि ग्रुपॖक्यन सदस्यन पानॖवुन्य मिलच़ार पिक निक किस रूपस मंज़ करनावनुक संज़ ह्यॊत करुन तॖ पऺतिमॖ श्यॆमि जनवऺरी 2019 तॖ आथवारि द्वह मील्य कॆंह पानवुन्य फ़रीदाबादॖ हारी-पर्बॖतॖ तॖ पतॖ सैंट्रल पार्कि, स्यक्टर बाहस मंज़। कथ छि जऻरी। त्वहि ईश्वर करुन यऻरी
**************************
"वन्देहं सच्चिदानन्दं भेदातीतं जगद् गुरुम्, नित्यं पूर्णं निराकारं निर्गुणं सर्व-संस्थितम्"
पऺरिव दॊहय यि मंत्र ति...गुरु स्तुति
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

07.01.2018

07.01.2019, पॊह (पौष) ज़ूनॖ पछॖ (शुक्ल पक्ष) ऒक्दॊह (प्रथमा/प्रतिपदा), च़ऺन्दॖरवार (सोमवार),श्री सप्तर्षि सम्वत 5094, राश मकर (चलान),ऋतु हेमन्त (चलान)...चूंकि ऒक्दॊह छि ज़ॖ गछ़ान, ऒक्दॊहुक वॊहरवोद यी अज़
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: यि वॊथ हटि ति खॊत मटि
    अ: कथ गछ़ि ज़िम्वऻरी सान
         करॖन्य, न तॖ यी वलनॖ
2. मु:यॆलि रोशुन तॆलि क्या तोशुन
    अ: रोशुन छु नॖ तोशनॖ सॗत्य
         अंद वातान
3. मु:यॆमिच नॖ ब्रांथ तमिची व्वमेद
    अ:यि नॖ बनवुन आसि ती बनुन
        नामुम्किन चीज़ुक तमाह
         करुन
4. मु: यस ननॖवोर नाव द्राव तस
         च़लि नॖ ज़ांह
   अ: बद आसनॖ ख्वतॖ छु बदनाम
        आसुन ख़राब
5. मु: यॆमिकुय दार तमिकुय प्वन
    अ: पनॖनिस छु पनॖनुय पोशान
**************************
1. लछ़ुल....Broom
2. लछ़......Dust/Dirt/Filth
3. लऺर.......House/Place/
          Dwelling/An abode
4. लुरॖ-पारॖ.... Destruction/
          Ruin/Downfall/
          Wreck/Annihilation
5. लदुन....To raise/To send
6. लिहाज़ॖ....Respect/Kind-
                 ness/Modesty/
                 Honour/Sense
7. लिहाज़ बोज़ुन....To pay
            respect/To regard
8. लिहाज़ॖदार....Respectable
9. लिथनावुन....To drag/To
                        trail
10.लिथॖ ख्वखॖर....Dragging
**************************
         गीता ज्ञान : अध्याय-9 :
यिम बख्त म्यॆ निष्काम बावॖ स्वरान
छि लगातार म्योन ध्यान दारान
तिहंदि यूगॖच्य रक्षा बॖ पानॖ करान
वॊन भगवानन गीता ज्ञान
**************************
पिकनिकस गछ़ुन छु रोज़ान जान
मंज़्य मंज़्य इन्सान यॆलि व्वमान छु गरस मंज़ॖय बिहित गरिकिसॖ लोह लंगरस सॗती फ़सिथ आसान मथ छु गछ़ान व्वशफा ह्यु कडहऻव तॖ गछ़हऻव कुन चकरस मन बहलऻयी बापथ। अंग्रीज़ लफ़ज़ छु पिकनिक यानि नज़दीकॖ कुन जायि गरि न्यबर नीरिथ ख्यना-च्यना करुन तॖ सऻरा सपाटा करुन। कऺशीरि मंज़ ॴस्य गछ़ान वारिहान जायन कुनि आथवारि या कुनि छुटी द्वह पनॖन्यन गरिकिस अयालस सॖत्य तॖ ओस ज़न मुस ह्यु नेरान। यिथॖ पऻठ्य चकरस गछ़ुन छु सॆहतॖ बापथ ति फ़ऻयदॖमंद रोज़ान। च़ाटॖहालन मंज़ ति छि यि प्रथा चलान। कऺशीरि ति तॖ कऺशीरि न्यबर ति। कऺशीरि मंज़ ॴस्य गछ़ान बादाम वारि, निशात, शालॖमऻर, चॆशमाशऻही, परीमऺहल, हऻरवन, नहरू पार्क, अहरबल, चार चिनार, डल सऻरस, वगैरा वगैरा। यिम आसॖ नऺज़दीक नऺज़दीक जायि तॖ इन्सान ओस सुबहस नीरिथ शाम ताम फीरिथ थूरिथ ब्यॆयि पनॖनिस मुरिस मंज़ वापस वातान। वुनि ति छि गछ़नवऻल्य गछ़ान। कऺशीरि प्यठॖ यनॖ च़लिथ आयि तॖ लऺग्य ब्यॊन ब्यॊन जायि। पिकनिकुक सु स्वाद गव मऺशिथ कॆंच़स वख्तस। अल्बतॖ कॆंच़न जायन थॊव यि मुहिम जऻरी तॖ यिवान छि च़न्डा कऺडिथ मंज़्य मंज़्य। कथ छि जऻरी
**************************
"ज्ञानिनां ज्ञानरूपाय प्रकाशाय प्रकाशिनाम् , विवेकनां विवेकाय विमर्शाय विमर्शिनाम्"

पऺरिव यि मंत्र ति दॊहय...गुरु स्तुति
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

06.01.2019

06.01.2019, पॊह (पौष), ज़ूनॖ पछॖ (शुक्लॖ पक्ष), ऒक्दॊह (प्रथमा/प्रतिपदा) आथवार (एतवार/रविवार), श्री सप्तर्षि सम्वत 5094,राश मकर (रऻच़ हॖन्ज़ि 12.24 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: रॖतिस छि दऺह बऻग्य
    ॶ: जान कारस छि सऻरी व्वमे-
         दवार आसान
2. मु: रतस तॖ त्रेशि
    अ: सख़ अदावथ
3. मु: रब तॖ सब हिशी कथा
    अ: यॆलि रॖतिस तॖ क्रॖतिस
          फ़रखॖय रोज़ि नॖ
4. मु: रऻछिस दॊहा तॖ च़ूरस गऺरा
    अ: वमरिहॖन्ज़ रऻछ छि रछ़ा
          ग़फलऺच़ किन्य क्वलि
          गछ़ान
5. मु: रातस वॊनमय लऻलनामॖ
         सुबहऻस दॊपथम लऻल क्या
         वाति मॊजलूनस
   अ: फिकरि तऻर्य तऻर्य ति नॖ
         फिक्री तरुन
**************************
1. लथ....A kick/Foot
2. लथ दिन्य.....To kick/To
                         abandon
3. लऺट.....Tail/End
4. लटावॖन्य....To run away/
               To leave/Sneak
               away
5. लठ........Disease
6. लठॖ........A type of cloth
7. लठुर......Lock of hair/
                  Tasselled tag
8. लचुर.... Foolish/Stingy/
                Vulgar/Outcast/
                Simpleton
9. लचकदार.... Flexible/Soft
             Elastic/Adoptable
10. लऺट्य तारुख....Comet
**************************
        गीता ज्ञान :अध्याय-9 :
यिम वीद वऺन्यमॖत्य स्वकाम कर्म करान
तिम यऺगॖन्य कऺरिथ स्वर्ग प्रावान
प्वनि कर्मव स्वर्गुक स्वख बूगान
वॊन भगवानन गीता ज्ञान
**************************
क्याह वजह छु ज़ि सऻनिस समाजस मंज़ अज़कल युस त्रॖह वुहुर अपोर ति त्वर, सु ति वुनि अनुहूरॖय। बॖ छुस चलावान "वरमाला" पनॖनि मोबायलॖ प्यठॖ पनॖनि समाजॖक्यन लऺडकन/लऺडकियन बापथ ति क्याज़ि युथ तिमन पनुन वर छ़ान्डनस आसऻयिश यी तॖ पनुन पसंद-दीदा लऺडकॖ या लऺडकी ह्यकन यॆमि मोबायलॖ दऺस्य छ़ऻन्डिथ बिना कुनि ह्वदहरि तॖ बिना कांह पौंसॖ ख़र्चिथ। मगर यथ वरमालायि मंज़ गऺयि म्यॆ नज़रि च़्वयत्रॖह वुहॖर्य लऺडकॖ तॖ लऺडकी यिमन नॖ वुनि खांदरॖय छु कॊरमुत छु। सु कर सना करि खांदर तॖ कर ज़्यन तस शुर्य तॖ कर बडन तिम तॖ कर करन गरॖ तॖ ज़ानन गृहस्ती। यिमय त्रॖह वऺरी पथकुन यॊदवय नज़र त्रावव, च़्वॊयत्रॖह वुहरिस शुरिस ॴस आसान त्रॆ-च़ोर शुर्य ज़ामॖत्य तॖ अज़कल छु त्रॖह, दॊयत्रॖह, च़ॊयत्रॖह वुहुर लऺडकॖ तॖ लऺडकी ति बासान शुरुय असि। तवय छि शायद सऻन्य ज़ऻच़ मंज़ अज़कल शुर्यन हॖन्ज़ संख्या कम ति क्याज़ि त्रॖह, दॊयत्रॖह या च़्वयत्रॖह वुहरिस बच्चस छु नॖ शायद पतॖ शुर्य ज़्याद या कम थावनुक मन ति करान। बाकय वजूहात शुर्य न ज़्यॆवरावनक्य ति छि सॗत्य सॗत्य पकान। पनॖनि ज़ऻच़ मंज़ यूत दूर ताम शुर खांदरॖ रॊस थवुन छु नॖ म्यऻन्य किन्य वऻजिब। यि करनॖ सॗत्य छु सोन समाज वारॖ वारॖ श्रॊकान तॖ छ़ॊकान। सान्यन शुर्यन हॖन्द्य शुर्य छि नॖ असि नज़रि यिवान ति क्याज़ि तिम छि पानय शुर्य ज़्यॆवरावनस डोल दिवान।
कर्मॖलीखाये कर नमस्कार
**************************
"शिष्यानां मोक्षदानाय लीलया देहधारिणे, सदेहेपि विदेहाय तस्मै श्री गुरवे नम:"
पऺरिव यि मंत्र ति दॊहय....गुरु स्तुति
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)