31.03.2021

31.03.2021, च़िथ्थॖर (चैत्र) गटॖ पछॖ (कृष्ण पक्ष) त्रय (देवादेव) (तृतीया) (देवादेव) ब्वदॖवार (बुद्धवार),श्री सप्तर्षि सम्वत 5096, नक्षत्र स्वाति, राश वृश्चिक (रऻच़ हॖन्ज़ॖ 1.55 बजि प्यठॖ), ऋतु बसंत (चलान)...अज़ छि संकट च़ोरम (संकट निवार्ण चतुर्थी) ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

          नुंदॖ रॆशॖन्य श्रुक्य

शिव छुय थलि थलि रोज़ान

माज़ान ह्यॊन्द तॖ मुसलमान

त्रुकुय छुख पनुन पान परज़ान

सॊय छय साहिबॖन्य ज़ऻनी ज़ान

            अर्थात

शिव छुय हर जायि तॖ प्रथ इन्सानस मंज़ रोज़ान तवॖ किन्य न छु कांह ह्यॊन्द तॖ न कांह मुसलमान। यॊद च़ॖ पनॖनिस दबस ख़बरदार छुख च़ॖ ज़ान पनुन पान तसॖन्ज़ अमानथ। तस सॗत्य ज़ान गछ़ॖन्य गव पनुन पान परज़ॖनावुन।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. गाडॖ हऻन्ज़ (Fisherman)

2. गारुन (To look for/To search for/To search)

3. गारॖ (Kneaded mud/Mortar)

4. गाज़ॖर (Carrot)

5. गासॖ (Grass)

               मुहावरॖ

1. मु: ग्वनॖ ख्वतॖ ग्वनॖ दूष

    अ: नीकी करान करान वुल्टॖ

          गछ़ुन

2. मु: ग्वलाब ऱवय

    अ: ग्वलऻब्य बुथ, या, माशूक़,

         या, ख्वश युवुन

3. मु: ग्वलाबॖ तॗर

    अ: सोंतॖ कालॖच तॗर, या, 

         मोमूली सर्दी 

      (पनॖन्य शुर्य ह्यॆछॖनऻव्यूख)

**************************

पंचान्ग :-  तिमन हॖन्द्यि बापथ यिम पनॖनि शरीरॖक्यन अंगन हॖन्द्य नाव कऻशिर ज़बऻन्य मंज़ ज़ानुन छि यछ़ान। मस (बाल) कलॖ (सिर)  ड्यकॖ (माथा) बुम्मॖ (बौंहवे) ॳछ (आंख/आंखें) ॳछरवाल (बरौनी) ॳछ टोर/ॳछ टऻर्य (पलक/पलकें)  लाल (पुतला) नस (नाक) नकवोर/नकॖवऻर्य (नथने) कन (कान) कनॖ फ्यच़ (ललरी)  गल/गलॖ (गाल) दऻर/रेश (दाढी) गोंछ़ (मूंछ़) वुठ (होंठ) ह्वॊंगन्य (ठुड्डी) ज़्यव (जीभ) दंद (दांत) ॴस (मुंह) बुथ (चॆहरा) हॊट (गला) गर्दन (गरदन/ग्रीवा) फ्यॊक/फ्यॆक्य (कन्धा/कन्धै) कछ़ (बगल) - म्यॆ। छि व्यनती ज़ि पनॖन्यन शुर्यन करनऻविव ज़ान यिनम अंगन सॗत्य कऻशिर्य ज़बऻन्य मंज़। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक यि म्योन सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)